Австралия

Отқа оранған Австралия: жаңбырға қуанған өрт сөндірушілердің видеосы тарады

1378
(Жаңартылды 10:00 08.01.2020)
Австралияда апатпен күрес жалғасуда. Бірнеше ай бойы орман өртеніп, адамдар мен жануарлар мерт болып жатқан бұл елде көптен күткен жауын жауды

НҰР-СҰЛТАН, 7 қаңтар — Sputnik. Австралияда бірнеше айға созылған өрттен кейін жаңбыр жауды. Бұған жергілікті тұрғындар қуанып жатыр. 

Желіде австралиялықтардың жауын-шашынға қуанған сәті түсірілген видео тарады. Ол жұртты тебірентті. Видеода өрт сөндірушілер мен жергілікті тұрғындар қуаныштан би билеп, күліп жатыр.

Дегенмен жергілікті өрт сөндірушілер мол жаңбырға үміттеніп отырған жоқ. Ауа райы болжамы бойынша, температура әлі жоғарылайды.

Лошадь пытается убежать от пламени лесных пожаров в штате Новый Южный Уэльс в Австралии
© AFP 2019 / SAEED KHAN
Жылқы өрттен қашып барады

Жергілікті өрт сөндіру қызметі жауын ең үлкен әрі қауіпті өрт ошақтарын өшірмейтінін ескертті, деп хабарлайды Metro басылымы.

Кенгуру приближаются к жилому району, убегая от лесных пожаров, в штате Новый Южный Уэльс в Австралии
© AFP 2019 / SAEED KHAN
Кенгурулер де оттан қашып, елді мекендерге жақындаған

Австралия премьер-министрі Скотт Моррисон оған айтылып жатқан сынға байланысты өрт сөндірушілерге көмек көрсету үшін қаржыландыру көлемін 2 миллиард австралиялық долларға арттыратынын хабарлады.

Австралиядағы өрт құрбандары

2019 жылдың қыркүйегінде басталған орман өртінен 24 адам қаза тауып, екі мыңға жуық үй жанып кетті. Шамамен 500 миллион жануар мерт болды. Тілсіз жау әлі ауыздықталған жоқ.

Посмотреть эту публикацию в Instagram

Публикация от Sam Mcglone (@sammcglone)

Жергілікті биліктің мәліметінше, осы уақытқа дейін миллиондаған гектар жер өртенді, мыңдаған үй жойылды. Кейбір дерек бойынша, сегіз мың коала мен жүз мыңдаған басқа жануар жанып кетті.

Австралиялық қалаларды түтін басып, тыныс алу қиындады.

Пожар в Австралии. Снимки из космоса
© REUTERS / EUROPEAN UNION, COPERNICUS SENTINEL DATA
Ғарыштан түсірілген сурет

Апаттың ауқымын ғарыштан түсірілген суреттерден анық көруге болады. Қатты жел салдарынан жоғары жылдамдықпен тарап жатқан жалынға өрт сөндірушілердің шамасы жетпей жатыр.

1378
Кілт сөздер:
апат, орман өрті, Австралия
Тақырып бойынша
Алматыдағы алапат өрт: дүкен тып-типыл жанып кетті – фото
Тірідей жанып кетер еді: 72 жастағы қария мүгедек әйелін өлімнен құтқарды
2019 жылы бүкіл елді дүрліктірген оқиғалар - видео
 Жаңа жыл түніндегі трагедия: Нұр-Сұлтанда өрттен 2 адам қаза тапты
Өскеменде жүріп келе жатқан автобус өртенді
коронавирусқа қарсы вакцина

G20 саммитінде ескерусіз қалған мәселелер

2
G20 виртуалды саммиті қатысушылардың күш салуына қарамастан, жаһанданудың өлгенін, постковидті әлемде жеке-даралылық орын алғанын көрсетті

Мұнда мәселе шартты "америкалық бірполярлы әлемге" қарсы сөз байласуда немесе ХХ ғасырдың екінші жартысының үлгісі бойынша "блоктық қарсы тұруды" қайта тірілтуде емес. Деглобализация және көпполярлылық – бұл вашингтондық немесе брюссельдік "басшылардың" не ойлайтынына қарамастан орын алған ақиқат, деп жазады РИА Новости.

Мәселелерді талқылауға арналған бірыңғай саяси тілдің жоқтығы секілді бірыңғай әлемдік саяси күн тәртібінің жоқтығы проблема болып отыр. Оның үстіне, әлемдік қауымдастық үлгі алатындай "геосаяси камертон" да жоқ. 

Коронавирус пандемиясынан бастап экономикалық дағдарысқа жалғасатын ортақ проблемалар бар болғанымен, олардың ортақ шешімі принципті түрде жоқ. Себебі, жаһандық деңгейде мемлекеттер арасындағы өзара әрекеттестік нөлге дейін төмендеді. Яғни, нақты бір елдің қандай да бір табысы бәсекелестердің жеңіліс табуы секілді бағаланады. Геосаяси бәсекелестердің қайсыбірі кез-келген имидждік, саяи немесе экономикалық жеңісті өз қоржынына салмауы үшін ортақ мүдделерді құрбан етуге дайын.

Бұл сөзге айқын мысалдар келтіруге болады. "Жиырмалықтың" саммитінде ҚХР елдер арасындағы жүріс-тұрыс пен келім-кетімді қайта ашатын қандай да бір цифрлық механизм құруды ұсынды. Бұл әлемдік экономикаға, халықаралық саудаға және туризмді қалпына келтіруге үлкен қолдау болар еді. Қытай тестілердің нәтижелеріне негізделетін "Денсаулық QR-кодын" өзара мойындаудың халықаралық механизмін құруды ұсынды.

"Оған мейлінше көп ел қосылады деп үміттенемін", - деді Си Цзиньпин.

Әділін айту керек, қандай да бір турист, дипломат немесе бизнесменнің дені сау және түрлі шекаралық шектеулерге қарамастан мемлекеттердің аумағына кіре алуын қамтамасыз ететін халықаралық және жаппай мойындалған "цифрлық растауды" құру өте жақсы идея. Бұл шара дәл қазір аса қажет болып тұрғанымен, оны жаһандық деңгейде жүзеге асыру мүмкіндігі жоқтың қасы. Бұған дәл осы ұсынысты Си төрағаның ұсынуы да өз ықпалын тигізеді. Себебі, батыс көшбасшыларының имидждік көзқарасы бойынша қытайлық ақпараттық технологиялардың жоғары дамуын паш ететін ресми Бейжің ұсынысына келісуге болмайды. Бұл – принцип.

Келесі мысал кедей елдер үшін коронавирустық инфекцияға қарсы вакцинаның қолжетімсіздігі турасында болмақ. Бұлай болған жағдайда ол елдер "коронавирустың ошағына" айналуы ықтимал. Владимир Путин өз сөзінде вакциналауға жаһандық қолжетімділікті қамтамасыз ету қажеттілігін баса айтты: "Ресей осы саммиттің тиімді және қауіпсіз вакциналарды барлығы үшін қолжетімді етуге бағытталған шешімдер жобасын қолдайды. Біздің ел, әрине, мұқтаж мемлекеттерге біздің ғалымдар әзірлеген вакцинаны ұсынуға дайын. Бұл әлемде бірінші болып тіркелген және адамның аденовирустық векторлары платформасындағы " Спутник V" вакцинасы, новосібірлік ғылыми орталықтың "ЭпиВакКорона" вакцинасы да дайын. Қазір ресейлік үшінші вакцина әзірленіп жатыр.

Пандемияның ауқымы бізді барлық қолда бар ресурстарды пайдалануға міндеттейді. Біздің ортақ мақсатымыз – вакциналық препараттар портфелін құрып, бүкіл ғаламшар тұрғындарын сенімді қорғаныспен қамтамасыз ету. Бұл дегеніміз, құрметті әріптестер, барлығымызға жеткілікті жұмыс бар және бәсекелестік болғанымен, біз ең алдымен гуманитарлық ойларды басшылыққа алып, осыны алдыңғы қатарға қоюға тиіспіз".

Декларациялық деңгейде барлығы дұрыс болғанымен, "Жиырмалық" әлдеқайда қолжетімді және тиімді вакциналарды қолдану арқылы кедей мемлекеттердің халқын вакциналауды ортақ қаржыландыру қорын құруға келісім бермейді. Себебі, бұл америкалық және еуропалық препаратқа қарағанда арзан ресейлік "Sputnik V" вакцинасын қолдануды білдіреді.

Владимир Путин бәсекелестікті бір шетке ысырып қойып, гуманизм көзқарасымен адамгершілік танытуға шақырды. Бірақ, оның бұл үндеуіне құлақ асатындар кемде-кем. Оның үстіне, батыстық БАҚ ресейлік және қытайлық вакциналарды қаралау бағытындағы ақпараттық-насихаттау жұмыстарын бәсеңдете қойған жоқ.

G20 саммитінде субстанциялық диалог орнатылмаған мәселелер тақырыбын ұзақ жаза беруге болады. Оның қатарында ДСҰ реформасы, дамушы елдердің валюталық қарыздары, протекционизмге бағытталған жаһандық тренд те бар. Батыс көшбасшылары нақты позицияны ұстанатын секілді: біз көп сөйлейміз, біз ешкімді тыңдамаймыз және барлығы біздің айтқанымызды бұлжытпай орындап, шешімдерімізбен келісуі керек. Ел президенті ауысқаннан кейін де Вашингтонның бұл позициясы өзгере қоюы екіталай.

G20 саммитіндегі субстанциялықтың жоқтығы әлем "геосаяси блоктар" бәсекелестігі мен "америкалық әлемді" қалпына келтіруге қарай дамып келе жатпағанын айқын көрсетті. Олардың бағыты мүлде бөлек. Әлем елдері тек екіжатқы келіссөздер жұргізу арқылы ғана күрделі мәселелердің де шешімі табуға болатынын түсініп, осы бағытты бетке алды.

2
Терезе алдында тұрған бала, архивтегі сурет

Балтасы бар: Ресейде ер адам алты баланы кепілге алды

189
Полицияға ер адамның әйелі хабар берген, қаскөйдің мұндай әрекетке не себепті барғаны әзірге белгісіз

НҰР-СҰЛТАН, 24 қараша – Sputnik. Санкт-Петербург түбіндегі Колпино қаласында балтамен қаруланған ер адам алты баланы кепілге алды.

"Колпинодағы пәтерде ер адам алты баланы кепілге алды", - деді РИА Новости-ге куәгер.

Оның айтуынша, қаскөй мас және балтамен қаруланған. Төтенше жағдай орнына құқық қорғау органдарының қызметкерлері келді.

Сондай-ақ, бірқатар БАҚ-тың ақпаратынша, ер адам балаларды өлтіремін деп қорқытқан. Оның не себепті мұндай әрекетке барғаны және қандай талап қойып отырғаны әзірге белгісіз.

Полицияға ер адамның әйелі қоңырау шалып, көмек сұраған. Ол балалары жылап жатқан пәтерге кіре алмағанын айтты.

189
Кілт сөздер:
балалар, ер адам, балта, Ресей