Әлем

Дәрігерлер қыздың көзінен 4 ара алып шықты: жәндіктер оның жасымен қоректенген

CC0 / / Көз
Көз - Sputnik Қазақстан
Жазылу
Ауруханаға бірден қаралғанының арқасында қыз көз жанарын сақтап қалған

НҰР-СҰЛТАН, 11 сәуір – Sputnik. Тайвань елінде дәрігерлер науқастың көзінен төрт бірдей ара алып шықты, деп жазады Mirror.

Баланың көзі - Sputnik Қазақстан
Әлем
Дәрігерлер сәбидің көзінен 11 құрт алып шықты – жұрттың зәресін алған фото

29 жастағы Хэ есімді қыз отбасы мүшелерінің бірінің бейіті басында шөп жұлып жатып, көзінің аши бастағанын сезеді. Ол топырақ қиқымы түскен шығар деп, жанарын жуып жібереді. Алайда кешке қарай көзі одан бетер ашып, ауруханаға барып қаралған.

Тексеру кезінде көз дәрігері микроскоппен Хэнің көзінде жәндіктің аяғына ұқсас бірдеңені байқапты. Дәрігер ақырындап тартып, науқастың көзінен төрт бірдей тірі ара – галиктидтерді алып шығады.

Бұл ара бейіт басында немесе құлаған ағаштарда мекендейді. Адам терлеген кезде, жәндіктерді өзіне тартады. Дәрігерлердің айтуынша, Хэнің басынан өткен жайт әлемде бірінші рет болған. Қыздың жолы болып, көз жанарын сақтап қалыпты.

Жаңалықтар
0