Латвиялық журналистер БҰҰ бас хатшысына үндеу жолдады видео

65
3 мамыр – Дүниежүзілік баспасөз бостандығы күні. Осы күнге орай латвиялық журналистер БҰҰ бас хатшысына үндеу жолдады

Журналист, продюсер Андрей Яковлевтің айтуынша, латвиялық орыс журналистері кәсіби қызметі үшін қудалауға ұшыраған.

Оған латвиялық журналистердің ресейлік БАҚ-пен әріптестік орнатуы себеп болып отыр.

Құқыққорғау органдары тінту жүргізіп, журналистердің компьютерін, телефоны мен мұрағатын тәркілеген.

Осыған байланысты латвиялық журналистер БҰҰ бас хатшысынан БАҚ өкілдерінің бостандығына қатысты өз ұстанымын білдіруді сұрады.

65

Ресейдің Ашық аспан келісімінен шығу туралы шешім қабылдауына не түрткі болды

26
Владимир Путин мемлекеттік думаның қарауына Ресейдің Ашық аспан келісімінен (ААК) бас тартуы туралы заң жобасын енгізді

Қырғи-қабақ соғыстан кейін Еуропадағы сенімді нығайту мақсатында бұл құжатқа 1992 жылы қол қойылған болатын. 2020 жылдың қарашасына дейін оған 30-дан астам мемлекет мүше болды. Бірақ АҚШ бұл келісімнен шықты. Осы жылдың қаңтарында Ресей де осы бағыттағы процесті бастады. Мәскеу не себепті келісімнен шығуға бел буды?

26

Қазан мектебіндегі атыс: оқ жаудырған жігіт туралы көршілері айтып берді видео

1427
Татарстан астанасы Қазан қаласындағы мектепте болған атыстың куәгерлері қайғылы оқиғаның қалай өрбігенін еске алды

Қазан тұрғындары 11 мамыр күні жергілікті мектепте болған қайғылы оқиға жайлы айтты.

"Жарылыс болды. Терезеден қарадым, бәрі жүгіріп жүр, не болып жатқанын көрейін деп сыртқа шықтым. Мектепке жақындап келдім, балаларды алып шығып жатыр екен, бәрі қан-жоса. Содан кейін үйіме келдім, ол жаққа да кіргізбей қойды", - деп еске алды қайғылы оқиғаны жергілікті тұрғындардың бірі.

Оқ жаудырған Ильназ Галявиевтің көршісі оны сырт көзге "жақсы, зиялы жігіт" болып көрінгенін, оны мұндай әрекетке барады деп ойламағанын айтты.

Ильназ Галявиев қолданған қарудың ресми түрде тіркелгені белгілі болды.

Оқи отырыңыз: Тоқаев Қазандағы қанды оқиғаға байланысты көңіл айту жеделхатын жолдады

Айта кетейік, Қазан мектебіндегі атыс салдарынан сегізінші сыныптың жеті оқушысы және бастауыш сыныптың мұғалімі көз жұмды

Оларға оқ атқан осы мектептің он тоғыз жасар түлегі. Күдікті қолға түсті. Қазіргі кезде қылмыстық іс қозғалды.

Татарстан басшысы 12 мамырды аза тұту күні деп жариялады.

Енді Татарстанда барлық оқу орны тексеріліп жатыр. Сондай-ақ Ресейде қаруға иелік ету ережелері күшейтіледі.

1427
Кілт сөздер:
Татарстан, оқушылар, мектеп, атыс
Тақырып бойынша
Он бір адам көз жұмды – Қазанда мектептің ішінде түсірілген видео тарады
Қазанда мектепте атыс шығарған екінші күдіктінің көзі жойылды
Атыс, үрей және дүрбелең: Қазан мектебіндегі оқиға қалай өрбіді – видео
Қазан мектебіндегі атыс: 25 жастағы мұғалімнің қалай көз жұмғаны белгілі болды
Жүктілік, архивтегі фото

Еңбек министрлігі декреттік жәрдемақыны рәсімдеуге қатысты жаңа мәлімет таратты

0
Декретке шығуды жоспарлап отырған әйелдер енді халыққа қызмет көрсету орталығында кезекте тұрып құжат өткізбесе де болады. Олар үшін жұмыс берушілер әлеуметтік төлемді рәсімдей алады

НҰР-СҰЛТАН, 13 мамыр – Sputnik. Қазақстандықтар жүкітілік және босануға байланысты әлеуметтік төлемді проактивті түрде рәсімдей алады. Еңбек және халықты әлеуметтік қорғау министрлігінің хабарлауынша, енді жұмыс берушілер қажетті мәліметті электрондық еңбек биржасының порталы арқылы беруге тиіс.

Осылайша жүктілігіне байланысты демалысқа шығатын әйелдер халыққа қызмет көрсету орталығында құжат тапсырмайды.

"Осы жылдың мамырынан бастап электрондық еңбек биржасында Қазақстанның жұмыс берушілері үшін жүктілікке және босануға байланысты әлеуметтік демалыстарды еңбек шарттарын есепке алудың бірыңғай жүйесінде тіркеу мүмкіндігі берілді. Осының арқасында демалысқа шыққан қызметкерлерге тиісті әлеуметтік төлемді тағайындауды өтініш берушінің қатысуынсыз проактивті форматта жүзеге асыруға болады", - делінген ақпаратта.

Ол үшін жұмыс беруші жұмыскердің демалысқа шығу фактісін электрондық еңбек биржа порталындағы жеке кабинетте тіркеуі қажет.

Оқи отырыңыз: Қазақстанда зейнетақы мен жәрдемақы тағайындау қызметі қашан цифрландырылады

Деректер еңбек шарттарын есепке алудың бірыңғай жүйесіне жіберіледі, одан сұрау салу бойынша әлеуметтік төлемдер тағайындау үшін "Азаматтарға арналған үкімет" мемлекеттік корпорациясына" беріледі.

Көрсетілетін қызметті алушыға SMS-хабарлама арқылы проактивті форматта әлеуметтік төлем тағайындауға келісімін алу бойынша сұрау түседі. Оған үш күн ішінде жауап беру қажет.

0
Кілт сөздер:
Қазақстан, жәрдемақы, босану, жүктілік, декреттік демалыс
Тақырып бойынша
Нұр-Сұлтанда соғыс ардагерлеріне 1 млн теңгеден төленеді
Биыл Чернобыль ардагерлеріне 540 миллион теңге жәрдемақы төленеді
Солтүстік Қазақстанда атаулы әлеуметтік көмек алғандардың басы дауға қалды
Балаға төленетін жәрдемақы көтеріле ме – үкімет жауап берді