Ер адам жұдырық түйіп тұр

"Іштен тепкіледі". Ерлі-зайыпты баласын ренжіткен оқушыны жабылып ұрып тастады

766
(Жаңартылды 15:38 24.09.2018)
Қазір бесінші сынып оқушысы ауруханада жатыр

АСТАНА, 23 қыркүйек — Sputnik. Челябинскте екінші сынып оқушысының ата-анасы баласын ренжіткен жасөспірімді үзіліс кезінде ұрып тастады.

Жаға ұстатарлық оқиға 20 қыркүйекте №42 мектепте болған. Үзіліс кезінде екінші сынып оқушысының әкесі ұлын ренжіткен бесінші сынып оқушысын ұрып тастаған. Ер адам жасөспірімнің мойнынан ұстап алып, іштен тепкілей бастаған. Бұған қоса, баланы балағаттаған. Оқушы ер адамнан құтылып, көшеге жүгіріп шыққанда, оны әлгі сабаған адамның әйелі ұстап алған.

Осыдан кейін ерлі-зайыпты баланы жабылып сабай бастаған. Мұны көрген мұғалімдер дереу оқушыға араша түсіп, жанжалды тоқтатты. 5-сынып оқушысы ауруханаға жеткізілді.

Зардап шеккен баланың анасы полицияға шағымданған, аталған факті бойынша тексеріс жүріп жатыр, деп жазады URA.RU.

Челябинск облысындағы бала құқықтары жөніндегі уәкіл Ирина Буторина дүйсенбіден бастап жан-жақты тексеріс жүргізетінін мәлімдеді.

"Оқиғаның мән-жайын анықтаймыз, дүйсенбіден бастап кірісеміз. Мектеп тарапынан барлық қажетті шара қолға алынған-алынбағанын тексеріп, лауазымды тұлғалардың әрекетіне баға береміз", — деді ол.

Білім беру мекемесі аталған оқиғаға қатысты түсініктеме берген жоқ.

766
Кілт сөздер:
ерлі-зайыптылар, оқушы, ұрып-соғу, тексеру, ер адам
Тақырып бойынша
"Барыс" тафгайы "Куньлунь" ойыншыларын ұрып тастады
"Канело" салмақ өлшеу рәсімінде Головкинді ұрып жібермек болды – видео
Алматыда әкесі таспен ұрып, жолға тастап кеткен бала ауруханадан шықты
Ақтауда мас ер адам анасын ұрып өлтірді
Қол астындағы қызметкерлерді ұрып-соғатын аудан басшысы ауруханаға түсті
ШҚО-да 23 жастағы жігіт жас қызды ұрып өлтірді
Ұлды болуды армандаған ер адам үш айлық қызын аяусыз ұрып-соқты
Музыкант R Kelly

Танымал әннің авторы рэкеттік әрекет бойынша сотқа тартылды

21
Сотта әншіге қарсы 11 айыптаушы мен 45 куәгер сөз сөйледі, қорғау тарапында тек бес куәгер болды. Кейбір айыптау тоқсаныншы жылдарға тиесілі

АЛМАТЫ, 28 қыркүйек – Sputnik. АҚШ-та танымал R&B орындаушысы Ар Келли (R.Kelly) рэкеттік әрекет, бопсалау және әйелдер мен кәмелетке толмаған қыздарды жыныстық қатынасқа тарту бойынша кінәлі деп танылды.

54 жастағы әншінің шын аты – Роберт Сильвестер Келли. БАҚ оған қатысты сот ісін "MeToo (кинорежиссер Харви Вайнштейннің жанжалы мен айыптауларынан кейін туындаған жыныстық зорлық-зомбылық пен қудалауға қарсы қозғалыс – Sputnik) дәуіріндегі музыка индустриясындағы ең шулы сот процесі" деп атады.

