Алексей Навальный, архивтегі сурет

Навальный Ресейге оралуы мүмкін бе?

47
(Жаңартылды 14:40 06.10.2020)
Алексей Навальныйдың басынан өткен "Новичокқа" қатысты оқиғаның ыстық-суығы біртіндеп басылып келеді. Дәлірек айтсақ, оның бірінші бөлімі аяқталды

Пессимистердің "Берлин Навальный ісін шығыс майдандағы саясатты өзгерту үшін қолдануға мәжбүр болады" деген қорқынышы ақталмады. Яғни, бұл оқиға "Солтүстік ағын-2" жобасын тоқтатуға ықпал еткен жоқ. Егер солай болған жағдайда, бұл еуропалық саясаттың түбегейлі бетбұрысына алып келер ме еді, бәлкім?

Дегенмен, Навальныйдың айналасындағы шу әлі де күшейіп тұр. Ал Еуроодақ саммитіне қатысушылар "химиялық қаруды қолдануды" тағы да айыптап, Ресейді оқиғаны тергеуге шақырды. Екі аптадан кейін өтетін келесі саммитте Еуроодақтың "ашық шабуылға" қатысты жауабын талқылайтын мәселеге қайта оралуға уәде берді. Ал Навальныйдың өзі алғашқы сұхбатын немістің Spiegel журналына берді. Онда оппозиционер өзінің улануына Владимир Путинді тікелей айыптады.

Оның логикасы темірдей. Егер оны "Новичокпен" уласа, демек мұндай бұйрықты тек президент бере алады және бұл қорқынышты у тек Ресейдің арнайы қызметтерінде ғана бар. Навальныйдың улануы "Новичокқа" тіреліп тұрғаны анық. Бірақ Ресей оның өз жерінде қолданылғанын анықтаған жоқ. Ал Германия сараптама нәтижесінде у іздерінің табылғаны туралы таңғаларлық ақпарат таратады. Дегенмен, немістер ешқашан өз мәліметтерін орыстармен бөліскен емес, бірақ "Новичоктың" қолданылуына қарсы күрес жүргізуді талап етуін жалғастырып келеді. Қаннан "Новичок" табылды ма деген сауалды қою орынсыз болар еді. Әрине, болған. Енді тек кісі өлтірушіні тану және табу ғана қалды.

Дегенмен, Навальныйдың өзі тапсырыс берушіні тапса, оны іздеудің не қажеті бар? Сол себепті батыс жұртшылығы екі айдан бері Ресейде Кремль қажетсіз деп тапқандарды тегіс қорқынышты затпен уландыратын дәстүр бар екенін айтып келеді. Оның бұл "дәлелі" әлі күнге дейін тиімсіз болғанымен "тапсырыс берушіні" дәл табуымен ерекшеленеді. Ал сенбейтіндер мен күмәнданушыларға "қанды Лубянка" мен Путинді тағы да нұсқағысы келеді. Бұған қоса, "Скрипальдың мәселесіне қатысты бой көрсетіп еді, енді Навальный оқиғасы бойынша не себепті басы дауға қалды?" деген көзқарасын алға тартуға тырысады.

"Spiegel": "Егер бұған Путиннің қатысы болмаса?"

Навальный: "Егер тапсырыс беруші Путин болмаса, жағдай мүлдем күрделі болуы мүмкін. Мәселен, "Новичок" құйылған бір ыдыс Берлиннің ірі метросының бір станциясындағы бүкіл жолаушыны қырып тастар еді. Егер бұл улы зат үш адамға ғана емес, отыз адамға қолжетімді болса, онда жағдай тіпті қорқынышты болады", – дейді.

Сондықтан Навальный қорыққан немістерге "Новичок" сынағы тек менімен тоқтамайды. Арқаны кеңге салып, босаңсудың қажеті жоқ" деп ескертеді.

"Неміс үкіметі үндеулерінің менің тұлғама қатысы шамалы болар. Керісінше, бұл Реейдің қандай қауіпті жолмен жүріп келе жатқанын бағамдауға мүмкіндік береді. Егер Кремль мұндай операцияларға қатысса, Ресейлік саясатқа, мысалы "Солтүстік ағын-2" жобасына қатысты қарсы үндеу жариялап жүрген қандай да бір саясаткерді неге уламасқа?", – деген пікірін білдіреді ол.

Сонымен бірге, өз сұхбатында Навальный "Солтүстік ағын-2" жобасын тоқтатуға шақырмайды. Дегенмен, оның маңызы да жоқ. Өйткені, Меркель өзінің позициясын бәрібір де өзгертпейді. Ал Ресейде мұндай сөздер тек ашу-ызаны тудыруы мүмкін. Бірақ ол Берлинге "нақты қаскүнемдерге қарсы шаралар" енгізуге кеңес береді. Өйткені, "егер Ресей элитасы Еуропаның инфрақұрылымын қолдануды жалғастыра берсе, ештеңе өзгермесі анық. Ал Еуропа өз шекараларын жауып, активтерін тәркілесе және бұдан былай шығуға рұқсат бермесе, бұл оларға қиындық туғызады", дейді ол бұл турасында.

Ендеше, оларды Еуропадан ажырату керек. Не үшін? Ресей мен батыс арасындағы қақтығысты күшейту үшін. Ақыр соңында бұл солай болады да. Себебі, Ресейде соңғы жылдары элитаны ұлттандыру процесі жүріп келеді, Путин оған батыспен Қырымға қатысты қарсыласу үрдісі басталғанға дейін араласқан. 2014 жылы бұл процесс жеделдеді. Батыс санкциялары бұған көмектесті. Бірақ бұл Ресей азаматы шетелдік мемлекеттерді өз азаматтарына қарсы санкция салуға шақыруы керек дегенді білдірмесе керек.

Бірақ олар Навальный үшін өз азаматтары болмай тұр. Оның ойынша, өз азаматтары "кісі өлтіргіш". Бұрын да ол өз азаматтарын үнемі адамгершіліктен ада етіп көрсетіп, "біз ең қатал қылмысқа дейін баратын зұлымдықтармен күресеміз" дейтін еді. Біз, бұл Навальный емес, бүкіл орыс халқы. Ол немістерге біздегі "Путиннің жақын арада орнынан түсуіне көз жеткізетін куәгерлер" сияқты мынадай ертегілерді айтады: "Жүйе өзінің өмір сүруі үшін күресіп жатыр және біз оның салдарын енді сезіндік", "нақты қылмыскерлерге қарсы еуропалық шараларды Ресей азаматтарының 95%-і қолдайды". Яғни, Навальный немістерге және бүкіл Батысқа біздің "режимге қарсы күресушілердің" "аз уақыт қана қалды, әсіресе бізге шет елдер көмектессе, Путин орнынан түседі", деген көзқарасын таңғысы келеді.

Оның президентке тағылған "бұл әрекеттің артында Путин тұрғанына сенімдімін, менің басқа нұсқам жоқ" деген айыптауы Ресейде өте өткір реакция туғызды. Мемлекеттік думаның спикері Вячеслав Володин Навальныйды "ұятсыз және арамза" дей келе, "оны ұшқыштар мен дәрігерлерден бастап президентке дейін шын көңілмен құтқарғысы келді. Навальныйдың улануымен байланысты барлық жағдайды батыс Ресейде шиеленіс тудыру және Беларусьтің егемендігін қорғауға жол бермеу мақсатында ұйымдастырды. Ал Навальныйдың өзі батыс елдерінің арнайы қызметтері мен билік органдарымен жұмыс істейді", деді.

Кремль "Навальный орталық барлау басқармасымен, орталық барлау басқармасы Навальныймен жұмыс істейді", деді. Президенттің баспасөз хатшысы Песков ОББ сарапшыларының Навальныймен жұмыс істеп жатқанын және оған "әртүрлі нұсқаулар беріп отырғанын", "бұл жағдай бірінші рет қайталанып отырмағанын отырмағанын" айтты. Навальный ашуланып, Песковты сотқа беруге шешім қабылдады. Одан өзнің америкалық барлау қызметімен байланысын дәлелдеуді талап етті.

Сонымен Навальный Ресейге оралуы мүмкін бе? Иә, өйткені ол өз мақсатына жетуі үшін күресуі керек. Қандай мақсат? Ресейдің құрылымы мен қозғалыс бағытын өзгерту үшін. Навальный бүгінгі сұмдықты: "Бостандықты жақтаушылар мен бізді өткенге итермелегісі келетіндер, яғни капитализммен және олигархтармен "безендірілген" Кеңес Одағына православиелік тұрғыда еліктеуге итермелейтіндер арасында қақтығыс бар", деп сипаттайды.

Навальный "Ресейдегі саяси жіктерді" былай сипаттайды: "Қоғамның бір бөлігі Путиннің мемлекет ерекше жолмен жүруі керек деген сөзін қайталайды. Бұл жерде әңгіме кейбір рухани құндылықтарға негізделген өзгеше монархия құру туралы дүниеге келіп тіреледі. Ал мен сияқты мұны өтірік пен екіжүзділік деп санайтын және осыған сенетін адамдар Ресей тек еуропалық үлгі бойынша дами алады деп есептейді".

Дегенмен, қазіргі таңда Навальный еуропалық, батыстық бағытта жүру жолын іздеудің орнына Ресейде бүкіл халыққа ортақ моральдық құндылықтарға негізделген өмір салтына қарсы автократиялық (монархиялық емес - тәуелсіз, егеменді) жүйе мен биліктің құрылуына қарсы шығып отыр.

Жақсы бастама, өзекті және ең бастысы, ауқымды. Бас шаhардың бір бөлігі отыз жыл бойы осыған ұқсас және ұлттық дүниелерге қайшы келетін барлық нәрсеге қарсы күрес жүргізіп келеді. Ал қазір "тағажайып жағдайда құтқарылған" Навальныйдың елге оралуын ерекше күтіп отыр. Әрине, ол оралады. Бірақ Навальный "Новичокқа" қатысты оқиғаны түсіндіруі керек. Жала жапқаны үшін Құдай алдында болмаса да, соттың алдында жауап беруге тура келеді.

47
Кілт сөздер:
саясаткер, саясат, Ресей
Мұнай өндіру, иллюстративті фото

Мұнай алыптары тақтатас өндірісін құтқарып жатыр соңы не болады

21
АҚШ-тағы мұнай өндірісінің қазіргі жағдайы мен соған қатысты болжамдар әлі де өзекті тақырып болып отыр

Өндірістің көп бөлігі тақтатас мұнайына қатысты, ал ол инерция, компаниялардың қаржылық жағдайымен бірге әлемдік мұнай нарығының теңгергіші болып табылады, деп жазады РИА Новости.

Американың энергетика министрлігінің апта сайынғы есептерінде өндіріс көлемі айқын көрініп тұр. Наурыз айында тәулігіне 13 миллион баррельден 10,5 миллион баррельге дейін күрт төмендеу болды. Яғни, 20%-ке төмендеді. Ал одан кейін дауыл маусымында бұл көрсеткіш айтарлықтай ауытқыды. Бұл статистика тақтатас және құрлықтағы, Мексика шығанағындағы теңіз өндірісіне де қатысты. Ресми сандар бойынша АҚШ-тың жалпы өндірісі тәулігіне он миллион баррельден де төмен, бірақ апталық деректер өзгеріп отырады. Сондықтан олар жалпы тенденцияны көрсетеді.

Әрі қарай не болады? Өндірістің дәстүрлі озыңқы индикаторы жұмыс істеп тұрған бұрғылау қондырғылардың санына да тікелей байланысты. Осы жерде наурыз оқиғаларынан кейін оның 682-ден 172-ге дейін түскенін байқауға болады. Содан кейін қазірге дейін 205-ке дейін қалпына келді. Бұрғылау үш есе төмендеді, ал өндіріс 20%-ке азайды.

Өндіріске әсер ететін маңызды фактор – қазірдің өзінде бұрғыланған, бірақ гидравликалық сынақ жүргізіліп, аяқталмаған ұңғымалар. Қазір ондай 7,7 мың данасы бар, бұл – айтарлықтай ірі көлем. Егер ол жерде гидравикалық сынау жүргізілсе, жаңа бұрғылау төмен болғанына қарамастан, ұзақ уақыт бойы өндірісті ұстап тұра алады. Өткен жылы аяқталмаған ұңғымалардың көлемі айтарлықтай өзгерген жоқ. Яғни, мұндай ұңғымаларды енгізу бұрғылау санының бірнеше есе төмендеуі аясында бұрын өндірісті қолдады деп айтуға келмейді. Қазір аяқталмаған ұңғымалардың саны аздап төмендей бастады, ең бастысы, Американың энергетика министрлігі өзінің соңғы болжамында аз бұрғылау қондырғысымен өндірісті қолдау резервін құратынын айтты. Қарашада бұл шолу АҚШ-тағы тақтатас мұнай өндірісінің төмендейтінін болжап отыр.

Бір сөзбен айтқанда, тақтатас істерінде айқын емес тұстар көп. Соның нәтижесінде ұйымдардың болжамы жан-жаққа таралады. Жалпы өндірістің тәулігіне 11,5-12 миллионға дейін өсуі 2021 жылдың ортасына қарай он миллион баррельге дейін жетеді.

