Құрбан айтта қай өңірлерде айт намазы мешітте оқылады видео

544
(Жаңартылды 09:20 20.07.2021)
20 шілдеде барша мұсылман жамағаты үшін ұлық мереке Құрбан айт басталады. Үш күнге жалғасатын діни мейрамның алғашқы күнінде мешіттерде Айт намазы оқылады

Алайда биыл коронавирус инфекциясының таралуына байланысты "қызыл" аймақта тұрған өңірлерде бұл жергілікті бас санитар дәрігерлердің қаулысына сәйкес жүзеге асады.

Sputnik Қазақстан ертең қай өңірде Құрбан айт намазы мешітте оқылатынын Қазақстан мұсылмандары діни басқармасынан сұрады.

ҚМБД шариғат және пәтуа бөлімі меңгерушісінің орынбасары Хасан Аманқұловтың сөзінше, мешітте айт намазы оқылмайтын өңірлер тізіміне үш қала пен үш облыс кірді.

"Биыл да сынақты жыл болып жатыр. Былтыр карантин жағдайында індетке байланысты жұма намазы, Құрбан айт намазы тоқтатылды. Биыл да бұл жағдай осылай жалғасып келе жатыр. Ең соңғы мәлімет бойынша Нұр-Сұлтан, Алматы, Шымкент қаласы мен Жамбыл, Қарағанды, Қызылорда облысында мешітте намаз оқылмайды. Қалған облыста Айт намазы оқылады", - деді Хасан Аманқұлов.

Ал басқа өңірлерде мешіттерде намаз далада, адамдар арасында арақашықтықты сақтап оқылады.

Құрбан шалуға, құрбандық етін алуға өтініш беруге болатын Qurban2021.kz сайты 15 шілдеде іске қосылды. 4 күн ішінде құрбан шалуға қазақстандықтардан 1 460 өтініш түскен.

17 шілдеде бір-екі сағаттың ішінде құрбан етін алуға мұқтаждардан 2 мыңға жуық өтініш қабылданған.

"Тапсырыс берушілердің саны аз, мұқтаждар өте көп. Бүгінгі есеп бойынша 1 460 адамнан құрбан шалуға өтініш түскен. Ал 5 039 адамнан ет алуға өтініш түсті, бәрін тіркеп жатырмыз. Құрбан шалу – жағдайы бар адамға міндет. Етті қаласа өзі жейді, қаласа мұқтаж туыстарына береді. Онлайн арқылы құрбан шалуға тапсырыс берілген ет түгел мұқтаждарға беріледі", - деді ҚМДБ өкілі.

Мұқтаж болмаса да үйде жатып, "ет керек еді" деп тіркеле салу – ұят. Жағдайға қарау керек. Шынында қиналып жүрген отбасы болса, бала-шағасы көп болса, жалақысы аз болса, сондай адамдарға тіркелуге көмек көрсету қажет. Ет сатып алуға мүмкіндігі бола бермейтін отбасылар бар. Мұқтаждың қатарына кіріп, ет сұрау – ұятты жағдай, дейді Хасан Аманқұлов.

ҚМБД өкілінің айтуынша, өтініш берушілер сайтта әлеуметтік жағдайын көрсетеді. Сол кезде бір үйден бір адамның тіркелгені жеткілікті.

"Тапсырыс бергендердің қаражатын алып, мал сатып алып, соямыз. Соның бәрі 30 секундтық видеоға түсіріледі. Сол жерде молда кімнің атынан шалынып жатқанын айтып, малды бауыздаған видео-есеп тапсырыс берушінің Whatsapp нөміріне жіберіледі", - деді Аманқұлов.

Айтуынша, Алматы мен Нұр-Сұлтан қаласында салыстырмалы түрде тапсырыс берушілер көбірек тіркелген. Нұр-Сұлтанда қазірге дейін 141 адамнан, Алматыдан 196 тапсырыс түскен.

Оқи отырыңыз: Президент Құрбан айт мейрамына қатысты үкімет пен әкімдерге тапсырма берді 

Ең аз тапсырыс түскен – Қызылорда облысы. Бұл жақтан бір қой, бір ешкіні құрбан шалуға тапсырыс түскен. Түркістан облысынан – 9, Павлодар облысынан – 5, Солтүстік Қазақстаннан – 5, Шығыс Қазақстаннан 5 тапсырыс түскен.

"Мұқтаждардың өтініші жайлы айтар болсақ, 5 039 адамның 1 468-і Нұр-Сұлтан қаласынан түсті. Шымкенттен 1 043 адам өтініш берді. Алматы қаласынан тапсырыс көп, өтініш аз. Облыста мұқтаждар көбірек пе деп ойлайсың, бірақ Нұр-Сұлтан қаласында мұқтаж көп екені байқалды", - дейді Аманқұлов.

Айта кетейік, биыл Құрбан айт 20-22 шілдеге түсіп тұр. Құрбан айттың бірінші күні 20 шілде – демалыс.

544
Кілт сөздер:
видео, құрбан айт
Тақырып:
Құрбан айт 2021 (17)

Тылсымға толы Шыңғыстау өңірінің тарихи орындары видео

24
Қазақстан Республикасы президентінің телерадиокешені "Ұлылар мекені" деректі фильмін жариялады

Фильмде қазаққа Абай, Шәкәрім, Мұхтар Әуезов сынды үш алыпты сыйлаған тылсымға толы Шыңғыстау өңірінің тарихи орындары көрсетіледі.

Соның ішінде әуелі Қоңыр әулие үңгірінің тарихы баяндалған. Қазақстанның киелі жерлері географиясы тізіміне енген үңгір Шыңғыстау сүлемінің бір бөлігі Ақтас тауының етегінде орналасқан. Осы үңгір жайлы аңыз-әңгіменің басым бөлігі Шыңғыс қағанмен байланысты өрбіген.

"Шыңғыс хан Қоңыр әулиеде жерленген деген ел аузында аңыз-әңгіме бар. Қоңырәулие жайлы айтылмай жатқан сыр көп, зерттелмей жатқан қаншама дүние бар", - дейді Абай аудандық мәдениет үйі директорының орынбасары Бақытжан Байболов.

Үңгірдің ішінде айнадай жарқыраған тұнық көл бар. Көлдің ұзындығы – 25 метр, ені – 10 метр, тереңдігі – 1,8 метр. Алайда мұндағы су көлемі жыл сайын өзгеріп тұрады.

Тағы бір қызық дерек – үңгірдегі көлдің градусы қысы-жасы өзгермейді, үнемі +4 градус болып тұрады. Ал үңгірдің ішіндегі температура +7 градус. Үңгір Абай ауданы мәдениет үйіне қарайды.

Шыңғыстаудағы тағы бір қасиетті мекен – Кеңгірбай кесенесі. Өз заманында әйгілі би болған Кеңгірбай Жандосұлы 1735-1825 жылдары өмір сүрген. 19 ғасырда салынған кесене 1997 жылы жөндеуден өтті. Мазар маңызды тарихи және мәдениет ескерткіш ретінде Қазақстанның қасиетті жерлері тізіміне енген.

Сондай-ақ видеода Семейге баратын жолдағы Еңлік-Кебек ескерткіші де көрсетілген. Бұл ескерткішті 1960 жылы Абай ауылының тұрғындары өз қаражатына орнатқан. Ол 1976 жылы ак мәрмәрмен қапталды.

Абай Құнанбайұлы өмірінің соңғы 10 жылын Шыңғыстаудың ішкі бөктерінде Жидебайда өткізген. Фильмде Абай тұрған музей-үй туралы баяндалған.

Айта кетері, былтыр мемлекет басшысы Қасым-Жомарт Тоқаев Жидебайға арнайы барып, Абай-Шәкәрім мемориалды музей кешенінің жөндеу жұмыстарымен танысты. 

24
Кілт сөздер:
видео

Семей гарнизонында тактикалық оқу-жаттығулар өткізілді видео

26
Әскери қызметшілер жолды торуылдап, "жауды" қолға түсірді – Семей маңында тактикалық оқу-жаттығулар өткізілді  

Семей гарнизонында дабыл қағылды – роталық тактикалық оқу-жаттығулардың сценарийіне сәйкес, бақылаудағы аумақта шартты жаудың көлігі жүріп келе жатады.

Әскери қызметшілерге бұйрық түсті: көлікті тоқтатып, "жауды" қолға түсіру керек. Тапсырманы орындау үшін олар аумақты барлап, жауды анықтап, торуыл жасады.  

Оқу-жаттығудың соңғы кезеңінде жеке құрам қарудан оқ атты.

26
Операция

Әлемде алғаш рет адамға жасанды жүрек салынды

0
Жасанды жүректе екі қарыншалық камера және төрт биологиялық клапан бар, бірақ сыртқы батареялардан қуат қажет

НҰР-СҰЛТАН, 27 шілде – Sputnik. АҚШ-та тарихта алғаш рет жасанды жүрек трансплантациясы операциясы өтті, деп хабарлайды "Хабар 24".

"Медициналық ғажайыпты" Дьюк университетінің мамандары жасап шығарды. Протез Францияда ойлап табылған. Қайта зарядталатын батареялары бар құрылғы төрт сағатқа дейін жұмыс істей алады.

Жасанды жүректе екі қарыншалық камера және төрт биологиялық клапан бар, бірақ сыртқы батареялардан қуат қажет. Осы себепті адамға соңғысын үнемі өзімен бірге алып жүруге тура келеді. Салмағы да жеңіл емес, шамамен 4 килограмм.

Алдыңғы нұсқадан ерекшелігі стационарлық жабдық қажет емес. Көрсеткіштерді арнайы датчиктер бақылайды, олар адам ағзасындағы тұрақты қан айналымын сақтайды.

Қайтыс болған донорлардың жүрегі алғаш рет балаларға салынды

Жасанды жүректің қызмет ету мерзімі алты айдан аспайды, сондықтан толыққанды донорлық орган қажет болады.

Протез трансплантация үшін кезекте тұрған көптеген адамды құтқара алады. 39 жастағы Мэтью Мур есімді науқас осыған дәлел. Денсаулығы нашарлаған оған осы жасанды жүрек салынды.

0