Жүкті әйелдерге коронавирусқа қарсы вакцина салдыруға бола ма видео

132
Дүниежүзілік денсаулық сақтау ұйымы жүкті әйелдерде коронавирус инфекциясына қарсы вакцина салдыруға болатынын мәлімдеді. Сондай-ақ вакцина салдырған әйелдер баласын әрі қарай емізе алатынын айтты 

Бұл тақырып кейінгі кездері Қазақстанда да жиі талқыланып жүр. Соған байланысты Sputnik Қазақстан денсаулық сақтау министрлігінен ресми жауап беруін сұрады.

Вакциналау және жүктілік тақырыбы бойынша денсаулық сақтау министрлігі акушерлік, гинекология және перинатология ғылыми орталығының басқарма төрағасы Динара Мырзахметова және қоғамдық денсаулық сақтау ұлттық орталығы басқарма басшысының орынбасары Айнагүл Қуатбаева жүкті әйелдерге коронавирус инфекциясына қарсы вакцина салуға қатысты сауалдарға жауап берді.

Динара Мырзахметованың айтуынша, қазірге дейін вакцинаның жүкті әйелдерге қалай әсер ететіні туралы зерттеу жүргізілмеген. Сол себепті жүктілік кезінде вакцина салу қарсы көрсеткіш болып саналады.

"Дүниежүзілік денсаулық сақтау ұйымы вакцина шығарылатын өндірістерде жүргізілетін клиникалық өзгерістердің нәтижесі бойынша белгілі бір тұжырымдар жасайды. Соңғы 10 күнде Америкада 90 мыңға жуық жүкті әйел коронавирусқа қарсы екпемен қамтылғаны туралы ақпарат түсіп жатыр. (...) Біздің елге келіп түскен 4 түрлі вакцинаның сипаты, шығару, өндіру технологиясына жүгінетін болсақ, бұл вакциналардың құрамында жүктілік кезінде кері әсер ететін ингредиенттер жоқ", - дейді Айнагүл Қуатбаева.

Маманның сөзінше, Қазақстанда кейінгі жылдары жүктілік кезінде тұмауға қарсы вакцина салынады. Қазірге дейін олардың арасында вакцинадан кейін ауыр жағдайға тап болғандар тіркелмеген.

Сонымен қатар елімізде вакцинаның бірінші компонентін салдырған соң өзінің жүкті екенін білгендер бар. Мұндай жағдайда жүктілікті тоқтатудың қажеті жоқ.

"Мамандардың кеңесіне жүгіну қажет. Статистикалық мәлімет бойынша мұндай жағдай өте аз кездеседі. Алайда нақты саны жоқ, оларды жаппай статистикаға алып жатқан жоқпыз. Әр өңірден келіп түсетін бірен-саран жағдайлар", - дейді Айнагүл Қуатбаева.

Толығырақ Sputnik Қазақстан видеосынан көріңіз.

132
Кілт сөздер:
жүкті әйел, коронавирус, вакцина

Күздегі дәрумен тапшылығының бес белгісі - видео

23
(Жаңартылды 10:01 23.09.2021)
Алда қыс, демек иммунитетті күшейтетін және денсаулыққа ерекше ден қоятын кез келді. Бұл видеодан дәрумен тапшылығының негізгі белгілері мен оны толтырудың әдісі жайлы біле аласыз

Sputnik Беларусь өзінің Youtube-каналында дәрумен тапшылығы мен оны анықтаудың әдісін қарапайым тілмен түсіндіретін видео жариялады.

Кадр сыртындағы дауыс ағзада дәрумендер, минералдар тапшылығы болған жағдайда қандай өзгерістер орын алатынын түсіндіреді. 

Сонымен қатар дәрумен тапшылығы орын алған жағдайда не істеу керектігі жайлы айтылады. 

Оқи отырыңыз: 

 

23
Кілт сөздер:
дәрумен, күз, адам ағзасы
Тақырып бойынша
"Канело" көз түйістіру кезінде төбелесіп кетті – видео
Алматы көшелеріне "сергек-патруль" шықты – видео
Германияда ер адам автобус жолаушыларын кепілге алды – видео
Қарағандыда зауыт өртеніп жатыр – видео

Пальма аралындағы жанартау лавасы бассейндегі суды қайнатып жіберді - видео

61
Үйлер, инфарқұрылым мен егінді жалмап жіберді - Пальма аралындағы Кумбре-Вьеха жанартауының лавасы туралы жергілікті тұрғындай осылай дейді

Жанартау лавасы Кумбре-Вьеханың бөктерінен баяу сырғып, жолындағының бәрін күлге айналдырып жағалауға жетті.

Дронмен түсіріліген видеодан лава Пальма аралындағы тұрғынның бассейніндегі суды бір мезетте қайнатып жібергенін көруге болады.

Жергілікті билік аралдан алты мың тұрғынды эвакуациялағанын айтты. Және таяу арада Пальма мен жақын маңдағы Гомер, Иерро аралдарына қайтып оралмауға кеңес берді.

Сонымен қатар Испанияның туризм министрі Рейес Марото Кумбре-Вьехадағы жанартауды көрнекі орынға айналдыру туралы ұсыныс жасады. Оның айтуынша, ерекше құбылыс Канар аралдарына мыңдаған турист тартуға таптырмас мүмкіндік.

Алайда бұл идея әзірге тек сынға ұшырап жатыр. Өйткені оның атқылауы қаншалықты шығын келтіргені әзірге белгісіз. Қазір 150 үйдің зардап шеккені белгілі. Аймақ басшысы Мариано Эрнандес Сапата лава үйлер, жолдар мен егінді жалмап жатыр дейді.

Жанартау Кабеса-де-Вака көлінен 19 қыркүйекте атқылай бастады. Жергілікті биліктің болжамынша ағындар оңтүстік-батыстағы тұрғын үйлер мен ормандарға қарай жылжуы мүмкін.

Кумбре-Вьеха жанартауы соңғы рет осыдан 50 жыл бұрын атқылаған. Ол 80 мың тұрғыны бар Пальма аралының оңтүстігіндегі жотада орналасқан.

Өткен аптадан бері мұнда магнитудасы 4 баллға жеткен мыңдаған дүмпулер сезілді. Кумбре-Вьеха  XX ғасырда екі рет - 1949 және 1971 жылы атқылаған болатын.

61
Кілт сөздер:
жанартау, Испания
Тақырып бойынша
Алматы көшелеріне "сергек-патруль" шықты – видео
"Канело" көз түйістіру кезінде төбелесіп кетті – видео
Германияда ер адам автобус жолаушыларын кепілге алды – видео
Қарағандыда зауыт өртеніп жатыр – видео
жолдағы шұңқырлар

Министрлік ресейлік актердің "Атырау-Астрахань" жолына қатысты сынына жауап берді