Нұр-Сұлтанда жауыннан кейінгі ағын су мәселесі қалай шешіліп жатыр видео

41
Бірнеше жылдан бері Қазақстан астанасындағы нөсер жауыннан кейін пайда болатын ағын су мәселесі күн тәртібінен түскен емес

Ал соңғы аптада елордада ауа температурасы 30 градустан түспей-ақ қойды. Десек те, астана жазда нөсер жауынсыз болмайды. Ал қала билігі 2021 жылдың соңына дейін оң жағалаудағы проблемалы аймақтардағы су тасқыны мәселесін толық шешеміз деп уәде беріп отыр.

"Жалпы алғанда, қалада 600 шақырымға жуық құбыр желісі бар. Оның 400 шақырымы біздің кәсіпорынға тиесілі. Күн сайын төрт бригада төрт бағыт бойынша торларды тазартып, жаңбыр суының ағыс жолы мен құдықтарды қадағалайды. Жыл басынан бері 500 тоннаға жуық қоқыс пен лай шығарылды. Сонымен қатар біз тазарту құрылғылары мен су сору станцияларына қызмет көрсетеміз", – дейді Elorda Eco System коммуналдық кәсіпорны бас директорының орынбасары Тимур Шоданов.

Оқи отырыңыз: Құлпытаста QR-код болады: мүфтият зират көтеру мәдениетін бір жүйеге келтірмек - видео

Қаладағы ең проблемалы аймақтардың бірі – Момышұлы даңғылы мен "Жастар" шағын ауданында орналасқан.

"Биыл Момышұлы даңғылында диаметрі 1 800 миллиметрлік коллекторды салу бойынша жұмысты аяқтадық. Жақында ғана жауып өткен нөсер жаңбыр көрсеткендей, ол жерде ешқандай проблема болған жоқ. Ал Иманов пен Иманбаев көшесі маңындағы мәселені де шештік. Яғни, ол жерге қосымша қондырғы орнатылып, коллектор мен тазарту құрылыстары салынуда. Нәтижесінде, аталған көшелерде су жайылмайтын болады", – деді Шоданов.

Біздің кәсіпорынға жылу энергетикалық кешен мен коммуналдық шаруашылық басқармасы бюджеттік өтінім бойынша қаражат бөледі, деп жалғастырды ол.

"Тек, ағын су кәрізі желілерін күтіп-ұстауға жыл сайын 500 миллионнан астам теңге бөлінеді. Бұл жүйе сумен жабдықтау және су бұру, электр желілері сияқты инженерлік желілермен бірдей күтімді қажет етеді. Сондықтан да осы мәселені реттеу мақсатында арнайы кәсіпорын құрылды. Егер біз барлық жұмыстарды 2-3 жыл ішінде бітірсек, ешқандай қиындықтар болмайды деп ойлаймын", – дейді ол.

Шодановтың айтуынша, қалада жаңбыр суы ағатын желіні заңсыз кесіп, тесетіндер де жоқ емес. Ал мұндай жағдайда ағын су Есілге құйылып, өзенді ластайды. Сондықтан да заңбұзушылықтарға жол бергендерге айыппұл салынады. Оның көлемі жеке тұлғалар үшін – 60 мың ал заңды тұлғалар үшін – 87 мың теңге.

41
Кілт сөздер:
ағын су, Нұр-Сұлтан

Назарбаевтың ескерткіші орнына қойыла ма: Талдықорғандағы алаңның қазіргі күйі видео

761
Талдықорған қаласындағы жаппай тәртіпсіздіктерден кейін қалпына келтіру жұмыстары жалғасып жатыр. Бірақ Нұрсұлтан Назарбаевтың ескерткіші әлі орнына қойылған жоқ.

Облыстық әкімдіктің ғимаратына да қатты зақым келген. Осы нысан қаңтардағы оқиғалар кезінде отқа оранған болатын.

Өңір басшылығы тұңғыш президенттің ескерткішін қалпына келтіру жайында осы күнге дейін ештеңе айтпаған еді. Сөйтсе, бұл мәселені "кейінге қалдыруға" шешім қабылданған.

Талдықорған алаңында тұрған Нұрсұлтан Назарбаевтың ескерткіші 2016 жылы қараша айында орнатылған болатын. Қоладан құйылған монументтің биіктігі - 8,5 метр. 5 қаңтарда жаппай тәртіпсіздіктер кезінде Елбасының ескерткіші қиратылды.

