Алексей Навальный

"Навальный уланған жоқ": оппозиционерді емдеген дәрігермен сұхбат

57
Александр Сабаевтың айтуынша, оның жағдайының нашарлауына көмірсутек алмасу жүйесінің бұзылуы себеп болған

Сібір Федералды округі мен Омбы облысының бас токсикологы, медицина ғылымдарының докторы, №1 Омбы қалалық жедел жәрдем ауруханасының бөлім меңгерушісі Александр Сабаев РИА Новости агенттігіне берген сұхбатында Алексей Навальныйдың емі туралы айтты.

Ол оппозиционердің улануы мүмкін деген деректі жоққа шығара келе, оның жағдайының нашарлауына көмірсутек алмасу жүйесінің бұзылуы себеп болғанын атап өтті. Сондай-ақ, жедел медициналық көмек көрсетудің нәтижесінде науқасқа сәтті ем жүргізілгеннен кейін бірнеше сағат ішінде Навальныйдың жағдайы едәуір жақсарғанына тоқталды. Сонымен қатар, Александр Сабаев уланған адамның жағдайы қалай болатынын және оның қалпына келуі үшін қанша уақыт кететіні жөнінде сөз қозғады.

– Александр Владимирович, Алексей Навальныйдың жағдайы нашарлаған кезде, алғаш сіз қызмет ететін клиникаға келіп түскенін білеміз. Кейінірек ол "Берлин науқасына" айналып шыға келді. Бұл жерде қарапайым сауал туындайды. Науқас шынымен уланды ма?

– Ол уланған жоқ. Улану денсаулықтың нашарлауына түрткі болған себептердің бірі ретінде ғана қарастырылды. Бірақ біздің клиникаға келіп түскеннен кейінгі алғашқы алты сағат ішінде улану туралы диагноз толықтай алынып тасталды. Оның үстіне, бұл клиникалық тұрғыдан да, химиялық-токсикологиялық зерттеулермен де расталмады. Яғни, біз оның уланбағанына көз жеткіздік.

– Енді бұл жерде "дәрігерлік құпия" деген түсінікті алып тастау керек сияқты.  Себебі, жаңағы оқиғадан кейін Путин Навальныйды улады деген айыптаулар шықты. Қан құрамынан қандай да бір улы зат табылды деді. Мұндай ақпарат бүкіл әлемді шарлап, оның соңы үлкен саяси мәселеге айналды. Шынымен не болды? Сіз сол кезде "науқас парағына" не жазып едіңіз?

– Біз диагнозды дұрыс қойдық. Ол – көмірсутек алмасуының бұзылуы. Бұл диагноз бірнеше айдан бері айтылып келе жатыр. Мұның жасыратын ештеңесі жоқ. Бұл – шынымен ауыр метаболитикалық жағдай. Ол науқас ұшаққа отырмай тұрып, бірнеше сағат немесе бір тәулік бұрын басталған болуы мүмкін. Кейін ұшақ әуеге көтерілген кезде, жағдайы күрт нашарлап кеткен. Сондықтан бізге метаболизмнің бұзылуымен күресу керек болды, жалпы алғанда, біздің клиникада жатқан кезде, оның жағдайы біршама қалпына келді. Бұл жерде бірден айту керек, өткір химиялық ауру және метаболизм ауруы – бұл екеуі өзгеше патологиялық процестер, оларда ұқсас ештеңе жоқ. Ал науқаста метаболизм ауруы байқалғандықтан, біз оның белгілерімен дер кезінде күресіп, біздің клиникаға түскеннен кейін 40-42 сағат ішінде оң динамикаға қол жеткіздік.

– Сіздің ойыңызша, метаболизмнің бұзылуына не түрткі болған?

– Оның бірнеше себебі болуы мүмкін. Бұл алиментарлы фактор, бәлкім белгілі бір тағам мен алкогольдік ішімдіктерді тұтыну факторларының салдарынан болуы мүмкін. Бұған диетаны сақтамау немесе қандай да бір диетаны ұстану факторлары да әсер ете береді. Әдетте, бұл негізгі себептер. Бірақ метаболизмнің бұзылуына байланысты қойылатын диагноз зертханалық зерттеулермен расталады. Мұны биохимиялық тестілер дәлелдейді, біз науқасқа оның сегізін өткіздік. Толықтай диагностикалық зерттеу жүргіздік. Нәтижесінде біздің әу баста қойған диагнозымыз расталды, барлығы құжатқа тіркелді. Жеткілікті білікті мамандардың, бас мамандардың, Омбы медициналық университеті қызметкерлерінің қатысуымен кеңейтілген сегіз консилиум өткізілді. Нәтижесінде "улану" диагнозы толықтай алынып тасталды, басты диагноз бекітілді. Ол – "көмірсутек алмасуының бұзылуы".

– Сонда мұның бәрін созылмалы панкреатит ушықтырып жіберген болып тұр ма?

– Әрине. Ұйқы безі мен оның қызметі бұзылған. Оны өзіміз өткізген тестілеулерден байқадық. Яғни ұйқы безінің қызметін сипаттайтын белгілерде патологиялық өзгерістер болған.

– Бұдан адам өліп кетуі мүмкін бе?

– Әрине. Негізгі нұсқа – бұл пациенттің ұйқы безінің дисфункциясы, ең алдымен, дисфункция қандағы қанттың күрт ауытқуын туғызады. Ол үш ммоль/л.-ден 20 ммоль/л.-ге дейін көтерілген. Бұл өте қауіпті болғандықтан, біз оны қалпына келтіру жұмыстарын дереу қолға алдық. Оң нәтижеге 12-14 сағаттың ішінде қол жеткіздік.

– Алексейді өлімнен құтқардық деп айта аласыз ба?

– Сөзсіз. Ауру ағымына байланысты, мен науқастың жағдайы 20 тамыздан 21 тамызға қараған күні түнгі сағат 1-лерде күрт нашарлады деп айтар едім. Сол кезде қандағы лактат қауіпті деңгейге, яғни 12-ге дейін көтерілді. Осы кезеңде, мүмкін, адам ағзасы ең ауыр күйзелісті бастан кешіруі мүмкін. Кез келген компенсаторлық қабілеттің бұзылуы ағзаның көптеген қызметінің бұзылу белгілерінің дамуына алып әкеледі. Біздің клиникаға келіп түскеннен кейінгі жеті-сегіз сағат науқастың өмірі үшін қауіпті кезең болды. Осы уақытта ағзаның көптеген қызметінің бұзылуы белгілері байқалса, науқас аурухана келіп түскен бір тәуліктің ішінде қайтыс болып кетуі мүмкін. Біз осы ждағдайдың алдын алдық.

– Мұндай жағдайды болдырмас үшін іс жүзінде не істедіңіздер?

– Біз интенсивті терапия жүргіздік, қысқа мерзімде әсер ететін инсулин енгіздік, адекватты нейровегетативті коррекция жүргіздік, қалыпты ұйқыны, қозудың болмауын қамтамасыз еттік. Әрине, бұл жерде науқастың жас болғаны, созылмалы, күрделі аурулармен ауырмағаны да әсер етті. Бірақ жұмыс қарқынды жүргізілді. Сағат сайын барлық функция мен жүйені бақылауда ұстап отырдық.

– Қандай нәтижеге қол жеткізе алдыңыздар, динамиканы қалай бағалар едіңіз?

– Науқас клиникадан шығарылар алдында, яғни 44 сағатта біз қандағы қант деңгейін 3,3-5,5 деңгейге дейін тұрақтандырдық. Қантта қатты ауытқулар болған жоқ. Біз ацетонемиядан өттік, яғни ішкі ацетонның түзілуі тоқтады. Бұл үлкен қадам, яғни ағза ішіндегі қышқылдану процесі тоқтады. Бізде лактатацидоз кетті, себебі сүт қышқылының көп мөлшерде түзілуі көмірсутек алмасуының бұзылуына байланысты орын алады. Бұдан кейін біз оны реанимацияда жатқан науқастарға арналған арнайы қоспалармен тамақтандыра бастадық. Нәтижесінде, глюкоза сіңіріле бастады, бұл – ең маңызды процесс. Себебі, мұндай жағдайда глюкоза сіңбесе, науқастың өліп кету көрсеткіші жоғары. Сондықтан, мен алғашқы сағаттарда, күрделі сәттерде науқасты өлімнен арашалап қала алдық деп есептеймін.

