Бішкекте не болып жатыр - дронмен түсірілген видео жарияланды

634
(Жаңартылды 12:12 06.10.2020)
Бішкекте милиционерлер мен митингке шыққандар арасындағы қақтығыстар түнгі сағат 3:00-де басылды. Наразылық акциясы кезінде "Ақ үй" отқа оранды

Бұдан бөлек, көшеде тұрған бірнеше көлікті өртеп жіберді. Sputnik Қырғызстан тілшілері түнгі оқиғалардан кейінгі Бішкекті аралап шықты. 

Қақтығыстар кезінде құқық қорғаушылар арнайы құрал-жабдықтарды қолданды. Ал наразылық акциясына шыққандар тас лақтырды. Таяқ пен арматура ұстағандар да көп болды. Ресми мәліметке сәйкес, жүздеген адам жарақат алды. Митингке шыққан бір адам бас жарақатынан қайтыс болды. 

Түнде көшеге шыққан адамдар "Ақ үйге" кіріп алды. Ішін қиратып, ресми қағаздың бәрін далаға лақтырды. Компьютерлік техника ұрлау фактілері де болды. Ал түнде біреулер төртінші қабаттағы кабинетке өрт қойды. Тілсіз жау басқа кабинеттерге тез тарап кеткен. Оқиға орнына өрт сөндірушілер келді. 

Айта кетейік, кеше Ала-Тоо алаңында оппозицияның наразылық акциясы өтті. Парламент сайлауының алдын ала қорытындысымен келіспейтіндер жиналды. Олар "Ақ үйге" кірмек болғанда, халық пен милиция арасында қақтығыс басталды. Митингіге шыққандар түнде президент аппараты мен "Жогорку Кенеш" парламенті отыратын "Ақ үйге" басып алды. 

Артынан наразылыққа шыққандардың бір бөлігі Алмазбек Атамбаевты босату үшін мемлекеттік ұлттық қауіпсіздік комитетіне аттанды. Оны босатып, Ала-Тоо алаңына жеткізді. Бұдан бөлек, митингке шыққандар бұрынғы премьер-министрлер Сапар Исаков пен Жанторо Сатыбалдиевті, экс-депутаттар Садыр Жапаров пен Равшан Жээнбековті босатып алды. 

Оқи отырыңыз: Қырғызстандағы дүрбелең: президент Жээнбековтің қайда екені белгілі болды

Бүгін таңертең наразылық акциясына шыққан халық Бішкек мэриясын басып алды. Қала басшысының кабинетін Жоошбек Коеналиев кіріп алды. Ол Азиз Суракматовтың орнына Бішкекті басқаратынын мәлімдеді. Коеналиев "Республика" партиясының атынан парламент сайлауына түскен болатын. Алайда осы саяси ұйым дауыс жинай алмай, Жогорку Кенешке өтпей қалған.

634
Тақырып бойынша
Ақорда Қырғызстандағы жағдайға қатысты мәлімдеме жасады
Қырғызстандықтар "Ақ үйді" басып алып, Атамбаевты босатты - видео
Қырғызстан президенті Жээнбеков мәлімдеме жасады – видео
Атамбаев ұлының аса қатыгездікпен соққыға жығылғаны рас па – министрлік жауабы
Қырғызстандағы дүрбелең: президент Жээнбековтің қайда екені белгілі болды
Ұлттық ұлан

Нұр-Сұлтанда сауда үйінде болған жағдайдың видеосы желіде тарап жатыр

2178
(Жаңартылды 16:52 20.10.2020)
Әлеуметтік желіде оқиға куәгерлері түсірген видео пайда болды. Аталған факті бойынша полиция қызметкерлері тексеру жүргізді

АЛМАТЫ, 20 қазан – Sputnik. Нұр-Сұлтанда полиция "Әлем" сауда үйінде жатқан иесіз сөмкені тексерді. Ішінен тыйым салынған және қауіпті зат табылған жоқ, деп хабарлады Sputnik Қазақстан тілшісіне қалалық полиция департаменті.

