кәуап

Кәуаптың ешкім күтпеген қаупі анықталды

3748
(Жаңартылды 15:38 29.08.2018)
Ғалымдар арнайы зерттеу жүргізіп, отқа пісірілген тамақтың адамның денсаулығына зиян екенін анықтады

АСТАНА, 28 тамыз — Sputnik. Оксфорд университетінің ғалымдары шоққа пісірілген тамақты көп жеген адамның жүрек-қан тамырлары жүйесі ауруларынан уақытынын бұрын өліп кету қаупін арттыратынын анықтады. Бұл туралы EurekAlert! жазады. 

Зерттеуге 30-79 жас аралығындағы Қытайдың 341 730 тұрғыны қатысты. Еріктілер арасында жүргізілген сауалнама барысында олар қандай жиілікпен тамақ пісіретінін және қандай отын пайдаланатынын айтты. Ғалымдарды олардың отқа пісірілген тамақты қаншалықты жиі жейтіні қызықтырды. Сауалнама қорытындысы бойынша аптасына кемінде бір рет тамақ дайындайтын және жүрек-қан тамырлары ауруына шалдықпаған адамдар іріктелініп алынды.

Жалпы алғанда, қатысушылардың 22,5 пайызға жуығы соңғы 30 жылда тамақ пісіру үшін қатты отын пайдаланған. 24,6 пайызы 10-29 жыл, ал 53 пайызы 10 жылдан аз уақыт немесе ешқашан отқа тамақ пісірмеген. 

Зерттеу жүргізілген уақытта жүрек-қан тамырлары ауруларынан 8304 адам қайтыс болды. 

Ғалымдардың айтуынша, тамақты электр немесе газ плитасына пісіру жүрек-қан тамырлары ауруына шалдығу қаупін айтарлықтай төмендетеді. 

 

 

3748
Кілт сөздер:
тамақ пісіру, жүрек-қан тамырлары жүйесі аурулары, кәуап, от, денсаулық, зерттеу, ғалымдар
Тақырып бойынша
Ұйқысы қанбай жүретін адамның семіздікке шалдығатыны анықталды
Ыстық шайдың ешкім күтпеген пайдасы анықталды
Ғалымдар қандай тамақтың бала көтеруге кедергі болатынын анықтады
Бұлтты ауа райының адамға қандай қаупі бары анықталды
Ақылды және ұзақ өмір сүретін адамдар қай айда дүниеге келетіні анықталды
Ғалымдар ақыры адам өмірін ұзартудың жолын тапты
Ғалымдар: Ұйқысы жиі қанбайтын адамдар жалғыз қалады
Ғалымдар ер адамдардың әйелдерден ақылдырақ екенін дәлелдеді
Ғалымдар айнаға қараудың денсаулыққа неге пайдалы екенін айтып берді
Ғалымдар қандай ыдыстың рак тудыратынын анықтады
Ғалымдар ерте өлу тәуекелін төмендетудің амалын тапты
Ядролық реактор

Атом энергетикасының жаңа бағыттары дамиды

3
Америкалықтар атом энергетикасының әскери бағытын дамытуға бел буды. Қазіргі президент Дональд Трамп қарулы күштер мен ғарышты игеру үшін төмен қуатты ядролық реакторлар әзірлеу туралы жарлыққа қол қойды

Қосымша қуат көзі ме

Елу жылдан бері алғаш рет АҚШ атом энергиясын әскери-теңіз күштерінен тыс қолданбақ. АҚШ Қарулы күштерінде атомдық реакторлар сүңгуір қайықтар мен әуе тасымалдағыштарда қолданылады. Осының арқасында америкалық флоттың ең үлкен кемелері теңізде шектеусіз уақыт бойы бола алады.

Өзге елдердің әскери-теңіз күштері де ядролық энергияны пайдаланады. Мысалы, француздардың "Шарль де Голль" әуе тасымалдағышы мен Ресейдің "Петр Великий" ауыр зымыран крейсері атомдық тартылыс күшінің арқасында жұмыс істеп тұр. Алайда, АҚШ-та атоммен жүретін кемелер бұдан да көп. Америкалықтар мұнымен тоқтап қалмақ емес.

"Президент Трамптың тапсырмасы бойынша қорғаныс министрлігі елдегі әскери алаңда шағын атомдық реакторлардың шығындары есебінен олардың энергетикалық икемділігі мен экономикалық тиімділігін көрсету жоспарын әзірлейді және жүзеге асырады, сондай-ақ қуаттылығы шағын мобильдік реакторды сынақтан өткізеді. Мұндай қуат көздері күн энергиясын қолдану мүмкін емес қиыр ғарышты зерттеуде және қорғаныс саласында таптырмас құрал екені анық", - деп хабарлады Ақ үйдің баспасөз қызметі.

