Алматы тұрғындары COVID-ке қарсы вакцинаны қалай салдырды - видео

159
(Жаңартылды 18:20 05.04.2021)
Алматыда екінші сәуірден бастап тұрғындарды коронавирусқа қарсы жаппай вакциналау басталды. Ол демалыс күндері де жалғасты. Алматылықтар ресейлік Спутник V вакцинасын салдырды

Тұрғындар қай жерде тіркелгеніне қарамастан қалалық емханалар, ауруханалар мен медициналық орталықтарға хабарласу қажет. Қазір қалада 55 орталық жұмыс істеп тұр, оның 16-сі жекеменшік. Сәуір айында 250 вакцина салу орталықарын ашу көзделіп отыр.

Вакцина салмас бұрын дәрігерлер тұрғынның дене қызуын, қан қысымын, тыныс алуын, сатурацияны өлшейді, тамағын тексереді. Сонымен қатар қандай да бір дәріге аллергияның бар-жоғын нақтылайды. Тексеруден кейін пациент құжатқа қол қояды, онда жеке деректерін көрсетеді және барлық ұсыныспен танысқанын және вакциналауға қарсы емес екенін растайды.

Алматылық Ақнұр Ғұмарова вакцина салу туралы ақпаратты емхананың сайтынан көргенін айтты.

"Өзімнің учаскелік дәрігерімнен толық ақпарат алдым. Қандай жағдайда салуға болмайтынын нақтыладым. Содан вакцина салдырамын деп шешім қабылдап, келдім. Екі балам бар, оларға да уақытылы вакцина салдырып тұрамын. Себебі бұл жайлы ақпаратым бар. Елімізде, басқа да жерлерде не болып жатқанын көріп жүргендіктен, вакцина салдыруға келдім", - дейді Ақнұр.

Екпе жеке кабинетте салынады. Оған 3-4 минут уақыт кетеді. Содан кейін жарты сағат дәрігерлер бақылауында болу қажет. Егер аллергиялық реакция пайда болса, көмек сол жерде көрсетіледі. 30 минуттан кейін науқасты қайта қарайды. Барлығы дұрыс болса, пациент үйіне жіберіледі.

Вакцинаның екінші дозасы үш аптадан кейін салынады. Тұрғындар вакцинаның бірінші компонентін салдырған емханаға барып салдыруы қажет. Оның алдында пациентке SMS хабарлама келеді. Бір күн бұрын олар емханадан қоңырау шалып, денсаулық жағдайын сұрайды.

Оқи отырыңыз: "Спутник V" вакцинасының бір компонентін ғана салдырса не болады

5 сәуірден бастап екпенің жаңа партиясы келгенге дейін жаппай вакцина салу 3-4 күнге тоқтатылды.

Естеріңізге салсақ, 1 сәуір күні Алматы қаласына 21 860 доза екпе келді. Демалыс күндері 23 649 адамға вакцина салынды. 1 ақпаннан бері "Спутник V" вакцинасының бірінші компонентін 39 549 адам алды. Сәуірден маусымға дейін қалаға вакцинаның қосымша 750 мың дозасы жеткізіледі деп жоспарланған.

159
Кілт сөздер:
видео, коронавирус, вакцина, Алматы
Тақырып:
COVID-ке қарсы вакцина (161)

Көне және заманауи: Түркістанда туристік кешен ашылды видео

46
Түркістанда Орталық Азиядағы ең ірі туристік кешен – "Керуен-Сарай" ашылды. Ол Қожа Ахмет Яссауи кесенесіне қарама-қарсы "Әзірет Сұлтан" мәдени қорығының буферлік аймағында орналасқан

Кешеннің салтанатты ашылу рәсімі өткен сенбі, 10 сәуірде өтті. Шараға Қазақстанның үкімет басшысы Асқар Мамин қатысты.

Кешен 20,5 гектар аумақта орналасқан және оған Жібек жолы дәуіріндегі саудагерлер мен қолөнершілер көшесі, "ұшатын театр", ат шоуын өткізуге арналған амфитеатр, Шығыс базары, сауда сөрелері мен бутиктер, қонақ үйлер мен мейрамханалар, СПА және фитнес-орталық, кинотеатр, отбасылық ойын-сауық орталығы кіреді.

Тағы оқыңыз: Түркістанда "ұшатын" театр ашылады

Барлық құрылым су арнасы арқылы байланыстырылған, онда судағы "қайық шеруі" театрландырылған шоуын өткізу жоспарланып отыр.

46
Кілт сөздер:
туристер, видео, Түркістан

АҚШ әскері Ауғанстан аумағынан шығарылады - видео

45
Ауғанстан тұрғындары Байденнің ел аумағынан америкалық әскерді шығару туралы шешіміне наразы. АҚШ президенті "сарбаздардың үйге қайтатын уақыты келгенін" мәлімдеді

Алайда 20 жыл ішінде тәлібтермен келісімге келіп, бейбітшілікке қол жеткіземіз деген жоспар орындалған жоқ. АҚШ әскері қашан Ауғанстаннан толық кетеді? Неге ресейлік СІМ Вашингтон содырлардың алдында түсініктеме береді деп санайды?

45
Қар, архивтегі сурет

Қар және жаңбыр: синоптиктер ертең ауа райы қандай болатынын айтты

0
Қазақстанның басым аумағында атмосфералық ауа ағымдарының әсерінен жаңбыр жауып, жел күшейеді

НҰР-СҰЛТАН, 17 сәуір – Sputnik. Ертең, 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.

Өңірлердегі ауа райы

Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.

Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.

Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.

Тағы оқыңыз: Биыл жаз қандай болады – синоптиктер болжам жасады

Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.

Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.

Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Мегаполистерде ауа райы қандай болады

Нұр-Сұлтанда 18 сәуірде күн ашық, жауын-шашынсыз. Ауа температурасы күндіз 18 градусқа дейін көтеріледі, түнде – плюс бір градус. Жел жоқ.

Алматыда көшпелі бұлт шығады, оқта-текте жаңбыр жауады. Күндіз сынап бағанасы плюс 19 градус, түнде плюс 8 градусты көрсетеді.

Шымкентте де күн ашық. Күндіз – плюс 22, түнде – плюс 11 градус.

0
Кілт сөздер:
ауа райы болжамы, Қазгидромет
Тақырып бойынша
Көктемде 276 елді мекенді су басуы мүмкін – ТЖ министрі
Қар аралас жаңбыр: Қазақстанның барлық дерлік өңірінде дабылды ескерту жарияланды