Әзірше, қолда бар екпелерді тек ересек адамдарға ғана егуге болады. Дегенмен, келесі айда елімізге тағы бір вакцина – Pfizer препаратын жеткізу жоспарланып отыр. Оны 12 жастан асқан балаларға егуге рұқсат етілген.
Денсаулық сақтау министрлігі осы вакцинаны 12-17 жастағы балаларға салуды көздейді. Осылайша, ұжымдық иммунитет күшейе түседі деген жоспар бар. Себебі ондай балалардың саны 2 миллионға жуық.
Айта кетер жәйт, екпе тек ата-аналардың келісімімен ғана салынады.
Sputnik Қазақстан тілшілері осы мәселеге қатысты елордалықтардың ойын біліп қайтты.