(42:45 / 596.97Mb / )

Тимур Жақсылықов ЕАЭО елдерінде зейнетақы қалай есептелетінін айтты видеокөпір

116
ЕАЭО елдерінде жұмыс істейтін азаматтарды зейнетақымен қамтамасыз ету туралы келісім 2021 жылдың 12 қаңтарында күшіне енді

Еуразиялық экономикалық комиссияның министрі Тимур Жақсылықов Sputnik Қазақстан мультимедиялық баспасөз орталығындағы видеокөпір барысында зейнетақының қалай есептелетінін, оның қандай бөліктерден тұратынын және ЕАЭО елдерінде қалай зейнетақы алуға болатынын әңгімелеп берді.

Келісім Еуразиялық экономикалық одақтың барлық мемлекеті – Қазақстан, Ресей, Беларусь, Армения және Қырғызстан аумағында жарамды.

Айта кетерлігі, бұл жағдайда 2021 жылдың 12 қаңтарынан кейінгі жұмыс өтілі ғана есептеледі. Зейнетақы алу үшін адам елде Зейнетақымен қамсыздандыру туралы келісім күшіне енген күннен бастап заңды түрде кем дегенде 12 ай жұмыс істеуі керек.   

116

ТМД елдерінде COVID-19 жұқтырғандар саны азайып жатыр

26
(Жаңартылды 18:15 02.03.2021)
Роспотребнадзор коронавирустың беті қайтып жатқанын және бұл тұрақты сипатқа ие болғанын мәлімдеді

Вируспен күрестегі оң нәтижеге тестілеу де, әлеуметтік қашықтық та, вакциналау да ықпал етті. Екпе салдырмай-ақ ұжымдық иммунитетке қол жеткізу мүмкін бе? COVID-19 біздің өмірімізден біржола жоғала ма? 

26

Көктем символы: Алматы облысының тұрғыны жылыжайда қызғалдақ өсіреді видео

63
Кәсіпкер Олжас Серікұлы үш жылдан бері жылыжайда қызғалдақ өсіреді. Қызғалдақтың пиязшығы Голландиядан жеткізіледі. Ол желтоқсан-ақпан аралығында ерекше күтіммен өседі. Толығырақ Sputnik Қазақстан видеосынан көріңіз

Алматы облысы Талғар ауданы Түзусай ауылында тұратын отбасы бастапқыда көкөніс кәсібімен айналысқан. Уақыт өте келе жылына бір рет қызғалдақ егуді қолға алған.

Олжас мұның да отбасылық кәсіп екенін айтты. Себебі ата-анасы жылыжай жұмыстарына қолғабыс етеді. Жылыжай жұмыстарына бір адам керек, себебі қызғалдақтар күтімді, көңіл бөлгенді, бірқалыпты температураны жақсы көреді. Қызғалдақ үшін қалыпты температура – 15 градус, ал -2 градустан төмендесе, солып қалады.

Үй ауласындағы жылыжай аумағы – 300 шаршы метр. Оның 280 шаршы метрі пайдаға жарамды. 2020 жылы кәсіпкер 30 мың түп қызғалдақ отырғызған. Пандемияға байланысты биыл 16 мың түп отырғызды.
Ал жылыжай ішіне жалпы 40 мың түп қызғалдақ егуге болады.

"Карантинге жабылу, блок бекет қою қаупі болғандықтан шығын болмас үшін 16 мың түп отырғыздық. Дәл қазір жылыжайдың ішінде қызғалдақтың 17-ден астам түрі бар. Әрбір сұрып сабағының қалыңдығы, бойының ұзындығы, түсі, реңкінің әртүрлі болуымен көзге түседі. Ашылып келе жатқан кезде қызғылт болғанымен, бірнеше күннен кейін қоюлана түсетіндері бар", - дейді Олжас Серікұлы.

Айтуынша, былтыр ауа райының қолайсыз болуына байланысты шығынға ұшыраған. Алайда кәсіпкер болған соң осы кәсіпті бастаған кездегі мақсатын ұмытпай, биыл да тоқтатпаған.

Олжас Қазақстанда да селекциялық жолмен гүлдің жаңа түрін өсіргісі келеді. Айтуынша, қызғалдақтың жаңа түрін ойлап табу барысында ол адамның мінезі, таланты, қабілеті ескеріледі. Қазақстанда Димаш Құдайберген, Геннадий Головкин секілді азаматтарға арналған қызғалдақ сұрпын өндіргісі келеді.

Толығырақ видеодан көре аласыз.