Облыстық әкімдіктің мамандары барлық нысанды қалпына келтіру жұмыстары аяқталғаннан кейін монумент мәселесін қарастыратынын жеткізді.

Талдықорғанда ескерткіш тұрған алаңның қазіргі күйін видеодан көріңіз.

761
Кілт сөздер:
Назарбаев, ескерткіш, Талдықорған, видео

Қарулы күштердің жауынгерлік дайындығына жаңа тәсілдер енгізіледі видео

43
Мемлекет басшысы Қасым-Жомарт Тоқаев геосаяси жағдайды және аймақтық деңгейдегі өзекті сын-қатерлерді ескере отырып, қорғаныс министрлігінің алдына Қарулы күштердің әскери дайындығы мен жауынгерлік қабілетін түбегейлі арттыру міндетін қойды

Биыл жауынгерлік даярлыққа елді мекендерді қорғау және терроризмге қарсы операцияларға қатысу үшін бөлімшелерді қолданудың жаңа тәсілдері енгізіледі.

Әскери қызметшілер атыс, тактикалық даярлық және басқа да пәндер бойынша нормативтерді пысықтайды. Далалық жағдайда әрекет ету дағдылары, топтық тактикалық міндеттерді шешу жолдары меңгерілетін болады.

Оларды орындау сапасын жеке құрам мен бөлімшелердің дайындық деңгейі анықтайды. Бөлімшелердің, есептоптардың және экипаждардың дайындығы биыл 5 ақпанға дейін өтеді.

Әскерлерді оқытудың кезекті кезеңі жауынгерлік атыстармен және кешенді тактикалық-арнайы сабақтармен аяқталады.

Жауынгерлік дайындық барысын видеодан тамашалаңыз.

43
Кілт сөздер:
видео, Қарулы күштер, жауынгерлер
архивтегі сурет

Байден АҚШ-тағы рекордтық инфляцияны "көлемді актив" деп атады

0
АҚШ президенті Джо Байден Fox News журналисіне тіл тигізіп, жоғары инфляцияға қатысты ешқандай алаңдамайтынын жеткізді

АҚШ-та рекордтық жоғары 7 процент деңгейіне жеткен инфляцияны Джо Байден "үлкен актив" деп атады. Бұл туралы The Wall Street Journal жазды.

Fox News тілшісі Питер Дуси Бәсекелестік жөніндегі кеңес отырысының алдында өткен брифинг кезінде америкалық көшбасшыдан "аралық сайлау қарсаңында бағаның өсуін ол "саяси ауыртпалық" деп қарастырады ма" деп сұрады.

"Бұл үлкен актив! Көбірек инфляция болсын!" – деп жауап берген Байден БАҚ өкілін "ақымақ" деп бейәдеп сөзбен балағаттады.

АҚШ-тағы инфляция деңгейі соңғы 40 жылдағы рекордтық көрсеткішке жетті: 1982 жылдың маусымында ол 7,2%-ті құрады. Елде жылжымайтын мүлік, жеке көлік пен азық-түлік бағасы қымбаттады. Коронавирус пандемиясынан кейін экономиканың қалпына келуі, Конгресс пен Федералды резерв жүйесінің (ФРЖ) қаражат салуы, сондай-ақ өндіріс саласындағы жеткізулер тізбегіндегі бұзылуы жағдайында бұл қарқын үдей түсті. Агенттік басшысы Джером Пауэлл қарашада инфляцияның жоғары деңгейін уақытша деп атауды доғаратын кез келгенін мойындады.

Американың орталық банкі наурызда проценттік мөлшерлемелерді тұрақты көтеру кезеңін бастауға дайын тұр. Федералды резерв жүйесіне мөлшерлемелерді көтергенмен, рецессия және жұмыссыздықтың өсуіне жол бермеу міндеті жүктеліп отыр.

БАҚ мәліметі бойынша, сайлаушылар тарапынан инфляцияның салдарын Байденнің өзі де сезінеді. Себебі америкалықтар АҚШ президенті мен Демократиялық партияны бағаны өсірді деп айыптап отыр. АҚШ-та конгреске аралық сайлау қарашада өтеді.

0
Кілт сөздер:
АҚШ, инфляция