Нұр-Сұлтанда жазға бір ай қалғанда қар жауып, боран соқты - видео

487
1 мамыр қарсаңында елордада күтпеген жерден қар жауды. Тапа-тал түсте қапалақтап қар жауып, боран соғып кеткенде, астаналықтардың басым-көпшілігі жұқа пальто мен жеңіл күрте киіп жүрген еді

Бұдан бұрын Қазгидромет Нұр-Сұлтанда 30 сәуір күні жаңбыр және қар жауады, күн күркіреп, бұршақ түседі, көктайғақ болады деп ескерткен еді. Синоптиктер болжағандай, солтүстік-батыстан соққан желдің екпіні 15-20 м/с. Сынап бағанасы нөл градусқа дейін төмендейді.

Тағы оқыңыз: Мереке күндері ауа райы қандай болады?

Тағы қай өңірде қар жауады?

Ақтөбе, Қостанай, Ақмола, Солтүстік Қазақстан облыстарында 30 сәуір мен 1 мамырда, сондай-ақ Павлодар, Қарағанды, Шығыс Қазақстан облыстарында сәрсенбі күні қар аралас жаңбыр жауып, кей жерде күн күркірейді, көктайғақ болады, төменнен соққан боран, дауыл соғуы ықтимал, бұршақ жаууы мүмкін. Солтүстік-батыстан соққан жел солтүстік-шығысқа ауысып, екпіні 15-20 м/с жетеді, ұйытқуы - 23-28 м/с.

Ауа температурасы түнде 5-8 градус аяз болады.

Дауылдың ықтималдығы 90-95%.

Тағы оқыңыз: Қазақстандағы әр мезгілдегі ауа райы - инфографика

487
Кілт сөздер:
видео, боран, қар, Нұр-Сұлтан

Алматыны автобус-кабриолетпен аралауға болады - видео

29
(Жаңартылды 10:48 26.11.2020)
Hop-On Hop-Off экскурсиясы көптеген елде сұранысқа ие. Енді Алматыны тамашалаймын деушілер де осы қызметті қолдана алады

Автобус бағыты бойынша бірнеше аялдама қарастырылған. Экскурсияға билет алған жолаушылар олардың кез келгенінен шығып, қаланың көрікті жерлерін аралай алады. Кейін сол билетпен қалаған аялдамада автобусқа қайта отыруға болады.

Әзірге мұндай бір ғана автобус бар. Олардың санын төртеуге жеткізу көзделіп отыр.

"Жаз мезгілінде автобустың төбесін ашып қоямыз. Қыста салон жабылады. Алайда үлкен терезе мен орындықтардың биік орналасуының арқасында қаланы тамашалау мүмкіндігі жаздағыдан еш кем емес ", - деді қалалық әкімдіктің туризм басқармасы.

Экскурсия бағытына Алматының "алтын квадраты" - қаланың тарихи орталығы енген. Бұдан бөлек, автобус орталық стадион және "Атакент" көрме кешені арқылы өтеді. Барлығы 50-ге жуық орын таңдалған.

Жолаушыларға қазақ, орыс және ағылшын тілінде Алматы тарихынан қызықты фактілер айтылады.

Жоба толықтай жеке инвестиция арқасында іске қосылып отыр.

Толығырақ видеодан көре аласыз.

29
Кілт сөздер:
видео, автобус, Алматы
Тақырып бойынша
Жеті қазынаның бірі: тазы тұқымын сақтап қалу үшін не істеу керек – видео
Маскаңды тақ! Қатал аққу саябақтағы қауіпсіздікті қадағалап жүр – видео
Конор Макгрегордан айнымай қалған қазақстандық шоумен болып кетті - видео
Семейліктерді шошытқан аспан жарқылының не екені белгілі болды – видео
Көлігіндегі қарды тазалап тұрған ер адам бір ажалдан аман қалды – видео

Ресейлік музыканттар қазақтың танымал күйін халық аспаптарымен орындады

61
(Жаңартылды 16:24 25.11.2020)
"Березка" хореографиялық ансамблі оркестрінің әртістері қазақтың әйгілі "Әлқисса" күйін орыс халық аспаптарымен орындап шықты

Қазақ композиторы Нұрғиса Тілендиевтің аңызға айналған күйіне жаңа интерпретация жазу оркестр әртісі Светлана Закунованың идеясы болып шықты. Ол қазақстандық әнші Димаш Құдайбергеннің Мәскеуге келуіне орайластырылды, деп хабарлады Dimash News сайты.

Светлана Закунова "Әлқиссаны" алғаш рет "Бастау" концертінің жазбасын көріп отырып, Димаштың және басқа музыканттардың орындауында тыңдаған. Оған күйдің ерекше әдемі үні ұнаған. Оның айтуынша, туынды орыс халық аспаптары – балалайка және домрамен жақсы үйлеседі.

Оқи отырыңыз: Димашты Нью-Йорк әуежайында атақты америкалық спортшы қарсы алды 

Светлананың ойын "Березка" мемлекеттік академиялық хореографиялық ансамблінің оркестріндегі әріптестері бірауыздан қолдаған.    

"Бәріміз жиналып, композицияны тыңдадық, оны аспаптар арасында партияларға бөлдік. Өз бетімізше толықтырдық. Дайындықтан кейін ойлаған нәтижеге қол жеткізіп, жазып шықтық", - деп атап өтті Светлана Закунова.

"Березка" оркестрі 1959 жылдың басында кеңестік балетмейстер әрі хореограф Надежда Надеждиннің бастамасымен құрылды.  

61
Сенат депутаты

Ағылшын саяхатшысын таңғалдырған жер: депутат Қапал ауылының жағдайына алаңдады

5
(Жаңартылды 12:48 26.11.2020)
Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген

НҰР-СҰЛТАН, 26 қараша – Sputnik. Сенат депутаттары Ұлы Жібек жолының бойында орналасқан өшпес тарихы бар Қапал ауылының қазіргі жағдайына алаңдап, оны үкіметтің қорғауындағы нысандар қатарына қосуды ұсынды, деп хабарлайды Sputnik Қазақстан тілшісі.

Сенатор Бақытжан Жұмағұловтың айтуынша, 1847 жылы бекініс ретінде, Ресей империясының мүддесіне сай бой көтерген елді мекеннің тарихын тану, оны ХІХ ғасырдағы сәулет өнерінің мәдени  ескерткіші ретінде ұрпақтан ұрпаққа қалдырудың рухани мәні зор.

"Бұл өлке сонау Түркі дәуірінен, Қимақ мемлекеті тұсынан бері танымал, белгілі тарихи жер. Қапал – ұлтымыздың ұлы тұлғасы Шоқан Уәлихановтың, Петр Семенов-Тяньшанскийдің ізі қалған жер. Қапал – ағылшын саяхатшысы Томас Аткинсонды таңғалдырған жер. Қапал – жоңғар шапқыншыларымен шайқаста ту көтерген Қапал батыр жатқан жер. Бұл туралы Уәлихановтың "Жоңғария очерктерінде" жазылған", - деді ол үкімет басшысына жолдаған депутаттық сауалында. 

Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген. 

"Сан ғасырлық тарихы бар Қапал ауылының бүгінгі жағдайы кімді болса да алаңдатпай қоймайды. XIX ғасырдың ескерткіші болып саналатын қос қабатты үйлердің бет жағы ғана аман қалған. Ескі екі мешіт үйі де қараусыз қалып, құлаған. Көп үйлердің ағаштарын жергілікті тұрғындар бұзып алып, қора-қопсы салып алғаны да жасырын емес. Ауылдың рухани орталығы болған Қапалдағы ақын Сара мен Фатима Ғабитованың музей үйлерінің де ізі жоқ. Ондағы құнды экспонаттар да жоғалған", - деп қапаланды сенатор.

Депутаттың пікірінше, атақты Жібек жолының бір бекеті, Қапал ауылы қай жағынан алсаң да Жетісудың туристік мекеніне айнала алады. Ол Қапалдағы тарихи ескерткіштердің қорғалмай, ескерусіз қалатынына алаңдады. 
Осыған байланысты сенат депутаттары сәулетшілер, тарихшылар, әдебиетшілер, этнографтардан тұратын арнайы комиссия құрып, Қапал ауылының мәдени-тарихи ескерткіштерін қорғау үшін тиісті шаралар қабылдауды, оларды үкіметтің қорғауындағы объектілер қатарына қосуды ұсынды.

5
Кілт сөздер:
ауыл, депутат
Тақырып бойынша
Табысы 35 мың теңге: депутат кедейлердің көпшілігі ауылда тұрып жатқанын айтты
Депутат Бектаев әр балаға 18 жасқа дейін қаржы бөлуді ұсынды
Депутат тұрмысы төмен отбасылардың неге баспана ала алмай жүргенін айтты
"Үкіметтің ақылы неге соған жетпейді?!": депутат жаңа бағдарлама қабылдауды ұсынды
Қазақстанның сыртқы қарызы қанша – депутат сұрағына үкімет мүшелері жауап берді