63
Кілт сөздер:
қызғалдақтар, Алматы облысы
Тақырып бойынша
Жылыжайда гүл өсіретін жігіт: Қазақстандықтар қызғалдақтың ерекше түрін менсінбейді
Назарбаев қолындағы гүл шоқтарын қыз-келіншектерге таратып берді – видео
Қарағандылық жылыжай 8 Наурызға мыңдаған қызғалдақ өсірді
Әлия Назарбаеваға әкесінің құрметіне аталған қызғалдақтар тарту етілді – фото
Екібастұзда 8 наурызға дайындалып жүрген ер адамды полиция ұстап әкетті
Архивтегі фото

АҚШ пен Сауд Арабиясының қарым-қатынасы шиеленісті ме?

0
Серіктестік екі тараптың да стратегиялық мүдделеріне сәйкес келеді. Алайда демократия мен адам құқықтары мәселесінде қос мемлекеттің жолы қақ айырылады

НҰР-СҰЛТАН, 2 наурыз – Sputnik. Сауд Арабиясы мен АҚШ қарым-қатынасы күрделі кезеңнің алдында тұр. АҚШ-тың Ұлттық барлау қызметі 2018 жылы журналист Джамал Хашукджиді өлтіру туралы баяндаманы жариялағаннан кейін Ақ үй жаңа стратегия жариялады: америкалықтар Йемендегі соғысты тоқтатып, адам құқықтарын сақтауды талап етті, деп жазды РИА Новости.  

Мемлекеттік департамент басшысы Энтони Блинкен 76 саударабиялық азаматқа визалық шектеу енгізу туралы мәлімдеді. Блинкеннің ақпаратына сәйкес, бұл азаматтардың диссиденттерді қорқытып-үркітуге және Хашукджи өліміне қатысы бар көрінеді. Дербес санкциялар Жалпы барлау қызметінің басшысы Ахмад әл Асириге де қатысты болмақ. Барлау баяндамасында Сауд Арабиясы билігін өткір сынға алған The Washington Post газетінің авторын қинап өлтіруге мұрагер ханзада Мұхаммед бен Салманның да қатысы бар екені айтылған. Ханзаданың мақұлдауынан кейін журналисті ұрлап әкетіп, оны мүшелеп өлтірген. СІМ бұл айыптауды толығымен жоққа шығарды. Әйтсе де, ханзадаға қатысты жеке шектеулер енгізілген жоқ. Бірақ жаңа президент Джо Байден Эр-Риядты қатаң жазалайтынын мәлімдеген болатын.

"Бір адаммен емес, бүкіл мемлекетпен арадағы қарым-қатынас әлдеқайда маңызды. Біз корольдікті қорғауға тырысамыз", - деген Блинкен Эр-Рияд әрекеттері АҚШ мақсаттары мен құндылықтарына сәйкес келуі маңызды екенін атап өтті.

Корольдіктің қорғанысын қамтамасыз еткені үшін америкалықтарға мұнайға қолжетімділік беру аталған екі мемлекеттің қарым-қатынасының негізі десе де болады. Оның үстіне Сауд Арабиясы Америка қару-жарағына ең ірі тапсырыс беруші. Серіктестік екі тараптың да стратегиялық мүдделеріне сәйкес келеді. Алайда демократия мен адам құқықтары мәселесінде қос мемлекеттің жолы қақ айырылады.

Корольдің жеке кеңесшісі Салман атап өткендей, Барак Обама президент болған соңғы жылдарда пікірлер қайшылығы туындады. Бұл көбіне Сауд Арабиясының басты қарсыласы – Иранға деген АҚШ-тың қарым-қатынасында байқалды. Екі елдің барлау қызметі қауіпсіздік саласында сәтті әріптестік орнатқанымен, арабтардың монархияны сынаушылармен күресу әдістері АҚШ-тың көңілінен шықпады. Оған Йемендегі проблемалар қосылды. Ақ үй Америка қару-жарағы қолданылған соғыс әрекеттерінің құрбандарына алаңдады.

Ақ үйге Дональд Трамп келгеннен кейін қарым-қатынас біршама жақсарды. Трамп президент қызметіне кіріскенге дейін корольдікті аса жақтырмағанымен, ол өзінің ең бірінші іссапарын дәл осы Эр-Риядтан бастады. Хашукджи өлімі туралы баяндама алдыңғы президент кезінде әзірленген. Бірақ құжат сол уақытта жарияланбады.

"Трамп Вашингтон міндеттерін азайту үшін одақтастарға инвестиция салды. Оның серіктестері, соның ішінде Сауд Арабиясы бұрынғыдан да көп қару-жарақ сатып алып, аймақтағы жағдайда өз бақылауына алуы керек болды. Есесіне АҚШ әәскери-саяси қолдау көрсетіп, одақтастары үшін маңызды бастамаларды мақұлдап отырды", - дейді Мәскеу мемлекеттік халықаралық қатынастар институты Халықаралық зерттеулер институты Перспективалы америкалық зерттеулер орталығының директоры Максим Сучков.

Жаңа президент сайлануымен қатар бұл бағдар өзгереді деп болжанған және алғашқы қадамдар жасалып қойды. Байден Йемендегі шабуылдау операцияларын қолдау тоқтатылатынын хабарлады. Оның ішінде қару-жарақ экспорты да бар. Бұл өткен жылдың желтоқсанында мақұлданған 290 миллион долларға дәлдігі жоғары үш мың GBU-39 бомбасы мен сомасы 478 миллион долларды құрайтын жеті мың Paveway IV бомбасын жеткізуге қатысты болып отыр. Вашингтон Йемендегі қақтығысты дипломатиялық жолмен шешетінін мәлімдеді. Оның үстіне ақпан айынан бастап хуситтерді террористік топтар тізімінен алып тастады.

Бірақ сарапшылар екі елдің қарым-қатынасы түбегейлі өзгереді деп күту орынсыз деп санайды. Яғни, стартегиялық жоспар сол күйінде қалады.

"Америкалықтар сонау Обама кезінен бері өз энергетикасы мәселесінде едәуір өсіп, мұнай өндірісінде әлемдегі жетекші орынға ие болды да, Сауд Арабиясына деген қажеттілік азайды. Аймақішілік динамикада көп мәселе ирандық ядро келісіміне тәуелді болып тұр. Эр-Рияд – Тегеранмен қарым-қатынастағы АҚШ-тың басты серіктестерінің бірі. Егер Сауд Арабиясына тым қатты қаталдық танытса, бұл Иран үшін тиімді болады. Хашукджиді өлтіргендерді жазалау үшін АҚШ бұл әрекетке бара қоймайды", - деп санайды Ресейдің халықаралық істер жөніндегі кеңесінің таяушығыстық жобалар менеджері Руслан Мамедов.

Таяу Шығыс жөніндегі маман Алексей Хлебников соңғы он жылда аймақта бірнеше жаңалық болғанын еске салды.

"Тунис пен Египеттегі көтеріліс, Мысырда төңкеріс болды және соның салдарынан америкалықтардың Каирге әскери көмегі тоқтатылды. Иранмен келісім тағы бар. Осының барлығы корольдіктерді, соның ішінде Сауд Арабиясын, дипломатиялық байланысты әртараптандыруға және Ресей мен Қытай сияқты басқа да ірі державалармен қарым-қатынасты нығайтуға итермеледі", - дейді саясаттанушы.

Мәскеу де Эр-Риядқа қару-жарақ сатады. Алғашқы партияларды жеткізу 2019 жылы басталды. Содан кейін корольдік Ресеймен ауыр отшашар жүйелері, танкке қарсы кешендер, гранатометтер мен автоматтар сатып алу туралы меморандумға қол қойды. 2021 жылдың басында саудтықтар орыстың С-400 зениттік-зымыран кешендері мен Су-35 жойғыштарын сатып алуы ықтимал екені хабарланды.

"Мәскеу мен Эр-Рияд қарым-қатынасында ОПЕК+ мәмілелерінің де маңызы зор. Бұл екі тараптың да табыс көзін арттыруына септігіни тигізді", - дейді Руслан Мамедов.

Оның айтуынша, Эр-Риядтың Вашингтоннан теріс айналып, оған көптеген проблема туындату мүмкіндігі бар. Бірақ бұл екі мемлекеттің бір-бірі үшін маңызы жоғары.

"Сауд Арабиясы АҚШ-пен қарым-қатынас Ақ үйде қай президент отырғанына байланысты өзгермейді. Себебі екі елдің байланысы бірнеше онжылдық бұрын қалыптасқан. Оны онша-мұнша дүрбелеңдер бұза алмайды", - деп санайды сарапшы.

Онжылдықтарға созылған серіктестік көп салада нәтиже берді. Мысалы, Сауд Арабиясы элитасының басым бөлігі АҚШ-та білім алған, саудтық риал долларға жіпсіз байланып тұр, ал қару-жарақ пен әскери дайындық негізінен америкалықтар тарапынан орындалып жатыр. Мұны өзгерту үшін көп жыл қажет. Сондықтан сыртқы саяси байланыстарды әртараптандыру көпполярлы жаңа әлемнің талаптарына жауап беретін тактикалық қадам.

0