Сонымен қатар тақтатас компанияларының белгілі қаржылық қиындықтары да осыған байланысты туындайды. Шығындарды үнемдеу үшін бұрғылау көлемі азаяды, демек өндіріс аз болады. Оның салдары қаржыға да әсер етеді. Қазірдің өзінде банкрот болып жатқан шағын компаниялар бар.

Дағдарысқа дейін АҚШ-тың екі ірі мұнай-газ компаниясы ExxonMobil және Chevron қазірдің өзінде тақтатас өндірісіне қаржы салып, тіпті жасырын жарыс ұйымдастырды. Нәтижесінде, осындай жағдайда ірі компаниялар тақтатас өндірушілердің қарыздарын немесе тіпті банкрот болуына байланысты сатып алады деген пікір пайда болды.

Мұндай жағдай қазірдің өзінде болып жатыр. Жақында ғана ConocoPhillips Concho Resources тақтатас өндірушіні 9,7 миллиард долларға сатып алғанын жариялады. Осылайша, тағы бір америкалық мұнай алыбы бір уақытта үлкен тақтатас өндірісіне айналады. Сатып алу ақша түрінде емес, акциялармен алмасу түрінде болды.

Мұндай мысалды көптеп келтіруге болады. Компаниялар көлемді экономикалық ұтысты күтеді, жақын орналасқан өндіріс орындарын иемденеді. Соның арқасында алып компаниялар қарыздық жүкте мәселесін екінші орынға ығыстыруға мүмкіндік береді. Сонымен қатар ірі компаниялар қарызды қайта қаржыландыру үшін едәуір арзан несие ала алады.

Бір сөзбен айтқанда, бәрі жыл басында ойлағандай болады. Яғни, барлығы трансұлттық компания есебінен өмір сүреді. Ал пандемия бұл процессті жылдамдатуға атсалысты. Алайда мұнай саласындағы дағдарыстың басқа да салдарын ұмытпаған жөн: тақтатас өндірушілерін өзінің құрамына кіргізген компаниялардың қаржылық тұрақтылығы төмендеді.

Оған ExxonMobil компаниясы мысал бола алады. Жыл басында компания акцияларының баға белгіленімдері қазіргі кезге қарағанда екі есе жоғары болды. Сондай-ақ, тоқсандық дивидендтерді төмендетпеді. Енді қазіргі баға белгілеулерге тоқсандық дивиденд (жылдық мәндерге қайта есептегенде) мөлшерлеме бойынша жылдық он пайызды құрайды. Ал жыл басында бұдан екі есе төмен болды.

Бір қызығы, дағдарыстың басында ExxonMobil өндірістің үйлестірілген қысқартуларына қарсы шықты. Оны кейбір бақылаушы мұнай бағасының құлауына байланысты арзан тақтатасты сатып алуға ниетті екен деп түсінді. Noble Energy жұтылғаннан кейін Шеврон АҚШ-тағы екінші ірі тақтатас мұнайшысы болды.

Шын мәнінде, ең ірі ТҰК (трансұлттық компания) тақтатас өнімін өзінің ауқымы мен қаржылық тұрақтылығы арқасында созғысы келді. Бұл әлі күнге дейін күн тәртібіндегі міндет болып қала бермек, алайда бұл қиынға соғады. Демек, қаржылық тәртіп мәселелері тағы да бірінші орынға шығады және біз жақын арада тақтатас секторында өсу болатынын күтпеуіміз қажет.

Бұған қоса, "жасыл күн тәртібі" барлық мұнай-газ компанияларына, соның ішінде ірі компанияларға қысым жасады. Банктер мұнайшыларға қандай да бір мөлшерлемемен кредит бермейді деп айтуға әлі ерте, бірақ егер "климаттық күн тәртібі" тақтатас кеншілерін сатып алу сомасындағы саланың ірі компаниялары үшін де жаңа борыштың құнын арттырса, таңқалуға болмайды.

Қорыта айтқанда, тақтатас саласының күйреуін күтудің қажеті жоқ, бірақ тақтатас саласының жаңа иелері қаржылық жағынан тәртіпті қатаң сақтайтын болады.

21
Кілт сөздер:
мұнай бағасы, мұнай
Хабиб Нурмагомедов

Хабиб Нурмагомедов Франция президентіне жауап берді

1093
(Жаңартылды 21:58 30.10.2020)
UFC чемпионы Хабиб Нурмагомедов Мұхаммед пайғамбардың карикатурасын жасағандарды қолдаған Франция президенті Эммануэль Макронға жауап берді

НҰР-СҰЛТАН, 30 қазан – Sputnik. Ресейдің аралас жекпе-жек шебері Хабиб Нурмагомедов ислам діні мәселесіне араласамын деген Франция президенті Эммануэль Макронға жауап берді. 

"Біз - мұсылмандар, Мұхаммед Пайғамбарды (с.ғ.с.) анамыз, әкеміз, балаларымыз, әйеліміз және өзге жақындарымыздан қатты жақсы көреміз. Мұндай арандатушылықтың арты жаман болады", - деп жазды ол Instagram-да.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Еске сала кетсек, Францияда сөз бостандығына арналған сабақтан кейін тарихшы Самюэль Пати өлтірілді. Ол оқушыларға атышулы Charlie Hebdo журналы жариялаған Мұхаммед пайғамбардың карикатурасын көрсеткен. Мұғалім бұл карикатура "сөз бостандығының" үлгісі екенін айтқан. Бұдан соң 16 қазанда мұғалімге шабуыл жасалып, басын кесіп алды. Күдікті - Шешенстан тумасы 18 жастағы Абдуллах Анзоров.

Франция президенті мұғалімнің өлімін теракт деп бағалады. Макрон Франция мұсылмандарын сырттан келетін әсерден қорғайтынын айтты. Ол "ағартушылық ислам" саясатын жүргізіп, мешіттер мен мұсылмандар ұйымдарын бақылауға алмақ. Сондай-ақ, Франция дінді келемеждеп карикатура жасауды тоқтатпайтынын атап өтті.

1093
Кілт сөздер:
Эмманюэль Макрон, президент, Франция, Хабиб Нурмагомедов
Тақырып бойынша
Хабиб Нурмагомедов қазақ қызына бағалы сыйлық тарту етті
Хабиб Нурмагомедовтің құпия өмірі – чемпион нені жасырып жүр?
UFC-дегі Рахмоновтың жеңісі, Нурмагомедовтің мәлімдемесі
Тоғыз жасар Хабиб Нурмагомедовтың қонжықпен күрескен видеосы жарияланды
Путин Нурмагомедовтің төбелес шығаруы туралы ойын білдіріп, ақыл айтты - видео
Өрт сөндіруші

Павлодарда көпқабатты үйден өрт шықты

0
Жедел жәрдем көрші пәтердегі балаларды ауруханаға жеткізді. Өрттің алдын ала себебі - темекі шегу кезінде қауіпсіздікті сақтамау

ПАВЛОДАР, 30 қазан — Sputnik. Өрт сөндірушілер көпқабатты үйден егде жастағы әйел, баласы мен көрші пәтердегі балаларды қолға алып шығарды, деп хабарлады Павлодар облысы төтенше жағдайлар департаментінің өрт сөндіру қызметі.

"Жұма күні сағат 12.36-да Жаяу Мұса көшесіндегі 1-ші үйде өрт шыққаны туралы хабар түсті. Сегізінші қабаттағы екі бөлмелі пәтерде жиһаз бен киімдер отқа оранды. Өрт аумағы - 10 шаршы метр", - делінген хабарламада.

Өрт сөндірушілер пәтерден 65 жастағы әйел мен 45-тегі баласын қауіпсіз жерге шығарды. Әйел орта дәрежедегі газбен улану, арқасын күйік шалу және алкогольге улану диагнозымен терапия бөліміне жеткізілді.

Баласы да орта дәрежедегі улану диагнозымен жансақтау бөліміне жатқызылды. Жағдайы ауыр.

Жедел жәрдем көрші пәтердегі балаларды ауруханаға жеткізді. Жағдайлары жақса, үйлеріне жіберілді.

Өрттің алдын ала себебі - темекі шегу кезінде қауіпсіздікті сақтамау.

0
Кілт сөздер:
көпқабатты тұрғын үй, өрт сөндірушілер, Павлодар
Тақырып бойынша
Қала қызыл жалын құрсауында қалғандай: Петропавлда алапат өрт болды – видео
Нұр-Сұлтанда жаңа өрт сөндіру депосы ашылды
Нұр-Сұлтанда тұрғын үйден өрт шығып, екі адам көз жұмды
Түркістан облысында жойқын өрт видеоға түсіп қалды
"Бізді басып озбақ болды": Өрт сөндіру көлігі аударылып, жүргізуші көз жұмды