"Отанымды жақсы көремін": қазақстандықтар басқа елге неге кетпейтінін айтты - видео

104
Жуырда Ranking.kz Қазақстаннан былтыр 29,1 мың адам көшіп кеткенін хабарлады. Негізінен, техник-мамандар, экономистер мен педагогтер шетел асқан. Ал елге келгендер саны небәрі 11,4 мың ғана

Мұндай жалаң цифрлар көңілге қаяу, ойға алаң салары анық. Елді тастап кетіп жатқан кімдер? Олардың қоныс аударуына не себеп? Осы сынды сұрақтар көпшілікті мазалайды. Осыған байланысты Sputnik Қазақстан тілшісі Нұр-Сұлтан тұрғындары арасында сауалнама жүргізді. Қазақстандықтар "Елден кеткіңіз келе ме?" деген сұраққа жауап берді.

Сауалнамаға қатысқандардың барлығы дерлік Қазақстанды ешқандай елге айырбастамайтынын қадап айтты. Олар кіндік қаны тамған Отанын тастап кетуді ойламайды, керісінше, қазақ елінің көркейіп, дамығанын қалайды.

"Не үшін кетемін? Қазақстан – ата-бабамыз туып-өскен жер, кіндік қанымыз тамған жер, елді мекеніміз. Ешкімге сатпаймыз да, бергіміз де келмейді, кеткіміз де келмейді. Балаларымызды да солай тәрбиелейміз", - дейді тұрғындардың бірі.

"Өз елімді жақсы көремін. Оның одан әрі дамып, тәуелсіз болғанын, адамдар өз құқығын қорғап, барлық мүмкіндік жасалғанын қалаймын. Сол кезде бәрі жақсы болады деп ойлаймын", - деген пікір білдірді тағы бірі.

Енді бірі шет елдерде ұзақ қала алмайтынын, бір-екі аптадан кейін Қазақстанды сағынатынын айтады.

"Шет елдерді араладым, бір-екі жұмадан кейін үйге қайтқың келеді. Бұдан да қиын заманда ата-анамыз өмір сүрді ғой. Оған қарағанда біз өмір көрдік, білім алдық, сондықтан Қазақстанды жамандай беруге болмайды",- деді астаналық.

Десе де, бірлі-жарымы Қазақстаннан кеткісі келетінін жасырмады. Мәселен, біреуі Англияда өмір сүруді армандайды. Шет елге ақша табу үшін барып қайтқысы келетіндер де кездесті. Толығырақ біздің видеодан тамашалаңыз.

104
Кілт сөздер:
елорда, видео

Елорда әуежайында Ashyq қосымшасы іске қосылды видео  

30
Ashyq бағдарламасы қосылған үш күн ішінде әуежайда "қызыл" статусы бар 24, "сары" статусы бар 23 жолаушы анықталды

12 мамырдан бастап елорда әуежайында Ashyq пилоттық жобасы іске қосылған болатын.

Бұл ретте әуежай ғимаратына кіру үшін жолаушы QR-кодты сканерлеп, өз статусын әуежай қызметкеріне кіреберісте көрсетуі тиіс, деп хабарлайды елорда әкімдігінің ресми сайты көліктегі санитариялық-эпидемиологиялық бақылау департаментіне сілтеме жасай отырып.

Жолаушыда смартфон болмаған жағдайда әуежай қызметкері ақпараттық жүйеде ЖСН арқылы оның статусын тексереді. Шетел азаматтарының статусы паспорт нөмірін енгізу арқылы бақыланады.

Оқи отырыңыз: Ashyq арқылы адамның қай жерге барғанын бақылай ма – министрлік жауабы

Жолаушыларға статус "ПТР-зерттеулердің бірыңғай интеграциялық порталы" және "Қазақстан Республикасы денсаулық сақтау министрлігінің COVID-19 бақылау орталығы" ақпараттық жүйелерімен салыстыру негізінде беріледі.

30
Кілт сөздер:
Нұр-Сұлтан, әуежай, жолаушылар, эпидемия, коронавирус

Ондаған адам көз жұмды: Израиль мен Палестинада не болып жатыр видео

95
Соңғы күндері Газа секторынан Израильге 1600-ден астам зымыран ұшырылды. Зымыран соққыларының қорқынышты кадрлары көрініс тапқан видео жарияланды  

ХАМАС қозғалысының содырлары Израиль аумағына зымырандық және минометтік шабуылды 10 мамырда бастады.

Израиль билігі бірнеше палестиналық отбасыны Шығыс Иерусалимнен көшіріп жіберуге әрекеттенгеннен кейін бұл жағдай ушықты.

Соққылар мен қақтығыстардың салдарынан қазірдің өзінде ондаған адам қаза тауып, жүздеген адам жарақат алды. Соңғы хабар бойынша израильдіктер Газа секторында құрлықта операция жүргізуді жоспарлап отыр.

95
Дәрігер ПТР-тесті қарап жатыр, архивтегі фото

Қазақстанда вирус жұқтырғандар туралы жаңа ақпарат шықты

6
Науқастар саны жағынан Алматы, Нұр-Сұлтан қалалары мен Қарағанды облысы көш бастап тұр

НҰР-СҰЛТАН, 16 мамыр — Sputnik. Қазақстанда өткен тәулікте 2 459 адамда коронавирусқа тапсырған ПТР-тест оң нәтиже көрсетті, деп хабарлайды COVID-19 таралуына жол бермеу жөніндегі ведомствоаралық комиссия.

Індетке шалдыққандар антирейтингінде Алматы, Нұр-Сұлтан қалалары және Қарағанды облысы көш бастап тұр.

Қалалар мен өңірлер бойынша:

  • Нұр-Сұлтан – 400,
  • Алматы – 591,
  • Шымкент – 101,
  • Ақмола облысы – 149,
  • Ақтөбе облысы - 89,
  • Алматы облысы – 209,
  • Атырау облысы – 75,
  • Шығыс Қазақстан облысы – 93,
  • Жамбыл облысы  – 33,
  • Батыс Қазақстан облысы – 114,
  • Қарағанды облысы – 359,
  • Қостанай облысы  – 30,
  • Қызылорда облысы – 44,
  • Маңғыстау облысы – 65,
  • Павлодар облысы – 72,
  • Солтүстік Қазақстан облысы  – 14,
  • Түркістан облысы – 72.

Жалпы пандемия басталғалы республикада коронавирус инфекциясын жұқтырғандар саны 358 104 адамға жетті.

6
Кілт сөздер:
Қазақстан, статистика, коронавирус, індет
Тақырып:
Коронавирус эпидемиясы
Тақырып бойынша
Елорда әуежайында Ashyq қосымшасы іске қосылды – видео  
Сенат спикері Мәулен Әшімбаев жағымды жаңалығын бөлісті
Бұрынғы ұлттық экономика министрі вакциналау паспортынан қате тапты
Пандемияның екінші жылы адам өлімі әлдеқайда көп болуы мүмкін - ДДСҰ 
"Ақша мен сыйлық беруге болмайды": Қырғызстанда жиын-тойларға шектеу енгізіледі