Нұр-Сұлтандағы ботаника бағында банан, кокос, апельсин өседі видео

110
(Жаңартылды 19:25 30.01.2021)
Қыста қанша суық болса да, үлкен жылыжай ішінде әрқашан бірқалыпты температура – 18-20 градус болады, мұнда гүлдің жүздеген түрі өседі

Нұр-Сұлтанның сол жағалауында Астана ботаника бағы бірнеше жылдан бері жұмыс істейді, онда саябақ аумағынан басқа екі жылыжай бар. Олардың бірінде нағыз тропикалық өсімдіктер өседі.

Ботаникалық бақта 1000 дана өсімдік бар. Олардың арасында банан мен апельсин ағаштарын, құрма мен кокос пальмасын, цитрустық жемістер мен гүлдерді кездестіруге болады.

Экзотикалық өсімдіктер Қазақстанға Германия, Мексика, Оман, Израиль, Нидерландыдан келеді. Көшеттер мен тұқымдар сондай-ақ көрші елдер: Ресей мен Беларустан да жеткізіледі.  

"Дегустацияны жылыжай қызметкерлері жасайды. Олар картаға дәмі қандай, диаметрі, салмағы қанша екенін жазып отырады. Мұның бәрі арнайы журналға тіркеледі", - дейді тропикалық, субтропикалық өсімдіктерге күтім жасаушы маман Любовь Петриканина. 

Мысалы, оның айтуынша, жылыжайда өсетін апельсин дүкендікіне қарағанда әлдеқайда дәмді.

Мұнда көптеген өсімдіктер ауа-райына қарамастан гүлдейді. Жылыжай ішінде қызметкерлер белгілі бір температураны ұстап тұру үшін арнайы климаттық жүйені пайдаланады – 18-20 градус.

Суару жүйесі автоматты түрде жұмыс істейді. Қажет болса, бақ қызметкерлері ылғал сүйгіш өсімдіктерді қолмен суарады.

110

Қаракөлге қоқиқаздар ұшып келді - таңғажайып видео

1848
Ақтау қаласына қоқиқаздар ұшып келді. Қызыл кітапқа енген құстар Қаракөлге аялдаған

Мамандардың айтуынша, қоқиғаздар Әзербайжаннан, Түрікменстаннан, тіпті, Африкадан да ұшып келеді. Барлығы - күн суығаннан кейін Қорғалжын мемлекеттік табиғи қорығынан кеткен құстар. Ал Қаракөлге келгендер – барлаушылар.

"Құстардың өздерінің ұшып келу жүйесі бар. Алдымен бір топ ұшып келеді де, бәрін көреді, сосын белгі береді. Артынан қалғандары ұшып келеді. Бұл кәдімгідей барлау ғой", - дейді маман Сәкен Ділдахмет.

Наурыздың соңына қарай мыңдаған қоқиқаз қайтадан Қорғалжынға келіп, балапан басып шығарады. Ал күн суығаннан кейін Ақтау арқылы жылы жаққа ұшып кетеді.

1848
Кілт сөздер:
видео

Елорда автобустарында "қояндарды" қалай ұстайды

139
(Жаңартылды 09:16 27.02.2021)
Биыл елорда автобустарында жолақы төлеудің электронды жүйесі енгізілгеніне бес жыл толады. Осы уақыт ішінде халық билет сатып алудың жаңа тәртібіне әбден үйренді

Бас кезінде электронды карта ғана болса, артынан мобильді қосымшалар мен SMS-хабарлама арқылы ақы төлеу жүйесі іске қосылды. Дегенмен жолақыдан жалтаратын "қояндар" әлі де аз емес. Олардың ішінде жастар, тіпті үлкен кісілер де бар. Әркім әртүрлі сылтау айтады.

Алайда көлік бақылау департаментінің қызметкерлері ондай жолаушыларды жақсы біледі, олардың сылтауын да жаттап алған. Sputnik Қазақстан тілшісі бақылаушы жігіттермен бірге тексеріске шықты. 

Бақылаушылардың жұмысы таңғы сағат 7:00-де басталады . Содан түнгі 21:00-22:00-ге дейін жүреді. Осы уақыттың ішінде 50-70 автобусты тексеріп үлгереді.

"Күз айында 56-шы бағытта жүретін маршрутты тексергенде Жұмабаев-Момышұлының қиылысында бір жолаушының төлемегені анықталды. Ол жолаушыны Жұмабаев деген аялдамадан түсіріп, "102"-мен экипаж шақырып, күтіп тұрған кезде жаңағы жолаушы әртүрлі себептерін айтып, менен қаша бастады.Қысқасы, үйіне дейін бардық. Үйіне барғасын бізді жолдасы күтіп алды. Сол жерге "102"-ні шақыратын болдым. Сол жерге келіп, сол жолаушыға айыппұл салынды", - деді көліктік бақылау қызметінің өкілі Жұмбек Жұмбаев.

Тағы қандай қызықты оқиғалар болғанын видеодан көре аласыз.

139
Кілт сөздер:
автобус, елорда
Тақырып бойынша
Алматылық бойжеткеннің біртүрлі әрекеті желіде қызу талқыланып жатыр - видео
"Ол күнді ұмытпаймын": бақылаушылар автобуста болған қызықты оқиғаларды айтып берді
Адамдар отырған көлікті автобус бел ортасынан соққан сәт видеоға түсіп қалды
Қарағандыда автобус жүргізушілері төбелесті - видео
Алматыда бетперде таққан автобус пайда болды - фото

Ресейлік жаңа суасты қайықтары қашан дайын болады

0
"Ладалар" – ең заманауи және келешегі зор ресейлік бейатомдық субмариналар. Шап-шағын көлеміне қарамастан, олар көп функционалдығымен ерекшеленеді

2022 жылы  677 "Лада" жобасының алғашқы сериялық дизель-электрлік суасты қайықтары флотқа тапсырылады. Оны әзірлеуге 20 жыл қажет болды. Бұл субмарина дәлдігі жоғары қаруды тасымалдай алады, ал оның бадарын анықтау өте қиын, деп жазады РИА Новости.

"Кронштадт" және "Великие Луки" сүңгуір қайықтарын 2021 жылы теңізшілерге тапсыру жоспарланған болатын. Бірақ, "Адмиралтейские верфи" кеме жасаушы кәсіпорнының бас директоры Александр Бузаковтың айтуынша, контрагенттермен туындаған проблемаларға байланысты мерзім уақыты өзгерді.

Қыркүйекте Біріккен кеме жасаушы корпорацияның басшысы Алексей Рахманов жабдық жеткізушілердің бірі кестеден ауытқуына байланысты екі сериялық кемені құрастыру біршама кешігетінін хабарлады.

Жоба о бастан мерзімнен кешігуерге тап болуда. Жұмыстар сонау 1990-шы жылдары бастаалған болатын. Сол кезде алғашқы бас кеме "Санкт-Петербург" құрастыру басталды. Ол 2004 жылы суға түсіріліп, әскери-теңіз флотына 2006 жылы жөнелтілуі тиіс еді. Алайда, сүңгуір қайық Солтүстік флотқа тәжірибелік пайдалануға 2010 жылы тапсырылды.

Ескірген 877 "Палтус" жобасының орнын "Ладалармен" алмастырмақшы болған. Жаңа сүңгуір қайықтардың көлемі шағын болғандықтан, оның  гидролокаторлардың  көзіне түсу дәрежесі де төмен. Сонымен қатар, ресейлік кеме жасау үшін стандарттан тыс бір корпусты сызба да акустикалық жасырындықты күшейтеді. Оның үстіне, "Ладалар" келешекте ауаға тәуелсіз (анаэробтық) күштік қондырғымен жабдықталатын ресейлік алғашқы суасты қайықтары болмақ.

Көптеген жаңа конструктивтік шешімдерді субмарина құрылысында қолдану салдарынан мерзімдердің үнемі ауыстырылуы да әбден мүмкін. Мәселен, бас кемені сынау кезінде гидроакустикалық кешенге қатысты күрделі мәселелер анықталды. Ал электр қозғалтқышының жеткіліксіз қуаты су астында қажетті жылдамдықты дамытуға мүмкіндік бермеді.

Бірақ, бәрібір Әскери-теңіз флоты дизель-электрлік суасты қайықтарын асыға күтті. Сондықтан, Тынық мұхиты флоты үшін "Ладалардың" орнына уақыт сынағынан өткен және жақсы игерілген 636 "Варавянка" суасты қайықтары жеткізілді.

Мамандардың пікірінше, "Ладалар" – ең заманауи және келешегі зор ресейлік бейатомдық субмариналар. Шап-шағын көлеміне қарамастан, олар көп функционалдығымен ерекшеленеді. Бұл сүңгуір қайықтар су астындағы және үсітндегі кемелеріне қарсы тұруға, жағалаудағы нысандарға соққы жасауға, миналы қоршаулар салуға, жағалауларды десант әскерлерінен қорғауға, бөлімшелер немесе арнайы жүктерді тасымалдауға қабілетті.

Жоғары автоматизациясы мен шу деңгейінің төмендігі, мобильділігі мен маневрлігі оларды диверсиялық және барлау операцияларында сәтті пайдалануға мүмкіндік береді. Бұл субмариналар қуатты гидроакустикалық кешенмен және тұмсық бөлігі мен бүйір жақтарында орналасқан үш бірдей сезімтал антенналармен жабдықталған. Су сыйымдылығы шамамен 1,8 мың тонна болатын суасты қайығының жылдамдығы 20 торапқа жетеді. Тереңдігі 350 метрге дейін. Оның экипаж саны небәрі 30 адам.

Қару жайын келер болсақ, стандартты жабдықтаудағы "Ладалар" бортында калибрі 533 миллиметр 18 торпеда мен шамамен 20 мина болады. Торпедалық аппараттар сағатына 300 километрді еңсере алатын "Шквал" кемеге қарсы зымыран торпедаларымен ату үшін де бейімделген. Әрине, "Ладалар" да көптеген ресейлік заманауи кемелер секілді "Калибр" қанатты зымырандармен жабдықталған.

Алғашқы сериялық екі субмарина ауаға тәуелсіз энергетикалық қондырғы орнатылмайды. Бузаковтың айтуынша, Ресейде әлі мұндай аппарат жоқ. Ал қалған кемелер бұл жабдықпен қамтылатын болады.

"Лада" алдыңғы жобаларға негізделген суасты қайықтарының жаңа тобы бола алады, - деп түсіндірді РИА Новости порталына Жалпыресейлік флотты қолдау қозғалысының төрағасы, бірінші рангтегі капитан Михаил Ненашев. – Соңғы 15-20 жылдың ішінде "Ладаны" құрастырудың арқасында 150-ге жуық тәжірибелік-конструкторлық жұмыстар игерілді. Бұл бір үлкен суасты зертханасы іспеттес".

Сарапшы атап өткендей, алдыңғы жобалармен салыстырғанда "Лада" бортында біршама көбірек торпеедалар орналастыруға болады. Ол ерекше тактикалық-техникалық сипаттамаларының арқасында барлық тактикалық және стратегиялық бағыттағы мәселелерді шеше алады. Сонымен қатар, оның конструкциясы зымыран кешендерін орналастыруға мүмкіндік береді.

"Бұл дизель-электрлік суасты қайықтарының шуы теңіз дыбысындай болады. Ал жаңа гидроакустика басқа кемелерге қарағанда әлдеқайда үлкен аумақты тыңдай алады, - деді Ненашев. – Бұл аса маңызды. Себебі, "Ладалар" Арктикаға жөнелтіледі. Оның үстіне, шағын көлемінің арқасында оларды үлкен және кіші тереңдіктерде қолдануға мүмкіндік бар".

Ресейлік дизель-электрлік суасты қайықтары бұрыннанақ ең үздік техниканың бірі саналады. 636.3 жобасының алты дизель-электрлік суасты қайықтары Қара теңіз флотында қызмет етсе, тағы алты субмарина алдағы жылдары Тынық мұхиты флотына жөнелтіледі. НАТО бұл субмариналарды дыбысының төмендігі мен жасырыну деңгейінің жоғарылығы үшін "қара ойық" деп атады.

Ал "Ладалар" оларға қарағанда әлдеқайда "мылқау". Бас кеме "Санкт-Петербургты" қолдану жасырыну деңгейі бойынша 677-ші жоба алдыңғы барлық дизельді суасты қайықтарынан асып түсетінін көрсетті.

0