НҰР-СҰЛТАН, 20 наурыз – Sputnik. Рио-де-Жанейродағы Жарылқаушы Христос мүсінінде Қазақстан туы пайда болды. Осылайша жергілікті билік коронавирус індетімен күресіп жатқан әлем елдеріне қолдау білдірген.
Христос мүсіні теңіз деңгейінен 709 метр биіктікте, Тижука ұлттық саябағының аумағында орналасқан.
Посмотреть эту публикацию в Instagram
Әлемдегі ең танымал көрікті жерлердің бірі қазір туристер үшін жабық.
Билік коронавирустың таралуынан зардап шеккен елдермен бірге екенін білдіру үшін түрлі мемлекеттің туын көрсеткен. Солардың ішінде Қазақстан да бар.
Соңғы деректерге сүйенсек, Бразилияда 621 адам коронавирус жұқтырған. Алты адам көз жұмды. Ел билігі құрлықтағы барлық шекарасын жауып, Еуропа мен Азияның бірқатар елдерінің азаматтарына кіруге тыйым салды. Сонымен қатар, Рио-де-Жанейрода танымал Копакабана және Ипанема жағажайлары жабылды.
Тағы оқыңыз: Нұр-Сұлтанда коронавирус жұқтырғандардың жағдайы белгілі болды
Қазақстанда коронавирус жұқтырған 49 адам тіркеліп отыр. Олардың ішінде Алматыда – 22, Нұр-Сұлтанда – 25, Қарағандыда – екі.
16 наурыздан бастап республикада төтенше жағдай жарияланды. Ал 19 наурыздан Нұр-Сұлтан мен Алматы қаласы карантинге жабылады.
