Такси

Такси жүргізушісі жолаушыға ұйықтататын дәрі беріп, арам ойын жүзеге асырды

5036
(Жаңартылды 20:38 28.03.2019)
Ер адамның ұялы телефоны, қымбат сағаты мен алтын сақинасы ұрланды

НҰР-СҰЛТАН, 28 наурыз – Sputnik. Мәскеуде такси жүргізушісі жолаушыға дәрі қосылған шырын беріп, заттарын ұрлады, деп хабарлайды РИА Новости.

"З наурыз күні түнгі 01.00 мен таңғы сағат 05.00 аралығында такси жүргізушісі жолаушыға дәрі қосылған сусын берді. Ер адамның жалпы сомасы 108 мың рубль (635 мың теңгеге жуық) болатын жеке заттары ұрланды", делінген мәскеулік полиция департаментінің баспасөз хабарламасында.

Жүргізуші ер адамның ұялы телефоны, сағаты мен алтын сақинасын қолды етіп, ізін суытқан. Біраздан соң есін жиған жолаушы заттарының ұрланғанын байқайды. Алайда оларды іздеуге бірден кірісе алмапты. Дәріден уланып, ауруханаға жеткізілген.

Материалдық залал сомасы 108 мың рубльге бағаланып отыр. Ресейдің қылмыстық кодексінің "тонау" бабы бойынша қылмыстық іс қозғалған. Оңай жолмен пайда таппақ болған такси жүргізушісі кеше, 27 наурыз күні ұсталды.

5036
Кілт сөздер:
ұрлық, дәрі, жүргізуші, такси
Тақырып бойынша
"Жылап жібердім". Такси жүргізушісі әмиянды иесіне қайтару үшін 8 сағат күткен
Алматыда такси жүргізуші шетелден келген жолаушыдан 23 мың теңге алған
Төрт ер адам жабылып зорлаған қызға такси жүргізушісі де қиянат жасады
Ақтауда клиенттерін қан қақсатқан такси жүргізуші ұсталды
Талдықорғанда такси жүргізушіні айуандықпен өлтіріп кетті
Ресейдің Қазақстандағы елшілігі Рождество науқанына қатысып жатыр

Ресейдің Қазақстандағы елшілігі мұқтаж жандарға көмек көрсетті

14
Биыл дәстүрлі Рождество жәрмеңкесі пандемияға байланысты өткізілмеді, алайда мұқтаж жандар көмексіз қалмайды

НҰР-СҰЛТАН, 2 желтоқсан – Sputnik. Ресейдің Қазақстандағы елшілігі серіктестерімен бірге Charity Drive 2020 гуманитарлық жобасы аясында мұқтаж жандарға 2,6 миллион теңге немесе 6 мың доллардан астам ақшалай көмек, сондай-ақ 500 килограмм азық-түлік жіберді, деп хабарлады Sputnik Қазақстанға дипломатиялық өкілдік.

Бұған дейін хабарланғандай, коронавирус пандемиясына байланысты дипломаттар әйелдерінің жыл сайынғы рождестволық қайырымдылық жәрмеңкесі тоқтатылды. Елшілердің жұбайлары қауымдастығы (ASA) балама шара ретінде балалар үйлеріне, интернаттарға және тұрмысы төмен азаматтарға гуманитарлық көмек ұйымдастырды.

Посольство России в Казахстане участвует в рождественской акции
© Photo : Посольство России в Казахстане
Ресейдің Қазақстандағы елшілігі Рождество науқанына қатысып жатыр

"Ресей елшілігі Қауымдастықтың осындай бастамаларына барынша белсенді қатысады және "Charity Drive 2020" аясында серіктестерімен бірге жобаға 1 000 000 теңге ақшалай қаражат, 100 000 теңгеге дүкендер желісіне сертификат, жалпы салмағы 500 килограм болатын азық-түлік және тұрмыстық заттар берді", - деп хабарлады Ресей елшілігі.

Сондай-ақ демеушілер "Светоч"  балалар үйіне 1 000 000 теңге көлемінде қаржылай көмек көрсетті, ал "Солнышко" балалар үйінің банк шотына 500 000 теңге аударылды.

Банктердің бірі "Светоч" балалар үйі үшін "УАЗ Патриот" автокөлігіне жаңа дөңгелек, тұрмыстық заттар мен киім-кешек сатып алады.

14
Владимир Путин

Путин Таулы Қарабақта атқарылатын гуманитарлық шаралар туралы айтты  

20
Владимир Путин әскери қақтығыс аймақтарында зардап шеккен адамдарға бірлесіп көмектесу қажеттігін жеткізді

НҰР-СҰЛТАН, 2 желтоқсан – Sputnik. Ресей ТМД мен ҰҚШҰ бойынша серіктестерінің Таулы Қарабақтағы гуманитарлық шараларға қосылғанын қалайды. Бұл туралы Ресей Федерациясының президенті Владимир Путин мәлімдеді, деп хабарлайды Sputnik Қазақстан тілшісі.

"Таулы Қарабақтың қақтығыс аймағында қантөгіс пен атысты толығымен тоқтатуға, сондай-ақ, тұрақтандыру процесін бастауға Ресейдің белсенді делдалдық күш-жігері керек болды. Бұны барлығы жақсы біледі. Біз ЕҚЫҰ-ның Минск тобында, атап айтқанда, осы топтың тең төрағалары – Ресей, АҚШ және Франция арасында қол жеткізілген негізгі келісімдерді сақтадық", - деді Путин Ұжымдық қауіпсіздік шарт ұйымы қауіпсіздік кеңесінің сессиясында.

Оның айтуынша, бүгінде Таулы Қарабақ бойынша Ресей, Әзербайжан мен Арменияның үшжақты мәлімдемесі біртіндеп орындалып келеді. Ресейлік бітімгерлер де өз жұмысына кірісті. 

"Ендігі кезекте әскери іс-қимыл аймағында зардап шеккен адамдарға бірлесіп көмек көрсеткен жөн. Босқындарды қайтару, қиратылған инфрақұрылымды қалпына келтіру, діни, мәдени және тарихи ескерткіштерді қорғауға қатысты гуманитарлық проблемаларды шешуге бірлесіп атсалысу маңызды. Ресей жағы Ереван мен Бакудың үйлестіруімен осы мәселелермен айналысып кетті. Әрине, біз ТМД мен ҰҚШҰ бойынша барлық серіктесіміздің гуманитарлық шараларға қосылуына мүдделіміз. Сондай-ақ, халықаралық ұйымдармен де өзара ынтымақтастық жайын талқылап жатырмыз", - деп атап өтті Ресей басшысы.

Оқи отырыңыз: Тоқаев ҰҚШҰ сессиясында не айтты? 

Айта кетейік, онлайн сессия кезінде Қазақстан президенті Қасым-Жомарт Тоқаев та Таулы Қарабақта әскери шиеленісті шешу мәселесіне тоқталып, Ресейдің делдалдық қызметіне жоғары баға берді.

"Біздің бүгінгі кездесуіміз аймақтағы және жалпы әлемдегі қиын процестер кезінде өтіп отыр. Мемлекетаралық дау-жанжал көбейіп, аймақтық және жаһандық қауіпсіздік саласындағы жағдай да шиеленісіп келеді. Осы орайда Ресей президенті Владимир Владимирович Путиннің Таулы Қарабақтағы әскери іс-қимылды тоқтатуды көздейтін делдалдық қызметін ерекше атап өткен жөн", - деді Тоқаев.

20
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

0
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

0
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады