Жеті қазынаның бірі: тазы тұқымын сақтап қалу үшін не істеу керек видео

197
Тазы – жазық далада аң аулауға арналған ит тұқымы. Ол Қазақстанда жеті қазынаның бірі ретінде танылғанымен, халықаралық деңгейде тіркелмеген

Тазы тұқымын сақтап, санын көбейтуді негізінен ынталы топ өкілдері жүзеге асыруда.

Ақылды, таза әрі төзімді тазы иттерін қазақтар ежелден жоғары бағалаған. Олар Азия көшпенділерінің тұрмыс жағдайына жақсы бейімделген.

Тазы – әмбебап ит тұқымы. Олар аңды өзі тауып, өзі ұстайды. Мысалы, орыс иттері бірге жұмыс істейді. Бірі аңды тауып, ашық алаңға шығарса, екіншісі бас салады. Ал тазылар бұл екі қызметті өзі атқарады.

Өткен ғасырдың соңында тазының саны едәуір азайып кетті. Бүгінде ұлттық тұқымды жаңғырту мен сақтау ынталы топ өкілдерінің мойнына түсті, деп әңгімеледі Sputnik Қазақстанға "Қансонар" республикалық қауымдастығының бас кинологы Инна Назаренко.

Ол қазіргі кезде Қазақстанда қанша тазы бар екенін есептеу мүмкін емес екенін айтады. Өйткені, оларды тіркеу ерікті түрде жүргізіледі.

2004 жылы жануарлар әлемін қорғау, өсімін молайту және пайдалану туралы заңға аңшы иттердің ұлттық тұқымы ұғымы енгізілді. Ол санатқа тазы мен төбет кірді.

"Одан кейінгі жылдары бұл мәселеге қатысты ешқандай нормативтік-құқықтық актілер болмады. Иттердің осы тұқымдарға жататынын анықтауға мүмкіндік беретін белгілі бір стандарттар болған жоқ", – дейді Назаренко.

"Қансонар" қауымдастығы тазы мен төбеттерді сақтау саласында 2014 жылдан бастап жұмыс істейді. Республика бойынша асыл тұқымды иттердің көрмесін ұйымдастырып, дөңгелек үстелдер мен түрлі іс шаралар өткізеді.

"Қансонар" қауымдастығы Қазақстанда ұлттық ит тұқымдарын бірыңғай тіркеу жүйесін іске асыруда. 2014 жылмен қазіргі жағдайды салыстырғанда, ахуал жақсарды. Бүгінгі таңда 1 500 тазы тіркелген. Бұл иттердің сыртқы тұрпатына қарап тіркелгендері ғана. Біз ит иелерін мәжбүрлеп тіркете алмаймыз. Сондықтан да "Қансонар" республикалық қауымдастығы ұлттық ит тұқымдарын тіркеуге мәжбүрлейтін талапты заңға енгізуді ұсынады. Бүгінде бұл өзгертулер заңға енгізілмеді, тек үнемі қаралып келеді", – дейді Назаренко.

Тазы халықаралық деңгейде мойындала ма

Кинологтың атап өтуінше, тазы тұқымын халықаралық деңгейде мойындату үшін генетикалық таза иттер керек.

"Біріншіден, тазы санын көбейту үшін ең алдымен оның тұқымының генетикалық тазалығын қамтамасыз ету керек. Әрине, оның сыртқы тұрпаты мен қабілет-қарымы да зор маңызға ие. Осы жағдайлар іске асқан кезде ғана халықаралық деңгейде мойындалатын боламыз", – дейді ол.

Осылай деген Назаренко тазы иелерін иттерді тіркеуден өткізіп, оларды басқа тұқымдармен будандастырмауға шақырады.

Ресми спорт түрі

Қазақстанда ұлттық тұқымды иттерді сақтау мен олардың санын көбейту үшін тазы және төбетпен аң аулауды, яғни "Итбегілікті" ресми спорт түрі ретінде тіркеу жоспарланып отыр (муляж пайдаланылатын болады).

"Аң аулау маусымы күзде басталады. Тамыз, қыркүйек айында оларды дайындай бастаймыз. Аң аулау маусымы басталған уақытта иттерді қоян, борсық пен өзге де жабайы аңдарға саламыз. Біздің ұйым тазыны өсіруден басқа, "Итбегілікті" дамытуға, оны ресми спорт түрі ретінде танытуға күш салып жатырмыз. Биылдан бастап мәдениет және спорт министрлігі осы іске атсалысуда", – дейді "Асыл қазына" федерациясының жетекшісі Алмас Құрманбекұлы.

Сондай-ақ, Назаренко көптеген тазы иелерінің ресми түрде аңшы емес екенін де атап өтті.

"Көп адамның қолында аң аулауға рұқсат беретін билет жоқ. Сондықтан тазы ұстайтын жігіттер аң аулайтын аумаққа еркін кіре алмайды. Бәрі заңға сәйкес болып, итпен аң аулау үшін ресми аңшы ретінде тіркелу керек екенін қадап айтқым келеді", – дейді кинолог.

Оқи отырыңыз: Ақтау маңындағы көлге қоқиқаз қонды – видео

Айта кетейік, бұған дейін мәдениет министрлігі федерацияға аккредитация беру мәселесін жыл соңына дейін шешуді жоспарлап отырғанын хабарлаған. Ресми түрде тіркеуден өту итбегіліктің кеңінен таныла түсуіне оң ықпал етеді. Спорт мектептері мен түрлі ұйымдарда секция ашып, жаттықтырушылар мен төрешілердің біліктілігін арттыруға, чемпионаттар мен халықаралық турнирлер өткізуге мүмкіндік береді.

197
Кілт сөздер:
видео, ит

Ресей мен АҚШ арасында жаңа қырғи-қабақ соғыс бастала ма видео

63
Джо Байден Владимир Путинмен өткен алғашқы кездесуді позитивті деп атады. АҚШ басшысының сөзінше, америкалықтар антиресейлік саясат жүргізбейді, бірақ дау туғызатын мәселелер жоқ емес

Баспасөз мәслихаты барысында америкалық лидер Ресей де, АҚШ та жаңа қырғи-қабақ соғысқа мүдделі емес екенін мәлімдеді.

АҚШ президентінің Украина, кибершабуылдар мен Навальный туралы не ойлайтынын Женевада өткен баспасөз мәслихатының толық нұсқасынан көріңіз.

Ресей президенті Владимир Путин мен АҚШ президенті Джо Байденнің кездесуі 16 маусымда Женевада өтті.

Екі ел көшбасшылары Ресей-Америка қарым-қатынасының жай-күйі мен даму перспективаларын, стратегиялық тұрақтылық, сондай-ақ халықаралық күн тәртібіндегі өзекті мәселелерді талқылады.

Путин мен Байден алғаш рет Мәскеуде 2011 жылы 10 наурызда кездескен еді.

Ол кезде Путин Ресей премьер-министрі, ал Байден Барак Обаманың әкімшілігінде АҚШ вице-президенті қызметін атқарған болатын.

 

 

63

Мәскеуде ТМД экономикалық кеңесінің 90-шы отырысы өтті видео

23
(Жаңартылды 15:00 19.06.2021)
Тәуелсіз мемлекеттер достастығының ұлттық органдардан жоғары тұратын экономикалық органының мерейтойлық отырысы аты аңызға айналған Халық шаруашылығы жетістіктерінің көрмесі (ХШЖК) аумағында өтті

Достастық елдерінің делегациялары ТМД-ға мүше мемлекеттер арасындағы экономикалық ынтымақтастықтың түрлі саласын қамтитын бірқатар мәселені талқылау үшін ХШЖК-дегі "Космос" павильонына жиналды.

Соның бірі - аты аңызға айналған Мәскеу көрмесінің аумағында ТМД мемлекеттерінің сауда орталықтарын құру. Қазіргі уақытта ХШЖК-де Әзербайжан, Армения, Беларусь павильондары жұмыс істейді, ал Молдова павильоны тестілік режимде ашылды. Биыл Қазақстан, Қырғызстан және Өзбекстан павильондары жұмысын бастайды деп жоспарланып отыр. Қазақстан павильоны 2018 жылы салтанатты түрде ашылды. Салтанатты рәсім елорда күніне орайластырылды.

Бұл көрме және сауда орталықтары биыл аталып өтетін ТМД-ның 30 жылдығына арналған іс-шараларды өткізуге белсенді қатысады деп жоспарлануда.

ТМД мемлекетаралық статистика комитеті Экономикалық кеңес аясында 2020 жылға арналған ТМД-ға қатысушы мемлекеттердің экономикалық дамуының негізгі мақсатты макроэкономикалық көрсеткіштері туралы есеп ұсынады.  

23
Архивтегі фото

Вакцина салдырған алматылық ойламаған жерден олжалы болды

0
(Жаңартылды 15:36 19.06.2021)
Алмалы ауданындағы екпе пунктінде "Вакцина сал, сыйлық ұтып ал!" акциясының нәтижесі шығарылды

НҰР-СҰЛТАН, 19 маусым – Sputnik. Алматыда вакцина салдырған 62 жастағы тұрғын iPhone12 ұтып алды, деп хабарлады Almaty.tv.

Алмалы ауданына қарасты сауда ойын-сауық орталығына күніне 50 шақты азамат екпе алуға келеді. Солардың ішінде ерікті түрде "Вакцина сал, сыйлық ұтып ал!" акциясына қатысқандар бүгін ойынның нәтижесін білді. Кездейсоқ таңдалған жеңімпаздарға бірқатар сыйлық тағайындалған. Ал бас жүлде iPhone12 смартфонның иегері 62 жастағы қала тұрғыны болды.

"Мамырда бірінші ұтыс ойынын өткіздік. 7 маусымнан бастап екіншісін өткізіп жатырмыз, бас жүлде − iPhone12 телефоны", − деді көпсалалы кешеннің бас директоры Жұмабек Артығалиев.

Айта кетейік, ай басында қаладағы "ЦУМ" сауда үйінде вакцина салдырғандардың арасында 5 жүлде ойнатылды: ІРhonе 12 смартфоны, Samsung Galaxy A02 телефоны, "Starbucks" желісінен, "Wendy's" мейрамханасынан сертификаттар, сондай-ақ кәдесыйлар орталығынан сертификаттар берілді. Бас жүлде ІРhonе 12-ні Дарья Сургутанова есімді тұрғын иеленді.

0
Кілт сөздер:
ұтыс, вакцина
Тақырып бойынша
Алматыда бұрын-соңды болмаған ұтыс өтіп жатыр
Атырау облысының әкімі халық арасында екпені тым аз салдырудың себебін айтты
Коронавирус вакцинадан кейін неге жұғады -  дәрігер түсіндірді
Студенттерге вакцина салдыру міндетті ме – Бекшин жауап берді
Вакцина салдырған алматылық ІРhonе 12 ұтып алды