көпқабатты үй, архив

Терезеден құлап кеткен бала 20 минут бойы19-қабаттың балконынан салбырап тұрды

585
(Жаңартылды 10:37 18.07.2018)
Күзетшілер пәтердің есігін бұзып кіріп, бүлдіршіннің өмірін құтқарды

АСТАНА, 17 шілде — Sputnik. Қытайдың Шэньчжэнь қаласында әжесіне қонаққа келген 5 жасар баланы құтқарушылар ажалдан аман алып қалды.

Белгілі болғандай, 5 жасар бүлдіршін әжесіне қонаққа келген. Бала ұйқыға кеткен кезде, әйел би сабағына қатысу үшін төменгі қабатқа түседі. Ұйқысынан оянған бүлдіршін әжесін іздеп, 20-қабатта орналасқан пәтердің балконына шығады. Абайсызда төменге құлап кетіп, 19-қабаттағы балконның жақтауынан ұстап үлгерген.

Бүлдіршін 19-қабаттағы балконнан 20 минут бойы салбырап тұрған. Баланы сол маңнан кездейсоқ өтіп бара жатқан ер адам көреді, деп жазады life.ru.

"Әдетте ол мені іздесе, бірден аулаға шығады, бірақ сол жолы неге балконға барғанын білмеймін", — дейді әжесі.

Жоғарыда салбырап тұрған баланы көрген ер адам күзетшілерді көмекке шақырған. Олар 19-шы қабаттағы пәтердің есігін бұзып, баланы ажалдан аман алып қалды.

"Үйде ешкім болған жоқ, әже төменде билеп жүрді. Есік жабық болды, сондықтан оны іздеп балконға шықтым", — дейді балақай.

Астанада кілем жууға барған әйел мен екі қызы мерт болды

Ұлыма ешкім көмектеспеді — қапыда баласынан айырылған ананың жанайқайы

585
Кілт сөздер:
Қытай, бала, балкон
Тақырып бойынша
Қарағанды облысында екі бала терезеден құлап кетті
Көкшетауда қартаң әйел төртінші қабаттан құлап кетті
Стюардесса жолаушылар ұшағынан құлап кетті
Шымкентте 8 жасар баланың үстіне бетон қоршау құлап кетті
Павлодар маңында көлік өзенге құлап, ер адам суға кетті
Музыкант R Kelly

Танымал әннің авторы рэкеттік әрекет бойынша сотқа тартылды

19
Сотта әншіге қарсы 11 айыптаушы мен 45 куәгер сөз сөйледі, қорғау тарапында тек бес куәгер болды. Кейбір айыптау тоқсаныншы жылдарға тиесілі

АЛМАТЫ, 28 қыркүйек – Sputnik. АҚШ-та танымал R&B орындаушысы Ар Келли (R.Kelly) рэкеттік әрекет, бопсалау және әйелдер мен кәмелетке толмаған қыздарды жыныстық қатынасқа тарту бойынша кінәлі деп танылды.

54 жастағы әншінің шын аты – Роберт Сильвестер Келли. БАҚ оған қатысты сот ісін "MeToo (кинорежиссер Харви Вайнштейннің жанжалы мен айыптауларынан кейін туындаған жыныстық зорлық-зомбылық пен қудалауға қарсы қозғалыс – Sputnik) дәуіріндегі музыка индустриясындағы ең шулы сот процесі" деп атады.

"Ар Келлиге қатысты сот Нью-Йоркте өтті. Оған тоғыз тармақ бойынша айып тағылды. Оның ішінде әйелдер мен кәмелетке толмаған қыздарды заңсыз жыныстық әрекеттерге мәжбүрлеу және тасымалдау, рэкеттік әрекет, парақорлық, күштеп еңбекке салу бар", - деп хабарлады The Wall Street Journal.

Сотта әншіге қарсы 11 айыптаушы мен 45 куәгер сөз сөйледі, қорғау тарапында тек бес куәгер болды. Кейбір айыптау тоқсаныншы жылдарға тиесілі.

Басылымның хабарлауынша, үкім кезінде Ар Келли сот шешімін үнсіз қабылдап, жауап бермеген.

Әншіге шешуші сот үкімі 2022 жылдың мамырында шығады. Оған дейін ол түрмеде отырады.

Келлидің заңгерлері қабылданған шешімге көңілі толмағанын айтты. Әншіге тағылған айып бойынша ол 10 жылдан өмір бойына дейінгі аралыққа бас бостандығынан айырылуы мүмкін.

Айта кетері, 2008 жылы сот музыкантты балалар порнографиясы ісі бойынша ақтады.

Wall Street Journal қазіргі шешім қоғамның зорлық-зомбылыққа деген көзқарастары өзгергенін, соған байланысты ол енді музыка индустриясының бір бөлігі саналмайтынын айғақтайтынын жазды.

Ар Келли – ритм-н-блюз стиліндегі америкалық музыкант, R&B, әнші, продюсер. Үш Грэмми сыйлығының иегері. I believe I Can Fly хитін орындаушы ретінде танымал.

Оқи отырыңыз: Ирландияда "ауырсынуды басатын" ән шықты

19
Кілт сөздер:
әнші, сот, қылмыс
Тақырып бойынша
Белгілі әнші желідегі жазбасы үшін істі болды
Ресейлік әнші Манижа "Евровидение" байқауының финалына өтті
Екінші әйелі болудан бас тартқан: танымал әнші сұхбат берді – видео
Ауыр сырқатқа шалдыққан ресейлік әнші қиналып жүргенін айтып берді
Архивтегі фото

Найзағай соққан ұшақта түсірілген қорқынышты видео жарияланды

2161
Екатеринбург – Сочи бағытындағы ұшақ Краснодар әуежайына аман-есен қонды

НҰР-СҰЛТАН, 27 қыркүйек – Sputnik. Ресейде Екатеринбургтен Сочиге ұшып шыққан ұшаққа найзағай түсті, борт Краснодарға аман-есен қонды, ал жолаушылар курортқа автобуспен жетті, деп хабарлады РИА Новости.

Әлеуметтік желіде салонда түсірілген видео жарияланды, одан ұшақтың шайқалып жатқанын көруге болады.

"25 қыркүйекте сағат 11:11-де Краснодар әуежайына Екатеринбург – Сочи бағытындағы ұшақ қонды. Себеп – Сочи аймағындағы ауа райының қолайсыздығы (найзағай). Жолаушылар автобустармен Сочиге жөнелтілді", - делінген "Аэродинамика" Кубань әуежайларының операторы таратқан хабарламада.

Қазір ұшақ әуежайда тұр, оны әуе компаниясының техникалық қызметтері тексеріп жатыр.

Сол күні, 25 қыркүйекте Сочиде ауа райына қатысты шұғыл ескерту жарияланған.  

2161
Тауарларды таңбалау

Темекі өнімдерін таңбалау жұмысы оңайлатылды

0
Шағын бизнеске қосымша қаржылық және әкімшілік жүктеме алынып тасталады, деп мәлімдеді мемлекеттік крістер комитеті

НҰР-СҰЛТАН, 28 қыркүйек – Sputnik. Алкоголь өнімдерін таңбалау және қадағалау жөніндегі қолданыстағы пилоттық жоба тоқтатылды, деп хабарлады қаржы министрлігінің мемлекеттік крістер комитеті.

Сондай-ақ темекі өнімдерін таңбалау жұмысы да оңайлатылды – ол өндірушілер/импорттаушылар және көтерме саудада өткізушілер деңгейінде ғана жалғастырылады.

"Бұл ретте бөлшек сауда сатушыларына тауарларды 2D сканерлерді сатып алмай және қолданбай таңбалау жөніндегі бірыңғай оператордың ақпараттық жүйесінде алғанын растау жеткілікті болады. Осылайша шағын бизнеске қосымша қаржылық және әкімшілік жүктеме алынып тасталады", - деп хабарлады мемлекеттік кірістер комитеті.

Қазақстанда алкогольді таңбалау бойынша пилоттық жоба 2019 жылдың 1 маусымында іске қосылды. Бұған дейін міндетті таңбалау 2021 жылдың 1 сәуірінен басталады деп жоспарланған болатын.

Қаржылық бақылау комитетінің мәліметінше, бұл шараны енгізуге басты себеп – 2020 жылдың өзінде жасанды алкоголь өндіретін 50-ден астам жасырын цех жойылған. Көлеңкелі айналымнан 1,5 миллионнан астам бөтелке, 400 мың литрге жуық спирт және 500 мың жалған есептеу-бақылау маркалары алынды.

Оқи отырыңыз:

0