Алмасбек Атамбаев, архивтегі сурет

Қырғызстанның экс-президенті Атамбаев ауруханаға түсті

825
(Жаңартылды 13:27 30.06.2020)
Атамбаевтың коронавирусқа тапсырған тесті теріс нәтиже көрсетті. Ол 29 маусымда жағдайының нашар екенін айтқан соң ауруханаға жатқызу туралы шешім қабылданған

АЛМАТЫ, 30 маусым – Sputnik. Қырғызстанның бұрынғы президенті Алмазбек Атамбаевтан ауруханадан тыс екі жақты пневмония анықталды. Ол емделу үшін стационарға ауыстырылды. Бұл жайында Қырғызстан ұлттық қауіпсіздік комитетінің баспасөз қызметі хабарлады, деп жазады Sputnik Қырғызстан.

"Атамбаев 29 маусымда өзін нашар сезініп, коронавирусқа тест тапсырды. Тест теріс нәтиже көрсетті", - деп хабарлады мемлекеттік комитет.

Сол күні дәрігерлер онлайн консилиум өткізіп "ауруханадан тыс екі жақты пневмония" диагнозын қойды. Артынша бұрынғы президентті стационарға емдеуге ауыстыру туралы шешім қабылданды.

Ұлттық қауіпсіздік қызметі тергеу изоляторында байланыс орнатпай, шыны қоршаулар арқылы кездесулер мен қабылдаулар өткізу ұсынылғанын еске салды.

Ведомство кейінгі аптада Атамбаевтың бірнеше рет адвокатымен, туған-туысымен кездесіп, олардан қағаз және өзге де заттарды алып қалғанын айтты.

Комитет ұсынған деректерге сүйенсек, адвокат Замир Жоошевтан вирустық инфекцияның белгілері анықталған, ол Иссық-Ата ауруханасында жатқан жақын туысымен байланыста болған. Қазір ауру белгілеріне қатысты ем қабылдап жатыр.

Ал тергеу изоляторы штаттық режимде жұмыс істеп жатыр, барлық қызметкері тексеруден өтті, ведомство ешкімнен коронавирус табылмағанын хабарлады.

Айта кетейік, бұрынғы президент өткен аптада 11 жыл екі айға бас бостандығынан айырылды. Сондай-ақ мүлкі тәркіленіп, мемлекеттік марапаттарынан айырылды. Атамбаев қылмыс әлемінің серкесі Азиз Батукаевты заңсыз босатуға қатысы бар деп айыпталған болатын. Сонымен қатар Қой-Таш ауылындағы атысқа байланысты үстінен қылмыстық іс қозғалды.

Азиз Батукаевты заңсыз босату

Батукаев 2006 жылы 16 жыл және 8 айға бас бостандығынан айырылған болатын. 2013 жылы 9 сәуірде "ауыр дертіне" байланысты шартты түрде мерзімінен бұрын босап, Қырғызстаннан кетті. Сыртқы істер министрлігің ақпаратына сәйкес, қазір Батукаев қару сақтағаны үшін Шешенстанда жазасын өтеп жатыр.

Осы іске байланысты бірқатар шенеунік қамалды.

Ал ішкі істер министрлігі Батукаевтың жалған диагноз қою арқылы Атамбаевтың тікелей нұсқауымен босатылғанын мәлімдеді. Атамбаев қылмыс әлемінің серкесін босатуды ұйымдастыруды сол кездегі ішкі істер министріне тапсырған.

Қырғызстанның ішкі істер министрлігі Алмазбек Атамбаевты куәгер ретінде үш рет жауап алуға шақырды. Бірақ ол бірде біреуіне бармаған. Осыдан кейін күш құрылымдары экс-президентті күшпен әкелуге бел буды.

Атамбаевты ұстау операциясы

2019 жылдың 7 тамызында кешке Атамбаевтың Кой-Таш ауылындағы үйіне шабуыл жасалды. Ауыл Бішкек қаласынан 20 шақырым қашықтықта орналасқан. Атамбаевты ұстау операциясын елдің мемлекеттік ұлттық қауіпсіздік комитетінің арнайы жасағы жүргізген. Олар бұрынғы президенттің үйінің ауласына баса-көктеп кіріп, резеңке оқпен ата бастаған.

Күш құрылымдарының әрекетіне жауап ретінде Атамбаевтың жақтастары үйге кіріп, арнайы жасақ сарбаздарын кепілге алған. Жергілікті тұрғындар мен Атамбаевтың жақтастары арнайы жасақ сарбаздарына тас лақтырып, жағдай ушыға түсті. Артынша атыс басталды.

Ұлттық қауіпсіздік комитеті арнайы жасақ сарбаздарының тек резеңке оқ қолданғанын мәлімдеді. Ал Атамбаевтың үйінен атыс қаруынан оқ жаудырылғандықтан, мыңға жуық милиция қызметкері экс-президенттің үйіне жақындай алмаған. Оларға Атамбаевтың жақтастары тосқауыл болған.

Осылайша Алмазбек Атамбаевты ұстау операциясы сәтсіз аяқталды.

Оқи отырыңыз: Қырғызстанның бұрынғы президенті Атамбаев сотталды

Шабуыл салдарынан бір сарбаз көз жұмды, елуден астам адам зардап шекті. Сондай-ақ ішкі істер министрлігінің Шу облысындағы басқармасының бастығы Самат Құрманқұлов ауыр жарақат алды.

Атамбаев тек келесі күні, 8 тамыздағы шабуыл кезінде ұсталды.

825
Кілт сөздер:
коронавирус, Алмазбек Атамбаев
Тақырып:
Коронавирус эпидемиясы (1834)
Тақырып бойынша
Өз халқыңа оқ атпа: Атамбаев мәлімдеме жасады
Атамбаев жақтастары мен милиция арасында тағы да қақтығыс басталды
Атамбаев уақытша ұстау абақтысында: адвокаты қанша мерзімге қамалғанын айтты
Екі күндік операция: Атамбаев қалай ұсталды?
Атамбаев ұлының аса қатыгездікпен соққыға жығылғаны рас па – министрлік жауабы
Пресс-конференция К. Вышинского

Санкцияларды кеңейте түсіндіру заңсыз әрекет Киселев

23
(Жаңартылды 20:23 04.12.2020)
Sputnik Латвиямен бірге қызмет істейтін жеті журналист ұсталып, бірнеше сағат бойы жауап алынғаннан кейін ешқайда кетпеу туралы қолхатпен босатылды  

НҰР-СҰЛТАН, 4 желтоқсан – Sputnik. "Россия сегодня" ХАА бас директоры Дмитрий Киселев Sputnik және Baltnews үшін жазатын латвиялық журналистердің ұсталуына қатысты пікір білдірді.

Дмитрий Киселев "Еуроодақ санкцияларын кеңейте түсіндіру заңсыз әрекет" деп атап өтті.  

Журналистерге Еуроодақтың санкциялар режимін сақтамады деген айып тағылды. Латвияның мемлекеттік қауіпсіздік қызметі Еуроодақ халықаралық ақпарат агенттігінің басшысы Дмитрий Киселевке қарсы санкция енгізгенін алға тартып отыр. Алайда медиа топтың өзі ешқандай санкциялар тізімінде жоқ.   

Латвияда ЕО санкцияларының сақталмауы туралы бап бойынша айыппұл салудан бастап бас бостандығынан айыруға дейін жаза қарастырылған.

"Россия сегодня" және RT ХАА бас редакторы Маргарита Симоньян Ресей орыс тілді журналистерге қарсы қозғалған қылмыстық іске жауап береді деген үмітте.

Ресей сыртқы істер министрлігінің реакциясы

Ресей сыртқы істер министрлігі Латвия билігінің орыс тілді журналистерге қарсы әрекетін демократиялық қоғамның негізі – БАҚ бостандығы мен пікір білдіруге қарсылық деп бағалады.

Оқи отырыңыз: Ресей СІМ Латвияда Sputnik және Baltnews тілшілерінің ұсталуын сынға алды 

Министрлік бұл шектеулер жеке сипатқа ие," Россия сегодня" ХАА бас директоры Дмитрий Киселевке ғана қатысты және медиа холдингпен серіктестердің барлығына қатысы жоқ  деп атап өтті.

"Мұның барлығы ресейліктерді жақтырмаудан туындайтын жазалаушы акция болып саналады. Мәселе ЕҚЫҰ СІМК алаңында көтеріледі", - делінген хабарламада. 

23
Российские многофункциональные истребители пятого поколения Су-57 на воздушном параде Победы в Москве

Су-57 және С-70: жаңа ресейлік қару-жарақтың ерекшелігі неде?

25
Бесінші буынға жататын ұшақ әуеде, жерде және суда кез келген нысанды жоя алады. Форсажды қоспай-ақ, жоғары жылдамдықпен ұшады

НҰР-СҰЛТАН, 4 желтоқсан – Sputnik. Осы айда Ресейдің әуе-ғарыш күштерінің қатарына Су-57 жойғыш ұшағы қосылады. Бұл – бесінші буынға жататын техниканың алғашқы нұсқасы.  

