Әлем

Такси жүргізуші зорлап өлтірген қыз 5 минут бұрын жанұшыра көмек сұраған

© Photo : Luisella Planeta Leoni Девушка держит мобильный телефон
Девушка держит мобильный телефон - Sputnik Қазақстан
Жазылу
Резонанс тудырған қылмыс өткен жылдың тамыз айында жасалған

АСТАНА, 1 ақпан – Sputnik. Бүгін Қытайдың Вэньчжоу қаласының халық соты жолаушыны зорлап, өлтіргені үшін Didi Chuxing (Uber-дің баламасы) такси қызметінің жүргізушісін өлім жазасына кесті, деп хабарлады РИА Новости сот инстанциясының мәлімдемесіне сілтеме жасап.

әйел - Sputnik Қазақстан
Өңірлер
Ақтауда 20 жастағы бойжеткенді такси жүргізушісі зорлап тастады

"2019 жылдың 1 ақпанында жергілікті уақыт бойынша сағат 10.30-да (Астана уақытымен 8.30) Чжэцзян провинциясындағы Вэньчжоу қаласының Орта сатыдағы халық соты аса қатыгездікпен жасалған зорлау, тонау және кісі өлтіру қылмысы бойынша айыпталушы Чжун Юанді өлім жазасына кесті", — делінген мәлімдемеде.

Резонанс тудырған қылмыс өткен жылдың тамыз айында Чжэцзян провинциясының Юэцин қаласында жасалған.

20 жастағы қызды Didi таксиінің "жол-жөнекей автокөлік" қызметін пайдаланған соң айуандықпен өлтіріп кеткен. Жергілікті уақытпен сағат 14.00 шамасында қыз көлікке отырған, біраз уақыттан кейін зәресі ұшқан қыз құрбысына хабарлама жіберіп, жүргізуші бірде-бір көлік жоқ тау жолымен келе жатқанын жеткізген, сондай-ақ өзінің қайда екені туралы мәліметті жіберіп үлгереді. Тағы бес минуттан кейін "құтқарыңдар" деген хабарлама жіберген, содан кейін байланысқа шықпаған.

Полиция қылмыскерді ұстады, ол қызды зорлап, өлтіргенін мойындап, мәйітті тастаған орынды көрсетті.

Осы оқиғадан кейін Didi компаниясы бүкіл ел бойынша "жол-жөнекей автокөлік" қызметін көрсетуді тоқтатты.

Жаңалықтар
0