Сирия, архив

Сирияда 30-дан астам түрік әскері қаза тапты Ресей пікір білдірді

318
Сирия армиясының әуе шабуылынан Идлибте 33 түрік әскері қаза тауып, 36 адам жараланған. Ресейдің қорғаныс министрлігі ол жерде түрік армиясының ешқандай бөлімшесі жоқ екенін айтты

НҰР-СҰЛТАН, 28 ақпан – Sputnik. Сирия үкіметінің күштері оқ атқан Идлибтегі шиеленіс аймағында түрік әскерлері болмауы тиіс еді, деп мәлім етті Ресейдің қорғаныс министрлігі.

Ведомствоның дерегінше, 27 ақпанда "Хайят Тахрир әс-Шам" лаңкестік тобы Бехун аймағында Сирия әскеріне шабуыл жасамақ болған. Сирия әскері қарап қалмай, террористерге оқ жаудырады, оның зардабы лаңкестік топ маңайында жүрген түрік әскерлеріне тиген, деп жазады РИА Новости.

"Түрік тарапының деректеріне сай, бұл аймақта түрік армиясының ешқандай бөлімшесі болған емес және болмауы да тиіс еді", - делінген министрлік хабарламасында.

Ал зардап шеккен түрік әскерлері туралы ақпарат алған бойда ресейлік тарап атысты дереу тоқтатып, өлгендер мен жараланғандарды Түркияға жеткізуді қолға алған

"Ресейдің авиациялық аэроғарыш күштері Бехун елді мекені маңындағы қақтығыста пайдаланылмады", - деп нақтылады әскери ведомство.

Түнде Түркияның Хатай провинциясының губернаторы Рахми Доған Сирия армиясының әуе шабуылынан 33 түрік әскерінің қаза тауып, 36 адамның жараланғанын мәлімдеді. Артынша ресми Анкара Сирия әскерлерінің позицияларына жер үсті және әуе шабуылдарының басталғанын жариялады. Ал Түркияның билеуші әділет және даму партиясының өкілі Өмер Челик бұл оқиғаны НАТО-ға "шабуыл" деп атап, альянспен кеңес өткізуді ұсынды.

Идлибтегі шиеленіс

Қаңтардың соңында Сирия армиясы террористердің күн сайынғы оқ жаудыруынан азат ету үшін Идлиб пен Алеппо провинциясына шабуыл жасауды бастады. Бір айдың ішінде 600 шаршы шақырымнан астам аумақ, Маарет Нуман қаласы мен M5 тас жолы (Дамаск–Алеппо) лаңкестерден босатылды.

Осы аралықта Анкара мен оның кейбір серіктесі Дамаск пен Мәскеуді гуманитарлық нысандар мен түрік әскери күштеріне де соққы жасады деп айыптады. Ал Ресей мен Сирия мұндай тұрақсыздыққа лаңкестердің әрекеттері тікелей себеп болып жатқанын бірнеше рет ескерткен.

"Түркия Идлиб аймағындағы проблемаларды шешу бойынша негізгі міндеттемелерді орындай алмады. Атап айтқанда, үкіметпен диалогқа дайын тұрған қарулы оппозицияны лаңкестерден тазартпады", - деді Ресей сыртқы істер министрі Сергей Лавров.

Ал Анкарада өз міндеттемелерін орындағанын мәлімдеді.

Өткен аптада Ердоған Анкара мен Ресей келіссөзіне әлі де көңілі толмайтынын айтып, Идлибте әскери операция бастайтынын хабарлады. Ресей басшысының баспасөз хатшысы Дмитрий Песков мұны нашар сценарий деп атады.

318
Отырыстағы депутаттар

Парламент отырысы кезінде депутаттар бірін-бірі балағаттап жіберді

797
Парламент отырысы кезінде Райымқұлов Бекешевтің қасына барған. Алдымен депутаттар жай сөйлескен, кейін бір-біріне дауыс көтеріп айғайлай бастады

НҰР-СҰЛТАН, 4 наурыз – Sputnik. Қырғызстанда Жогорку Кенеш депутаттары Дастан Бекешев пен Бақтыбек Райымқұлов парламент отырысында бірін-бірі балағаттады, деп хабарлайды Sputnik Қырғызстан.

Отырыс кезінде Райымқұлов Бекешевтің қасына жақындайды. Алдымен депутаттар жай сөйлесіп тұрған, кейін қатты айғайлап, бірін-бірі балағаттай бастады.

Содан соң Райымқұлов микрофонға шығып, спикерден оның заң жобасын тезірек қарауды сұрады.

Дау-жанжалға не себеп болғаны әзірге белгісіз.

Бұған дейін отырыста Бекешев "кейбір депутаттар жемқорларды қолдап митингке шығатынын, ал мына жерде халық алдында басқаша сөйлеп, билікке жағуға тырысатынын" мәлімдеген еді.

Айта кетсек, Бақтыбек Райымқұлов 28 ақпанда Ошта өткен митингте бұрынғы кеден төрағасының орынбасары Райым Матраимовты қолдап сөз сөйледі.

797
Кілт сөздер:
депутаттар, Парламент, Қырғызстан
Тақырып бойынша
Депутаттар халықтың ашуына тиген шенеуніктерге шүйлікті
Астанада мемлекеттік қызметтегі басшы дауыс көтеріп, балағат сөздер айтқан
Чебатков – стендап для мозга / вДудь

Танымал әзілкеш: қазақ тілін жақсы көремін

57
(Жаңартылды 13:36 04.03.2021)
Ол бірнеше тілде еркін сөйлейді. Ағылшын тілінде әзіл айтып, видеолар түсіреді. Сықақшы меңгерген тілдердің қатарында қазақ тілі де бар

НҰР-СҰЛТАН, 4 наурыз – Sputnik. Өскемен тумасы, танымал Stand-up сықақшы Евгений Чебатков ресейлік видеоблогер Юрий Дудьке сұқбат берді, деп хабарлайды Sputnik Қазақстан.

Чебатков бірнеше тілде еркін сөйлейді. Ол тіпті сахнада ағылшын тілінде әзіл айтып, видеолар түсіреді. Сықақшы меңгерген тілдердің қатарында қазақ тілі де бар.

"Қазақ тілінің қуаты мен энергетикасы мықты. Осы үшін қазақ тілін жақсы көремін. Ол эмоцияға толы, мықты тіл. Бұл тілдегі балағат сөздердің өзі басқаша естіледі", - деді Чебатков.

Сықақшы "Борат" және "Борат 2" фильмдеріне қатысты көзқарасымен бөлісті.

"Мен алғаш рет Канадада, колледжде сахнаға шықтым. Сол кезде мен Қазақстан – Борат деген теңеумен келіспейтінімді жеткіздім. Саша Барон Коэн актер ретінде маған ұнайды. Қазір "Борат 2" фильмі жарық көрді. Оны жақсы көңіл-күймен көріп шықтым. Фильм мен Қазақстан арасында ешқандай ұқсастық жоқ. Біз, Қазақстанды жақсы көретін қазақстандықтар, бұл жағдайға күле қарау керекпіз. Фильмде еліміздің атауы мен туы қолдаанылғаны менің намысыма тигені рас", – деді ол.

Дудь сықақшыдан қазір Қазақстандағы болып жатқан шығармашылық жағымды өзгерістер жайлы сұрады.

"Елде таңғаларлық мультимәдени микс пайда болды. Жалпы қазақтар өмірге құштарлығымен ерекшеленеді. Оларды аңыз-тарихтарды әңгімелеуі, өмір сүру салты ерекше" – деп бөлісті Чебатков.

Евгений Чебатков 1990 жылы Өскеменде туған. Ол біраз уақыт АҚШ пен Канада тұрған. Stand-up жанрындағы әзілдерінің арқасында танымал болды.

57
Кілт сөздер:
әзілкеш, қазақ тілі
Тақырып бойынша
"Қабатовтың көлігімен адам қақты": әзілкеш ақпаратқа түсініктеме берді - видео
Танымал КВН ойыншысы басшылық қызметке тағайындалды
Қайтыс болған бұрынғы КВН ойыншысы сырқаты туралы бір жыл бұрын білген
Белгілі ресейлік әзілкеш қайтыс болды
Танымал әзілкеш көшеде би биледі – видео
ADAM BOL Аwards жүлдесі

Дәрігерден ұялған: үйінде босанған келіншекке көмектескен ақтөбелік әйелдің әңгімесі

0
(Жаңартылды 19:04 04.03.2021)
Ақбота Аманғалиева 8 жыл бұрын үйінде босанған көрші келіншекке көмектесіп, нәрестені аман алып қалған. Бастапқыда дауыс шығарып жыламаған сәбидің бет-аузын сүрткен ол, табанынан ұрып, жедел жәрдем келгенше бала мен ананың жағдайын жасаған

АЛМАТЫ, 4 наурыз – Sputnik. Қазақстанда биыл алғаш рет қиын сәтте батыл қадам жасаған азаматтар марапатталды. Әлия Назарбаеваның бастамасымен ADAM BOL сыйлығы табысталды. Халықтың дауыс беруі арқылы лауреат атанған 12 азаматқа 1 миллион теңгеден берілді. Әр батырдың оқиғасы әртүрлі. Бірі өрттен бір топ адамды аман алып қалса, енді бірі зорлық әрекеттің алдын алып, балаларға көмектескен. Соның бірі – ақтөбелік кәсіпкер Ақбота Аманғалиева. Ол 8 жыл бұрын үй ішінде әйел босандырып, жыламай туған нәрестенің бетін бері қаратқан.

Қазір сол баланың денсаулығы жақсы, екінші сыныпта оқып жүр.

Sputnik Қазақстан тілшісі Ақбота Аманғалиевамен және 2013 жылы үй ішінде босанған әйелмен әңгімелесті.

Дәрігерге бармаған...

Ақбота Аманғалиеваның бір ұл, бір қызы бар. Кенжесі мектеп жасына жеткен жылы отбасымен бірге Ақтөбеден 25 шақырым жерге көшкен. Қаладағы үйін бос қалдырып, жанындағы уақытша тұруға арналған үйді жалға берген.

2013 жылдың 3 наурызында әйел бос тұрған үйін жинау үшін қалаға келеді. Сол сәтте үйін жалдап тұрып жатқан Гүлбаршын Оразғалиеваның толғағы қысқан.

"2013 жылы 3 наурызда боран соғып, қар жауып тұрды. Үйде қызымыз екеуміз ғана едік. 43 жаста болған соң дәрігерге баруға ұялдым. Ауруханаға бармай, үйде босанып қалдым. Ақбота көршім ғой, бір аулада тұрдық. Үйін жалдап тұрдым. Кешкі сағат 7-8 шамасында толғағым келді. Жедел жәрдем жоқ. Күн суық. Хабарластық, келмей жатыр. Қызым жалаңаяқ жүгіріп барып, Ақботаны шақырды", – дейді Гүлбаршын Оразғалиева.

Бұл күнді Ақбота Аманғалиева да ұмытпаған. Оқиға күні кеше болғандай, бәрі де көз алдында.

"Ол күн әлі есімде. Бала жыламай туды. Сол оқиға болардан бір ай бұрын келінім босанған кезде жанына серіктес болып кірдім... Менің сол жерге барғаным да, көршілердің дәл біздің үйге көмек сұрап келгені – бәрі-бәрі баланың көрейін деп тұрған жарығы болар... Бала көкпеңбек болып туған соң перзентханада көргенімді істеп, екі аяғынан ұстап, табанынан шапалақпен ұрдым", – дейді ол. 

Посмотреть эту публикацию в Instagram

Публикация от @adambolawards

Алайда ол кездегі жағдай оңай болмаған. Ақботаның айтуынша, келіншек қатты толғатып жатқанда қорыққан. Жедел жәрдем келгенше шыдайды деп үміттенген.

"Әйелдің ыңғайланып жатқанын байқаған соң босануға көмектесуден басқа амал жоқ екенін түсіндім. Өзімді қолға алдым. Оған оның алдында серіктес болып кіргенімнің көмегі тиді", – дейді Ақбота Аманғалиева.

"Баланың жыламағанын көріп, қатты уайымдадым. Қызым ол кезде кішкентай еді, ол да өліп қалған екен деп қорқып кетті. Ақбота сәбидің аузы-мұрнын сүртіп, екі аяғын аспанға көтерді де, табанынан ұрып, баланы жылатты. Сол сәтте "уф" дедім", – дейді келіншек.

Үйде босанған әйел бала дүниеге келген соң әлсірей бастаған. Ұйқы қысып, демалғысы келген. Алайда Ақбота Аманғалиева дәрігерлер келгенше ояу болуын қадағалаған.

"Менің ұйықтап қалмасын деп шапалақпен ұрып отырды. Содан жарты сағат өткен соң жедел жәрдем келіп, мені мен баламды алып кетті. Оны осы күндері "борандатып туған балам" деп айтамын", – дейді Гүлбаршын.

Боранда туған бала

Бала қазір 8 жаста. Ақтөбеде екінші сыныпта оқып жатыр. Аты – Ербол. Бір кездері пәтер жалдап тұрған отбасы 2 қабатты үй салып, көшіп кеткен. Алайда баласының өмірін сақтап қалған әйелмен байланыс үзілмеген.

Гүлбаршын Оразғалиева мен ұлы Ербол
© Photo : Гүлбаршын Оразғалиеваның жеке архивінен
Гүлбаршын Оразғалиева мен ұлы Ербол

"Анда-санда Наурыз секілді мейрамдарда рақмет айтып, хабарласып тұрамыз. Әр туған күн сайын Ерболдың фотосын жібереміз. Көшеде көріп қалса, "менің балам қалай?" деп сұрайды. Ақботаның үйінде 2016 жылға дейін тұрдық", – дейді ақтөбелік әйел.

Ақботаның айтуынша, екі отбасы телефон арқылы сөйлескенімен, бір-бірінің үйіне бармаған. Алайда кәсіпкер жақында баланы көріп қайтатынын айтты.

"Біз ол жерден көшіп кеттік. Олар да басқа жерде тұрады. Қаланың екі жағында тұрамыз, бірақ әлі күнге дейін хабарламыз. Басында 2-3 жыл баланың туған күніне шақырып, келіншегі хабарласып жүрді. Баруға бір реті келмепті", – дейді Ақбота Аманғалиева.

Ол баланы әлі көрмесе де, жыл сайын туған күнімен құттықтап тұрады.

ADAM BOL AWARDS

Айта кетейік, бірінші наурызда Алматыда ADAM BOL жүлдесінің жеңімпаздары марапатталды. Сыйлық ерлік жасаған, басқа адамдардың өмірін құтқарған адамдарға берілді.

ADAM BOL AWARDS жүлдесінің құрылтайшысы – Қоғамдық маңызды бастамалар қорының жетекшісі, әдебиет пен өнер саласындағы мемлекеттік сыйлықтың лауреаты Әлия Назарбаева.

Жеңімпаздар тізімін мына сілтемеден оқуға болады.

0
Кілт сөздер:
сыйлық, ерлік
Тақырып бойынша
"Ондай сәтте ештеңе ойламайсың". Үш мәрте ерлік жасаған жас полицей нені армандайды?
Нұр-Сұлтандағы апат: автобус жүргізушісі ерлік жасағаны белгілі болды
Соғыста ерлік көрсеткен қазақ қыздары туралы не білеміз?
Ресейлік дипломат Тоқаев қытай тілінің арқасында қандай ерлік жасағанын айтты
Корея тұрғындары ерлік жасаған қазақ жігітін мемлекеттік марапатқа ұсынды