Рентгеновский снимок

"Қауіпті аурудың белгісі" Мамандар белі мен мойны ауыратындарға кеңес берді

9509
(Жаңартылды 16:09 23.02.2019)
Сарапшылардың мәліметінше, бүгінде әлемде 382 миллион адам екінші типті диабетпен ауырады

АСТАНА, 23 ақпан – Sputnik. Бел мен мойын тұсындағы ауырсыну қант диабетінің белгілері болуы мүмкін, деп ескертті Сидней университетінің мамандары.

Екінші типтегі қант диабеті мен белдің ауыруы семіздікпен және физикалық белсенділіктің жоқтығымен тығыз байланысты. Зерттеу авторы Манэуль Феррейраның айтуынша, денсаулықты сақтауда салмақты бақылау мен қимыл-қозғалыс маңызды рөл ойнайды, деп хабарлайды Medicalxpress.

Ол диабеті бар пациенттердің көпшілігінде өмір бойы белі мен мойны ауыратынын атап өтті. Әзірге бұл байланыстың себебі анықталмаған, сондықтан мамандар аталған бағытта жұмыс істеуді жалғастырып жатыр. 

Сарапшылардың бағалауына сүйенсек, бүгінде әлемде 382 миллион адам екінші типті диабетпен –  қауіпті метаболиттік аурудың кең таралған түрімен ауырады екен.

9509
Кілт сөздер:
қант диабеті, ауру, ғалымдар, зерттеу
Тақырып бойынша
Ғалымдар күндізгі ұйқының неге қауіпті екенін анықтады
"Атом бомбасынан кем емес": Ғалымдар жылқының қазақ өмірін қалай өзгерткенін айтты
Ғалымдар жүкті әйелдерге неге көп ұйықтауға болмайтынын айтты
Ғалымдар қандай шайдың адам өмірін ұзартатынын анықтады
Ғалымдар қандай адамдардың тез қартаятынын анықтады
Ғалымдар ішімдіктің қарттарға пайдасын анықтады
Ғалымдар өмір жасын ұзартудың ең оңай әдісін анықтады
Қазақстандық ғалымдар өте маңызды жаңалық ашты
Ғалымдар қатерлі ісіктің асқынып кетуіне жол бермеудің әдісін тапты
Ақ үй

АҚШ сенаторлары Ақ үйге ультиматум қойды - саясаттанушы пікірі

54
Америкалық 12 республикашыл сенатор АҚШ қаржы министрлігі мен Ақ үйге ультиматум қойды

НҰР-СҰЛТАН, 29 шілде — Sputnik. Американың бір топ сенаторы ресейлік "Солтүстік ағын - 2" жобасы тоқтатылмаса, АҚШ-тың қаржы министрлігіндегі тағайындауларға бұғаттау енгіземіз деп қысым көрсетті. Sputnik радиосының эфирінде саясаттанушы, заманауи мемлекеттік даму институтының директоры Дмитрий Солонников осы жағдайға қатысты өз ойын бөлісті.

Америкалық 12 республикашыл сенатор АҚШ қаржы министрлігі мен Ақ үйге ультиматум қойды. Олар "Солтүстік ағын – 2" жобасына жаңа санкциялар енгізуді талап етіп отыр.

Олар ұсынған хаттан үзіндіні Bloomberg агенттігі жариялады.

"Солтүстік ағын – 2" газ құбыры Америка Құрама Штаттары мен оның одақтастары және серіктестерінің ұлттық қауіпсіздік мүддесіне тікелей зиян келтіріп отыр. Бұл жоба аяқталатын болса, онда РФ президенті Владимир Путиннің Еуропаға ықпалы артып, Украинаның қауіпсіздігіне қауіп төндіреді және ресейлік агрессияның артуына алып келеді", - деп жазылған хатта.

Ақ үй әкімшілігі "газ құбырына қатысты өз позициясын өзгертіп, жаңа санкциялар енгізбесе", сенаторлар қаржы министрлігіндегі екі қызметтік тағайындауға тосқауыл болуды көздеп отыр.

Күні кеше Nord Stream2 AG газ құбырының операторы аталған жоба 99 процентке дайын екенін жариялады.

Sputnik радиосының эфирінде саясаттанушы, Заманауи мемлекеттік даму институтының директоры Дмитрий Солонников ресейлік жобаға қарсы тұру ішкі саяси күрес құралына айналғанын айтты.

"Бұл ұзаққа созылатын ойын. Қазір демократтар мен республикашылдардың орны ауысқанын көріп отырмыз: енді демократтар өз ұстанымдарын қорғап, Кремльмен еш байланысы жоқ екенін дәлелдеп жатыр. Жалпы АҚШ ішінде түрлі позициялар бар екенін, елдің ешбір президенті өз бетінше мемлекет болашағын шеше алмайтыны бұрыннан белгілі. Аталған позициялардың авторлары түрлі қысым көрсетуді жалғастыра береді. Бұл "Солтүстік ағын – 2" жобасы іске қосылғанша жалғаса береді. Алайда газ құбыры жақында іске қосылады. Ал қаржы министрлігіндегі тағайындауды созбақтау жалғасады. Бұл АҚШ-тағы ықпал үшін күрес", - деп санайды Дмитрий Солонников.

54
Архивтегі сурет

БҰҰ коронавирустың супер таратушысына айналуы мүмкін елді атады

2156
Маман Мьянма Жер шары халқының үштен бірі тұратын елдермен шектесетінін еске салды

НҰР-СҰЛТАН, 29 шілде – Sputnik. Мьянмаға COVID-19 ошағын көбейтіп, бүкіл өңірге бақылаусыз тарататын елге айналу қаупі төніп тұр.

Бұл туралы БҰҰ-ның Мьянмадағы адам құқықтары жөніндегі арнайы баяндамашысы Том Эндрюс мәлімдеді, деп хабарлайды РИА Новости.

"Мьянма коронавирустың супер таратушысына айналып барады. Оның арасында өте қауіпті әрі жұқпалы "дельта" және басқа штаммдар да бар. Бұл көптеген себепке байланысты өте қауіпті нәрсе", - деді ол.

Маманның айтуынша, Мьянмада COVID-19-дан қайтыс болғандар мен жұқтырғандардың нақты саны белгісіз. Ол мемлекет Жер шары халқының үштен бірі тұратын елдермен шектесетінін еске салды.

Тағы оқыңыз: Цой: коронавируспен ауырғандардың 99,9%-і – вакцина салдырмағандар

"Бұл коронавирус ұлттарды, шекараны, идеология мен саяси партияларды құрметтемейтіні туралы жай ғана факт. Ол дискриминацияны білмейтін қанішер", - деп атап өтті Эндрюс.

2156
Кілт сөздер:
коронавирус
Тақырып:
Коронавирус эпидемиясы
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады