Ит, архивтегі сурет

Алабай көшеде келе жатқан оқушыға тап берді видео

358
(Жаңартылды 11:35 26.04.2019)
Оқиға Ресейдің Красноярск өлкесінде болды

НҰР-СҰЛТАН, 25 сәуір — Sputnik. Красноярск өлкесінің Иланский қаласында алабай оқушыға тап берді. Оқиға көліктегі бейне камераға жазылған, деп хабарлады life.ru.

Оқушыны алабайдан жергілікті тұрғындар аман алып қалыпты. Олардың айтуынша, ит бұған дейін де адамға бас салған.

Шымкентте ветеринарлар иттерді балалардың көзінше атқан

Куәгерлердің бірі жазбада оқиға толық көрсетілмегенін айтты. Тұрғындар алабайдың қожайынымен дауласыпты. Ол итінің адамдарға тап беретінін мойындамаған.

"Ит баланы қауып алды. Әлі есімді жия алмай отырмын. Күйеуім де шошыды", - деді куәгерлердің бірі.

Алматыда қабаған иттер екі жасар қызды шайнап тастады

Әйел оқушының ата-әжесімен тұратынын айтты. Баланың қаншалықты зардап шеккені белгісіз.

358
Кілт сөздер:
видео, алабай, оқушы
Тақырып бойынша
Қаршыға итке бас салды: соңында ешкім күтпеген оқиға болды – видео
Ит жылқымен жағаласып шөп жеп жатыр - күлкілі видео
Нұр-Сұлтанның іргесіндегі ауылда иттердің өлексесі тура мешіт жанында жатыр
Алматыда қабаған иттер екі жасар қызды шайнап тастады
Полицейлер өз иесін қапқан алабайды атып тастады
НАТО

Ресей НАТО қаруының шығысқа қарай ығысуына кедергі болмақ

66
Осы аптада Ригада өткен саммит кезінде Солтүстікатлантикалық альянс сыртқы ведомство басшылары Ресейге қатысты мейлінше агрессивті бағдар ұсыну бойынша жарысқа түскендей

НҰР-СҰЛТАН, 3 желтоқсан – Sputnik. НАТО-ның Ресейге қатысты агрессивті ұстанымы күн санап күшейіп келеді. Осы аптада Ригада өткен альянстың сыртқы істер министрлерінің саммиті кезінде бас хатшы Йенс Столтенберг мемлекеттік билікке қатысты "ресейлік режим" терминін алғаш рет қолданды, деп жазды РИА Новости.

Ұлыбританияның сыртқы істер министрі Лиз Трансстың Эстония танкімен Ресей шекарасына жақын маңда жүріп өтуі тіпті түсініксіз жағдай болды. Ол өзінің сұсты түрімен ресейлік "агрессиялық ниетке" кез келген уақытта қарсы жауап беруге қауқарлы екенін көрсеткісі келген секілді. Егер ресейлік министр Сергей Лавров та дәл осындай әрекетке барса, батыстағы БАҚ не жазатынын болжауға болады. Бірақ ресей "дипломатия" ұғымын тура мағынасында қолданып келеді.

Осы аптада Ригада өткен саммит кезінде Солтүстікатлантикалық альянс сыртқы ведомство басшылары Ресейге қатысты мейлінше агрессивті бағдар ұсыну бойынша жарысқа түскендей. Сонымен қатар батыстағы БАҚ әдетте батыс дипломаттарының кезекті басқосуы ретінде қаралатын мұндай іс-шараға тым ауқымды ақпараттық қолдау көрсетті.

Мұндай үгіт-насихатқа НАТО-ның осы саммиті "Ресейдің Украинаға шабуылы" тақырыбына қатысты болуы себепші. Оқиғаның ауқымынан секемденген Украина тіпті бұл ақпараттың жалған екенін мәлімдеп, Ресейді айғақсыз мәлімет таратты деп айытпауына тура келді. Немістердің DW басылымы Украинамен шекарадағы "115 миллион ресейлік әскеридің шоғырланғаны" туралы жазды. Мұндай бір саннан қателік кеткені айқын.

Алайда Ригада сөз сөйлеген сыртқы істер министрлерінің барлығы дерлік осы "ресейлік әскердің шоғырлануын" тілге тиек етті. Бәрінен де альянстың бас хатшысы Йенс Столтенбергтің екпіні тым күшті болды.

Мұны Столтенбергтің жақында ғана "Германиядан шығысқа қарай" ядролық зымырандарды орналастыру ықтималдылығы туралы мәлімдемесі осы сөзге дәлел. Халықаралық келісімшарттарды бұзатын және барлық "қызыл сызық" шегінен шығатын бұл тезисті әлемдік БАҚ қалыпты мәселе секілді қабылдады. Олар НАТО бас хатшысының аузынан шыққан бұл мәлімдемені елемегендей сыңай танытты.

Бірақ батыстағылар Белоруссия президенті Александр Лукашенконың өз елінде ресейлік ядролық зымырандарды орналастыру мүмкіндігі туралы мәлімдемесін назардан қалт жібермеді. Осыдан кейін Столтенберг НАТО-ның өз аумағында ядролық қаруы көп жылдан бері бар қандай да бір елдердің территориясында мұндай қару орналастыру туралы ешқандай жоспары жоқ екенін айтты. Бас хатшының бір-біріне қарама-қайшы екі мәлімдемесінің арасы небәрі 12 күн. Бірақ батыс журналистері бұл фактіні жарияламауға тырысып бақты.

НАТО бас хатшысының қызметтік өкілеті шектеулі болғанымен, қалай болғанда да оның қарамағында әскери инфрақұрылым бар. Ал жаһандық ұйымның біріндегі лауазымды тұлғаның екі түрлі мәлімдеме жасауының ақыры қайғылы болмасына кім кепіл.

Әйткенмен Столтенберг Украинадағы жағдайды грузин сценарийіне дейін жеткізу Киев үшін де, Вашингтон үшін жағымсыз әсер әкелуі мүмкін екенін түсініп отыр. Сондықтан бас хатшы бес күннің үшеуін де "Украинаны қандай да бір шабуылдан қорғау бойынша НАТО-ның Украина алдында ешқандай міндеттемесі жоқ" екенін қайталаудан жалықпады. Бұл кейбір украин саясаткерлерінің көңіл-күйін түсіргені анық.

Осы кезде Ұлыбританияның Киевтегі елшісі Мелинда Симмонс Mirror ағылшын газетінің "Ресеймен соғыс бола қалған жағдайда" Лондонның Украинаға 600 арнайы жасақ сарбазын жөнелту туралы фейк ақпаратын жоққа шығарды.

Бірақ Столтенберг Украина мен Грузияның НАТО-ға қосылуы туралы жиі айтады. Сонымен қатар бұл шешімге қатысты Ресейде вето құқығы жоқ екенін де қайталап келеді. Қызығы – НАТО Ресейден өз шекарасынан әскери инфрақұрылымды алып тастауды талап етеді де, ал Мәскеу Ресей шекарасындағы НАТО әскери инфрақұрылымына қатысты талап қойса, орыстардың мұндай құқығы жоқ екенін алға тартады.

Сол сияқты, Столтенберг Ригада "Ресейдің өз ықпал ету аясын құруға құқығы жоқ" екенін айтты. Алайда Вашингтон "Монро доктринасын" дайындап, Оңтүстік Американың барлығы АҚШ-тың "ықпал ету аумағында" екенін жариялағанда Солтүстікатлантикалық альянс еш қарсылық танытпады.

Жалпы Мәскеу Украинаның НАТО-ғы мүше болуы "қызыл сызық" шегінен асуды білдіретінін және Ресей оған жол бермейтінін бұған дейін бірнеше рет айтты. Бұл Батыс пен Украинаның қарым-қатынасынан бұрын Ресейдің қауіпсіздігіне қатысты болып отыр. Сондықтан осы аптада РФ президенті Владимир Путин НАТО-ның Ресей шекарасына қауіп төндіретін қару-жарақ жүйелерін шығысқа қарай ығыстыруына жол бермейтін нақты келісімшарттар әзірлеу бойынша сындарлы келіссөз жүргізуді ұсынды.

66
Кілт сөздер:
Ресей, қару
Спутник Лайт

Ғалым қандай вакциналарды бір уақытта алуға болатынын түсіндірді

51
Ресейдегі Гамалея орталығының басшысы "Спутник Лайт" пен мұрын вакцинасын бірге қолдануға болатынын айтты

НҰР-СҰЛТАН, 2 желтоқсан – Sputnik. Коронавирусқа қарсы "Спутник Лайт" пен мұрын вакцинасын бірге салуға болады, деп мәлімдеді РИА Новости агенттігіне Гамалея атындағы эпидемиология және микробиология ұлттық зерттеу орталығының директоры Александр Гинцбург.

"Оның ағзаға еш зияны жоқ", - деді ол.

Қазанның ортасында Ресейдің денсаулық сақтау министрлігі Гамалея орталығы дайындаған "Спутник" тобындағы SPRAY 08-Гам-КОВИД-Вак-2021 спрейіне клиникалық сынақ жүргізуге рұқсат еткені белгілі болды.

