Операция, архивтегі фото

Ғалымдар қатерлі ісіктен қорғанудың басты тәсілдерін атады

816
(Жаңартылды 13:58 26.03.2018)
Салауатты өмір салтын ұстанатын адамдар бұл дертке сирек шалдығады

АСТАНА, 25 наурыз – Sputnik. Ұлыбританияда Қатерлі ісікті зерттеу орталығының ғалымдары онкологиялық аурулардың пайда болуының басты себептерін анықтап, науқастар санын қалай төмендетуге болатынын айтты, деп хабарлайды РИА Новости.   

Eurekalert сайтында жарияланған мәліметке сүйенсек, Ұлыбританияның өзінде жыл сайын қатерлі дертке шалдығатындардың үштен бірінен астамы, яғни 135,5 мыңнан астам адамның бұл дерттен "айналып өтуге" мүмкіндігі бар екен.

Сонымен, адам баласы қатерлі ісіктің қандай түрлерінен қашып құтыла алады?  Ісіктің пайда болуының ең басты себебі ретінде темекі түтіні аталып отыр. Дертке шалдыққан ер адамдардың 17,7 процентіне, әйелдердің 12,4 процентіне осы фактор ықпал еткен. Екінші орында артық салмақ, үшінші орында күнге күю кезіндегі ультракүлгін сәулелердің шамадан тыс әсері тұр.  

Онкологиялық аурулардың пайда болу себептерінің қатарына алкоголь тұтыну, ауаның ластануы да қосылған. 

Ғалымдар осы әдеттерден арылып, салауатты өмір салтын ұстанатын адамдар арасында бұл дертке шалдығатындар аз болатынын атап өтті.  

"Салауатты өмір салты қатерлі ісікке шалдықпайтыныңызға кепілдік бермейді, алайда сізге мүмкіндік ұсынатыны сөзсіз. Бұл сандар аурудың пайда болу тәуекелін төмендету үшін әрқайсымыз шара қолдана алатынымызды көрсетіп отыр", — деп мәлімдеді орталық басшысы Харпал Кумар. 


816
Микрофон

Танымал әнші ажырасып кетті

6860
(Жаңартылды 17:58 22.01.2021)
Ольга Бузова бұрынғы жігітімен мессенджердегі әңгімесін көрсетті, ол жерде бұрынғы сүйіктісінің қатыгез әрекетін жазды

АЛМАТЫ, 22 қаңтар – Sputnik. Ресейлік тележүргізуші, әнші Ольга Бузова Instagram парақшасында Dava ретінде танымал блогер Давид Манукянмен ажырасқанын хабарлады.

"Біз ұғымы енді жоқ. Менің басым бос енді. Мұны артық сұрақ болмау үшін жазып жатырмын. Себебі ол маған түсініксіз әрі қорқынышты әрекет жасап жатыр", – деп жазды Бузова.

Сондай-ақ Бузова әлеуметтік желідегі оқырмандарынан Давид жайлы сұрақ қоймауды өтінді. Айтуынша, әншінің жақындары қазір қиын жағдайда жатыр.

"Әпкем инсульт алды, анам мен әжем Литвада, олар қатерлі ісікпен күресіп жатыр. Бұл менің басымдағы жалғыз уайым емес", – деп жазды ол. 

Посмотреть эту публикацию в Instagram

Публикация от Ольга Бузова (@buzova86)

Оған қоса, әнші Давид Манукянға сыйлаған бақыт үшін алғыс айтты. Біраз уақыт өткен соң Бузова Давидпен мессенжердегі әңгімесін көрсетті.

"Анаңа сенің қандай жауыз екеніңді айтып беретін уақыт келді. Сен мені ұрып, бетіме түкіріп, қорлайсың", – деп жазды Бузова.

Оқи отырыңыз: "Адамдар аштықтан өледі": Танымал әнші Тоқаевқа видео үндеу жолдады

Айта кетейік, екі жас 2019 жылдың соңына қарай кездесе бастаған болатын.

6860
Кілт сөздер:
ерлі-зайыпты, әнші
Тақырып бойынша
Әйелінің хаты оқтан құтқарды - әнші атасының майдандағы оқиғасын еске алды
Коронавирус жұқтырған ресейлік әнші көз жұмды
Қазір иттің итақайы әнші болып жүр – Рамазан Стамғазиев
Әнші Динара Қырықбаева отбасындағы жағдай туралы: айтатын уақыт келді
Некесіз туған немере мен алданған әнші: 2020 жылы ел аузынан түспеген кімдер?
Шахта, архивтегі фото

Кузбасс шахтасында үш кенші көз жұмды

34
Жұмаға қараған түні жер асты жұмыстарын орындау кезінде шахтада улы метан газы шыққан. Оқыс оқиға кезінде жер астында 44 адам болған

НҰР-СҰЛТАН, 22 қаңтар — Sputnik. Құтқарушылар Кузбастағы тау жынысының опырылуынан шахтада қайтыс болған үш кеншінің мәйітін тапты, деп хабарлады РИА Новости агенттігіне Кемеров облысы бойынша РФ тергеу комитетінің баспасөз қызметі.

Ақтөбе облысында қаза тапқан кеншілердің аты-жөні жарияланды 

Кемеров облысындағы Ленинск-Кузнецк шахтасында тау жынысының опырылуы салдарынан екі азамат көз жұмды. Тағы бір кеншінің жағдайы және қайда екені белгісіз болды. Қылмыстық іс қозғалды.

"Үшінші кеншінің мәйіті табылды. Қазір құтқарушылар оны жоғары көтеріп жатыр", - деді ведомствоның баспасөз қызметі.

Жұмаға қараған түні С.Д.Тихов атындағы шахтада жер асты жұмыстарын орындау кезінде метан жарылған. Оқыс оқиға кезінде жер астында 44 адам болған. 41 кенші жер үстіне шығып үлгергенімен, үш азамат үйінді астында қалып қойған. Осы факті бойынша Кемеров облысы бойынша РФ тергеу комитеті қылмыстық іс қозғады.

Кәсіпорында апатты жою бойынша жедел штаб құрылды. Кен өндіру жұмысы уақытша тоқтатылды.

34
Тақырып бойынша
Қарағанды шахтасындағы төтенше оқиға: екі адам зардап шекті
Хромтау шахтасындағы жарылыс: тірі қалған кенші оқиғаның қалай болғанын айтып берді  
Ақтөбеде шахтада қаза тапқан кеншілер отбасына төленетін өтемақы көлемі белгілі болды
Қарағанды шахтасындағы төтенше жағдай: бір жұмысшы қайтыс болды
COVID-19 ауруханасы

COVID-19 ауруханасы төңірегіндегі дау: жемқорлыққа қарсы агенттік түсініктеме берді

412
(Жаңартылды 18:47 22.01.2021)
18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды

НҰР-СҰЛТАН, 22 қаңтар – Sputnik. Сыбайлас жемқорлыққа қарсы іс-қимыл агенттігі Алматыда инфекциялық аурухана салу кезінде бюджет қаражатын жымқыру туралы іске түсініктеме берді, деп хабарлайды Sputnik Қазақстан тілшісі. 

"Қылмыстық іс ішкі мемлекеттік аудит актісі бойынша тіркелді. Тергеу барысында келтірілген нақты шығынды анықтау үшін актілер тексеріс жүргізу үшін тіркеледі. Ақшаның ұрланып-ұрланбағанын және сомасын анықтау үшін тиісті сараптамалар тағайындалады. Көп жағдайда бұрын айтылған шығын сомасы расталмай жатады, тіпті, істер тоқтатылған кездер де болған", - деп түсіндірді агенттіктің аса маңызды істер жөніндегі тергеушісі Данияр Биғайдаров брифингте. 

Айтуынша, қазір қылмыстық іс тергеліп жатыр. 

"Ақша шынымен жымқырылды ма, жоқ әлде бұл қандай да бір заңбұзушылық па, мұның бәрі тергеу барысында анықталады", - деп нақтылады ол.

Жемқорлыққа қарсы агенттік тергеу барысы туралы қосымша ақпарат береді. 

"БАҚ-та резонанс туғызбауды өтінеміз. Бұл акті бойынша әдеттегі тіркеу, бізде ондай көп. Тергеу барысы туралы қосымша хабарлаймыз", - деді Биғайдаров. 

COVID-19 ауруханасы төңірегіндегі дау

18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды. Сонымен қатар, бұл іске "Bi-Industrial" ЖШС директорының да қатысы бар екені айтылды.

БАҚ хабарлағандай, олар COVID-19 науқастарына арналған модульдік аурухананы салу кезінде 3,9 миллиард теңге жымқырды деген күдікке ілінді.

Күдіктіге қатысты Қылмыстық кодекстің 189-бабы "сеніп тапсырылған бөтен мүлікті иемденіп алу немесе талан-таражға салу" бойынша қылмыстық іс қозғалғаны хабарланды. 

Бұл бап бойынша мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып немесе жеті жылдан он екі жылға дейінгі мерзімге бас бостандығынан айыру жазасы қарастырылған.

Бұған дейін БАҚ-та Сапар Нұрашевтың ұсталғаны туралы ақпарат тарады. Алайда қала әкімдігі мұны жоққа шығарды. 

Алматы әкімінің баспасөз қызметі Сапар Нұрашевтың өз жұмыс орнында екенін растайтын видео түсірді.

412
Кілт сөздер:
түсініктеме, жемқорлық, коронавирус
Тақырып бойынша
Денсаулық министрі Тоқаевқа карантиннің күшейтілуі туралы айтып берді
"Мені ешқайда шақырмады": Нұрашев қылмыстық іс туралы ақпаратқа пікір білдірді  
BI Group басшысы миллиардтап қаржы жымқыру ісіне қатысты түсініктеме берді
Алматыда миллиардтап қаржы жымқыру ісі бойынша тергеу басталды
Жарамсыз әуе айлағын 240 миллион теңгеге сатып алған экс-әкімге сот үкімі шықты