Посмотреть эту публикацию в Instagram

Публикация от Астана Сергек (@astana_sergek_kz)

Әлеуметтік желіде оқиға куәгері түсірген видео пайда болды. Ол ғимаратқа "бомба қойылды" деп мәлімдейді. Автор сауда үйіне келгендердің сыртқа шығарылғанын айтты.

"20 қазан сағат 13.27-де "102" нөміріне Бөгенбай батыр даңғылындағы "Әлем" сауда үйінің бірінші қабатында белгісіз ер адам қара түсті сөмке қалдырып кеткені туралы хабар түсті. Аталған факті бойынша полиция қызметкерлері тексеру жүргізді, оның барысында рюкзактан тыйым салынған немесе қауіпті заттар табылған жоқ", - деп хабарлады Нұр-Сұлтан қаласының полиция департаменті.

Қазір сауда үйі штаттық режимде жұмыс істеп тұр, сөмкенің иесі анықталды.

Айта кетейік, кеше Алматыда "Қаратал" бизнес орталығынан 300-ге жуық адам эвакуацияланды. Ол жерде де орталықтың бірінші қабатында әйел сөмке қалдырып кеткен еді.

2178
Кілт сөздер:
желі, видео, сауда, Нұр-Сұлтан
Тақырып бойынша
Алматыда болған төтенше оқиғаның видеосы тарап кетті - мән-жайы айтылды
Әлеуметтік желіде зираттардың видеосы қызу талқыға түсті
Алматыда бизнес орталықтан 300-ге жуық адам эвакуацияланды
Жас жұбайлар суретке түсіп жатқанда болған жағдайдың видеосы тарады
Алматыда арықтан табылған нәрестені құтқару сәтінің видеосы пайда болды

"Жаппай диктант" акциясы қалай өтті - онлайн-брифинг

21
(Жаңартылды 17:21 20.10.2020)
Sputnik Қазақстан халықаралық мультимедиялық баспасөз орталығында "Жаппай диктант" акциясының қорытындысына қатысты онлайн-брифинг өтті

Брифингтің спикерлері - ғарышкер Айдын Айымбетов (диктантты оқығандардың бірі), "Жаппай диктант" акциясының Нұр-Сұлтандағы үйлестірушісі Лаура Ілиясова және Нұр-Сұлтандағы ресейлік ғылым мен мәдениет орталығы директорының орынбасары Константин Воробьев. Олар халықаралық акцияның алдын ала қорытындысы туралы сөз қозғады.

21
Алтын Орда фильмінің түсірілімі

Қазақстанда 22 қазанда қандай маңызды оқиғалар болады

0
(Жаңартылды 16:01 21.10.2020)
Sputnik Қазақстан 22-29 қазан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

22 ҚАЗАНҒА ЖОСПАРЛАНҒАН ШАРАЛАР 

12.00 – "Алтын Орда лирикасы" тікелей эфир. Алтын Орда дәуіріндегі туындыларды Горький атындағы мемлекеттік академиялық орыс драма театрының актері Әлқуат Төлеметов оқиды (трансляция театрның Instagram парақшасында).

Алматы

18.30 - "Ауылдық ар-намыс" бір актілі операсы, Абай атындағы қазақ мемлекеттік академиялық театры (Қабанбай Батыр көшесі, 110)

19.00 - "Есенин" поэзиялық кеші. Ақынның өлеңдерін Әлімжан Бауыржанов пен Илья Лошицкий оқиды. ("Дом на Барибаева 36", Бәрібаев көшесі, 36. Байланыс телефоны: +7 707 224 20 96)

23 ҚАЗАНҒА ЖОСПАРЛАНҒАН ШАРАЛАР  

19.00 – "Женитьба" қойылымы, Максим Горький атындағы Мемлекеттік академиялық орыс драма театры (Нұр-Сұлтан, Желтоқсан көшесі 11-13).

26 ҚАЗАНҒА ЖОСПАРЛАНҒАН ШАРАЛАР  
Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0