– Бірақ науқас сол кезде комада жатты ма?

– Ия, комада, бірақ үстірт комада жатты. Терең кома деген бар, сол сияқты үстірт кома деген де бар. Екіншісі, қарқынды терапияның әсерінен пациентте байқалатын оң динамика. 44 сағат ішінде науқастың жағдайын жақсарту – бұл жақсы көрсеткіш. Алайда көп еңбекті талап етеді. Бұған дұрыс тағайындалған терапия да әсер етеді. Біз химиялық уланудың әсерінен болатын емдеу стандарттары бойынша ем жүргізбедік, себебі ондай жағдайда мүлдем басқа технологиялар қолданылады. Біз метаболитикалық команы, дұрыс алдын алмаса, адамның өліміне алып келетін ауыр метаболикалық өзгерістерді болдырмау және емдеу стандарттарын ұстандық. Сондықтан лабораториялық та, клиникалық та тұрғыда жақсы нәтижеге қол жеткіздік.

Біз уланудан да күдіктендік, сондықтан химиялық әсерлерді көрсете алатын талдаудың барлық спектрін қарастырдық. Өйткені химиялық және токсикологиялық зерттеулер бізге токсиканттар туралы ғана емес, сонымен қатар ағзаның токсиканттарға реакциясы туралы мәлімет береді. Біз бүйрек, бауыр және өкпенің реакциясын, токсиканттарға бірінші болып әсер ететін мүшелерді қарадық. Осы уақыт ішінде бұл ағзалардың бірде-бір белгісі өзгеріске ұшыраған жоқ: бүйрек те, бауыр да, өкпе де. Барлығы таза болды. Біріншіден, органдар қалыпты жұмыс істеп тұрды, екіншіден, бұл органдарға ешқандай зақым келген жоқ. Осылайша, бұл жағдайдың химиялық ауруға тән емес екеніне көз жеткіздік.

– Яғни, химиялық ауру дегеніміз – бұл химиялық жарақат, солай дегіңіз келді ме?

– Иә. Өте дұрыс, бұл терминдер бірдей, яғни ұқсас келеді. Тек химиялық ауру көбіне нозологиялық ауруға келеді. Жарақат –  бұл химиялық жарақат. Біріншіден, ол сыртқы әсерден туындайды, екіншіден, ол ішкі ағзаға қатты әсер ететіндіктен, адамның өліміне әкеліп соғады.

– Ал қанша уақытта адамның уланғанын білуге болады?

– "Улану" туралы диагноз процесс болған сәттен бастап алғашқы алты сағат ішінде байқалады. Егер біз адамның уланғанын растайтын болсақ, онда ультрагемодиафильтрация форматында детоксикация жүргізу керек. Ультрагемодиафильтрация – бұл токсиканттарды табиғи жолдар, яғни бауыр мен бүйрек арқылы емес, экстракорпоральды жолмен шығару. Бұл – диализ сияқты тәсіл. Бұл жерде қан арнайы мембраналар арқылы тазартылады.

– Яғни, біз денеден қанды шығарып, оны аппарат арқылы тазартып, ағзаға тазартылған күйде қайта құямыз, солай ма?

– Өте дұрыс, барлық өмірлік маңызы бар функцияларды сақтай отырып, арнайы буферлік ерітінді қолданылады. Бұл экстракорпоральды детоксикация деп аталады.

– Сіздер мұндай әдісті жасамадыңыздар ғой?

– Жоқ. Ағзалардың бұзылуы болған жоқ. Барлық органдардың ішінде тек бұл ұйқы безі ғана өзгеріске ұшыраған. Ағзаның қалған мүшелері қалыпты режимде жұмыс істеп тұрды.

– Ал химиялық жарақат алған жағдайда қалай болады?

Алексей Навальный, архивтегі сурет
© Sputnik / Евгений Одиноков
– Химиялық зақым келген жағдайда бес жүйе – бүйрек жүйесі, бауыр жүйесі, өкпе, жүрек және ми зардап шегеді. Неліктен улану туралы қате болжам жасалды? Болжам жасаушылар тек бір ғана белгіге келіп тірелген. Ол – естен тану. Бірақ естен тану жұқпалы аурулардан бастап, қарапайым жарақаттарда, бас-ми жарақаты кезінде, инсульт кезінде де болуы мүмкін. Оның мың түрлі себебі кездеседі. Міне, солардың арасында улану да бар. 

– Ал у қандай да бір жолмен тіндерді бұза ма немесе ол адам ағзасына қалай әсер етеді?

– У негізгі ферменттік жүйелерді блоктайды, удың міндеті – биологиялық объектіні барлық зат алмасу процестерінің табиғи тепе-теңдігінен шығару. Сондықтан ағза удың тікелей әсерінен емес, детоксикация жүйесінің болмауынан және өзінің ішкі тепе-теңдігінің бұзылуы себебінен істен шығады. Егер біз улы заттар туралы айтар болсақ, бұл науқас жағдайының нашарлауына метаболитикалық өзгерістер себеп болған, ал ол көмірсутек алмасуының бұзылуына алып келген. Бұл жерде оның ағзасына улы заттың әсері болғандығы туралы ешқандай әңгіме жоқ.

– Оған сұрақ қойды, ал ол "Путин мені улады" деп жауап берді...

– Жоқ. Ол химиялық затпен уланған жоқ. Бұл – нақты жауап. Мен атап өткендей, біз ұжымдық консилиум барысында, бірінші күні-ақ улану тақырыбын жауып тастадық. Одан әрі не болғаны бізге белгісіз. Біздің қолымызда улану туралы мәліметтер болған жоқ.

– Көпшілік алдына шыққан Навальныйдың келбеті сізге қандай әсер қалдырды?

– Оның сыртқы келбеті біз қойған диагнозға толықтай сәйкес келеді. Ия, мұндай аурумен ауыратын науқастар тез арада қалпына келетінін айту керек, өйткені көмірсутек алмасу деңгейі қалпына келеді.

– Ал егер химиялық жарақат алған болса қалай көрінер еді?

– Ол әлі де эфирге шыға алмас еді, сөйлесе алмас еді. Белсенді өмірге тез оралмас еді. Аурухана төсегіне таңылып жатар еді. Бұл сөзсіз.

– Александр Владимирович, рахмет. Егер Навальный Ресейге қайта оралатын болса, оның денсаулық жағдайына байланысты қандай да бір халықаралық консилиум немесе белгілі бір зерттеу жүргізілуі мүмкін бе?

– Адам денсаулығына, оны сауықтыруға, оның қалыпты өмірге қайта оралуына байланысты барлық нәрсе әрқашан өзекті. Сонымен қатар, мәселелерді шешу қажет болса, мен ғана емес, менің әріптестерім және мәскеулік ғалымдар шынымен де кеңейтілген консилиум өткізу қажеттігін айтатынымыз анық. Себебі, адамның өмірі мен денсаулығы әрқашан өзекті мәселе болып қала бермек.

57
Кілт сөздер:
емделу, улану, дәрігер
АҚШ пен Қытай жалауы, иллюстративті фото

Қытай АҚШ-тың ұлттық қарызын сатуға дайын

68
(Жаңартылды 20:41 26.10.2020)
Қытай мен АҚШ арасындағы текетірес қайта өрши түсті: олардың сауда соғысы технологиялық соғысқа айналды

Вашингтон қытайлық жобаларды ұлттық қауіпсіздікке төнетін қауіп деп бұғаттаса, ҚХР өзінің басты қаруын еске салды: АҚШ мемлекеттік облигацияларының триллион долларлық портфелін сату – доллар бағамын да, бағалы қағаздар нарығын да төмендетуі мүмкін. Бұл бүкіл әлемдік экономика үшін өте қауіпті сценарий. Пекиннің қандай қадамға баруы мүмкін екенін РИА Новости зерделеп көрді.