"Ар Келлиге қатысты сот Нью-Йоркте өтті. Оған тоғыз тармақ бойынша айып тағылды. Оның ішінде әйелдер мен кәмелетке толмаған қыздарды заңсыз жыныстық әрекеттерге мәжбүрлеу және тасымалдау, рэкеттік әрекет, парақорлық, күштеп еңбекке салу бар", - деп хабарлады The Wall Street Journal.

Сотта әншіге қарсы 11 айыптаушы мен 45 куәгер сөз сөйледі, қорғау тарапында тек бес куәгер болды. Кейбір айыптау тоқсаныншы жылдарға тиесілі.

Басылымның хабарлауынша, үкім кезінде Ар Келли сот шешімін үнсіз қабылдап, жауап бермеген.

Әншіге шешуші сот үкімі 2022 жылдың мамырында шығады. Оған дейін ол түрмеде отырады.

Келлидің заңгерлері қабылданған шешімге көңілі толмағанын айтты. Әншіге тағылған айып бойынша ол 10 жылдан өмір бойына дейінгі аралыққа бас бостандығынан айырылуы мүмкін.

Айта кетері, 2008 жылы сот музыкантты балалар порнографиясы ісі бойынша ақтады.

Wall Street Journal қазіргі шешім қоғамның зорлық-зомбылыққа деген көзқарастары өзгергенін, соған байланысты ол енді музыка индустриясының бір бөлігі саналмайтынын айғақтайтынын жазды.

Ар Келли – ритм-н-блюз стиліндегі америкалық музыкант, R&B, әнші, продюсер. Үш Грэмми сыйлығының иегері. I believe I Can Fly хитін орындаушы ретінде танымал.

Оқи отырыңыз: Ирландияда "ауырсынуды басатын" ән шықты

21
Кілт сөздер:
әнші, сот, қылмыс
Тақырып бойынша
Белгілі әнші желідегі жазбасы үшін істі болды
Ресейлік әнші Манижа "Евровидение" байқауының финалына өтті
Екінші әйелі болудан бас тартқан: танымал әнші сұхбат берді – видео
Ауыр сырқатқа шалдыққан ресейлік әнші қиналып жүргенін айтып берді
Архивтегі фото

Найзағай соққан ұшақта түсірілген қорқынышты видео жарияланды

2172
Екатеринбург – Сочи бағытындағы ұшақ Краснодар әуежайына аман-есен қонды

НҰР-СҰЛТАН, 27 қыркүйек – Sputnik. Ресейде Екатеринбургтен Сочиге ұшып шыққан ұшаққа найзағай түсті, борт Краснодарға аман-есен қонды, ал жолаушылар курортқа автобуспен жетті, деп хабарлады РИА Новости.

Әлеуметтік желіде салонда түсірілген видео жарияланды, одан ұшақтың шайқалып жатқанын көруге болады.

"25 қыркүйекте сағат 11:11-де Краснодар әуежайына Екатеринбург – Сочи бағытындағы ұшақ қонды. Себеп – Сочи аймағындағы ауа райының қолайсыздығы (найзағай). Жолаушылар автобустармен Сочиге жөнелтілді", - делінген "Аэродинамика" Кубань әуежайларының операторы таратқан хабарламада.

Қазір ұшақ әуежайда тұр, оны әуе компаниясының техникалық қызметтері тексеріп жатыр.

Сол күні, 25 қыркүйекте Сочиде ауа райына қатысты шұғыл ескерту жарияланған.  

2172
Ертіс

Трансшекаралық су объектілері: Қазақстан мен Ресей сарапшылары не талқылады

0
Ірі өзендердегі су тапшылығы, төтенше жағдайлар туралы өзара хабарлау, су жүйелерін бірлесіп зерттеу және дамыту "Трансшекаралық су объектілері" панельдік сессиясының негізгі тақырыптары болды

АЛМАТЫ, 28 қыркүйек – Sputnik. Сейсенбіде, 28 қыркүйекте Қазақстан мен Ресейдің XVII аймақаралық ынтымақтастық форумы қарсаңында "Трансшекаралық су объектілері" және "Климаттың өзгеруі" панельдік сессиялары өтті. Онда трансшекаралық су ресурстарын басқару, төмен көміртекті дамыту, сондай-ақ климаттың өзгеруіне бейімделу саласындағы ынтымақтастық мәселелері талқыланды.  