Билік шағын ядролық реакторлар нақты не үшін қажет болғанын айтпай отыр. Defensenews.com порталының сарапшылары мұнда мәселе армия базаларындағы резервтік қуат көздері туралы болып отыр деп санайды. Егер, әскери нысанда электр қуаты өшіп қалса, реактор маңыздылығы өте жоғары жабдықты қуатпен қамтамасыз етеді.

Жарлықтың мәтініне сәйкес, алғашқы прототиптің сынақтары жарты жыл ішінде басталуы керек. Сарапшылар бұл сынақ АҚШ-тағы ең ірі полигонның бірі - Невада полигонында өтеді деп болжап отыр. 

Ғарышты бағындыру 

"Secure World Foundation" коммерциялық емес ұйымының ғарыш қауіпсіздігі мәселелері жөніндегі сарапшысы Брайан Уиден Айға, Марсқа және басқа планеталарға бағытталған ұзақ мерзімді рейстер ядролық энергиясыз ұша алмайтынын еске салды. Болашақта ракторлар Жерден тыс алғашқы колониялар үшін қажет болады.

Кейбір сарапшылар жаңа технологияларды орбиталық қару-жарақ платформаларында қолдануға да болады деп санайды. Негізінде, бұл сценарий ғарышты әлеуетті ұрыс алаңы деп санайтын АҚШ-тың ғарыш күштерінің агрессивті доктринасына сәйкес келеді.

Әскери кемелер, архивтегі сурет
© Photo : Официальный сайт Минобороны РК

"Менің ойымша, бұл америкалықтарға бірінші кезекте ғарыштағы әрекеттер үшін қажет», - деді "Арсенал Отечества" журналының бас редакторы Виктор Мураховский. – Бізде "атомдық реактор" деген сөз тіркесі әртүрлі заттарды білдіреді. Біріншіден, бәсеңдеткіш серіппелері мен қуат реттеуіші бар уранды бөлудің тізбекті реакциясы негізінде жұмыс істейтін құрылғы. Ресейде мұндай құрылғылар "Буревестник" пен "Посейдон" бұйымдары үшін әзірленіп қойған. Екіншіден, жер серіктерінде және метеостанцияларда қолданылатын изотоптық ядролық энергия көздері. Олардың тиімділігі әлдеқайда аз болғанымен зияны аса үлкен емес". 

Сарапшы 1950-1960 жылдары АҚШ та, КСРО да ұшақтарға арналған шағын ядролық реактор жасауға тырысқанын еске түсірді. Алайда, бұл жобалардан бас тартты. Себебі, тіпті ең үлкен ұшақтың өзі экипажды биологиялық қорғау жүйесін тарта алмады. Сондықтан реакторларды пайдалану аясы тек үлкен кемелермен шектелді.

Мураховскийдің айтуынша, осы уақытқа дейін әлемдегі бірде-бір ел ұшқыш басқаратын ұшақтарда, шағын кемелерде немесе жерүсті көлік құралдарында қолдануға болатын бөліну реакциясындағы шағын реакторын жасай алмады. Сонымен бірге, сарапшы америкалықтардың ресейлік "Буревестник" пен "Посейдонды" қайталағысы келетініне күмәнданатынын айтты.

"Бұл жүйелер ерекше, - деп түсіндірді ол. – Олар жау ядролық соғыс бастаған кез-келген жағдайда кепілдендірілген жауапты соққы жасау үшін және батыстағылардың зымыранға қарсы қорғаныс жүйелерінің көзін жою үшін әзірлденді. Америкалықтарға бұл мақсатты орындауға жарамды қару-жарақ жетерлік". 

Радиация проблемасы 

Ядролық күш қондырғысы бір кездері 1949-1959 жылдар аралығында АҚШ әскери-әуе күштерінде қызмет еткен Convair В-36 құрлықаралық стратегиялық бомбалаушылары үшін жасалған болатын. NB-36H ұшатын зертхананың тұмсық бөлігінде 12 тонналық қорғаныс капсуласы орнатылды. Ал, қуаты бір мегаватт, диаметрі 1,2 метр және салмағы 16 тонна болатын жылдам нейтрондар негізіндегі реакторды бомбалар бөлігіне орналастырды. Ол ұшу кезінде іске қослып, әуе кемесінің бортына ауа тартқыштар арқылы кіретін атмосфералық ауамен салқындатылуы керек болатын. Экспериментті ұшақ 47 ұшуды орындады, бірақ ядролық қозғалтқыш қысқа уақытқа ғана қосылды.

Шыны керек, бұл идея өте тартымды көрінді. Мұндай ұшу аппаратын бірнеше күн бойы жанармай құюды қажет етпей, әуедегі әскери кезекшілікті орындай алатын стратегиялық бомбалаушы немесе барлаушы ұшақ ретінде пайдалануға болады. Алайда проблемалар тым көп болды.

Қазақстанға Иран Әскери-теңіз күштерінің кемелері келіп жетті
© Photo : министерство обороны Республики Казахстан

Біріншіден, кез-келген ұшақ өз еліне құлап кетуі ықтимал "үрейлі "бомба болып табылады. Екіншіден, эксперименталдық борттың соңында радиоактивті заттар "еріп жүрді". Оның үстіне, экипаж бәрібір үлкен сәулеленуге ұшырапды. Ядролық қарудың жалғыз тасымалдағышы ретінде құрлықаралық баллистикалқ зымырандарды дамыту атомды ұшақтардың күрделі әрі қауіпті бағдарламасын келешектен айырды. 

Жиырма бес тонналық Chrysler TV-8 танкісі ешқашан жаппай шығарылған емес. Ол штатты жүйелердің белгілі бір бөлігімен ғана жабдықталған толық көлемді макет түрінде болған. Машинаны атомдық реактор әсерінен жылумен жабдықтайтын бу қозғалтқышы іске қосуы керек болды.

Алайда, америкалық әскерилер Chrysler корпорациясының бұл инновациялық жаңашылдығын бағаламады. Танкті тым күрделі деп танып, оның жауынгерлік қабілеті мүмкіндіктері дәстүрлі түрде қолданылып келе жатқан машиналардан бас тарту үшін жеткіліксіз деп санады. 1956 жылдың 23 сәуірінде TV -8 жобасы жабылды.

 

3
Архивтегі фото

АҚШ әскери-теңіз күштерінің онжылдыққа құрылған жоспары нені көздейді?

22
АҚШ әскери-теңіз күштерінің қолбасшылығы барлық жоспарды жүзеге асыру үшін флотты нығайту және кеңейту керек деп санайды

НҰР-СҰЛТАН, 19 қаңтар — Sputnik. АҚШ әскери-теңіз күштері штабының басшысы адмирал Майкл Гилдей алдағы онжылдыққа арналған "Навигациялық жоспарды" ұсынды. Құжаттағы басты мәселе – америкалық флот Дүниежүзілік мұхитта үстемдік етуі керек. Жаһандық бақылаудың мақсаты – америкалықтардың тыныш өмірі. Алайда мәтінде басқа елдерге бағытталған ашық агрессия айқын көрінеді. Вашингтон адмиралдары не ойластырып жатқаны туралы төмендегі материалда.

Әлемдік бәсекелестер

Құжат авторлары Америка флоты АҚШ азаматтарының қауіпсіздігі мен өмір салтына қауіп төндіретін ұзақ мерзімді бәсекелестікке жұмылдырылғанын атап өтіп, әскери-теңіз күштерінің қолбасшылығы бір минутты да босқа өткізе алмайтынын баса айтқан: алдағы онжылдықта ғана емес, бүкіл ХХІ ғасыр бойы күштер тепе-теңдігін сақтау үшін белсенді әрекет ету керек.

Жаһандық тыныштықты "бұзғандар" мен басты бәсекелестер – Ресей мен Қытай. Америкалық адмиралдардың пікірінше, бұл қос мемлекет бүкіл әлемге ұзақ уақыт бойы пайда әкелген теңіздегі бостандыққа кедергі келтіріп отыр.

Мәскеу мен Бейжің аймақтық сулардан тыс аудандарда да теңіздегі бағалы ресурстарға заңсыз бақылау жүргізбекші, "көрші елдерді қорқытып", "оларды өз талаптарын орындауға күштеп мәжбүрлеуде" және "маңызды су жолдарын алыс қашықтықтан әрекет ететін зымырандармен бақылауда ұстап отыр".

Ресейдің заманауи зымыран кемелері мен сүңгуір қайықтары, гипердыбысты зымырандар және тактикалық ядролық қару жасау саласындағы жаңа әзірлемелері америкалықтарға еш ұнамайды. Пентагонның пікірінше, Ресей флоты бүкіл әлем бойынша белсенділікті күшейтіп, АҚШ жағалауларына әскери күштерін жақындата түсуде. Сондықтан, "Ресейді сенімді түрде бақылауда ұстау керек".

Америкалық сарапшылардың айтуынша, қарқынды дамып келе жатқан Қытай флоты әлемдегі ең ірі флот және ол үлкен алаңдаушылық тудырып отыр. Бейжің Вашингтон мен оның одақтастарына қарсы әрекет жасап, ең өзекті және ұзақ мерзімді қауіпке айналуда.

Сонымен қатар, Америка Құрама Штаттарын теңіз державасы деп атап көрсетіп, оның өркендеуі мен қауіпсіздігі теңіздегі басымдылықты сақтау мүмкіндігіне байланысты екені құжатта жазылған. Ол үшін "Дүниежүзілік мұхиттың әр бұрышында" өзінің әскери-теңіз күшін кеңейту қажет. Америкалықтар халықаралық құқық рұқсат еткен барлық жерде жүзуді және ұшуды жалғастырады, сондай-ақ бәсекелестердің "теңіздегі амбицияларына" тоқтау салып, олардың әскери мүмкіндіктерін ыдырату мақсатында әлемнің түрлі аймақтарына өз әскери күштерін орналастырады.

Флотты күшейту

Осылайша, баллистикалық зымырандары бар атомдық сүңгуір қайықтар "АҚШ-ты ядролық шабуылдан қорғайды", ал арнайы операция күштері" ең мықты жауды да тосыннан тоқтатуға дайын". Адмиралдар әскери-теңіз күштері құрлық әскерлерін кез келген жағалауға түсіруге қабілетті деп сендіреді.

Әскери-теңіз күштерінде "агрессияны тоқтату үшін барлық құрал бар". Атап айтқанда, теңізден, су астынан және әуеден шабуыл жасауға мүмкіндік беретін ақпараттық, кибернетикалық технологиялар мен басқа да қару түрлерін меңзеп тұрса керек.

АҚШ таяу жылдардағы теңіздегі соғыста жасанды интеллектке басымдық беріп отыр. Олардың айтуынша, мұндай жүйелер соғыс кезінде өз тиімділігі мен артықшылығын дәлелдеді. Сондықтан флот оларды жаппай қолдану арқылы жаңартылады.

Ұшқышсыз ұшатын теңіз платформалары да "өмірлік маңызы бар" аппараттар қатарына жатқызылған. Олар барлау, қадағалау кезінде артықшылықты қамтамасыз етеді және флоттың шабуыл жасау қабілетін арттырады. Онжылдықтың соңына қарай Әскери-теңіз күштері роботтандырылған аппараттармен тығыз байланыс орнатып, сенімді және үйлесімді жұмыс істей алатын болуы керек.

АҚШ әскери-теңіз күштерінің қолбасшылығы барлық жоспарды жүзеге асыру үшін флотты нығайту және кеңейту керек деп санайды. Жоғары шабуыл қабілеттілігі бар атомдық сүңгуір қайықтар мен жер үсті кемелері қажет. Сонымен қатар, жаңа кемелер "Созвездие" тобына жататын фрегаттар секілді ықшам болуы керек.

Пентагон әуе кемелерін де есептен шығарған жоқ. Олар әскери теңіз күштерінің мақтанышы және күш көрсетудің басты құралы ретінде қалып отыр. Флоттың суасты күштерінің ерекше маңыздылығын атап өткен. Мұндағы "Колумбия" дәрежесіндегі атомдық стратегиялық субмариналар мен көп нысанды "Вирджиния" әлеуетті саналып отыр.

"Цифра" мен лазерлер

Әскери-теңіз күштерінің қолбасшылығы бір ғана техникаға сенім  артуға болмайтынын түсініп отыр. Сондықтан, жеке құрамның оқу-жаттығуларына жіті көңіл бөліп, жаудың мінез-құлқының бүге-шігесін жақсы тануға үйрету керек. Адмиралдардың пікірінше, "теңізшілер қауіп-қатерді бақылап, тез әрекет етіп қана қоймай, белгілі бір елдің азаматтарының менталитетіне қатысты ерекшеліктерін терең тану арқылы қарсылас тараптың әрекеттерін инстинктивті түрде алдын ала біліп отыруы керек".

"Алдағы қақтығыстардың" сценарийлері бүкіл әлем бойынша - Қиыр Солтүстіктен Тынық мұхитының батыс бөлігіне дейінгі аумақтағы оқу-жаттығуларда пысықталады. Мысалы, биыл АҚШ-тың әскери-теңіз күштері десанттық операциялармен бірнеше авиатасымалдаушы топтардың ауқымды маневрлерін өткізеді.

Онда алғаш рет шабуылдауға арналған жаңа қару-жарақ пен ақпараттық ресурстарды қолданатын шағын тактикалық кибер-топтар жұмылдырылады. Адмирал Гилдей бұған дейін бұл маневрлердің ауқымы "бұрын-соңды тарихта болмағанын" айтқан болатын.

АҚШ әскери-теңіз күштерінің стратегиясында ақпараттық және цифрлық технологиялар маңызды орын алады. Оларсыз әскери операцияларды орындау мүмкін емес. "Цифр" бәрін шешеді, теңіз және құрлықтағы шайқастарды жылдам әрі тиімді өткізуге мүмкіндік береді.

22