Антарктида

Антарктиданың тыныс-тіршілігі қандай?

184
(Жаңартылды 14:21 29.01.2020)
Антарктидада адамдар өмір сүреді, туристер жиі қатынайды. Жануарлары да адамдарға үйреніп кеткен екен

НҰР-СҰЛТАН, 29 қаңтар – Sputnik. Екі жүз жыл бұрын, 1820 жылдың 28 қаңтарында орыс теңізшілері Михаил Лазарев пен Фаддей Беллинсгаузен Антарктиданы ашты. Қазір онда 90-ға жуық ғылыми станция жұмыс істейді. Олардың қатарында ресейлік станциялар да бар. Пингвиндер мен басқа мекендеушілер де жеткілікті. Жазда туристер келеді, ал поляршылар жыл бойы сонда өмір сүреді. Ақ құрлыққа қалай жету керектігі туралы РИА Новости материалынан оқыңыздар.

Оңтүстікте орналасқан ең суық құрлық

Антарктида ешбір елдікі емес. Онда ғалымдар жұмыс істейді, әлемнің түкпір-түкпірінен туристер келеді. Бірақ саяхаттаушыларға күрделі ауа райы жағдайларына дайын болу керек.

Орташа температура – 50 градус нөлден төмен. Ең төменгі – минус 89,2 – құрлық түбіне қарай орналасқан "Шығыс" ресейлік станциясында тіркелген. Поляршылар бұнда "минус" сөзі мүлдем қолданылмайды дейді. Айтпаса да, түсінікті. Бұл жердің қиыр оңтүстіктегі бөлігі әрі ең суық аумағы. Бірақ бұл жерде тамақтанатын демалыс орны, өрт сөндіру бөлімі бар, перзентхана да болған.

"Беллинсгаузен" ресейлік станциясында плюс температура да болады (ақпандағы орташа температура +1,1). Бұл жерді барлығы қалжыңдап, курорт деп атайды екен.

Антарктидаға қалай баруға болады

Бұл жерде турист ретінде болу қиын емес, бірақ өте қымбат. Ең оңай жолы – Ушуая қаласынан (Аргентина) лайнермен ұшып бару. Бағдарламалар бағасы жол ұзақтығы мен бағытына байланысты 6,5 мың доллардан басталады.

Аргентинаға дейінгі билетке жеке төленеді. 10-15 мың доллар тұратын ұзақ турлар да бар. Ал 29 мың долларға VIP-круиз ұсынылады. Жалпы, саяхат үшін 50 мың доллар төлеуге дайын болу керек.

"Туристер бір жерлерге ғана келіп-кетеді. Барлығы жақсы ұйымдастырылған, - деп түсіндірді Ресей ғылым академиясы Мұхиттану институты тобының басшысы Сергей Писарев. – Бақылау өте қатаң: бір тасты да алуға болмайды, құстарға да жақындауға болмайды".

Жалпы, Антарктидада туристерге өте көп талап қойылады. Олар ұстануы тиіс ережелер аз емес.

Адамдар қалай өмір сүреді

"Әр адамның өз бөлмесі бар, - деп тыныс-тіршілікті суреттеді Антарктидада қыстаған режиссер-құжатшы Ольга Стефанова. - Онда ортақ кают-компания бар, ол жерде жиналғандар кино көріп, шай ішіп, дәріс өткізіп, гитарада ойнайды. Ойын бөлмесінде пинг-понгке арналған үстел бар. Жаттығу залы, баршаға ортақ асхана мен кампус та бар".

Оның айтуынша, тұрғындар жұмыс күндері еңбек етеді, ал сенбі - бүкіл станция үшін монша күні. Поляршылар кәуап жасайды, табиғатқа шығады, бір-біріне қонаққа барады. Отбасымен тұратын станциялар да бар.

Түрлі мерекелерді, тойларды атап өтеді. Шіркеу мен зират та қарастырылған. Жануарлардың түр-түрі бар. Олардың көбі адамдарға үйреніп кеткен.

184
Полиция Мәскеуде Алексей Навальныйдың жақтастарын ұстап жатыр

Төрт мыңға жуық адам жиналған: Мәскеу алаңында не болып жатыр

44
Билік Мәскеу мен Ресейдің басқа қалаларында эпидемиологиялық ахуал күрделі екенін айтып, акция өткізуге рұқсат бермеген

НҰР-СҰЛТАН, 23 қаңтар – Sputnik. Мәскеуде Пушкин алаңында келісілмеген акция өтіп жатыр. Полиция қатысушыларды ұстай бастады.

Оқиға орнында жұмыс істеп жүрген құқыққорғаушылар заңсыз акцияның қатысушыларына әлеуметтік қашықтықты сақтап, бетперде мен қолғап кию қажеттігін ескертті, деп хабарлайды РИА Новости.

Полицейлер алаңға плакат ұстап келгендерді, сондай-ақ, балаклава, капюшон, шарфпен бет-аузын тұмшалағандарды ұстауға кірісті. Алаңда журналистер де толып жүр.

Мәскеу бойынша РФ ІІМ бас басқармасының мәліметінше, Пушкин алаңына санкцияланбаған іс-шараға төрт мыңға жуық адам жиналған.

Әзірге қатысушылардың нақты саны белгісіз.

Ресей ІІМ құқыққорғаушыларға қатысты әр арандату мен олардың заңды талаптарына бағынбау жеке тергелетінін ескертеді, деп мәлімдеді ведомствоның ресми өкілі Ирина Волк.

