Иллюстративті фото

Елу оқушы мінген автобус жолдан шығып кетіп, аударылды

334
(Жаңартылды 15:48 30.01.2019)
Жиырма бала зардап шекті, үшеуі хәл үстінде жатыр

АСТАНА, 28 қаңтар — Sputnik. Үндістанда дарынды балаларға арналған мектептің оқушыларын тасымалдайтын автобус жолдан шығып, аударылып кетті. Кемінде 20 бала жарақат алды, үшеуі ауыр хәлде ауруханаға жеткізілді, деп хабарлады NDTV.

 Апат Андхра-Прадеш штатының Гунтур округінде болды. Барлық зардап шегуші ауруханаға жеткізілді, телеарнаның мәліметінше,  полиция мас күйінде рөлге отырған жүргізушіден жауап алып жатыр. 

​NDTV кадрынан сары автобус аударылып жатқанын және оның айналасында көптеген адам жиналып қалғанын көруге болады.  


334
Кілт сөздер:
жол апаты, оқушылар, балалар, автобус, Үндістан
Тақырып бойынша
Алматыда автобус газ баллондары тиелген жүк көлігіне соғылды: бір адам көз жұмды
Астанада адамдар отырған автобус өртенді
Ресейде автобус пен пойыз соғылды: қазақстандық 7 жылға сотталуы мүмкін
Ресейде 46 қазақстандық мінген автобус апатқа ұшырады
Автобус ішіндегі төбелес 13 адамның өліміне алып келді - видео
Ақпараттық технологиялар

Киберкеңістік шабуылда кім жеңіске жетеді

13
Қазір әлемде киберқару мен киберқадағалау барлық жерде қолданылатындығын жұрттың бәрі өте жақсы түсінеді

Ұлыбритания Ресейге қарсы ақпараттық және кибер соғыс жүргізіп жатқанын ашық мойындады. Әрине, бұл факт ешкім үшін сенсацияға айналған жоқ: сондықтан да ешкім одан иллюзия жасамады. Алайда Ресейге қарсы диверсиялық әрекетті лорд Марк Седвиллдің мойындауы, британдық жоғары лауазымды адамның аузынан шыққан сөз болды және бұл ресми Лондонның жария түрде алғашқы растауы еді. Бұған дейін олар мұндайды дауыстап айтуға қысылатын, деп жазады РИА Новости.

Сондай-ақ Седвилл тиісті операциялар туралы білетін болу керек. Өйткені ол жақында премьер-министрдің ұлттық қауіпсіздік жөніндегі кеңесшісі болды және бір мезетте Уайтхоллдың бүкіл бюрократиялық аппаратын басқарды. The Times газетіне берген ашық сұқбатында Седвилл өзінің ресми дипломатиялық мансабынан басқа МI-6 офицері ретінде қызмет етуін орынды деп санайтынын білдірген.

Сонымен, жыл соңына дейін лордтар палатасынан орын алуға дайындалып жатқан экс-шенеунік көпшілік алдында нені мойындады?

Ол Ұлыбритания Ресейге киберкеңістікте шабуыл жасап жатқанын айтты.

– Сіздің оны қалай қолданатынымызды көрмегеніңіз бізде жоқ дегенді білдірмейді, – деді Седвилл ашық түрде.

Сондай-ақ ол "Ұлыбритания Ресей басшыларына және олардың мүдделеріне қарсы бірқатар құпия шабуылдар жасады" деді. Оған қоса Лондон ресейлік олигархтардың мүлкі мен есепшоттарын бұғаттап жатқанын қосты.

Соңғы дерекке қатысты Ресей рахмет айтатыны сөзсіз. Өйткені Владимир Путин бұған дейін елдегі ірі кәсіпкерлерге "капиталды тапқан жерде сақтау" туралы талай рет ескерткен. Сондықтан батыс арнайы қызметтерінің мұндай мәлімдемелері мен әрекеттері ресейлік бизнесті өз президентінің шақыруын орындауға итермелейді. Ал британдықтар Ресейде капиталдың анағұрлым қауіпсіз екенін растайды.

Енді Ресейге қарсы кибершабуылдар мен диверсиялық науқанға келетін болсақ, лорд Седвилл Лондон оларды Солсберидегі Скрипалдардың улануымен байланысты атышулы оқиғаға "жауап қайыру соққысы" деп алдаусыратқан.

Еске сала кетейік, 2018 жылдың 4 наурызында Скрипалдар өздерін нашар сезінді. Бұған дейін де британдық арнайы қызметтің лас әрекеттері Ресейде бірнеше рет тіркелген. Осы орайда, психологиялық және ақпараттық соғысқа мамандандырылған британдық Strategic Communications Laboratory (SCL Group) фирмасының қызметін еске түсіру жеткілікті. Себебі олар өздерінің дезинформациялық кампания ретінде Ұлыбритания мен АҚШ-тың және жалпы НАТО-ның әскери және барлау құрылымдарында қызмет ететінін ешқашан жасырмаған. Тіпті, олар мұндай іспен 1990 жылдардың басынан бері айналысады.

SCL-тің лас жұмыс әдістері 2018 жылдың наурыз айында еншілес құрылымы Cambridge Analytica-ға қатысты дау-дамайға байланысты ашылды. Бұл іс батыс истеблишменті Дональд Трамптың жағында АҚШ-тағы сайлау науқанына қатысқаны үшін кампанияға қарсы қару кезенген кезде әшкере болған. Осы оқиға болмағанда, оларға әлі күнге дейін ешкім тиіспес еді.

Сол кезде бұл құрылымның өкілдері өздерінің әлеуетті тапсырыс берушілерімен сөйлесеміз деп ойлаған (шын мәнінде, олар жасырын журналистер болған). Ал олар интернетте дезинформация таратып, аудиторияларды таргеттеу арқылы әлеуметтік желілерде жалған аккаунттар жасап келген. Яғни, іс жүзінде олар өздерінің ұзақ уақыт бойы сол ақпараттық соғыспен айналысқандықтарын мойындады.

2015 жылы НАТО "орыс бағытында" жұмыс істеу үшін SCL-ді жалдады. Өз портфолиосында компания 2004 жылы Киевтегі "қызғызлт" революциясын қолдауға жалданғанын ашық айтқан. Содан кейін Виктор Ющенконың жұмбақ "улануының" арқасында "қызғылттар" жеңіске қол жеткізді. Бірақ Киевте улану болмағаны белгілі.

Сонымен қатар SCL Ұлыбритания қорғаныс министрлігі мен Киев билігі тарапынан "Донецк халық республикасын жою және әлсірету үшін" жалданғанын да мойындады.

Мұның бәрі Солсберидегі оқиғадан бұрын болғанын айта кетейік. Лорд Седвилл, 2017 жылдың сәуір айынан бастап қауіпсіздік жөніндегі кеңесші болып қызмет еткені белгілі. Ол менің сөзім сенімді шығады деп болжайды.

Біздің қазіргі заманымызда киберқару мен киберқадағалаудың барлық жерде қарсыластарға ғана емес, одақтастарға да қарсы қолданылатындығын жұрттың бәрі өте жақсы түсінеді. Бір ғана америкалық арнайы қызметтің Германия канцлері Ангела Меркельдің телефонын ұзақ уақыт тыңдау жүргізгеніне байланысты жанжалдың өзі неге тұрады. Скрипалдарға дейін олар Ресейді әлдеқайда белсенді бақылауға тырыспады деп ойлау өте күлкілі.

Батыстың кейбір барлау қызметтері тіпті "орыстардың сөзіне құлақ асады". Мысалы, 2014 жылдың жазында голландиялық бұқаралық ақпарат құралдары Ресейдің мемлекеттік мекемелеріне шабуыл жасау жөніндегі әдеттегі операцияның бір бөлігі ретінде жергілікті AIVD арнайы қызметінің хакерлері Мәскеу университетінің желісіне кіріп, оны үнемі бақылап отырғаны туралы айтады. Соның арқасында Cozy Bear хакерлік желісін ашты деп қуана хабарлайды. Байқасаңыз, "ресейлік хакерлердің" айналасында ешқандай жанжал болған жоқ. Ал Голландияның ресми кибершпионы ресейлік желілерді бұзып үлгерді және олар бұл әрекеттерін мақтан көрді.

Сондай-ақ The Sunday Express газетінің хабарлауынша, "ГРУ хакерлері" Елизавета II-нің "Портон Даун" құпия зертханасына келуі туралы ақпарат алуға тырысқан. Алайда газет Путин "тыңшыларының" (оның Ұлыбританиядағы желісі қазірдің өзінде жойылып кеткен) мұндай күш-жігерді не үшін жасағанын және 94 жастағы патшайымның сапар кестесінен не білуге ​​болатындығын түсіндірмегені өкінішті. Ол зертханаға қандай көйлекпен келген? Немесе олар оған әзірлеп жатқан жасару эликсирінің рецептін табуға қатты үміттенген бе? Ал енді британдық баспасөз бұл жерде Ресейге қарсы негізсіз айыптауларға қатысты сұрақтарды мүлдем қозғамайды.

Батыстың арнайы қызметтері жалған ақпарат, кибершабуыл, тыңшылық пен тікелей диверсияны пайдаланып, Ресейге қарсы жасырын және өте лас соғыс жүргізіп келе жатқанын бәрі өте жақсы біледі және бұл соғыста ағылшындардың маңызды рөл ойнайтыны да түсінікті. Бірақ осы уақытқа дейін бұл науқанның тікелей қатысушылары бұл фактіні үнемі теріске шығарып, Ресейдің оларға тағып отырған айыптаулары "паранойя" (психикалық ауру) тудырды деп санайды.

13
Кілт сөздер:
ақпараттық ресурстар, қауіпсіздік

АҚШ әскери-теңіз флотын қайта жарақтандырмақ

35
Ондаған кеме мен сүңгуір қайықтар, зымыранға қарсы қорғаныс жүйелерін жеңу, ғаламдық жылдам соққы жасау стратегиясы – Пентагон барлық "Арли Бёрк" класындағы эскадрильялық жойғыштарды гипердыбысты зымырандармен қайта қаруландыру туралы шешім қабылдады

Бұл ауқымды жоба жетпістен астам жойғышты қайта жарақтандыруды көздейді, деп жазады РИА Новости.

Пентагонның жоспарына сәйкес, жаңа "Виргиния" атомдық сүңгуір қайықтары мен "Замволт" жойғыштары бірінші болып гипердыбысты қаруға ауысады. Содан кейін АҚШ әскери флотының жаппай соққы беретін "Арли Бёрк" класты кемелері ауысуы мүмкін.

Дегенмен, оның өз қиындығы бар: америкалық гипердыбысты зымырандар көлеміне байланысты жойғыштардың ұяшықтарына сыймайды. Кемелер елеулі модернизациядан өтуді қажет етеді: мысалы, ұшыру модульдерін сыйымдылығы жоғары модульдерге ауыстыру, сондай-ақ өртті бақылаудың штаттық жүйелерін жетілдіру. Ал оның құны қанша болатыны және жасап шығару қанша уақытқа созылатыны әзірге белгісіз.

АҚШ әскери-теңіз күштерінің көптеген жерүсті кемесі қанағаттанарлықсыз жағдайда. Оны тіпті Пентагонның өзі де мойындайды. Қазір "Арли Бёрк" отызға жуық жойғышының қызмет ету мерзімі аяқталуға жақын. Ал оны модернизациялау үшін жүздеген миллион доллар мөлшерінде  қаржы жұмсау жағдайды айтарлықтай дәрежеде жақсарта алмайды. Әсіресе, кеме радарларына техникалық қызмет көрсету және күш қондырғыларын жұмыс жағдайында ұстап тұру кезінде айтарлықтай қиындықтар туындайды.

Қарқынды түрде ескіріп келе жатқан жойғыштарды жаңа ұшыру қондырғыларымен және гипердыбысты қарулармен жарақтандыру орынсыз екені анық. Сарапшылардың пікірінше, Пентагонның даулы мәлімдемелеріне қарамастан, бұл кемелер "Томагавк" қанатты зымырандарында қалады.

"Осыншама жойғышты тез арада қайта жабдықтау мүмкін емес, – деп атап өтті әскери сарапшы Алексей Леонков. – Бағдарлама екі бағытта жүруі әбден мүмкін: тек жаңа "Арли Бёрк" қана жаңартылатын болады, сонымен қатар жаңа кемелер үшін гипердыбысты зымырандарға арналған ұшыру қондырғылары жөндеуден өтеді. Америкалықтар бағаға қарсы тұра алмайды. Бүгінде олар күштердің әлемдік теңгерімін ұстап тұру және өзінің басым позициясын қалпына келтіру үшін кез келген ақшаны жұмсауға дайын".

Америкалық сарапшылар өз кезегінде флотты гипердыбысқа қайта қаруландыру бағдарламасы сәтті болуы үшін оған жаңа жойғыштар немесе көлемі кіші зымырандар қажет болады деп санайды. Бірінші нұсқа жақсырақ, өйткені Пентагон зымыранға қатысты мәселені шешті.

"Біз флоттың негізі ретінде құрлық әскеріне қатысты жобаны таңдадық. Ол – Advanced Hypersonic Weapon, - деп нақтылады Леонков.  – Екісатылы, қатты отын. Бірінші саты – жеделтетілген, екіншісі - жоспарлау блогы. Теңізге негізделген зымырандар "Арли Бёрк" жойғыштарына ғана емес, сонымен қатар "Огайо" және "Виргиния" класындағы сүңгуір қайықтарында да орнатылмақ. Олар дәл қазір осы үшін жаңартылып жатыр". 

Гипердыбысты қарудың болашақтағы тасымалдаушыларына келетін болсақ, Пентагон жаңа буын кемесінің жобасын әлі де зерттеп жатыр. Мысалы, DDG Next жойғышы "Арли Бёркпен" салыстырғанда айтарлықтай үлкен болмайды, бірақ оны сыйымдылығы жоғары ұшыру қондырғыларымен және күшейтілген қару-жарақпен жасау жоспарланған.

Еске салайық, америкалықтар бұған дейін "Арли Бёркті" ауыстыруға тырысқан, бірақ ол қадамы сәтсіз болды. Себебі, технологиялық тұрғыдан дамыған Zumwalt жойғыштары тым ауқымды болып шықты және сәйкесінше, теңізшілерге қиындық туғызды. Шын мәнісінде, құрал-жабдық пен қару-жарақтың көзге көрініп тұрған шикілігінің  салдарынан олардың жұмысқа жарамдылығы күмән туғызды.

Осылайша, алғашқы "Замволтты" іске қосқаннан кейін бір апта өткен соң ең негізгі күш қондырғысы істен шықты – кеме Панама каналында "тоқтап" қалды, ал оны жөндеу үшін жақын тұрған әскери-теңіз базасына апаруға тура келді.

Бұл ретте, "Замволт" құнын авиациялық кемелермен салыстыруға болады. Әрбір жойғыш АҚШ бюджетіне шамамен 4,5 миллиард доллар шығын келтірді. Нәтижесінде, Пентагон өзі жоспарлаған 32 кеменің орнына тек үшеуімен ғана шектелді.

"Замволттарды" гипердыбысты қарумен жабдықтау туралы шешім, оларды ешқайда орналастыруға мүмкін болмауымен байланыстыруға болады. Себебі, кемелер қызметтік немесе жауынгерлік операцияларға жарамсыз болғандықтан, басшылық оларды жаңа зымырандарды сынайтын алаң ретінде қарастырып отыр.

Суасты тасымалдаушылары, ең алдымен, "Виргиния" көп мақсатты сүңгуір қайықтары. Оларды 2028 жылға қарай қайта қаруландыру көзделіп отыр. Бұл сүңгуір қайықтары ғаламшардың кез-келген нүктесіне бір сағат ішінде ядролық емес дәлдікпен шабуыл жасауды көздейтін жедел ғаламдық соққы беру бағдарламасына енеді. Құрлық әскерлері бірінші гипердыбысты кешендерге сәл ертерек 2023 жылы қол жеткізеді.

Ресейде бұның бәрі қазірдің өзінде бар және олар атыс қаруын қолдану кезінде үнемі тексеріліп отырады.

Осылайша, жерде орналасқан "Авангард" стратегиялық кешенінің тетігі 2018 жылдың көктемінде іске қосылды. Соққы жасайтын бөлігі – УР-100Н құрлықаралық зымыраны, ал өте жоғары температураға төтеп бере алатын жоспарлау блогы атмосфераның тығыз қабаттарында сағатына 25 мың шақырымға дейін жедел қарқынмен қозғала алады. Кешен тетігі екі жыл бұрын іске қосылғанымен, "Авангардпен" қаруланған бірінші полк жауынгерлік кезекшілікті 2019 жылдың желтоқсанында бастады. Осы жылдың соңына дейін Ресей қорғаныс министрлігі Орынбор облысында тағы екі зымыранға арналған инфрақұрылымды дайындайтын болады.

Флот та артта қалған жоқ. Қазан айының басында Бас штаб сынақтан өткізу кезінде "Адмирал Горшков" фрегатынан "Циркон" гипердыбысты қанатты зымыранын сәтті ұшырғаны туралы хабарлады. Ол сегіз Мах-тен жоғары жылдамдықты еңсерді (сағатына 9,5 мың шақырымға жуық) және 4,5 минут ішінде 450 шақырымды артта қалдырды. Болашақта зымыран мыңдаған километр қашықтықтағы нысандарды дәл көздей алады.

Кешен 2021 жылы пайдалануға берілуі мүмкін. Ол қолданыстағы және салынып жатқан кемелермен және сүңгуір қайықтармен жабдықталады. Атап айтқанда, 2025-2026 жылдар аралығында әскери-теңіз күштері үшін 22350 жобасының екі фрегаты салынады, "Цирконмен" қаруланған алғашқы сүңгуір қайығы "Ясен-М" жобасындағы "Қазан" көп мақсатты атомдық суасты қайығы болады деп көзделіп отыр. Ол теңізшілерге желтоқсан айында тапсырылады. Қазір қайық сынақтан өтіп жатыр.

Сонымен қатар, Ресейдің "Кинжал" гипердыбысты қаруы бар. Олар қазірдің өзінде Оңтүстік әскери округінде орналасқан, 2024 жылға дейін "Кинжалдармен" Краснояр өлкесіндегі авиация полкін жабдықтау көзделіп отыр. Кешен екі мың шақырымға дейінгі қашықтықтағы нысанды жоятын мүмкіндікке ие.  Оның оқтұмсықтары әдеттегідей қарапайым немесе арнайы ядролық зарядпен жарақтануы мүмкін.

35
Медицина қызметкері

Бас санитар дәрігер елдегі жағдай туралы ақпарат бөлісті

0
(Жаңартылды 19:12 30.10.2020)
Бас санитарлық дәрігер блок бекеттерді орнату мәселесіне тоқталды. Шығыс Қазақстанда санитарлық бекеттер орнатуға шешім қабылданған болатын

НҰР-СҰЛТАН, 30 қазан – Sputnik. Денсаулық сақтау вице-министрі – бас мемлекеттік санитарлық дәрігері Ерлан Қиясов эпидемиологиялық жағдай туралы айтып берді, деп хабарлайды Sputnik Қазақстан тілшісі.

"Негізі, республика бойынша ауру өршіп кеткен аймақтар жоқ. Дегенмен, "сары зонаға" кіретін облыстар бар. Ол – Солтүстік Қазақстан. Сосын Шығыс Қазақстан облысы "сары зонаға" еніп отыр", - деді Қиясов арнайы онлайн брифингте.

Оның айтуынша, әзірше коронавирусқа қатысты жағдайдың ушығып кету қаупі жоқ. 

"Қолға алынған күшейтілген шаралар өз нәтижесін береді деп сенеміз. Негізі, шекаралас елдермен салыстырғанда бізде жалпы жағдай тұрақты", - деп атап көрсетті Қиясов.

Осы орайда бас санитарлық дәрігер блок бекеттерді орнату мәселесіне де тоқталды. Шығыс Қазақстанда санитарлық бекеттер орнатуға шешім қабылданған болатын. Бұдан бөлек, Қарағанды облысында санитарлық бекеттерді қою жоспарланып отыр.  

"Қарағанды облысында санитарлық бекеттер алдын алу шарасы ретінде қолға алынып отыр. Бұл – жергілікті биліктің бастамасы. Себебі облыстың кейбір аудандарында аурудың өршіп кеткені байқалды. Мәселен, Ақтоғай ауданындағы "Алтын Алмаз" кәсіпорнында жұмысшылар арасында науқастар көбейген. Жалпы, қазіргі эпидемиологиялық жағдайды ескере отырып, жақын арада республика бойынша блок-бекеттерді орнату жоспарда жоқ. Жағдай нашарлаған кезде ғана ондай шаралар қолға алынады", - деді Қиясов.

0
Кілт сөздер:
коронавирус, облыс, Қазақстан
Тақырып:
Коронавирус эпидемиясы
Тақырып бойынша
Тоқаев карантинге байланысты қазақстандықтарға үндеу жасады
Қазақстанда қала жабылады – бас санитар дәрігердің шешімі шықты
Шығыс Қазақстанда қатаң шектеу шаралары енгізілді
Мырзахметов пандемия туралы: келесі жылдың аяғына дейін жалғасуы мүмкін
Ақордадағы кездесу: Қырғыз министрінің Қазақстанға не үшін келгені белгілі болды