Бойы 2 метр: Қазақстан әскеріндегі бойшаң сарбаз видео

267
"Оңтүстік" өңірлік қолбасшылығындағы әскери бөлімнің қатардағы жауынгері Әсет Әбілғапаров күллі Қазақстан әскеріндегі ең бойшаң сарбаз

Оның бойы – 1 метр 98 сантиметр. Ол казармадағы төсегіне әрең сыйып, 47-ші өлшемді аяқ киім киеді.

Қорғаныс министрлігінің YouTube арнасындағы әскери тілшісі Дина Мухаринова Қазақстан армиясындағы ең бойшаң сарбаздың әскери қызметі туралы айтты.

"Бастапқыда әрине ерекше назар аудару болды. Бәрі таңырқап, бойымның өлшемін сұрайтын", – деген Әсет арада төрт ай өткен соң әріптестері мен командирлері оның бойының биіктігіне үйреніп қалғанын айтады.

Бүгінде бойшаң жігіт Жамбыл облысындағы тау-қорығы бөлімшесінің артиллериялық батареясында қызмет етеді. Ол қазірдің өзінде әскери ортаға жақсы бейімделген.

Дегенмен, алғашқы кезде лайықты киім мен аяқ киім таңдау қиынға соққан.

"Менің бойым ұзын болғандықтан, аяқ киімнің өлшемі де үлкен. Қазіргі кезде етігім басқалармен қатар тұрғанда, оны бірден табамын. Бір артықшылығы осы", – деп әзілдейді әскери қызметкер.

Әсеттің екі метрлік кереуеті өзінің бойына шақ қана.

"Жатсам, тұп-тура келеді", – дейді ол.

Оқи отырыңыз: 99 жасында танк жүргізген қария әскерилерді таңғалдырды - видео

Әсет әскерге шақырылғанға дейін жоғары білім алған. Мамандығы – жылу энергетигі.

"Ұлым – спортшы, баскетболшы әрі гитарист", – дейді Әсеттің әкесі. Бір қызығы, оның да бойы ұзын. Ол өзінен асып түскен баласын әркез мақтан тұтады.

"Бойыңның қандай болуы маңызды емес, ең бастысы – отбасымыз бен Отанымызды жақсы көрейік", – дейді ақкөңіл Әсет.

Қазақстандық бойшаң жігіттің әскери борышын қалай өтеп жүргенін видеодан тамашалаңыз.

267
Кілт сөздер:
адамның бойы, әскерилер

Көне және заманауи: Түркістанда туристік кешен ашылды видео

31
Түркістанда Орталық Азиядағы ең ірі туристік кешен – "Керуен-Сарай" ашылды. Ол Қожа Ахмет Яссауи кесенесіне қарама-қарсы "Әзірет Сұлтан" мәдени қорығының буферлік аймағында орналасқан

Кешеннің салтанатты ашылу рәсімі өткен сенбі, 10 сәуірде өтті. Шараға Қазақстанның үкімет басшысы Асқар Мамин қатысты.

Кешен 20,5 гектар аумақта орналасқан және оған Жібек жолы дәуіріндегі саудагерлер мен қолөнершілер көшесі, "ұшатын театр", ат шоуын өткізуге арналған амфитеатр, Шығыс базары, сауда сөрелері мен бутиктер, қонақ үйлер мен мейрамханалар, СПА және фитнес-орталық, кинотеатр, отбасылық ойын-сауық орталығы кіреді.

Тағы оқыңыз: Түркістанда "ұшатын" театр ашылады

Барлық құрылым су арнасы арқылы байланыстырылған, онда судағы "қайық шеруі" театрландырылған шоуын өткізу жоспарланып отыр.

31
Кілт сөздер:
туристер, видео, Түркістан

АҚШ әскері Ауғанстан аумағынан шығарылады - видео

43
Ауғанстан тұрғындары Байденнің ел аумағынан америкалық әскерді шығару туралы шешіміне наразы. АҚШ президенті "сарбаздардың үйге қайтатын уақыты келгенін" мәлімдеді

Алайда 20 жыл ішінде тәлібтермен келісімге келіп, бейбітшілікке қол жеткіземіз деген жоспар орындалған жоқ. АҚШ әскері қашан Ауғанстаннан толық кетеді? Неге ресейлік СІМ Вашингтон содырлардың алдында түсініктеме береді деп санайды?

43
Қасым-Жомарт Тоқаев

Мемлекет басшылары Тоқаевты құттықтап жатыр

0
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

0
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды