Әпкесінің дауысын алғаш естіген сәби жұрттың жүрегін елжіретті — видео
(Жаңартылды 12:48 21.01.2019)
11 айлық Скарлет босану мерзімінен бұрын дүниеге келген. Ол антибиотиктер қабылдағаннан кейін жағдайы нашарлап, кенет есту қабілетінін айырыладыҚұлаққа арналған аппарат орнатқаннан кейін анасы мен әпкесінің дауысын алғаш рет естіген сәбидің әрекеті желі қолданушыларының жүрегін елжіретті. Скарлеттің, алдымен, әпкесін мұқият тыңдап отырып, кейін қатты күлген сәті түсірілген видео желіде лезде тарады.
Желі қолданушылары өз кезектерінде Скарлетке қарап отырып көзге еріксіз жас алғанын жарыса жазып жатыр.
Тағы оқыңыз: Мамандар сәби тілінің неге кеш шығатынын айтты
"Далаға алғаш рет шығып тұрып айналасындағы дыбыстарды мұқият тыңдап тұрды. Көліктің есігін жапқанымда ол маған бұрылып қарады. Құдды "Мама, сен мұны естідің бе?" дегендей", — дейді Кэрол Бенджамин ABCNews басылымына берген сұхбатында.
Тағы оқыңыз: Ата-анасы балаға күнде қандай сөздер айтуы тиіс?
Сондай-ақ, сәбидің анасы Кэрол Бенджамин бүгінде қызының кез келген дыбысты естіген кезде қуанатынын жеткізді.
Кілт сөздер:
Шығыс Қазақстанды газдандыру: Ресейден газ тартыла ма – видеокөпір
(Жаңартылды 14:50 19.01.2021)
Видеокөпір Sputnik Қазақстан баспасөз орталығында өтіп жатыр. Журналистердің сұрақтарына белгілі ресейлік энергетика маманы Борис Марцинкевич пен Қазақстанның мұнай сервистік компаниялары одағының (KazServise) жобалар жөніндегі басқарушысы Нияз Жұмат жауап береді
Sputnik Қазақстан баспасөз орталығында "Шығыс Қазақстанды газдандыру: Ресейден газ тартыла ма?" деген тақырыпта видеокөпір басталды.
Қазақстан Барнаул – Рубцовск – Семей – Өскемен бағыты бойынша газ құбырын тарту арқылы шығыс өңірлерді газдандырғысы келеді.
Сонымен қатар, құбырды Павлодар облысына қарай бұру жоспарланып отыр.
Газ құбырының құрылысы 2,1 миллион адам тұратын өңірлердің тұрғындарын газдандыруға мүмкіндік береді. Тұтыну көлемі жылына 2,3 миллиард текше метр деңгейінде бағалануда.
Қазіргі уақытта "ҚазТрансГаз" бен "Газпром" арасында жұмыс тобы құрылды. Мәселе Ресей тарапымен пысықталып жатыр.
Премьер-министр Асқар Мамин 2021 жылдың 1 сәуіріне дейін Шығыс Қазақстан облысын газдандыру тұжырымдамасын дайындауды тапсырды.
Бір аяғынан айырылған жігіттер паркурден команда құрғысы келеді – видео
2018 жылы атыстардың бірінде аяғынан айырылған Мұхаммед жарақат алғанға дейін футбол ойнап, марафондарда жүгірген. Енді ол бір аяғымен болса да, халықаралық спорттық шараларда ел намысын қорғау арманын жүзеге асыруға бел буып отыр.
Бір аяғы кесілген Ахмед те паркурмен (кедергіден өту) айналысады. Өз шеберлігін көрсету үшін жастар протезін шешіп, қоршаулар мен қабырғалардан ептілікпен секіріп жүр.
Спортшылар сонымен қатар баскетбол, футбол ойнайды және өз командасын құруды армандайды.
Президент мемлекеттік қызметшілерді қысқартуға қатысты тапсырма берді
НҰР-СҰЛТАН, 19 қаңтар — Sputnik. Қазақстан президенті мемлекеттік қызмет істері агенттігінің төрағасы Анар Жайылғанованы қабылдады, деп хабарлайды Ақорда.
Кездесуде мемлекет басшысына агенттіктің 2020 жылы атқарған жұмыстарының негізгі қорытындылары туралы егжей-тегжейлі есеп берілді.
Анар Жайылғанова ведомствоның мемлекеттік қызметке орналасу рәсімдерін жетілдіруге, саяси қызметті кәсібилендіруге, қызметкерлерді ынталандыруға және дамытуға бағытталған жұмыстар туралы айтты. Президенттік жастар кадрлық резерві, сондай-ақ, мемлекеттік қызметтің ұйымдастыру мәдениетін өзгертуге қатысты атқарылған шара жайлы ақпарат берді.
Агенттік төрағасы мемлекеттік қызметті цифрландыру, оның ішінде, "Е-қызмет" жүйесінің интеграция аясын кеңейту және i-Qyzmet жүйесін әзірлеу барысына да тоқталды.
Жайылғанованың айтуынша, өткен жылы агенттіктің штаты 10 процентке қысқарған, ал биыл ақпан айының соңына дейін тағы да 15 процентке оңтайландырылмақ.
Қасым-Жомарт Тоқаев агенттік төрағасына орталық және жергілікті деңгейдегі мемлекеттік қызметшілерді қысқарту үдерісінің ашықтығы мен тиімділігін бақылауды қамтамасыз етуді тапсырды. Сонымен қатар президент мемлекеттік басқару тұжырымдамасын әзірлеу және жүзеге асыру аясында ведомствоның жұмысын жандандыруға нұсқау берді.
Кілт сөздер: