Ким Чен Ын

Қос Корея басшылары шекара сызығында кездесті

58
(Жаңартылды 16:54 27.04.2018)
Оңтүстік Кореяда корейаралық саммит өтіп жатыр

АСТАНА, 27 сәуір – Sputnik. КХДР мен Оңтүстік Корея лидерлері Ким Чен Ын мен Мун Чжэ Ин екі ел арасындағы демаркациялық сызықта орналасқан Пханмунджом пунктінде кездесіп, қол алысты. Кейін қос ел басшылары суретке түсіп, корейаралық саммит басталған ғимаратқа кірді, деп жазады РИА Новости

Ким Чен Ын Солтүстік Корея делегациясы келіссөздерге бейбітшілік пен гүлдену жолындағы жаңа тарихты бастау үшін келгенін айтты. Осы орайда Мун Чжэ Ин әріптесін уағдаластықтарға қол жеткізуге шақырды.

"Егер біз шынайы диалог жүргізсек, бейбітшілікке ұмтылған ұлтымыз бен барша адамзатқа үлкен сый жасаймыз", — деді ол. 

"Біздің төрағамыз Ким тарихта алғаш рет әскери-демаркациялық сызықты кесіп өтті. Дәл осы сәтте Пханмунджом бөліну символы емес, бейбітшілік символына айналды", — деп қосты Оңтүстік Корея лидері. 

Келіссөздердің бірінші кезеңінен кейін Оңтүстік Корея президенті әкімшілігінің өкілі мәлімдегендей, Ким Чен Ын оңтүстіккореялық әріптесіне жиі кездесіп тұруды ұсынған. 

Бүгін қос мемлекет басшылары Солтүстік пен Оңтүстіктің қарым-қатынасын жақсарту және қайта бірігу перспективаларын талқылайды. 

Айта кетсек, Ким Чен Ын соңғы 65 жылда Оңтүстік Корея жеріне аяқ басқан КХДР-дың алғашқы басшысы болып отыр.

58
Кілт сөздер:
кореяаралық саммит, Ким Чен Ын, Оңтүстік Корея, Солтүстік Корея

Лавров Ресейдегі тұрақсыздықты қалайтындар жайлы айтты

92
(Жаңартылды 22:32 23.07.2021)
Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін жеткізді

НҰР-СҰЛТАН, 23 шілде – Sputnik. Батыс Ресейдің айналасындағы жағдайды тұрақсыздандыруды, соның ішінде фейктердің көмегімен әрекет етуді көздеп отыр. Бұл туралы Ресейдің сыртқы істер министрі Сергей Лавров мәлімдеді, деп жазды РИА Новости

"Біздің айналамызда тұрақсыздық тудырып, бізбен көрші, бауырлас елдердің алдында не Батыспен, не Ресей Федерациясымен бірге болуды таңдауға мәжбүрлеп отыр", - деді ол "ЕР" алаңындағы "Мемлекеттік дума депутаттарын сайлау науқаны жүріп жатқан сыртқы саяси жағдай" вебинарында. 

Дипломат Ресей мен оның аумағын әскери және экономикалық әдістермен игеріп алуды көздеп отырғандар бар екенін айтты. 

"Олар бізбен көршілес елдердің дамуына Батыстың шешуші ықпал етуінің арқасында қандай да бір пайда көргілері келеді", - деп жағдайды сипаттады Лавров.

Лавров бұл әсіресе Украинадағы жағдайда айқын білінгенін, ал соңғы айларда "түрлі-түсті революция әдісі" Белорусь елінде да байқалғанын айтты. Сонымен қатар оның айтуынша АҚШ пен ЕО елдері Молдавия үшін ашық геосаяси күреске бет бұрды.

"Қазір біздің батыстағы әріптестеріміз Орталық Азия, Кавказды қоса алғанда, еліміздің шекарасын бойлай өздерінің әскери қатысуын мейлінше кеңейтіп жатыр", - деп қорытты Ресей СІМ басшысы. 

Лавров Сергей Шойгу, дәрігер Денис Проценко, Жалпыресейлік халық майданы тең төрағасы Елена Шмелева және балалар омбудсмені Анна Кузнецовамен бірге "Единая Россия" партиясының жалпыфедералдық бөліміне кіреді. 

Федералдық тізімде 395 кандидат ұсынылған. Ал бір мандатты сайлау округтері бойынша – 219 кандидат.

