Талғарлық жігіт пластикалық қоқыстан таңғажайып роботтар жасайды видео

79
(Жаңартылды 10:11 26.04.2021)
Ескі тұрмыстық техниканың пластикалық бөлшектерінен жасалған фантастикалық кейіпкерлер Талғардағы дәмхананың көркін ашып тұр

Дәмхана иесі Қуаныш Мұхамеджанов келушілерді қызықтыра отырып, өзінің бала күнгі арманын орындау үшін әрі өзі тұратын қаланы экологиялық тұрғыдан таза ету үшін ерекше мүсіндер жасайды.

Оның айтуынша, іске жарамсыз бірнеше шаңсорғышты тапқан кезде оған трансформер-роботтар жасау туралы идея келген.

Сондай-ақ Қуаныш тұрмыстық техника жасалатын пластикалық материалдар жүздеген жыл бойы ыдырамай қалпын сақтайтынын айтады. Ал Қазақстанда олар қазірше тиімді және жаппай өңдеу қолға алынбаған.

Бастапқыда ол пластик қалдықтарын туыстарынан алып отырған. Алайда көп ұзамай әуесқой мүсінші өзінің өнер туындалары үшін шикізат тапшылығына тап болды.

Кейіннен оның әдеттен тыс қадам жасауына тура келген.

"Шикізат тапшылығы байқала бастаған соң, ерекше әдіс ойлап таптым. Яғни ескі, өзіңізге қажет емес шаңсорғышты әкелсеңіз – біз сізге пицца береміз. Осылайша қажетсіз шаңсорғыштарды пиццаға алмастырып жатырмыз", – дейді дәмхана иесі.

Оқи отырыңыз: Қарулы адамды ұстау операциясы – оқиға орнынан түсірілген видео

Қазіргі кезде Қуаныштың коллекциясында 30-ға жуық түрлі роботтардың үлгілері бар. Бұл оның кафесіне келушілердің қызығушылығын тудырып қана қоймайды. Олармен бірге оның достары да қолдау көрсетеді.

79
Кілт сөздер:
робот, пластик

Елорда әуежайында Ashyq қосымшасы іске қосылды видео  

29
Ashyq бағдарламасы қосылған үш күн ішінде әуежайда "қызыл" статусы бар 24, "сары" статусы бар 23 жолаушы анықталды

12 мамырдан бастап елорда әуежайында Ashyq пилоттық жобасы іске қосылған болатын.

Бұл ретте әуежай ғимаратына кіру үшін жолаушы QR-кодты сканерлеп, өз статусын әуежай қызметкеріне кіреберісте көрсетуі тиіс, деп хабарлайды елорда әкімдігінің ресми сайты көліктегі санитариялық-эпидемиологиялық бақылау департаментіне сілтеме жасай отырып.

Жолаушыда смартфон болмаған жағдайда әуежай қызметкері ақпараттық жүйеде ЖСН арқылы оның статусын тексереді. Шетел азаматтарының статусы паспорт нөмірін енгізу арқылы бақыланады.

Оқи отырыңыз: Ashyq арқылы адамның қай жерге барғанын бақылай ма – министрлік жауабы

Жолаушыларға статус "ПТР-зерттеулердің бірыңғай интеграциялық порталы" және "Қазақстан Республикасы денсаулық сақтау министрлігінің COVID-19 бақылау орталығы" ақпараттық жүйелерімен салыстыру негізінде беріледі.

29
Кілт сөздер:
Нұр-Сұлтан, әуежай, жолаушылар, эпидемия, коронавирус

Ондаған адам көз жұмды: Израиль мен Палестинада не болып жатыр видео

85
Соңғы күндері Газа секторынан Израильге 1600-ден астам зымыран ұшырылды. Зымыран соққыларының қорқынышты кадрлары көрініс тапқан видео жарияланды  

ХАМАС қозғалысының содырлары Израиль аумағына зымырандық және минометтік шабуылды 10 мамырда бастады.

Израиль билігі бірнеше палестиналық отбасыны Шығыс Иерусалимнен көшіріп жіберуге әрекеттенгеннен кейін бұл жағдай ушықты.

Соққылар мен қақтығыстардың салдарынан қазірдің өзінде ондаған адам қаза тауып, жүздеген адам жарақат алды. Соңғы хабар бойынша израильдіктер Газа секторында құрлықта операция жүргізуді жоспарлап отыр.

85
Ыстық ауа райы

36 градус ыстық және жел: ертең ауа райы қандай болады

1127
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1127
Кілт сөздер:
Қазгидромет, ауа райы