Рүстем Қайдаров: депутаттың әлеуметтік жағдайы жақсы, сондықтан елді ойламайды

662
Әділет генерал-майоры, "Парасат" орденінің иегері, "Генералдар кеңесі" республикалық қоғамдық бірлестігі президиумының төрағасы, құқық тәртібі мен заңнамалық қамтамасыз ету мәселелері жөніндегі халықаралық және үкіметтік комиссия жұмыстарының белсенді мүшесі Рүстем Есімханұлы Қайдаров Sputnik Қазақстанның "Әңгімең жарасса" жобасына сұхбат берді

Рүстем Қайдаров әскери қызметшілердің әлеуметтік жағдайына тоқталды.

"Парламент депутаттарына қағаз жүзінде мәселелерімізді айттық. Бірақ олар істі министрлік күн тәртібіне қойып шешуі керек деді.  Депутаттар өздерінің жағдайы жақсы болғандықтан елді ойламайды деп санаймын", - деді ол.

Бір жылдары ресейлік белсенділердің бірі Қазақстанда құрылған 28 панфиловшылардың ерлігін жоққа шығарған еді. Рүстем Қайдаров осы мәселеге қатысты пікір білдірді.   

"Жуырда ғана біз Волоколамскіде болдық. Сонда жергілікті халық Панфилов дивизиясы десең елең ете қалып, қазақтар деп құрмет көрсетеді. Ондай құрмет тіпті Қазақстанда көрсетілмейтін шығар. Бір дивизия 12 шақырым жерді қорғаса, панфиловшыларға 42 шақырым жерді қорғау тапсырылған еді. Мәскеу түбіндегі шайқаста оларға жаудың үш танк дивизиясы қарсы тұрды.  Құрлық әскері танктерге қалай қарсы тұрды деп Гитлер бұған сенбей, өзінің 30 генералын орнынан алған. 1941 жылы Панфилов дивизиясы Алматы маңында құрылды ғой. Олар Талғар қаласына бара жатқан жолда жаттығуларын жасаған. Ол жер әлі бар. Панфиловшылардың орта жасы 30 еді.

Панфилов сол сарбаздарға "танк дегеніміз трактор, бірақ ататын құралы бар" деп оған қарсы іс–әрекеттер ұйымдастыруды үйреткен. Мәскеу түбіндегі соғыста олар сол тактиканы пайдаланған. "Единная Россия" деген партияның жас балалары және Новосібірден барған келіншек осы әңгімені айтып жүр. Мен олармен кездесіп, бұл не сұмдық деп ойымды айттым. Олар түгілі, бізде 28 панфиловшыларға арналған ескерткішті алып тастап, орнына батыр бабаларымыздың ескерткішін орнатайық деушілер бар. Бұлай тарихқа қалай болса, солай қарауға болмайды", - деді генерал-майор.

Бұдан өзге, Рүстем Қайдаров ҰОС ардагерлерінің шешімін таппаған мәселелесін де айтты. Ол - ардагерлерді жерлейтін арнайы жердің берілмеуі.

"Бүгінде Алматыда 369 ҰОС ардагері қалыпты. Ал, еліміз бойынша 3000 –ға таяу ғана. Олардың ең жасы – 90 жаста. Біз жыл сайын Мәскеуге Қызыл алаңдағы парадқа ардагерлерді апарамыз. Биыл олардың саны тым аз. Өйткені, көбі жүріп-тұра алмайды. Қазір ардагерлер қайтыс болса, жер іздеп әлек болады. Сондықтан, оларға жерлеуге арнайы жер бөліп беру керек.

Сонымен қатар, әр облыс орталығында ҰОС ардагерлерінің есімі жазылған Даңқ аллеясы бар. Бірақ, Алматыда ол жоқ. Оны жасау туралы ұсыныс айттық. Біздің қоғамдық бірлестікке ешкім бір тиын төлеп жатқан жоқ. Батырлардың ескерткішін салдыруға, Ресейге апаруға бір-екі демеушіміз көмек береді. Ал, ұлттық компаниялар мен банктерден ақша сұрасаң жоқ дейді. Миллиардап ақша желінеді, бірақ осындай істерге келгенде ақша жоқ", - деп қынжылды ардагер.

Тағы оқыңыз: Қабдеш Жұмаділов неге таяқ жегені және кімдерді жек көретіні жайлы

Сондай-ақ, генерал-майор болашақта жеңіс күні тойланбай қала ма деп қорқатынын айтып қалды.

"Менің әкем 1946 жылы соғыстан келді. Жарымның әкесі де соғысқа қатысқан. Олар бізді еш нәрсеге қарамастан өсіріп жеткізді. Біз оларды неге ұмытуымыз керек? Немерелерім шеруге аталарының портретін алып шығады. Сондықтан, мұндайды ұмытпауымыз қажет", - деді ол.

Сұхбаттың толық нұсқасын видеодан көре аласыздар.

Материалды редакцияның рұқсатынсыз көшіріп басуға болмайды!

662
Тақырып бойынша
"28 панфиловшылар" режиссері "Тарихи шындыққа адалдық үшін" сыйлығын алды
"28 панфиловшылар": "халықтық кино" қалай түсірілді
Әкесін құтқару үшін майданға аттанды: Мәншүк Мәметова туралы не білеміз?
Алматыда вандалдар 28 Панфиловшылар саябағындағы 11 ескерткішті қорлады
21 жасында Кеңес одағының батыры: Сағадат Нұрмағамбетов туралы не білеміз?
Рақымжан Қошқарбаевтың Рейхстагқа тіккен Жеңіс туы қайда – видео

Алматыны автобус-кабриолетпен аралауға болады - видео

30
(Жаңартылды 10:48 26.11.2020)
Hop-On Hop-Off экскурсиясы көптеген елде сұранысқа ие. Енді Алматыны тамашалаймын деушілер де осы қызметті қолдана алады

Автобус бағыты бойынша бірнеше аялдама қарастырылған. Экскурсияға билет алған жолаушылар олардың кез келгенінен шығып, қаланың көрікті жерлерін аралай алады. Кейін сол билетпен қалаған аялдамада автобусқа қайта отыруға болады.

Әзірге мұндай бір ғана автобус бар. Олардың санын төртеуге жеткізу көзделіп отыр.

"Жаз мезгілінде автобустың төбесін ашып қоямыз. Қыста салон жабылады. Алайда үлкен терезе мен орындықтардың биік орналасуының арқасында қаланы тамашалау мүмкіндігі жаздағыдан еш кем емес ", - деді қалалық әкімдіктің туризм басқармасы.

Экскурсия бағытына Алматының "алтын квадраты" - қаланың тарихи орталығы енген. Бұдан бөлек, автобус орталық стадион және "Атакент" көрме кешені арқылы өтеді. Барлығы 50-ге жуық орын таңдалған.

Жолаушыларға қазақ, орыс және ағылшын тілінде Алматы тарихынан қызықты фактілер айтылады.

Жоба толықтай жеке инвестиция арқасында іске қосылып отыр.

Толығырақ видеодан көре аласыз.

30
Кілт сөздер:
видео, автобус, Алматы
Тақырып бойынша
Жеті қазынаның бірі: тазы тұқымын сақтап қалу үшін не істеу керек – видео
Маскаңды тақ! Қатал аққу саябақтағы қауіпсіздікті қадағалап жүр – видео
Конор Макгрегордан айнымай қалған қазақстандық шоумен болып кетті - видео
Семейліктерді шошытқан аспан жарқылының не екені белгілі болды – видео
Көлігіндегі қарды тазалап тұрған ер адам бір ажалдан аман қалды – видео

Ресейлік музыканттар қазақтың танымал күйін халық аспаптарымен орындады

63
(Жаңартылды 16:24 25.11.2020)
"Березка" хореографиялық ансамблі оркестрінің әртістері қазақтың әйгілі "Әлқисса" күйін орыс халық аспаптарымен орындап шықты

Қазақ композиторы Нұрғиса Тілендиевтің аңызға айналған күйіне жаңа интерпретация жазу оркестр әртісі Светлана Закунованың идеясы болып шықты. Ол қазақстандық әнші Димаш Құдайбергеннің Мәскеуге келуіне орайластырылды, деп хабарлады Dimash News сайты.

Светлана Закунова "Әлқиссаны" алғаш рет "Бастау" концертінің жазбасын көріп отырып, Димаштың және басқа музыканттардың орындауында тыңдаған. Оған күйдің ерекше әдемі үні ұнаған. Оның айтуынша, туынды орыс халық аспаптары – балалайка және домрамен жақсы үйлеседі.

Оқи отырыңыз: Димашты Нью-Йорк әуежайында атақты америкалық спортшы қарсы алды 

Светлананың ойын "Березка" мемлекеттік академиялық хореографиялық ансамблінің оркестріндегі әріптестері бірауыздан қолдаған.    

"Бәріміз жиналып, композицияны тыңдадық, оны аспаптар арасында партияларға бөлдік. Өз бетімізше толықтырдық. Дайындықтан кейін ойлаған нәтижеге қол жеткізіп, жазып шықтық", - деп атап өтті Светлана Закунова.

"Березка" оркестрі 1959 жылдың басында кеңестік балетмейстер әрі хореограф Надежда Надеждиннің бастамасымен құрылды.  

63
кітапхана

Қазақстан кітапханаларында электронды кітаптарды ақшаға жүктеу ұсынылды

0
Сенатор кітапханалар мен мұрағаттар мәселесін көтерді, олардың материалдық жағдайын жақсартуға мүмкіндік беретін ұсыныс айтты

НҰР-СҰЛТАН, 26 қараша – Sputnik. Сенат депутаты Нұртөре Жүсіп кітапханаларда электронды кітаптарды жүктеуді ақылы етуді ұсынды, деп хабарлайды Sputnik Қазақстан тілшісі.

Сенатордың айтуынша, ұлттық кітапханалар мен мұрағаттарда құжаттар мен жазбаларды сақтау ісіне жеткілікті көңіл бөлінбейді. Ал көне жазбаларды санитарлық нормаларға сай сақтамаса, көзге көрінбейтін әртүрлі паразиттер жеп қояды. Мұндай жағдайда түпнұсқаларды келешек ұрпаққа жеткізу қиындайды.

"Eлордадағы Ұлттық архивке қарасты қолжазбалар мен сирек кітаптар ұлттық орталығын алайық. Орталықтың қолжазбалар мен сирек кітапты сақтайтын жері өте тар. Қор көбейген сайын, ғимаратқа сыймай барады. Орталықтың ғимараты еуропалық талаптарға мүлдем сай емес. Көрермендерге арнап дайындаған көрмесі де өте кішкентай", - деді Жүсіп премьер-министрдің орынбасары Ералы Тоғжановқа жолдаған депутаттық сауалында.

Айтуынша, кітапханаларды цифрландыру сапасы да сын көтермейді.

"Шет елдердегі архив, кітапханалар өз қорларын түгел цифрландырып жатыр. Ал бізде көпшілігінің цифрландыру сапасы өте төмен. Цифрландырылған сирек қолжазбалар мен кітаптардың оқылуы қиын. Көшірменің сапасы да нашар, жүктеп алуға келмейді. Сондықтан кітаптардың оқылымын тегін етіп, бірақ жүктеуін ақылы етер болса, бұл олардың материалдық жағдайын жақсартуға мүмкіндік берер еді", - деп санайды депутат.

Ол елімізде реставрация саласы да дамымағанын тілге тиек етті. Нұртөре Жүсіптің пікірінше, реставраторларды арнайы даярлау ісімен бірге, олардың денсаулығына да көңіл бөлінуі тиіс. Себебі қолжазбамен жұмыс істеу, оны реставрациялау денсаулыққа зиянды.

0
Кілт сөздер:
кітапхана