Математика, арифметика

Баласына үй жұмысын түсіндіріп отырған әйел ауруханадан бір-ақ шықты

5886
(Жаңартылды 10:11 27.11.2019)
3-сыныпта оқитын бала математикадан берілген тапсырманы түсінбеген. Бұған қатты ашуланған анасының денсаулығы сыр берді

НҰР-СҰЛТАН, 8 қараша — Sputnik. Қытайда баласына үй жұмысын түсіндіруге тырысқан әйел ауруханаға түсті. Әйел миокард инфарктісін алған, деп хабарлайды Asia One.

Оқиға Қытайдың Хубей қаласында болды. 36 жастағы әйел ұлына тапсырманы бірнеше рет түсіндірген. Бірақ бала мүлдем түсіне алмапты. Сол кезде әйел кенет өзін жайсыз сезінген.

"Мен өте қатты ашуландым. Жүрегім дүрсілдеп соға бастады. Дем алу қиындап кетті", - деді әйел.

Әйелінің жағдайын көрген күйеуі бірден ауруханаға жеткізген. Дәрігерлер миокард инфарктісі деген диагноз қойды.

Кейін әйел баласына жиі ашуланатынын айтты. Оның айтуынша, мұндай жағдай болатынын күтпеген.

Тағы оқыңыз: Баланың төсегіндегі "елес" әйелдің зәресін ұшырды – фото

Миокард инфарктісі - жүрек сырқаты. Инфаркт кезінде кеуде тұсы, сол жақ қол, иық пен мойынның сол жағы ауырады.

Ешбір себепсіз қорқыныш сезімі пайда болуы мүмкін.

5886
Кілт сөздер:
жұмыс, бала
Тақырып бойынша
Алматы мектебінде 1-сынып оқушысы терезеден секіріп кетті: оқиғаның мән-жайы
"Бәрі басқаша болар еді": жасанды жүрекпен жүрген алматылық өкінішін айтты
Қазақстан мектептерінде қысқы демалыс қашан басталады
Сабақта баланы ұрған: қостанайлық мұғалім қалай жазаланды
Әкесі дүкеннен тұшпара сатып алған: Шымкенттегі трагедияның мән-жайы
Таулы Қарабақ

Таулы Қарабақтағы жағдайды реттеу неге Батыстың көңілінен шықпады?

11
Францияның сыртқы істер министрі өз елі Таулы Қарабақ тұрғындарына көмек ретінде ұйымдастырған гуманитарлық миссияның жай-жапсарымен бөлісті. Бұл жерде өңірге хирургтер мен медициналық-хирургиялық жабдықтарды жөнелту миссиясы туралы сөз болып отыр

АҚШ өз кезегінде Халықаралық Қызыл Крест комитетіне және қақтығыстың өршуінен зардап шеккен адамдарға көмек көрсететін басқа да үкіметтік емес ұйымдарға бес миллион доллар бөлумен ғана шектелді, деп жазады РИА Новости.

Қарабақтағы жағдайды реттеуге Париж бен Вашингтонның аса ықыласы жоқ екені қос мемлекеттің "қорланған намыс" бейнесіне енгені туралы айтқан Сергей Лавровтың сөзін растап отыр.

Бұл жөнінде Әзербайжан президенті Ильхам Әлиев те мәлімдеп, АҚШ пен Франция қол жеткен келісімге қатысты оң көзқарасын кеш те болса білдірді деген атап өткен болатын.

Ал Анкара өз ойын күмілжімей ашық білдірді. Түркия президентінің баспасөз хатшысы Батыс мүддесін білдіретін НАТО мен ЕО отыз жылдың ішінде қарабақтық қақтығыс бойынша нақты әрі шынайы шешімдер ұсына алмағанын бетке айтып, Ресей мен Түркия бұл мәселеде "өзара түсіністікке қол жеткізгенін" мәлімдеді.

Таулы Қарабақ бойынша келісімдер Батыстың, әсіресе, ЕҚЫҰ Минск тобының Ресеймен бірге тең төраға болып табылатын АҚШ пен Франция үшін аса ауыр жеңіліс болғаны жайлы БАҚ жарыса жазды.

The National Interest журналистерінің сөзіне сенсек, осы жолы Батыс қалың ұйқыға кеткен секілді. Ол соғыс әрекеттерінің қайта өршуіне таң-тамаша қалса, ресейлік бітімгерлерді ел аумағына енгзуге рұқсат еткен келісімге қол қойылуын да жіберіп алған сияқты. Басылым орын алған оқиғаға Путин мен Эрдоғанның әңгімесі туралы ақпаратты қолына түсіре алмаған америкалық барлау қызметін айыптап отыр. Соның салдарынан өңірдегі АҚШ позициясы әлсіреп қалды.

Алайда, шын мәнінде, жағдай одан да нашар. Себебі, "барлау қызметі жұмыс істемеді" деген ұстаным осы оқиға барысында АҚШ сәтсіздігінің әлдеқайда ауқымды сипатын жасыруға мүмкіндік береді.

Қақтығыстың салыстырмалы түрде жергілікті сипатына қарамастан Қарабақтағы реттеу жаһандық саяси жүйе басынан өткеріп жатқан өзгерістердің түбегейлі жаңа кезеңін айқындап тұр. Бұл Құрама Штаттары мен Еуропа барлық қатысушы тарап үшін бірден қажетсіз серіктес болып табылған кезде алғаш рет болды.

Соңғы үш онжылдықта Батыс гегемониясының басты белгісі олардың барлық жерде болуы және жаппай қажеттілігінде болды. Қандай жағдай болсын, қандай дау-дамай болсын, тіпті, түрлі елдердегі ішкі саяси келіспеушіліктер бойынша да Батысқа жүгінетін, одан қолдау мен көмек күтетіндер барлық кезде табылып жатты. 

2014 жылдың көктемінде украиналық әскерилер ресейлік әскери нысанды "Америка бізбен бірге!" деген ұранмен басып алмақшы болуын осы әдістің айқын үлгісі ретінде қарастыруға болады. Бұл күлкілі болғанымен, бірқатар адамдардың, соның ішінде, Беларусьтен Венесуэлаға дейін, Сириядан Гонконгқа дейінгі азаматтардың ойлау үлгісін дәлме-дәл айқындап отыр.

Бірден қатысушы тараптармен Қарабақтағы қазіргі реттеулерден Батыстың шеттетілгені мұны ерекшелендіріп отыр. Бұл келіссөздер жүргізу процесі күрделі болғанын білдіреді.

Қалыптасып кеткен әлемдік дәстүрге сай әрекет етіп, өз позициясын күшейту үшін Штаттар мен Еуропаны қатыстырудың орнына барлық мемлекет "өзара шешеміз" дегенді ұстанды. Расымен шешті.

Сонымен бірге, әледік жүйеде ерекше мәртебедегі АҚШ-тың ықпалы мен наразылығы деген мәселеге тағы бір соққы жасалды. Тәжірибе көрсеткендей, бірінші талпыныстың артынан кезекті талпыныстар ере береді.

Америкалықтар кез-келген түйіткілді мәселеде өз барлау қызметін айыптауды әдеттеніп алды. Бұл қолайлы әдіс. Себебі, өз барлау қызметін айыптау арқылы Құрама Штаттары мен Батыстың ұйымдағы эксклюзивті мәртебеден айырып жатқанын жасыруға мүмкіндік береді.

11
Диего Марадона

Аты аңызға айналған футболшы Диего Марадона неден көз жұмғаны айтылды

428
(Жаңартылды 08:39 26.11.2020)
Әйгілі спортшы небәрі алпыс жаста еді. Қазан айының соңында оның миына ота жасалғаны хабарланып отыр

НҰР-СҰЛТАН, 26 қараша - Sputnik. Футболдан әлем чемпионы аргентиналық Диего Марадона қайтыс болды, деп хабарлайды TN телеарнасы.

Ол небәрі 60 жаста еді. 

Әйгілі спортшы 30 қазан күні медициналық тексеруден өту үшін ауруханаға жеткізілген. Миына ота жасалды. Марадона 12 қарашада ауруханадан шықты.

30 қазанда Марадонаның 60 жасқа толуына орай Аргентина чемпионатының 1-турында оның командасы "Химнасия и Эсгрима" "Патронато" (3:0) матчы өтті. Сол күні әйгілі спортшы көпшілік алдына соңғы рет шықты. Матч басталмас бұрын оған естелік тақта сыйға тартылды. Марадонаның емделіп кетуіне алкогольдік және есірткі тәуелділігінің салдары кедергі болғаны айтылып отыр.

2018 жылы ФИФА сайтындағы дауыс беруге сәйкес, Марадона ХХ ғасырдың үздік футболшысы атанды. Ол "Архентинос Хуниорс", "Бока Хуниорс", "Барселона", "Наполи", "Севилья" және "Ньюэллс Олд Бойз" клубтарында ойнады. 91 матч өткізіп Аргентина құрамасы сапында 34 гол соқты. Диего Марадона 1986 жылы футболдан әлем чемпионы атанды.

Марадона Аргентина құрамасы, аргентиналық "Расинг" және "Химнастия" клубтарының бапкері болды. Бұдан бөлек, "Аль-Васл" және "Аль-Фуджайра" араб клубтарын жаттықтырып үлгерген. Аз уақыт Беларусьтің "Динамо Брест" клубының президенті болды.

428
Кілт сөздер:
футбол, Диего Марадона
Тақырып бойынша
Қазақстандық футболшы отбасымен бірге жантүршігерлік апатқа ұшырады
Әлемге әйгілі футболшы қамауға алынды
Қазақстандық футболшы 25 жасында көз жұмды
Қазақстан чемпионатындағы ең қымбат футболшы кім
Белгілі қазақстандық футболшы әрі бапкер қайтыс болды
Сенат депутаты

Ағылшын саяхатшысын таңғалдырған жер: депутат Қапал ауылының жағдайына алаңдады

0
(Жаңартылды 12:48 26.11.2020)
Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген

НҰР-СҰЛТАН, 26 қараша – Sputnik. Сенат депутаттары Ұлы Жібек жолының бойында орналасқан өшпес тарихы бар Қапал ауылының қазіргі жағдайына алаңдап, оны үкіметтің қорғауындағы нысандар қатарына қосуды ұсынды, деп хабарлайды Sputnik Қазақстан тілшісі.

Сенатор Бақытжан Жұмағұловтың айтуынша, 1847 жылы бекініс ретінде, Ресей империясының мүддесіне сай бой көтерген елді мекеннің тарихын тану, оны ХІХ ғасырдағы сәулет өнерінің мәдени  ескерткіші ретінде ұрпақтан ұрпаққа қалдырудың рухани мәні зор.

"Бұл өлке сонау Түркі дәуірінен, Қимақ мемлекеті тұсынан бері танымал, белгілі тарихи жер. Қапал – ұлтымыздың ұлы тұлғасы Шоқан Уәлихановтың, Петр Семенов-Тяньшанскийдің ізі қалған жер. Қапал – ағылшын саяхатшысы Томас Аткинсонды таңғалдырған жер. Қапал – жоңғар шапқыншыларымен шайқаста ту көтерген Қапал батыр жатқан жер. Бұл туралы Уәлихановтың "Жоңғария очерктерінде" жазылған", - деді ол үкімет басшысына жолдаған депутаттық сауалында. 

Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген. 

"Сан ғасырлық тарихы бар Қапал ауылының бүгінгі жағдайы кімді болса да алаңдатпай қоймайды. XIX ғасырдың ескерткіші болып саналатын қос қабатты үйлердің бет жағы ғана аман қалған. Ескі екі мешіт үйі де қараусыз қалып, құлаған. Көп үйлердің ағаштарын жергілікті тұрғындар бұзып алып, қора-қопсы салып алғаны да жасырын емес. Ауылдың рухани орталығы болған Қапалдағы ақын Сара мен Фатима Ғабитованың музей үйлерінің де ізі жоқ. Ондағы құнды экспонаттар да жоғалған", - деп қапаланды сенатор.

Депутаттың пікірінше, атақты Жібек жолының бір бекеті, Қапал ауылы қай жағынан алсаң да Жетісудың туристік мекеніне айнала алады. Ол Қапалдағы тарихи ескерткіштердің қорғалмай, ескерусіз қалатынына алаңдады. 
Осыған байланысты сенат депутаттары сәулетшілер, тарихшылар, әдебиетшілер, этнографтардан тұратын арнайы комиссия құрып, Қапал ауылының мәдени-тарихи ескерткіштерін қорғау үшін тиісті шаралар қабылдауды, оларды үкіметтің қорғауындағы объектілер қатарына қосуды ұсынды.

0
Кілт сөздер:
ауыл, депутат
Тақырып бойынша
Табысы 35 мың теңге: депутат кедейлердің көпшілігі ауылда тұрып жатқанын айтты
Депутат Бектаев әр балаға 18 жасқа дейін қаржы бөлуді ұсынды
Депутат тұрмысы төмен отбасылардың неге баспана ала алмай жүргенін айтты
"Үкіметтің ақылы неге соған жетпейді?!": депутат жаңа бағдарлама қабылдауды ұсынды
Қазақстанның сыртқы қарызы қанша – депутат сұрағына үкімет мүшелері жауап берді