Әлем

Әлемдегі "ең мықты паспорт" белгілі болды

© PhotoБАӘ
БАӘ - Sputnik Қазақстан
Жазылу
БАӘ төлқұжатының иелері әлемнің 167 еліне визасыз бара алады

АСТАНА 2, желтоқсан — Sputnik. Passport Index рейтінгісі бойынша Біріккен Араб Әмірліктерінің төлқұжаты әлемдегі ең мықты болып танылды. 

"Ұлттық күнімізде біздің жетістіктерімізді мойындады. Passport Index БАЭ паспортын әлемдегі бірінші құжат ретінде бағалады, төлқұжат иелері әлемнің167 еліне визасыз бара алады.  Әлем БАӘ азаматтарына есігін айқара ашуда. Біздің сыртқы істер министрлігінің командасына алғысымызды айтамыз", — деп хабарлады БАӘ вице-президенті және премьері, Дубай билеушісі шейх Мухаммед бен Рашид Аль Мактум.

АҚШ - Sputnik Қазақстан
Саясат
Қазақстандықтар үшін АҚШ-та визасыз режим қашан енгізіледі?
Бұған дейін БАӘ сыртқы істер министрлігі елдің төлқұжаты 2021 жылға қарай ең мықты бестіктің қатарына кіреді деп мәлімдеген болатын. Бірақ жоспарды уақытынан бұрын асыра орындап отыр. 2016 жылы БАӘ паспорты рейтингте 27-ші орында болған еді. 

Passport Index рейтінгісінде БАӘ-ден кейін екінші орында Германия мен Сингапур, бұл елдің азаматтары 166 мемлекетке визасыз бара алады.

Үшінші орында Дания, Швеция, Финляндия, Люксембург, Франция, Италия, Нидерланы, Испания, Норвегия, Оңтүстік Корея және АҚШ тұр. 

Қазақстан 53-ші орында, 80 елге визасыз бара аламыз. Ресей 38-ші орында, 116 мемлекетке визасыз кіруге рұқсаты бар. 

Жаңалықтар
0