Оңтүстік Кореядағы коронавирус

Министрлік қазақстандық коронавирус жұқтырды деген ақпаратқа түсініктеме берді

208
(Жаңартылды 08:24 04.03.2020)
Бұған дейін Кореяда коронавирус жұқтырған Қазақстан азаматы дәрігерлерден қашып кеткені туралы ақпарат тараған болатын. Қазақстандық дипломаттар мән-жайды анықтап жатыр

НҰР-СҰЛТАН, 4 наурыз — Sputnik. Сыртқы істер министрлігі Оңтүстік Кореяда жүрген қазақстандықта коронавирус анықталды деген ақпаратты түсіндірді.

"Бұл ақпарат дәлелденген жоқ. Корея тарапынан Сеулдағы Қазақстан елшілігіне ресми хабарлама түспеді. Біздің дипломаттар Кореяның желілерінде тараған ақпаратты тексеріп жатыр", - делінген хабарламада.

Бұған дейін бұқаралық ақпарат құралдары Кореяның әлеуметтік желілеріне сүйеніп ақпарат таратқан болатын. Хабарламада Кореяда коронавирусқа тексерілген қазақстандықтың індетті жұқтырғаны анықталғаны жазылған. Кейбір деректерге сәйкес, оның жуырда Кунпхо қаласынан Ансонға көшкені айтылған. Қазір жергілікті полиция ер адамды іздестіріп жатқаны да хабарланған еді. Әлеуметтік желіде, әсіресе, орыс тілді топтарда оның аты-жөні мен суреті таралып кеткен.

Джон Хопкинс институтының мониторингіне сәйкес, әлемде 92 283 адам коронавирус жұқтырған. Оның 3 129-ы көз жұмды, 48 175 адам дерттен айықты.

Тағы оқыңыз: "Бұл нақты дерек": дәрігерлер Қытайдан Нұр-Сұлтанға келген қызға диагноз қойды

Қазақстанда коронавирус тіркелген жоқ. Қытай және Иранмен жолаушы тасымалы тоқтатылды. Сондай-ақ, Оңтүстік Кореямен қатынайтын әуе рейстерінің саны азайтылды.

Оңтүстік Кореядағы қазақстандықтарға 1 наурызға дейін елге оралу керек екені айтылған болатын.

208
Тақырып:
Коронавирус эпидемиясы (1655)
Тақырып бойынша
Коронавирус жұқтырғандарды Қытайдан ШҚО-ға әкеліп жатқан жоқ - министрлік
"Қорқынышты": Қазақстан студенттері Уханьда не боп жатқанын айтты - видео
Тоқаев: Қазақстан қиын сәтте Қытайдың әрекетіне жан-жақты қолдау білдіреді
Желіні дүрліктірген видео: Шымкентте коронавирус тіркелді деген ақпарат түсіндірілді
Тоғжанов мешіттерде намазды далада оқуға қатысты пікір білдірді
Таразы, архивтегі сурет

134 кг болған: жас жігіт 60 келі артық салмақтан арылды видео

9
Бір жыл бұрын бұл жігіттің салмағы 134 келі болған. Алайда ол бар болғаны бір жыл ішінде алпыс келіге арықтады

НҰР-СҰЛТАН, 25 қазан – Sputnik. Қырғызстандық Орозбек Мейманбек уулуның салмағы бір жыл бұрын 134 келі болған. Ол өзі артық салмақтан арылып, өзгелерге үлгі болып жүр.

Жігіт жас кезінде арық болған, алайда 5-сыныпта салмақ қоса бастады. 16 жасында 93 келі, бірер жылдан соң салмағы 134 келіге жетті, деп жазады Sputnik Қырғызстан.

Орозбектің айтуынша, артық салмақ салдарынан тыныс алу қиындаған. Қозғалып, дұрыс ұйықтаудың өзі арманға айналған. Сол кезде жігіт спортзалға барамын деп шешті. 

"Бәрі дұрыс тамақтанбау салдарынан туындады деп ойлаймын. Мен фастфудты көп жедім... Бастапқыда жаттығу қиын болды, сүйектерім ауырды. Кейін дәрумендер іше бастадым. Алғашқы айда 13 келіге арықтадым, бірден өзіме деген сенім пайда болды", - дейді Орозбек.

Жігітке пауэрлифтингтен Қырғызстанның абсолютті чемпионы - кәсіби бапкер, бодибилдингтен Азия чемпионы Келдибек Атайбек уулу көмектесіп жүр.

Чемпион жаттықтырған адамдар ішінде арықтау көрсеткіші бойынша Орозбек рекорд орнатты. Жаттықтырушының айтуынша, жігіт өзі ғана артық салмақтан арылып қана қоймай, өзгелерге үлгі болып жүр.

"Мен арықтаған кезде анам қатты қуанды. Туыстарым мен достарым өте таңғалды. Жастардың көп уақыты телефон мен компьютерге кетеді. Күніне бір сағатты жаттығуға арнасаңыз тиімділігі мен пайдасы көп болады", -  деді Орозбек.

Енді ол тағы біршама арықтап, әскерге бармақ. Бұдан соң Қырғызстанның ішкі істер министрлігінің академиясына оқуға түсуді жоспарлап отыр.

9
Кілт сөздер:
жас жігіт, видео, артық салмақ
Тақырып бойынша
"Адам танымастай өзгерді": хирург бір көліктің құнына ота жасатқан қыз туралы айтып берді
"Өзімді басқаша сезінемін": жігіт 3 жылда адам танымастай өзгеріп кетті - фото
Қыста артық салмақ жинамау үшін не істеу керек – дәрігер құпияны ашты
Ғалымдар артық салмақ пен коронавирус арасында қандай байланыс барын айтты
110 келіге арықтады: белгілі дәрігер салмақтан арылудың бірегей тәсілі туралы айтты
Ли Гон Хи

Әлемге әйгілі компанияның бас директоры қайтыс болды

35
(Жаңартылды 13:15 25.10.2020)
Ол 1987 жылы өзінің әкесі мен компанияның негізін қалаушы Ли Бен Чхолдың орнына Samsung-тің екінші төрағасы атанған болатын

НҰР-СҰЛТАН, 25 қазан – Sputnik. Әлемге әйгілі Samsung компаниясының төрағасы Ли Гон Хи 25 қазанда 79 жасқа қараған шағында Сеул ауруханасында көз жұмды. Кәсіпкердің мұрасына Оңтүстік Корея прокуратурасы алаяқтық жасады деп күдіктенген оның ұлы Ли Чжэ Ен ие болды.

Атақты кәсіпкердің өлімі туралы Ренхап агенттігі хабарлады.

Өлімнің себебі нақтыланбаған.

Ли Гон Хи 1942 жылы дүниеге келген. Ол 1987 жылы өзінің әкесі мен компанияның негізін қалаушы Ли Бен Чхолдың орнына Samsung-тің екінші төрағасы атанған.

2014 жылы Ли Гон Хи жүрек талмасына ұшырады. Содан кейін корпорацияны бақылау іс жүзінде оның ұлы мен топтың еншілес компаниясы – Samsung Electronics-тің вице-президенті Ли Чжэ Енға өтті. Өйткені, ол компанияның мұрагері саналатын.

Оқи отырыңыз: "Тірідей өртейді": әйгілі француз актрисасы Тоқаевқа хат жазды

Алайда оңтүстіккореялық ақпарат агенттіктерінің хабарлауынша, Ли Чжэ Ен концернде билікке қол жеткізу мақсатында корпорация құрамындағы компанияларды біріктіруде заңсыз алаяқтыққа барғаны туралы прокуратура тарапынан күдікке ілінген.

Айта кетейік, Ли Гон Хидің Ли Чжэ Еннан басқа Ли Бу Чжин және Ли Со Хен есімді екі қызы бар. Тағы бір қызы Ли Юн Хен 2005 жылы өзіне қол жұмсап, қайтыс болған.

35
Тақырып бойынша
Димаш Құдайберген әлемге әйгілі екі әншімен бірге өнер көрсетті - видео
Әлемге әйгілі футболшы қамауға алынды
"Әлемнің халық әртісі": Димаш Ресейдің әйгілі әншілерін гүлсіз қалдырды - видео
Әйгілі Голливуд актері әйелі екеуі коронавирус жұқтырғанын мәлімдеді
Әлемге әйгілі әнші карантиннің қандай пайдасы бар екенін айтты