Абай мінәжат еткен: Семей халқы көне мешітті қалай сақтап қалды - видео

360
Семейдегі екі мұнаралы орталық мешіт сәулет өнерінің ескерткіші болып саналады. Ғимараттың негізі 1862 жылы Сүлейменов, Әбдешов, Рафиков және Халитов есімді жергілікті көпестердің бастамасы бойынша ағаштан қаланыпты

Мінәжат ету орнында өрт болған. Ал 1897 жылы көпес Василий Халитов жергілікті мұсылмандардың өтініші бойынша оны қалыпқа келтірген.

Мұндай деректі Санкт-Петербург архивінен кездестіруге болады. Ондағы хаттарда Семей қаласының тұрғындары өртеніп кеткен мешіттің орнына жаңасын салғаны туралы жазылған.

Жаңа мешіт кірпіштен тұрғызылыпты. Қазақтың ұлы ақыны Абай Құнанбайұлы осында келіп, мінәжат еткен. Алайда кеңес үкіметі кезінде Алла үйі жұмыс істемеген. Соғыс жылдары мінәжат ету орны қойма ретінде пайдаланылған.

Тағы оқыңыз: Абай Құнанбайұлы ұрпағының шежіресі

Тек 1995 жылы Абай Құнанбайұлының туғанына 150 жыл толуына орай мешіт қайта жөнделіп, жамағатқа есігін айқара ашты.

Сондай-ақ, мұнда 14 ерекше терезе бар. Үлкен терезелер күн жарығының ғимаратқа толық кіріп, жылытуына мүмкіндік береді. Онда екі ғибадат бөлмесі (ерлер мен әйелдерге арналған) мен имамдар отыратын орын бар.

1999 жылы мешітке XVII ғасырда өмір сүрген қазақтың беделді биі Әнет баба Кішікұлы есімі берілді. Ол – Тәуке хан тұсында қабылданған "Жеті жарғы" заңын құрастыруға үлес қосқан атақты жеті бидің бірі.

Мешіт Семей қаласындағы Абай көшесіндегі 50-ші үйде орналасқан.

360
Кілт сөздер:
видео, мешіт, Семей, Абай
Тақырып бойынша
Абай ма, әлде Ленин бе? - Ақмола облысындағы атышулы ескерткіштің тарихы
Назарбаевтың кенже қызы Абай атындағы мектепке сый жасады – фото
Абай мұрасы бізге қалай жетті - фото
Семейде әуежай мен мектепке Абай есімі беріледі
Абай тұрған үй: ақынның музейіне саяхат – видео

Қаракөлге қоқиқаздар ұшып келді - таңғажайып видео

1777
Ақтау қаласына қоқиқаздар ұшып келді. Қызыл кітапқа енген құстар Қаракөлге аялдаған

Мамандардың айтуынша, қоқиғаздар Әзербайжаннан, Түрікменстаннан, тіпті, Африкадан да ұшып келеді. Барлығы - күн суығаннан кейін Қорғалжын мемлекеттік табиғи қорығынан кеткен құстар. Ал Қаракөлге келгендер – барлаушылар.

"Құстардың өздерінің ұшып келу жүйесі бар. Алдымен бір топ ұшып келеді де, бәрін көреді, сосын белгі береді. Артынан қалғандары ұшып келеді. Бұл кәдімгідей барлау ғой", - дейді маман Сәкен Ділдахмет.

Наурыздың соңына қарай мыңдаған қоқиқаз қайтадан Қорғалжынға келіп, балапан басып шығарады. Ал күн суығаннан кейін Ақтау арқылы жылы жаққа ұшып кетеді.

1777
Кілт сөздер:
видео

Елорда автобустарында "қояндарды" қалай ұстайды

138
(Жаңартылды 09:16 27.02.2021)
Биыл елорда автобустарында жолақы төлеудің электронды жүйесі енгізілгеніне бес жыл толады. Осы уақыт ішінде халық билет сатып алудың жаңа тәртібіне әбден үйренді

Бас кезінде электронды карта ғана болса, артынан мобильді қосымшалар мен SMS-хабарлама арқылы ақы төлеу жүйесі іске қосылды. Дегенмен жолақыдан жалтаратын "қояндар" әлі де аз емес. Олардың ішінде жастар, тіпті үлкен кісілер де бар. Әркім әртүрлі сылтау айтады.

