Әлем

Польша Қазақстанмен әуе қатынасын қайта қалпына келтіретін болды

© Sputnik / Медиабанкке өтуВаршава
Варшава - Sputnik Қазақстан
Жазылу
Польша үкіметі коронавирусқа байланысты Қазақстандағы жағдайдың жақсарғанын ескеріп, арадағы әуе қатынасын қайта жандандыруға ниетті

АЛМАТЫ, 16 қыркүйек – Sputnik. Польша Қазақстанды әуе қатынасына тыйым салынған елдер тізімінен шығарды, деп хабарлайды Қазақстанның индустрия және инфрақұрылымдық даму министрлігі.

"Польша Республикасы үкіметінің өкімімен Қазақстан 16 қыркүйектен бастап бұған дейін тікелей әуе қатынасына тыйым салған елдер тізімінен шығарылды. Қазақстанның тізімнен шығарылуы COVID-19 таралуына байланысты санитарлық-эпидемиологиялық жағдайдың жақсарғанын көрсетеді", - делінген хабарламада.

Польшаның тікелей тұрақты әуе қатынасына тыйым салынған елдер тізімінде әлі 30 мемлекет бар.

Олардың арасында Аргентина, Босния және Герцеговина, Бразилия, Израиль, Ирак, Испания, Катар, Кувейт, Молдова, Перу, АҚШ, Франция, Черногория бар.

Оқи отырыңыз: Мәскеу мен Нұр-Сұлтан арасындағы әуе қатынасы қайта жанданады – Ресей елшілігі

Польша үкіметі мемлекеттердің тізімін шетелдегі эпидемиологиялық жағдайды бақылау арқылы екі апта сайын өзгертіп отырады.

Жаңалықтар
0