Лавров Ресей мен Еуроодақ қарым-қатынасының одан әрі нашарлауы қауіпті екенін ескертті

72
Ресей сыртқы істер министрі Сергей Лавров Мәскеуде Еуроодақтың бас дипломаты Жозеп Боррельмен кездесіп, ЕО мен Ресейдің қарым-қатынасы туралы айтты  

Келіссөздер қорытындысы бойынша Ресей сыртқы істер министрлігінің басшысы екі тараптың да диалогты жалғастыруға мүдделі екенін білдіргенін мәлімдеді, сонымен бірге қарым-қатынастың одан әрі нашарлауы келеңсіз және болжап болмайтын салдарларға алып келетінін атап өтті.

"Екі тарап та диалог арналарын сақтауға және кеңейтуге, соның ішінде біздің ұстанымдарымыз бір-біріне қайшы келетін мәселелерге мүдделі екенін растады. Мұндай мәселелер өте көп. Біз екі жаққа да қызықты әрі пайдалы болатындай прагматикалық ынтымақтастық орнатуға дайын екенімізді атап өттік", - деді Лавров.

"Біздің байланысымыздың одан әрі нашарлауы келеңсіз және күтпеген салдарларға алып келеді деген ортақ пікірге келдік", - деп толықтырды сыртқы істер министрі.  

72

Қазақстандағы зергерлік саланың жағдайы туралы онлайн-конференция өтті

36
(Жаңартылды 11:56 26.02.2021)
Sputnik Қазақстан халықаралық мультимедиялық баспасөз орталығында зергерлік бұйымдар сатылымының төмендеуімен бетпе-бет келген зергерлік саланың дамуы туралы онлайн-конференция өтті

Кездесуде Қазақстан зергерлер лигасының өкілдері бизнесті қолдау амалдары мен қазақстандықтардың сұранысы қалай өзгергені туралы әңгімеледі.

Конференция қонақтары:

- Қазақстан зергерлер лигасы кеңесінің басшысы Қайсар Жұмағалиев

- Лига өкілі зергер Таймас Мұкашев

36

Екі шақырым жүгірді: полицей боранда көлік колоннасына жол көрсетті видео

50
(Жаңартылды 10:15 26.02.2021)
Қостанайда патрульдік полиция қызметінің инспекторы автокөлік колоннасын қарлы бораннан аман алып шықты

Амантай Байжанов қолайсыз ауа райы кезінде көлік колоннасының алдында екі шақырым бойы жүгіріп, жүргізушілерге жол көрсетті.

Полиция қызметкерінің айтуынша, ол өзінің серіктесімен бірге кезекші бөлімге түскен хабар бойынша оқиға орнына шыққан. Қалаға қайтар жолда боран үдей түсіп, жол көрінбегендіктен көлік кептелісі болған.

"Біз көлікпен айналып өтуге тырысқанымызбен, ондай мүмкіндік болмады. Себебі, кез келген сәтте жолдан шығып кетуің ықтимал. Содан соң көліктен түсіп, жүгіріп жүріп жол көрсетуді жөн көрдім", – деп еске алады Байжанов.

"Жүгірген кезде суықты онша сезінбейсің", – дейді ол күлімсіреп.

Интернетте тараған видеоны көлік колоннасының басында жүрген жүргізуші түсірген. Кадрда жасыл-сары түсті жилет киген инспекторды жел ұшыра жаздаған сәт пен алдыңғы әйнек қармен қалай жабылғаны көрінеді.

50
Кілт сөздер:
қарлы боран, полицейлер
Қазақстан зергерлер лигасы заңды тұлғалар бірлестігінің төрағасы Қайсар Жұмағалиев

Қазақстандық шеберлер Еуразия зергерлік бюросының ашылуын күтіп жүр

0
Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол  ашады

НҰР-СҰЛТАН, 26 ақпан — Sputnik. Қазақстандық зергерлер аз уақыт ішінде "Астана" халықаралық қаржы орталығы (АХҚО) алаңында Еуразия зергерлік бюросы ашылады деп үміттеніп отыр. Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол ашады. Осы жөнінде Sputnik Қазақстан баспасөз орталығында өткен онлайн-брифинг кезінде "Қазақстан зергерлер лигасы" заңды тұлғалар бірлестігінің төрағасы Қайсар Жұмағалиев мәлімдеді.

"АХҚО алаңында Еуразия зергерлік бюросының ашылуы біздің зергерлердің экспортқа шығуына ықпал етуі керек. Оның үстіне Ресей Федерациясы зергерлік бұйымдарды сүйемелдеу үшін басқа елдердегі өз сауда өкілдіктерін ұсынуға дайын", - деді Жұмағалиев.

АХҚО жанынан бюро ашу туралы мәселеге бизнес те қолдау көрсеткен. Нәтижесінде зергерлер өз бетінше шеше алмайтын мәселелердің шешімі табылады. Сондай-ақ, Ереван мен Мәскеу де өз аумағында Еуразия зергерлік бюросын ашу құқығы үшін таласқан болатын.

"Астана" АХҚО – бұл посткеңестік кеңістіктегі бірегей қаржы орталығы. Мұнда ағылшын құқығы, арбитраж бар. Мұның барлығы шетелдік инвесторлар үшін қызықты болатыны сөзсіз. Сонымен қатар, мұнда салықтық жеңілдіктер жасалып, инвестицияларды тартудың жеңілдетілген тәртібі құрылады және тағы басқа шаралар қабылданады", - деді ол.

Қазіргі жағдайда қазақстандық зергерлерге өндірісті дамыту және нарыққа шығу оңай соқпай жатыр.

"Мысалы, Еуропаға шығу үшін және өз зергерлік бұйымдарыңды таныстыру үшін миллиондаған доллар қажет. Бұл әрбір зергер көтере алатын шығын емес. Біздің жақында құрылатын ұйымымыз (Еуразия зергерлік бюросы) нарыққа талдау жүргізуге мүмкіндік береді. Біз бірінші қатардағы көрмелерге қатыса аламыз. Бүгінгі күні қазақстандық зергерлер негізінен көпшілікке аса танымал емес екінші және үшінші деңгейдегі көрмелерге қатысып жүр. Сонымен қатар, нарыққа үнемі қатысу қажет. Көрмеге келіп, бір-екі апта тұрып, одан соң кетіп қалу жарамайды. Сені ұмытып кетеді", - деді Лига басшысы.

Ол қазақстандық зергерлердің экспорттық әлеуеті жоғары екенін мәлімдеді. Бұған халықаралық көрмелерде қазақстандық зергерлік бұйымдарға деген жоғары қызығушылық дәлел бола алады.

"Әлі есімде, 2017 жылы Еревандағы халықаралық көрмеге қатыстық. Ол шараға қатысқан француз зергерлер біздің күмістен жасалған бұйымдарымызды түгелдей сатып алды. Француздар мұндай бұйымдарда шебердің саусақ іздері, оның еңбегі көрініп тұрады, қолдан жасалған бұйымның жаны бар деп санайтындарын айтқан", - деді Жұмағалиев.

Жұмағалиев атап өткендей, еуразиялық зергерлік брендті енгізу қосымша ауқымды инвестицияларды қажет етпейді. Себебі  Қазақстанда да сапаға қатысты дәл осындай мемлекеттік стандарттар қолданыста бар.

0