"Ресей ІІМ санкцияланбаған бұқаралық шараларға қатысуды жоспарлап отырған азаматтарға құқыққорғау органдарының қызметкерлеріне қатысты арандату әрекетінің әр фактісі немесе олардың талаптарына бағынбау жеке-жеке тергелетінін және тиісті құқықтық баға берілетінін еске салады", – деп келтірді Волктың сөзін ІІМ медиа сайты.

Бұған дейін Ресейдің бас прокуратурасы мен ІІМ 23 қаңтарда Мәскеуде және басқа қалаларда жоспарланған санкцияланбаған акцияның ұйымдастырушылары мен қатысушыларына жауапкершілік туралы бірнеше мәрте ескертті. Заңсыз акция қоғамдық тәртіпке төнген қауіп, арандату деп бағаланады және "бірден жолы кесіледі".

Сонымен қатар, бас прокуратура интернетте акцияларға қатысуға үндеген хабарламаларды таратуды тоқтатуды талап етті.

Айта кетсек, осыған ұқсас келісілмеген акциялар Ресейдің басқа қалаларында да өтіп жатыр.

Билік акцияларға рұқсат бермеу себебін эпидемиологиялық ахуалдың нашарлауымен түсіндірді.

44
Гүл мен шам, архивтегі сурет

Танымал тележүргізуші өмірден озды

8587
Америкалық тележүргізуші Ларри Кинг 88 жасқа қараған шағында өмірден өтті. Бұл туралы оның Twitter-дегі аккаунтында хабарланды

НҰР-СҰЛТАН, 23 қаңтар – Sputnik. Америкалық тележүргізуші, журналист Ларри Кинг 87 жасында дүниеден озды.

Кинг сенбі, 23 қаңтарда Лос-Анджелестегі ауруханалардың бірінде қайтыс болды. Қаралы хабар марқұмның Twitter-аккаунтында жарияланды.

Тележүргізушінің неден қайтыс болғаны айтылмаған. Бірақ, бірқатар БАҚ-тың мәліметінше, ол коронавируспен ауырған.

Ларри Кингтің отбасы оларды жуық арада мазаламауды өтінді. Жүргізушіні жерлеу рәсімі қашан өтетіні кейінірек хабарланады.

Кингтің Instagram-дағы парақшасында соңғы сурет былтыр қазан айында жарияланған.

Посмотреть эту публикацию в Instagram

Публикация от Larry King (@larrykingnow)

Ларри Кинг көпшілікке өзінің Larry King Live шоуы арқылы танымал болды. Көрермендерге 1985 жылы жол тартқан шоу CNN арнасының ең танымал бағдарламасы еді. CNN эфиріндегі 25 жыл ішінде шоудың уақыты да, жүргізушісі де өзгерген емес. Осының арқасында ол Гиннес рекордтар кітабына енді. Шоу-бизнес жұлдыздары, белгілі кәсіпкерлер мен әлем елдерінің саясаткерлері Кингтің шоуында қонақ болды.

Кинг өз мансабында 50 мыңнан астам сұқбат жүргізген.

8587
Кілт сөздер:
тележүргізуші
Қар, бұрқасын

Қатты аяз және жел ертеңге ауа райы болжамы жарияланды

0
Республиканың бірқатар өңірінде желдің екпіні секундына 28 метрге дейін күшейеді деп болжануда. Солтүстікте 40 градус аяз болады

НҰР-СҰЛТАН, 23 қаңтар – Sputnik. Қазақстанның басым аумағында құбылмалы ауа райы сақталады. Жексенбі, 24 қаңтарда синоптиктер бірқатар өңірде қар түрінде жауын-шашын болжап отыр. Кей жерлерде тұман түсіп, көктайғақ болады, бұрқасындатады және жел күшейеді, деп хабарлайды Sputnik Қазақстан. 

Өңірлердегі ауа райы

Алматы, Қызылорда, Маңғыстау, Атырау, Батыс Қазақстан, Солтүстік Қазақстан облыстарында кей жерлерде тұман күтілуде. Атырау облысында көктайғақ болады, Маңғыстау облысында күндіз желдің жылдамдығы 15-20 м\с дейін барады.

Ақтөбе облысында кей жерлерде бұрқасын соғады, көктайғақ болады.

Жамбыл, Түркістан облыстарында кей жерлерде тұман, бұрқасын, қатты жел болжанып отыр. Жамбыл облысында желдің екпіні секундына 23-28 метрге дейін күшейеді.

Тағы оқыңыз: Қазгидромет: желтоқсан айында соңғы 8 жылдағы ең қаһарлы қыс болды

Шығыс Қазақстан облысында, түнде Қарағанды, күндіз Қостанай облыстарында кей жерлерде бұрқасындатады, жел 15-20 м\с дейін күшейеді. Сондай-ақ, Қостанай, Қарағанды облыстарында кей жерлерді тұман басады.

Солтүстік Қазақстан, Павлодар облыстарында, Қостанай облысының солтүстігінде 40 градусқа дейін аяз болады деп болжануда.

Мегаполистерде ауа райы қандай болады

Нұр-Сұлтанда 24 қаңтарда көшпелі бұлт шығады, аздап қар жауады. 2-4 м\с жел. Түнде ауа температурасы -18-23 градус, күндіз -20-24 градус аяз.

Алматыда көшпелі бұлт шығады, қар жауады, 1-3 м\с жел соғады. Сынап бағанасы түнде 5-6 градус, күндіз 4-5 градус суықты көрсетеді.

Шымкентте де көшпелі бұлт шығады, аздап қар жауады деп күтілуде. Желдің жылдамдығы 2-5 м\с. Түнде температура – 2-3 градус суық, күндіз нөлден -1 градусқа дейін.

0
Кілт сөздер:
ауа райы болжамы, Қазгидромет