Әріптестері шатастырады: астаналық егіз полицей қалай жұмыс істеп жүр - видео

498
Нұр-Сұлтан қаласының Сарыарқа аудандық полиция басқармасында егіздердің үш бірдей жұбы жұмыс істейді. Олардың ішінде астаналық Ербол мен Ерлан да бар. Екеуі де учаскелік полицей болып қызмет атқарады

Sputnik Қазақстан тілшісі егіз полицеймен танысып, екеуінің өмірі мен жұмысы туралы біліп қайтты.

Ербол мен Ерланның отбасында полицейлер болмаған. Екеуі осы жолды өздері таңдапты. Алдымен "Жас ұлан" мектебіне түсуді мақсат қойды. Оған бірден түсе алмаған. Дегенмен, егіздер алған бағытынан тайған жоқ, өз мақсатына жетті. "Жас ұланды" тәмамдады. Одан кейін ішкі істер министрлігінің Қостанайдағы академиясына түседі. Былтыр Сарыарқа аудандық полиция басқармасында іс-тәжірибеден өтіп жүргенде бірден жұмысқа қабылданған. Бала кезінде екеуін ылғи шатастырады екен, қазір де әріптестері бірден айыра алмайды.

"Біз "Лесозаводта" туып өстік. Сол жерге басқа ауданның балалары футбол ойнауға келетін. Біз болсақ, өзіміздің үйдің намысын қорғайтынбыз. Қарсылас команда бізді егіз екенімізді білмейді. Мен шабуылда, ал Ерлан қорғаныста жүреді. Олар маған қарап, сен артта жүрдің ғой, алға қалай кетіп қалдың деп таңғалатын", - дейді Ербол.

Ал Ерлан академияда болған қызықты оқиғаларды еске алды. Егіздер екі бөлек қабатта жүргенде басқалары бір адам деп ойлап, қалайша тез көтерілгеніне және киімді ауыстырып алғанына таңғалып жүрген. Артынан академия курсанттары оларды егіз екенін білген, бірақ бәрібір екеуін шатастыратын.

"Бала кезде күшті болатын. Мысалы, мектепте, сабақта, емтиханда киімдерімізді ауыстыра саламыз, сосын тапсыруға кіреміз. Ал қыздар ол кезде білсе, ренжиді ғой, бірақ білмеген ғой соны", - деп еске алды Ерлан.

Ербол Ерланнан 15 минутқа бұрын туған. Содан бала кезінен оны үйдің үлкені ретінде тәрбиелеген. Ербол осы міндетін де абыроймен атқарып келеді.

Ербол мен Ерлан үйлену тойын бір күнде өткізгенді қалайды. Тіпті, бір үй салып, бірге тұрамыз дейді.

"Иә, үйлену тойын бірге жасайтын ойымыз бар. Бір жағынан бұл – ақша үнемдеу. Өйткені біз бай отбасыдан емеспіз. Қарапайым отбасыдан шықтық. Енді, егіз қыздарды таба алмадық. Дегенмен, қызымыз бар. Мен інімді әлі таныстырған жоқпын. Алайда қызым фото-видеоны көріп, екеуің ұқсамайсыңдар дейді", - дейді Ербол.

Оқи отырыңыз: Ұйқастырып қоюға тырысады: қазақтар егіздерге қандай ерекше есім таңдайды?

Қазіргі кезде егіздер екі бөлек учаскеде жұмыс істейді. Дегенмен, бір-бірімен жиі хабарласып, тәжірибе алмасып тұрады. Полиция басшылығы егіздерді қазір шатастырмайды екен.

"Алыстан екеуінің дене пішімі, жүріс-тұрысы, киім киісі бірдей болғандықтан, ажырата алмаймын. Жақын келгенде ғана. Ербол менде істейді. Сондықтан мен оны жақын келгенде танимын. Өйткені оның мінезі ақкөңілдеу, пысықтау. Ал Ерланның мінезі тұйықтау. Екеуін солай ғана ажыратамын", -  дейді Сарыарқа аудандық жергілікті полиция қызметі бастығының орынбасары Қаныбек Бейсен.

498
Кілт сөздер:
егіздер, видео
Ұлттық ұлан

Нұр-Сұлтанда сауда үйінде болған жағдайдың видеосы желіде тарап жатыр

2174
(Жаңартылды 16:52 20.10.2020)
Әлеуметтік желіде оқиға куәгерлері түсірген видео пайда болды. Аталған факті бойынша полиция қызметкерлері тексеру жүргізді

АЛМАТЫ, 20 қазан – Sputnik. Нұр-Сұлтанда полиция "Әлем" сауда үйінде жатқан иесіз сөмкені тексерді. Ішінен тыйым салынған және қауіпті зат табылған жоқ, деп хабарлады Sputnik Қазақстан тілшісіне қалалық полиция департаменті.

Посмотреть эту публикацию в Instagram

Публикация от Астана Сергек (@astana_sergek_kz)

Әлеуметтік желіде оқиға куәгері түсірген видео пайда болды. Ол ғимаратқа "бомба қойылды" деп мәлімдейді. Автор сауда үйіне келгендердің сыртқа шығарылғанын айтты.

"20 қазан сағат 13.27-де "102" нөміріне Бөгенбай батыр даңғылындағы "Әлем" сауда үйінің бірінші қабатында белгісіз ер адам қара түсті сөмке қалдырып кеткені туралы хабар түсті. Аталған факті бойынша полиция қызметкерлері тексеру жүргізді, оның барысында рюкзактан тыйым салынған немесе қауіпті заттар табылған жоқ", - деп хабарлады Нұр-Сұлтан қаласының полиция департаменті.

Қазір сауда үйі штаттық режимде жұмыс істеп тұр, сөмкенің иесі анықталды.

Айта кетейік, кеше Алматыда "Қаратал" бизнес орталығынан 300-ге жуық адам эвакуацияланды. Ол жерде де орталықтың бірінші қабатында әйел сөмке қалдырып кеткен еді.

2174
Кілт сөздер:
желі, видео, сауда, Нұр-Сұлтан
Тақырып бойынша
Алматыда болған төтенше оқиғаның видеосы тарап кетті - мән-жайы айтылды
Әлеуметтік желіде зираттардың видеосы қызу талқыға түсті
Алматыда бизнес орталықтан 300-ге жуық адам эвакуацияланды
Жас жұбайлар суретке түсіп жатқанда болған жағдайдың видеосы тарады
Алматыда арықтан табылған нәрестені құтқару сәтінің видеосы пайда болды

"Жаппай диктант" акциясы қалай өтті - онлайн-брифинг

21
(Жаңартылды 17:21 20.10.2020)
Sputnik Қазақстан халықаралық мультимедиялық баспасөз орталығында "Жаппай диктант" акциясының қорытындысына қатысты онлайн-брифинг өтті

Брифингтің спикерлері - ғарышкер Айдын Айымбетов (диктантты оқығандардың бірі), "Жаппай диктант" акциясының Нұр-Сұлтандағы үйлестірушісі Лаура Ілиясова және Нұр-Сұлтандағы ресейлік ғылым мен мәдениет орталығы директорының орынбасары Константин Воробьев. Олар халықаралық акцияның алдын ала қорытындысы туралы сөз қозғады.

21
Кісен, архивтегі сурет

Шығыс Қазақстанда халықаралық іздеуде жүрген қылмыскер ұсталды

50
Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады

АЛМАТЫ, 21 қазан – Sputnik. Шығыс Қазақстан облысында сегіз айдан бері халықарылық іздеуде жүрген қылмыскер ұсталды.

Ер адам ұзақ уақыт бойы Ресейдің құқық қорғау органдарынан жасырынған. ТМД елдері арасындағы шекара маңы ынтымақтастығын іске асыру жоспары аясында ШҚО полиция департаментінің криминалдық полиция басқармасы қызметкерлері қылмыскерді анықтады, деп хабарлады Polisia.kz.

"Ер адам құрылыс жұмыстарын жүргізу кезінде қауіпсіздік ережелерін бұзған. Соның кесірінінен бірнеше адам қайтыс болған. Соған байланысты мемлекетаралық іздеу жарияланды. Қазір Ресей Федерациясындағы әріптестерімізге күдіктінің қай жерде екені хабарланды", – деді ШҚО полиция департаментінің бастығы Сағат Мәдиев.

Айта кетейік, Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады.

50
Кілт сөздер:
қылмыскер, халықаралық іздеу, Шығыс Қазақстан
Тақырып бойынша
"Өзіме қол салуға мәжбүрмін" Сот үкімін тыңдаған қылмыскер қиғылық салды
Түрмедегі "Қазақ аруы": ең сұлу қылмыскер әйел анықталды - фото
Алматыда сегіз жыл бойы іздеуде жүрген қылмыскер ұсталды - видео
Шымкенттегі қанды оқиға: қылмыскер 4 адамды қалай өлтіргенін айтып берді 
Халықаралық іздеуде болған қылмыскер Қазақстанда ұсталды