Гинцбург мұрын препаратының жанама әсері анықталмағанын мәлімдеді. Оның орынбасары Денис Логуновтың айтуынша, мұндай процедура ауыртпалықсыз өтеді. Сондай-ақ, жоғарғы тыныс жолдарында коронавирусқа қосымша кедергі тудыру үшін қолданылады.

Қарашаның соңында Ресей президенті Владимир Путин "Спутник Лайт" препаратымен қайта вакцина салғызып, бірнеше күннен кейін мұрын вакцинасын қабылдады. Көрші ел президентінің айтуынша, одан кейін ешқандай жағымсыз әсер туындамаған.

51
Кілт сөздер:
ғалым, вакцина
Тақырып:
COVID-ке қарсы вакцина
Тақырып бойынша
"Вирус одан да қорқынышты": вакцина алған елордалық аналар жағдайы туралы айтты – видео
"Вакцинаның пайдасын кеш түсінеді": дәрігерлер жансақтау бөлімін көрсетті – видео
Вирусолог вакцинаның екінші дозасын салғызбаса не болатынын айтты
Вакцина алған оқушылардың жағдайы нашарлады деген ақпарат рас па
Вакцина салғызғандар баса мән беруге тиіс симптомдар аталды
Жусан операциясы

Сирияға кеткен мыңға жуық қазақстандықтың 600-і оралды Назарбаев

0
Қазақстанның тұңғыш президенті елге оралған 600 қазақстандықтың ішінде 33 адамға қатысты тергеу жүргізіліп жатқанын мәлімдеді

НҰР-СҰЛТАН, 4 желтоқсан — Sputnik. Нұрсұлтан Назарбаев Сирияға кеткен қазақстандықтар туралы айтты.

"Qazaq. History of the Golden Man" ("Қазақ. Алтын адамның тарихы") фильмінде америкалық режиссер Оливер Стоунға берген сұхбатында Елбасы Ислам мемлекетінің* қызметі толығымен экстремистік идеологияға негізделгенін мәлімдеді.

"Құранда бір адамды өлтіру бүкіл адамзатты өлтірумен тең деп айтылған. Олардың мұсылмандықпен ешқандай байланысы жоқ, олар дінді өз мақсаты үшін пайдаланатын экстремистер. Бұл Исламның өзіне зиян тигізеді", - деді Назарбаев.

Қазақстанның тұңғыш президенті республикадан Сирияға бір мыңға жуық азамат кеткенін, олардың 600-і отанға оралғанын хабарлады.

"Біз 600 адамды қайтардық, оның ішінде 303 ер адам. Отыз үшіне қатысты тергеу жүргізіп жатырмыз. Жұмысы жоқ, қиыншылық көрген адамдар сол жерге кетті. Онда өмір керемет болатынына уәде береді. Сондықтан ол жаққа бүкіл отбасымен бірге барды. Өздерін ұрып-соғып, өлтірген кезде ғана жағдайды түсінді", - деді ол.

Сондай-ақ, Елбасы исламның және бүкіл әлемнің ірі орталықтарының бірі болып табылатын Сирияның қирауы мәселесіне қатысты өз өкінішін білдірді.

"Мен ол жерде болдым, керемет ғимараттарды көрдім... Олар біздің балалар көре алмайтын бүкіл адамзаттың тарихи, мәдени естелігін жойды", - деді Назарбаев.

2019 жылдың қаңтар айынан бастап ұлттық қауіпсіздік комитеті "Жусан" гуманитарлық арнайы операциясы аясында Сирия мен Ирактан қазақстандықтарды қайтару бойынша 5 арнайы операция өткізді.

Бұл арнайы гуманитарлық операцияның бірінші кезеңі Елбасы Нұрсұлтан Назарбаевтың тапсырмасы бойынша 2019 жылдың 6 қаңтарында ұйымдастырылды.

ИМ* – Қазақстанда, Ресейде және басқа да бірқатар елде тыйым салынған террористік ұйым.

0
Кілт сөздер:
Назарбаев, Сирия, қазақстандықтар
Тақырып бойынша
Назарбаев өзінің арманы туралы айтты
Назарбаев Қазақстан Қырымға қатысты дауыс беруден неге қалыс қалғанын түсіндірді
Назарбаев Қазақстан жастарына үндеу жасады – видео
Қазақстан алдағы жүз жылда ешкімге соғыс ашпайды – Назарбаев
Назарбаев Горбачевтің кабинетінде қандай келеңсіз жайтқа куә болғанын еске алды