"Ең басты тақырып – әскери тақырып, әрине. Хронологиялық тұрғыдан қарайтын болсақ, бұл Бірінші дүниежүзілік соғыс, Екінші дүниежүзілік соғыс, қазіргі замандағы әртүрлі қақтығыстар. Сондай тақырыпта кішігірім диорама мен виньеткалар жасаймын", - дейді Әбдірахманов.
Диорама жасамас бұрын ол тарихи құжаттарға, фото, видео, кинохроникаға сүйенеді. Содан кейін қызық сюжет ойлап тауып, толық композиция жасайды.
"Материал әртүрлі. Олардың жасалуы өте қиын. Неге десеңіз, 1 де 35 масштабта жасалады. Яғни 35 есе кішірейтілген, биіктігі бес-ақ сантиметр. Содан кейін оларды бояу, кейін жетілдіру, композиция жасау керек, ол да біраз уақыт алады", - дейді ол.
Оның пікірінше, Қазақстанда әскери-тарихи миниатюраларды дайындау кенжелеп қалған.
"Әскери-тарихи миниатюралармен айналысудағы мақсат – өскелең ұрпақты патриоттыққа баулу, олардың тарихқа деген қызығушылығын ояту", - дейді Әбдірахманов.
Айтуынша, модельдеу – нәпақа табудың жолы емес, бұл - шығармашылық. Ол осы өнерге бет бұрғандар саны артады деп үміттенеді.
