Қонғалы жатқан ұшақ, архивтегі сурет

Ресей мен Грузия арасында тікелей әуе қатынасы тоқтатылды

76
Қазір төрт жарым мыңға жуық ресейлік турист Грузияда жүр

НҰР-СҰЛТАН, 8 шілде – Sputnik. Ресей президенті Владимир Путиннің жарлығымен дүйсенбіден бастап ресейлік және грузиялық әуе компанияларына екі ел арасында тікелей рейс орындауға тыйым салынды. Тыйымның күші қашан жойылатыны әзірге белгісіз.

Бұған дейін қос ел арасында тікелей рейсті ресейлік "Аэрофлот", "Победа", S7, "Уральские авиалинии", Red Wings, "Нордавиа" және екі грузиялық – Georgian Airways және MyWay Airlines әуе компаниялары орындаған еді.

Жексенбі, 7 шілдеде ресейлік "Уральские авиалинии" және S7  ұшақтары Тбилиси әуежайынан Ресей бағытына қарай соңғы рет ұшты.

Ресейдің көлік министрі Евгений Дитрих қазір Грузияда 4,5 мыңға жуық ресейлік турист қалғанын мәлімдеді. Олар әуе қатынасына тыйым салынғанға дейін билетін тапсырмаған немесе басқа күнге ауыстырмаған.

Тағы оқыңыз: Нұр-Сұлтан мен Ұлан-Батыр арасында тікелей әуе рейсі ашылады

Десе де бұған дейін ресейлік жолаушыларға 8 шілдеге немесе одан кейінгі датаға алынған билетті ешқандай айыппұлсыз қайтарып, ақшаны кері алуға болатыны, немесе басқа бағытқа рәсімдеуге болатыны жайлы айтылған еді.

Ресей мен Грузия арасында әуе қатынасы неге тоқтады?

20 маусым күні Тбилисиде наразылық акциясы басталды. Шеруге шыққандар ресейлік делегаттардың Парламентаралық православие ассамблеясының сессиясына қатысуына қарсы болған. Оған Мемлекеттік дума депутаты Сергей Гавриловтың Грузия парламентінде спикердің мінберіне шығып, орыс тілінде сөйлеуі түрткі болыпты.

Митингке шыққандар үкіметтің отставкаға кетуін талап етіп, ресейлік өкілдер отырған парламенттің ғимаратына баса-көктеп кірмек болды.

Алайда арнайы жасақ су атқыш, резеңке оқтар мен көзді жасаурататын газды қолданып, митингке шыққандарды таратты. Алайда 21 маусымда наразылық тағы жалғасты. 240 адам зардап шегіп, 300-ден астамы ұсталды.

Дәл сол күні Грузия парламентінің басшысы Ираклий Кобахидзенің отставкаға кеткені мәлім болды.

Тағы оқыңыз: "Жағамызды ұстадық" Қазақстандық стюардессаның ашық әңгімесі

Грузия президенті Саломе Зурабишвили Тбилиси орталығындағы тәртіпсіздікті трагедия деп атап, барлық саяси күшті алмағайып кезеңде бірігуге шақырды. Ол Беларуське ресми сапарын тоқтатып, Грузияға оралды. Сонымен қатар, ел президенті Ресей Грузияны тұрақсыздандыруға мүдделі екенін мәлімдеді.

Ресейдің сыртқы істер министрлігі қауіпсіздік мақсатында өз азаматтарына әзірге Грузияға бармауға кеңес берді.

РФ президенті Владимир Путин 22 маусымда ресейлік және грузиялық әуе компанияларына екі ел арасындда жолаушы тасымалын жүзеге асыруға тыйым салатын жарлыққа қол қойды. 8 шілдеден бастап туристік операторлар мен агенттерге жолдама сатпауға кеңес берілді. Ел үкіметіне ресейліктерді отанына қайтаруды қамтамасыз ету тапсырылды.

Қазақстан Грузиямен тікелей әуе қатынасын жалғастыра ма?

Қазақстаннан Грузияға тікелей рейсті Air Astana (Тбилисиге) және SCAT (Батуми және Тбилисиге) әуе компаниялары орындайды.

Екі ел арасында әуе қатынасына ешқандай шектеу қойылған жоқ.

Қазақстанның азаматтық авиация комитеті отандық әуе компаниялар сұраныс пен қажеттілік туындаған жағдайда, ресейліктерді Грузияға жеткізе алатынын атап өтті.

"Грузияға қатысты айтар болсам, сұраныс артқан жағдайда әуе компаниялары қосымша рейс орындай алады. Бұл үшін рұқсат етілген сыйымдылық пен жиілік жеткілікті", - деді ААК басшысы Талғат Ластаев.

76
Кілт сөздер:
рейстер, әуе қатынасы, Грузия, Ресей
Мәскеудегі АҚШ елшілігі

Ресей елшілігі АҚШ-та алты азаматының айыпталуына қатысты түсініктеме берді

29
(Жаңартылды 09:33 21.10.2020)
Вашингтондағы Ресей елшілігі АҚШ-тың бүкіл әлемдегі хакерлік және тұрақсыздандыру әрекеттеріне қатысы бар деп Ресей азаматтарына таққан айыптарын жоққа шығарады

Бұған дейін АҚШ-тың әділет министрлігі мен федералды тергеу бюросы басқа елдердің инфрақұрылымына шабуыл жасау мақсатында хакерлік шабуылдарға және зиянды бағдарламалардың таралуына қатысы бар деп бес ресейлікті айыптағаны белгілі. Атап айтқанда, оларға 2017 жылы NotPetya вирусының таралғаны үшін айып тағылуда, деп мәлімдеді дипломатиялық миссияның өкілі РИА Новости агенттігіне.

АҚШ-тың болжамынша, бұл адамдар бас барлау басқармасының қызметкерлері және олар Оңтүстік Кореядағы Олимпиадаға кибершабуылдарды ұйымдастырған. Өз кезегінде Ұлыбритания да Ресей барлау қызметі Токидағы Олимпиада ойындарын кейінге қалдырғанға дейін ұйымдастырушыларға кибершабуыл жасауды жоспарлағанын мәлімдеді.

"Мұндай жаңалықтардың шындыққа жанаспайтындығы және америкалық қоғамда көңіл-күйді қоздыруға, тыңшылардың ізіне түсуге бағытталғандығы анық. Мұның бәрі бірнеше жылдан бері Вашингтонның саяси өмірінің айрықша сипатына айналып келеді. АҚШ билігі бір кездердегі прагматикалық Ресей-АҚШ қарым-қатынасын бұзып, өз тұрғындарына Ресейге және онымен байланысты барлық дүниеге қатысты теріс түсінікті жасанды түрде таңып отыр", - деп түсіндірді бұл туралы елшілік өкілі.

Агенттікке сұқбат беруші Ресейдің бүкіл әлемді "тұрақсыздандыратын операцияларға" қатысуға деген ниетінің жоқтығын және болмағанын атап өтті.

"Бұл біздің сыртқы саясатымызға, ұлттық мүдделерімізге, сондай-ақ мемлекеттер арасындағы қарым-қатынастың қалай құрылатындығы жөніндегі таным-түсінігімізге сәйкес келмейді. Ресей басқа елдердің егемендігін құрметтейді және олардың ішкі ісіне араласпайды", - деп толықтырды ол сөзін. 

АҚШ пен Ұлыбританияның ресейлік хакерлерді түрлі шабуылдар, оның ішінде Токио Олимпиадасының ұйымдастырушыларына қатысты әрекетке айыптауы негізсіз екенін және оның ішкі аудиторияға бағытталғанын мәлімдеді.

29
ту

"Тым болмағанда тырысып көру қажет": СНВ-3-ті ұзарту туралы сарапшы пікір білдірді

18
Кремль АҚШ-тың стратегиялық шабуылдаушы қару-жарақты шектеу және қысқартуға (СНВ-3) қатысты мәлімдемесіне түсініктеме бере келе, Вашингтонмен стратегиялық тұрақтылық төңірегіндегі байланысы жалғаса беретінін жеткізді

Sputnik радиосының эфирінде саясаттанушы Константин Блохин кіммен келіссөздер жүргізу оңай болатынын айтты.

Мәскеу Вашингтонмен арадағы стратегиялық тұрақтылық төңірегіндегі байланыс америкалық тараптың Ресей президенті Владимир Путиннің СНВ-3-ті бір жылға ұзарту туралы ұсынысынан бас тартқанына қарамастан жалғасады деп үміттенеді, деп хабарлады президенттің баспасөз хатшысы Дмитрий Песков.

Бұған дейін Ақ үй Путиннің қазіргі келісімшартты бір жылға алғышартсыз ұзарту туралы ұсынысынан бас тартатынын мәлімдеген еді.

"Біз америкалық тараппен байланыс кез-келген жағдайда жалғасады деген үміттеміз. Жалпы алғанда, әрине, президент айтқандай, келісімшарттың ұзартылуы уақытты ұта тұруға, қару-жарақты бақылау бойынша маңызды және байыпты келіссөздерге қажетті 12 айға қол жеткізуге мүмкіндік беретін еді", - деді Песков.

Ол сондай-ақ, бүкіл әлемді осы "жаһандық тұрақтылық пен қауіпсіздіктің негізін қалаушы тастан" айырудың кері салдары орасан болатынын атап өтті.

"Сондықтан, әрине, біз америкалық серіктестерімізден бұл құжатты ұзартуға дайын екендігін естігіміз келеді", - деді президенттің баспасөз хатшысы.

Оның айтуынша, әзірге ешқандай нәтиже байқалмайды. Алайда, бұл жағдай "байланыстарды толығымен тоқтату керек" дегенді білдірмейді.

Sputnik радиосының эфирінде РҒА-ның қауіпсіздік мәселелерін зерттеу орталығының жетекші ғылыми қызметкері, саясаттанушы Константин Блохин келісімшарттың тағдыры көп жағдайда, АҚШ-тағы президент сайлауында кімнің жеңіске жететініне байланысты болатынын айтты.

"Республикалық партияның төрағасы Дональд Трамп, біріншіден, Қытайды жек көреді және СНВ-3-ті Қытаймен байланыстырады. Екіншіден, республикалық партия дәстүрлі түрде қару-жараққа бақылауды жоюға тырысып отыр. Бұл жерде кіші Джордж Буштың әкімшілігі кезінде америкалықтардың зымыранға қарсы қорғаныс келісімшартынан шыққанын еске түсіруге болады. Трамптың өзі аралық және қысқа қашықтықтағы зымырандар туралы шарттан және "Ашық аспан" келісімшартынан шықты. Егер ол сайлауда жеңіске жетсе, СНВ-3-тен шығу ықтималдығы өте жоғары", - деп есептейді Блохин.

Егер демократтардың өкілі Джо Байден жеңіске жетсе, онда америкалықтың айтуынша, келісімді ұзарту мүмкіндігі бар.

"Демократиялық партия әдеттегідей ресейліктермен стратегиялық тұрақтылық туралы келіссөздер жүргізуді қолдайды. Естеріңізге сала кетейін, Барак Обаманың әкімшілігі Дмитрий Медведевпен бірге қазіргі келісімшартты ұзартқан еді. Алайда, кім жеңсе де, бірнеше айда жаңа келісімшартты жасау мүмкін емес. Сондықтан, бір жыл ішінде жаңа келісімшартты жасау үшін, ең болмағанда, қазіргі келісімшартты ұзартуға тырысу қажет. Бұл идея анағұрлым қызықты көрінеді", - деп атап өтті ол.

СНВ-3 – Ресей мен АҚШ арасындағы қару-жарақты шектеу және қысқарту туралы қазіргі қолданыстағы жалғыз келісімшарт. Бұл келісімнің мерзімі 2021 жылдың 5 ақпанында аяқталады, ал егер оны ұзартпаса, әлемде ең ірі ядролық державалардың арсеналын шектейтін құралдар қалмайды.

Стратегиялық шабуылдаушы қару-жарақты шектеу және қысқарту туралы келесімшарт 2011 жылдың 5 ақпанында күшіне енді. Онда әр тараптың өз ядролық арсеналдарын қысқартуы қарастырылған. Сонда жеті жыл ішінде және одан кейінгі жылдары қару-жарақтың жалпы саны 700 құрлықаралық баллистикалық зымыраннан, суасты қайықтарындағы баллистикалық зымыраннан және ауыр бомбалаушыдан, сондай-ақ, 1550 оқтұмсықтан және 800 ұшыру қондырғыларынан аспайтын болады.

18
Депутаттың жұмыс үстелі

Мәжіліс отырысы бір минут үнсіздікпен басталды

3
2016 жылы алтыншы сайланған мәжіліс депутаты атанған Глеб Щегельский экология мәселелері және табиғат пайдалану комитетінің төрағасы болды

НҰР-СҰЛТАН, 21 қазан – Sputnik. Парламент мәжілісінің бүгінгі жалпы отырысы бір минут үнсіздікпен басталды. Депутаттар әріптесі Глеб Щегельскийді еске алды, деп хабарлайды Sputnik Қазақстан тілшісі.

Мәжіліс төрағасы Нұрлан Нығматулин экология және табиғатты пайдалану комитетін басқарған Глеб Щегельскийдің мезгілсіз қазасына байланысты палата өкілдері мен отырысқа қатысқан үкімет мүшелерінің атынан тағы да көңіл айтып, қайғыға ортақтасатынын жеткізі. 

"Глеб Анатольевич өзінің бар күш-жігерін мен тәжірибесін ел игілігіне жұмсады. Ол үкіметпен тығыз жұмыс істеді, нағыз патриот болды. Біз оны ешқашан ұмытпаймыз", – деді Нығматулин. 

Мәжіліс депутаты Глеб Щегельский 2020 жылдың 17 қазанында 51 жасында кенеттен қайтыс болды.

Глеб Щегельский туралы

Ол 1969 жылы Целиноград облысының Степногорск қаласында туған. Мәскеудің С.Орджоникидзе атындағы Авиация институтын бітірген.

Еңбек жолын Ақтөбе ферроқорытпалар зауытында балқытушы, инженер болып бастаған. Әр жылдары Ақтөбе қаласы әкімінің бірінші орынбасары, "Рика ТВ" ЖШС директорының орынбасары, индустрия және сауда министрлігінің Ақтөбе техникалық реттеу және метрология департаментінің директоры болып еңбек еткен.

Глеб Щегельский
Глеб Щегельский

2012 жылдан бесінші сайланған парламент мәжілісінің депутаты. Мәжілістің қаржы және бюджет комитеті мен "Нұр Отан" партиясы фракциясының мүшесі. 2016 жылы алтыншы сайланған мәжіліс депутаты атанған ол экология мәселелері және табиғат пайдалану комитетінің төрағасы болды.

Астанаға 10 жыл, "Нұр Отан", Қазақстан Республикасы Тәуелсіздігінің 20 жылдығы медальдерімен, "Құрмет" орденімен марапатталған.

Төрт баласы бар.

3
Кілт сөздер:
депутат, еске алу шарасы, мәжіліс отырысы
Тақырып бойынша
Депутаттар белгісіз заттан уланған баланы еске алды
Әйелінің хаты оқтан құтқарды - әнші атасының майдандағы оқиғасын еске алды
Министр Абаев еден жуған жылдарын еске алды  
Нұр-Сұлтанда Қазақстанның бірінші қорғаныс министрі Нұрмағамбетовті еске алды
Бір минут үнсіздік: Тоқаев пандемия құрбандарын еске алды – видео