Бірінші сериямен 76 ұшақ шығарылады. Оның қанатына С-70 "Охотник" пилотсыз ұшу аппараты орнатылған. Ол жасанды интеллектке негізделген. Қазіргі кезде аппарат арнайы полигонда жоғарыдан нысананы анықтау және оны зымыранмен жою сияқты сынақтардан өтіп жатыр.

Бұған дейін Ресейдің қорғаныс министрлігі жыл соңына дейін әуе-ғарыш күштеріне алғашқы Су-57 сериялық жойғыштың тапсырылатынын хабарлаған. Бүгінде ұшақ толығымен дайын деуге болады. Алдағы уақытта жылына 15 ұшақ шығарылады. Осылайша, барлық 76 машина жеті жылдың ішінде авиациялық полктерге тапсырылмақшы.

Алдымен бірінші кезеңдегі қозғалтқышлар салынса, 2025 жылдан бастап ұшақтар екінші кезеңнің қозғалтқыштарымен шығарылады. Дегенмен, қазірдің өзінде Су-57 әлемдегі ең озық әрі қуатты жойғыштардың бірі болып саналады. 

Бесінші буынға жататын ресейлік ұшақ әуеде, жерде және суда кез келген нысанды жоя алады. Форсажды қоспай-ақ, жоғары жылдамдықпен ұшады. Маневр жасау қабілеті де жоғары. Ал борттағы электроника тиімділігін арттырып, әскери басымдығын күшейтіп отыр.

Military Watch Magazine мәліметіне сәйкес, Су-57 ұшағының бортында әмбебап қару-жарақтар бар. Олар – өте сезімтал радарлар, 400 шақырымға ұшатын гипердыбыстық зымырандар, жаудың зымыран шабуылынан қорғайтын лазерлік жүйе және тағы басқа озық технологиялар. Ал пилотсыз ұшу аппараттарымен бірге Су-57  жауынгерлік басқару орталығына айналады.  

Су жаңа жойғыш ұшағы Сириядағы ресейлік әскерилердің құрамында тексерістен өтті. Жасанды интеллект жауынгерлік басқару жүйесіне интеграцияланған. Бұл әскери салада үлкен жетістік болып саналады. Соның арқасында Су-57 мақсат-міндеттердің 90 процентін автоматты режимде орындай алады. Тіпті, алдын ала енгізілген бағдарлама бойынша толығымен автоматты түрде жүргізуге болады. Ұшқыш жарақат алған жағдайда немесе қаза тапса, басқару жүйесі өздігімен нысаналарды көздеп, соққы жасайды. Одан кейін автоматты режимде ұшақты адаммен бірге базаға қайтарады.

Ұшақтың корпусында антенналық тор үлгісінде радарлар орнатылған. Соның арқасында айналадағы жағдайды кеңінен бақылап отыруға мүмкіндік бар. Ал бүйірдегі радиолокациялық жүйелер нысаны іздеу қабілетін арттырып, жаудың радарына көрінбеуге жағдай жасайды. Сол кезде Су-57 ұшағында және пилотсыз аппаратта зымырандарды бағыттау тиімділігі төмендемейді. "Ұшақ-компьютерге" арнайы аэродром керек емес. Оған даладағы кез келген жерде қызмет көрсетуге болады.        

Су-57 серияға шықпай жатып, шетелден тапсырыс көп түсті. Ресейлік жойғыш ұшақтың алғашқы сатып алушысы Алжир болады. Осы мемлекет 14 машинаға тапсырыс берген. Келісімшарттың жалпы құны – $2 миллиард. Тапсырысты орындау мерзімі – бес жыл.

Ал 2 желтоқсан күні Ашулук полигонында соққы жасайтын С-70 "Аңшы" атты пилотсыз ұшу аппараты зымыранмен шабуыл жасау жағдайында сынақтан өтті. Оны Су-57 жойғыш ұшағынан басқару жүйелері де тексерілді. "Аңшы" әлем бойынша алғашқы жойғыш әрі зымыранды қағып алатын пилотсыз аппарат болмақшы. Әзірше, оған әуедегі жағдай мен нысанаға қатысты барлық ақпарат жерден немесе жойқыш ұшақтан түседі. Болашақта автономды режимде қолдануға мүмкіндік болады. Бұдан бөлек, "Аңшы" 5 000 шақырым шалай жерге алты тоннаға дейін зымырандар мен бомбаларды тасымалдай алады.  

Пилотсыз аппараттың ұзындығы – 19 метр. Қанаттарының құлашы – 14 метр. Ал әуеге көтерілу салмағы 20 тоннаға дейін барады. Ол сағатына 1000 шақырыммен ұша алады. Сынақ шаралары жалғасуда.

25
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

0
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

0
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады