НҰР-СҰЛТАН, 29 мамыр - Sputnik. Сайлау күніне дейін аз уақыт қалды. Президенттікке кандидаттар "Хабар" телеарнасының тікелей эфирінде бетпе-бет кездесті.
Пікірталас бірнеше раундтан тұрды. Әр кандидат өзінің сайлауалды бағдарламасын айтып, қарсыластарының сауалдарына жауап берді.
Тағы оқыңыз: Теледебатқа 41 млн теңге жұмсалады
Қасым-Жомарт Тоқаев теледебатқа қатыспады. Себебі бүгін Нұр-Сұлтанда президенттің қатысуымен Жоғары еуразиялық экономикалық кеңестің отырысы өтті. Тоқаевтың орнына сайлауалды қоғамдық штабының төрағасы Мәулен Әшімбаев келді. Сондай-ақ, дебатқа Дания Еспаева да қатысқан жоқ. Өңірлерді аралап жүрген кандидаттың орнына "Ақ жол" партиясынан Азат Перуашев келді.
Тағы оқыңыз: Нұр-Сұлтанда бір күн бойы қоғамдық көлікпен тегін жүруге болады
Қазақстанда кезектен тыс президент сайлауы 9 маусымда өтеді. Осы жолы Қазақстан президенттігіне жеті адам таласады. Олар:
- Nur Otan партиясы атынан Қасым-Жомарт Тоқаев;
- "Ұлт тағдыры" қозғалысы атынан Әміржан Қосанов;
- Қазақстан коммунистік халық партиясы атынан Жамбыл Ахметбеков;
- "Ауыл" партиясы атынан Төлеутай Рақымбеков;
- "Ақ жол" демократиялық партиясы атынан Дания Еспаева;
- Кәсіподақтар федерациясы атынан Амангелді Таспихов;
- "Ұлы дала қырандары" қоғамдық бірлестігі атынан Сәдібек Түгел.