"Трансшекаралық су объектілері" сессиясында Қазақстан мен Ресей ірі өзендердің бассейндерінде (Жайық, Ертіс және т.б.) зерттеулер жүргізудің бірыңғай жол картасын іске асыру, трансшекаралық сулардың су ресурстарын кешенді және ұтымды пайдалану бойынша бірлескен жұмыс, судың ластануын төмендету, сондай-ақ су экожүйелерін сақтау туралы сөз болды.

Өзендердегі су тапшылығымен қалай күресуге болады

Ресей ақпараттық-аналитикалық және ғылыми-зерттеу су шаруашылығы орталығының директоры Алексей Косолапов трансшекаралық өзендердің проблемалары мен оларды шешу жолдарын айтты.

Оның мәліметінше, трансшекаралық өзендер суының едәуір бөлігін су шаруашылығы кешендері алып қояды, оларды күтіп ұстауға Ертістен, Жайықтан және басқа да өзендерден 4 текше километрге тарта су жұмсалады.

Бұл шаруашылық кешендері негізінен ірі, орта және шағын су қоймаларының, сондай-ақ әр түрлі уақытта: 30-шы, 40 -шы, 60 -шы жылдары және кейінірек салынған көптеген тоғандардың есебінен тұрақты жұмыс істеп тұр.

Алайда су тапшы кезең басталған кезде осындай көлемдегі судың өзі барлық су пайдаланушыны ресурстармен тұрақты қамтамасыз ете алмайды, деді спикер.

"Бұрын жүзеге асырылған ережелерді әзірлеуде көптеген аспекті, оның ішінде суды пайдаланудың трансшекаралық сипаты ескерілмегенін ескеру қажет. Яғни, бүгінгі таңда су қоймасы Ресейді сумен қамтамасыз етіп қана қоймай, сонымен қатар Қазақстан аумағындағы кешен қатысушыларының қажеттіліктерін ішінара өтеп отыр", - деп атап өтті Косолапов.

Бірақ қазір ереже түзетіліп жатыр, бұл жұмыс жалғаса береді. Косолапов ең алдымен олар су және су маңайындағы жүйелердің тұрақты дамуын қамтамасыз етуге бағытталуы керек деп есептейді.

Ал Қазақстанның экология министрлігі трансшекаралық өзендер департаментінің директоры Арсен Жақанбаев Қазақстан мен Ресейде өзен су тасқыны параметрлерін және ағынның өзгеру тенденциясын анықтау үшін трансшекаралық өзендер бойынша гидрологиялық және гидрохимиялық мәліметтерді жинау басталғанын хабарлады.

Оқи отырыңыз: Қазақстан мен Ресей трансшекаралық өзендерде зерттеу жүргізіп жатыр 

"2020 жылдың қазанында бекітілген ірі өзендердің бассейндерінде зерттеу жүргізу бойынша ынтымақтастықты кеңейту жол картасы аясында су объектілері зерттеліп жатыр. Ірі өзендердің бассейндеріндегі бірлескен зерттеулер нәтижесінде трансшекаралық өзендердің гидрологиялық режимі мен экологиялық жағдайын жақсартуға бағытталған мақсаттар мен міндеттерге қол жеткізілетініне сенімдімін", - деп мәлімдеді ол.

Сонымен қатар тараптар трансшекаралық су объектілерінде төтенше жағдайлар туындаған кезде өзара жедел хабарлау механизмін жетілдіру мәселелерін талқылады.

Панельдік сессиялардың жұмысына екі елдің қоршаған ортаны қорғау, су ресурстарын ұтымды пайдалану, сондай-ақ климаттың өзгеруі саласындағы 100-ден астам жетекші сарапшысы қатысты.

0