29 сәуірде Ялтада жартылай финал өтеді, оған 15 елдің өкілдері қатысады: Австрия, Аргентина, Ұлыбритания, Израиль, Индия, Италия, Канада, Қытай, Латвия, Польша, Португалия, АҚШ, Түркия, Франция және Швеция.
Үздіктерді құрамына ресейлік және шетелдік музыканттар мен өнер қайраткерлері кіретін қазылар алқасы анықтайды.
Ал 1 мамырда өтетін фестиваль іріктеуінде қатысушылар ресейлік әншілермен дуэт құрып өнер көрсетеді. Байқаудың жалпы жүлде қоры биыл 60 мың еуроны құрайды.
Сонымен қатар үміткерлер doroganayaltu.ru веб-сайтындағы онлайн дауыс беру нәтижесі бойынша берілетін "Халық таңдауы" сыйлығы үшін таласады.
Дауыс беру қазірдің өзінде басталды және фестивальдің финалына дейін жалғасады. Ұйымдастырушылар жеңімпаз есімін гала-концерт кезінде жариялайды.
Оқи отырыңыз: Қазақ қуыршақ өнерінің бастауы: ортеке күйі туралы не білеміз – видео
Өткен жылы фестивальдің жұлдызды қазылар алқасының құрамына Қазақстанның халық әртісі Роза Рымбаева кірді. Ол коронавирус пандемиясы салдарынан қашықтан өткізілуіне қарамастан, ірі музыкалық шараның ұйымдастырылуын жоғары бағалады.