Алайда көлік бақылау департаментінің қызметкерлері ондай жолаушыларды жақсы біледі, олардың сылтауын да жаттап алған. Sputnik Қазақстан тілшісі бақылаушы жігіттермен бірге тексеріске шықты. 

Бақылаушылардың жұмысы таңғы сағат 7:00-де басталады . Содан түнгі 21:00-22:00-ге дейін жүреді. Осы уақыттың ішінде 50-70 автобусты тексеріп үлгереді.

"Күз айында 56-шы бағытта жүретін маршрутты тексергенде Жұмабаев-Момышұлының қиылысында бір жолаушының төлемегені анықталды. Ол жолаушыны Жұмабаев деген аялдамадан түсіріп, "102"-мен экипаж шақырып, күтіп тұрған кезде жаңағы жолаушы әртүрлі себептерін айтып, менен қаша бастады.Қысқасы, үйіне дейін бардық. Үйіне барғасын бізді жолдасы күтіп алды. Сол жерге "102"-ні шақыратын болдым. Сол жерге келіп, сол жолаушыға айыппұл салынды", - деді көліктік бақылау қызметінің өкілі Жұмбек Жұмбаев.

Тағы қандай қызықты оқиғалар болғанын видеодан көре аласыз.

138
Кілт сөздер:
автобус, елорда
Тақырып бойынша
Алматылық бойжеткеннің біртүрлі әрекеті желіде қызу талқыланып жатыр - видео
"Ол күнді ұмытпаймын": бақылаушылар автобуста болған қызықты оқиғаларды айтып берді
Адамдар отырған көлікті автобус бел ортасынан соққан сәт видеоға түсіп қалды
Қарағандыда автобус жүргізушілері төбелесті - видео
Алматыда бетперде таққан автобус пайда болды - фото
Автомобиль скорой помощи

Түркістандағы төрт баланың өлімі: қайғылы оқиғаның мән-жайы белгілі болды

1756
(Жаңартылды 22:57 27.02.2021)
Зардап шеккен отбасына қажетті психологиялық және материалдық көмек көрсетіледі, деді облыс әкімі Өмірзақ Шөкеев

НҰР-СҰЛТАН, 27 ақпан – Sputnik. Жеке тұрғын үйден табылған әйел мен төрт баласы иіс тиіп қайтыс болған. Бұл туралы Түркістан облысы әкімінің баспасөз қызметі хабарлады.

"27 ақпан күні Түркістан қаласындағы жеке тұрғын үйде 5 адам - 1980 жылы туған әйел және 2004, 2006, 2013, 2016 жылы туған балалары иіс тиіп қайтыс болған. Отағасы кәсіпкерлікпен айналысады, ол емделу мақсатында Шымкент қаласына кеткен", - деп хабарлады баспасөз қызметі.

Облыс әкімі Өмірзақ Шөкеев, полиция департаменті және төтенше жағдайлар департаментінің бастығы, Түркістан қаласының әкімі оқиға орнына барды. Өңір басшысы оқиғаның тергеу барысын жеке бақылауына алып, қаза болғандардың туыстары мен жақындарына көңіл айтты. Отбасына материалдық көмек көрсетуді тапсырды.

"Зардап шеккен отбасына қажетті психологиялық және материалдық көмек көрсетіледі. Мәселе менің жеке бақылауымда. Мен қайтыс болған отбасының туыстары мен жақындарына шын жүректен көңіл айтамын", - деді Өмірзақ Шөкеев.

Төтенше жағдайлар департаментіне қалалар мен аудандардың әкімдіктерімен бірлесіп, барлық жерде жылыту жүйелерін тексеруді және жылыту жүйелерімен жұмыс істеу кезінде қауіпсіздік шараларын сақтау бойынша ақпараттық-түсіндіру жұмыстарын күшейту тапсырылды.

Қайғылы оқиғаның мән-жайын анықтау үшін облыс әкімінің бірінші орынбасары Арман Жетпісбаевтың басшылығымен арнайы комиссия құрылды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы

Айта кетсек, бүгін сағат кешкі алтылар шамасында Түркістан облысы төтенше жағдайлар департаментінің кезекші-диспетчерлік пультіне "103" қызметінен хабарлама түскен. Түркістан қаласындағы жеке тұрғын үйлердің бірінде бес адамды көршілері өлі күйінде тапқан, оның төртеуі бала.

1756
Кілт сөздер:
өлім, Түркістан