92
Қарт ер адам

101 жастағы дәрігер ұзақ өмір сүрудің құпиясын бөлісті

93
Қария өз жұмысы мен пациенттерге деген махаббатының арқасында ұзақ өмір сүргенін айтты

НҰР-СҰЛТАН, 23 шілде – Sputnik. Қартайғанына қарамастан жас пациенттерге көмектесіп жүрген 101 жастағы дәрігер ұзақ өмір сүрудің құпиясын бөлісті.

Майами педиатры Энди Маргилеттің (Andy Margileth) айтуынша, ол өз жұмысы мен пациенттерге деген махаббатының арқасында ұзақ өмір сүрген.

Қария дәрігер болудан басқаны армандамағанын айтты.

"Мен ешқашан жұмыстан шыққым келген емес, менің проблемам да сол. Мен жұмыста өзімді жақсы сезінемін. Бұл тіпті жұмыс та емес, көңіл көтеру. Өзгелерге қол ұшын созудан басқа маңызды не болуы мүмкін", - деп келтірді қарт ер адамның сөзін CBS News телеарнасы.

Дәрігер жүз жастан асса да, зейнетке шығу жоспарда жоқ екенін атап өтті.

Энди Маргилет аптасына бірнеше рет жүзумен айналысады, гантель көтереді.

Қарт дәрігер кезінде полиомиелитке қарсы вакцина жасауға қатысқан.

Тағы оқыңыз: Өмірді ұзартудың қарапайым әдісі аталды

"Біз балаға бір дозасын бердік, осыдан кейін ол полиомелит мүлде болмағандай құлан таза айығып шықты. Бұл нағыз бақыт", - деді ол өзі емдеген алғашқы пациенттердің бірін еске алып.

Бұған дейін Гиннес кітабының рекордсмені 112 жастағы пуэрторикалық Эмилио Флорес Маркес оған осы жасқа келуге сезім көмектескенін айтқан еді.

"Мен әкемнің махаббатына бөленіп өстім. Ол мені және бауырларымды жақсылық жасауға және бөлісуге, адамдарды жақсы көруге үйретті", - деді Эмилио Флорес Маркес.

Сондай-ақ ол үйдің тұңғышы болғандықтан, бала кезінен фермада ата-анасымен бірге жұмыс істегенін айтты.

93
Кілт сөздер:
өмір, қария
Тақырып бойынша
Ұзақ өмір сүрудің тиімді тәсілі белгілі болды
Әйелдердің ер адамдарға қарағанда неге ұзақ өмір сүретіні белгілі болды
Ғалымдар ұзақ өмір сүру үшін қанша уақыт ұйықтау қажет екенін анықтады
Маман ұзақ өмір сүру құпиясын бөлісті
Қасым-Жомарт Тоқаев

Тоқаев Үндістан президентіне көңіл айтты

0
Махараштра штатында су тасқыны мен лай көшкінінен кем дегенде 138 адам көз жұмды

НҰР-СҰЛТАН, 25 шілде – Sputnik. Мемлекет басшысы Қасым-Жомарт Тоқаев Үндістан президенті Рам Нат Ковиндке көңіл айту жеделхатын жолдады, деп хабарлайды Ақорда.

Қазақстан президенті Махараштра штатында болған су тасқыны мен лай көшкіні салдарынан көптеген адамның қаза тапқаны және үйлер мен ғимараттардың қирағаны туралы суыт хабарды терең күйзеліспен қабылдады.

"Қазақстан халқының және жеке өзімнің атымнан қаза болған адамдардың отбасыларына көңіл айтамын және зардап шеккендердің тезірек сауығып кетуіне тілектестік білдіремін. Із-түзсіз жоғалған отандастарыңыз өз отбасыларына аман-есен оралсын. Осындай қиын-қыстау шақта біз Үндістан халқымен біргеміз", – делінген жеделхатта.

Тағы оқыңыз: "Қайғырып көңіл айтамын": Тоқаев Си Цзиньпинге жеделхат жолдады

Үндістанның орталығындағы Махараштра штатында су тасқыны мен лай көшкінінен кем дегенде 138 адам көз жұмды, деп хабарлайды РИА Новости.

84 мыңнан астам адам штатттың оңтүстігіндегі Пуна округінде қауіпсіз аймаққа орналастырылды.

Үнді метеорология бюросы Махараштра штатының әкімшілік орталығы Мумбаидағы нөсер жауынға байланысты дабылдың қызыл деңгейін жариялады. Табиғи апат салдарынан қала тұрғындарын жарық және сумен қамтамасыз етуде қиындықтар туындады.

0
Кілт сөздер:
көңіл айту, Үндістан, Қасым-Жомарт Тоқаев