Технологиялық соғыс

Қаңтарда әлемнің екі ірі экономикасы сауда соғысын тоқтатуға бағытталған маңызды қадам жасады, яғни бірінші кезең келісіміне қол қойды. Бірақ COVID-19 пандемиясы бәрін жоққа шығарды. Вашингтон Пекинді коронавирусты таратты деп айыптап, қаржылай өтемақы талап етті. Сонымен қатар, америкалықтар Дүниежүзілік денсаулық сақтау ұйымын (ДДҰ) Қытайға пәрмен берді деп сөгіп, одан шығатынын жариялады.

АҚШ президентін сайлау жақындаған сайын шиеленіс күшейе түсуде. Трамп қытайлық компаниялардың Америка экономикасына келтірген экономикалық залалын тағы да еске түсірді. Оның пайымынша, Қытай америкалықтардың өндірісін өздеріне "сүйреп" әкеліп, олардың технологиялық құпияларын ұрлаған.

Тамыз айында Вашингтон Бейжіңді сайлау науқанына интернет және әлеуметтік медиа арқылы араласып отыр деп айыптады. Бұл жерде назар қытайлық TikTok қосымшасына ауды. Оған тыйым салу қажет, әйтпесе ҚХР үкіметі бұл қызметті пайдаланатын америкалық азаматтардың деректеріне қол жеткізе алады, деп хабарлады Ақ үй.

TikTok иесін – Қытайдың ByteDance компаниясын бизнесті америкалық компанияларға сатуға мәжбүрлеп отыр. Мұны 12 қарашаға дейін жасау қажет. Ондай болмаған жағдайда, қызмет бұғатталып қалады, деп қорқытты Трамп.

Пекиннің бұған қалай жауап беретіні әзірге белгісіз. Сарапшылардың пікірінше, Қытай билігінің TikTok-қа ара түсуге айтарлықтай себебі жоқ. Өйткені олар оны "зиянды", "дөрекі контентті" таратады, "социализм құндылықтарына" сәйкес келмейді және қытай жастарының арасын ыдыратады деп есептейді.

Бірақ Вашингтон Қытайдың ең ірі технологиялық компанияларының бірі Huawei-ге де қысым жасауда. Пекин қазірдің өзінде "ұлттық қауіпсіздікке қауіп төндіруі" мүмкін деген шетелдік компанияларға стратегиялық материалдар мен технологияларды экспорттауға тыйым саламыз деп мәлімдеп отыр.

Байыпты әңгіме

Сонымен қатар, Пекин ҚХР-да ықпал етудің едәуір маңызды тетіктері бар екенін еске салды. Бұл жердегі әңгіме триллион доллар болатын АҚШ мемлекеттік облигациясы туралы болып отыр.

АҚШ-пен болған сауда соғысының әсерінен Қытай бұл бағалы қағаздардан жоспарлы түрде құтыла бастады. 2014 жылдың қарашасында 1,32 триллион долларлық көрсеткіш шыңынан АҚШ-тың ұлттық қарызына салынған инвестиция 200 миллиардтан астам қаржыға төмендеді. Нәтижесінде 2019 жылдың маусымына қарай, шетелдік қазынашылар арасындағы көшбасшылық Жапонияға өтті: Токиода олар 1,12 триллионды құрайды.

АҚШ-тың қаржы минстрлігінің соңғы есебі көрсеткендей, қыркүйектің ортасына қарай Қытай портфелі 1,08 триллионға қысқарды. Бірінші жартыжылдықта Пекин қазынашылық облигацияларын 106 миллиардқа төмендетті. Бұл 2015 жылдан бергі сатылымның ең жылдам қарқынын көрсетеді.

Алайда, мәселе тек экономикалық текетірес туралы ғана емес. Қытайдың АҚШ үкіметінің қарызынан құтылуды жалғастыру себептерінің бірі – баспа машиналарының тынымсыз жұмысы нәтижесінде доллардың құлдырау қаупінің туындауы.

Қарыз да өсіп барады. Сегіз айда АҚШ 7,7 триллион болатын қазынашылық облигацияны шығарды, бұл – рекордтық көрсеткіш. Яғни, экономикаға тек қарыз алу арқылы қолдау көрсетіліп отыр.

Пекин Вашингтонның экономикалық проблемаларды баспа машиналарының көмегінсіз шеше алмайтынын көріп отыр, сондықтан америкалық мемлекеттік қарызға инвестиция салу өте қауіпті, деп атап өтеді қытайлық Global Times.

Үлкен сатылым

АҚШ пен Қытай арасындағы шиеленістің күшеюі тек "америкалық экономиканың екінші ірі шетелдік несие берушісі бұған шыдамай, қазынаның кең ауқымды сатылымын ұйымдастыруы мүмкін" деген алаңдаушылығын үдетеді. Ал мұндай қадамның салдары сөзсіз, апатты болады. Мұндай бағалы қағаздарды жаппай шығару нарықта дүрбелең тудырады.

Алайда, бұл Қытайдың өзі үшін тиімсіз. Біріншіден, қысқа мерзімде 100-200 миллиард долларлық облигацияларды сату олардың бағаларын төмендететіні сөзсіз. Мұндай жағдайда, Қытайдың сыртқы активтері мен резервтерінің құны, сондай-ақ арзандаған бағалы қағаздарды сатудан түсетін түсімдер де айтарлықтай төмендейді.

Сонымен қатар, доллар құлдырайды, ал ол ҚХР-ға қажет емес. Америкалық валютаның әлсіреуі қытайлық экспортты қымбаттатады.

Сонымен қатар, АҚШ-тың қазынашылық міндеттемелерден шығуы, егер сауда соғысы түбегейлі бақылаудан шығып кетсе, Пекиннің юаньді бақылау мүмкіндігін айтарлықтай шектейді. Ал қазынашылық облигацияларын сатудан түскен доллар бір жерге салынуы қажет, ал бұл оңай емес.

Проблемалар тек Қытайда ғана туындамайды. Ол ешкімге оңай түспесі анық.

"Америкалық облигациялар пирамидасын құлату дегеніміз – бүкіл әлемді қаржылық хаос жағдайына түсіру дегенді білдіреді. Оны 1998 немесе 2008 жылдардағы дағдарыспен салыстырғанда – бұл баланың әңгімесі ғана. Сондықтан жақын аралықта мұндай нәрсенің болуы екіталай", – дейді Chatex криптовалюталық банктің басшысы Майкл Росс-Джонсон.

Доллар мен қазынашылықтан бас тарту кезең-кезеңмен жүруі мүмкін. Бұл процес соңғы бірнеше жылдан бері орын алып келеді. Қытайдың жетекші экономистерінің бірі, Шанхай қаржы және экономика университетінің профессоры Си Цзюньяннің бағалауы бойынша, "оқиғалар қалыпты түрде дамыған жағдайда" Пекин АҚШ-тың қазынашылық облигациялар портфелін шамамен 800 миллиард долларға дейін "біртіндеп қысқартады" деп есептейді. Алайда, күрделі жағдай кезінде ұсынылатын нұсқа әлі де алынып тасталған жоқ, мысалы, әскери қақтығыс жағдайында.

68
Кілт сөздер:
АҚШ, қытай
Қырғызстанның бұрынғы президенті Алмазбек Атамбаев, архивтегі сурет

Алмазбек Атамбаев аштық жариялады

117
Саясаткер 5-6 қазанда уақытша босатылғанға дейін бір жылдан астам уақыт МҰҚК-тің тергеу изоляторында отырды. 10 қазан күні ол қайта ұсталды

НҰР-СҰЛТАН, 26 қазан – Sputnik. Алмазбек Атамбаев Мемлекеттік ұлттық қауіпсіздік комитетінің тергеу изоляторынан №1 тергеу изоляторына ауыстырылды. Қырғызстанның экс-президентінің адвокаты Сергей Слесарев оның аштық жариялағанын мәлімдеді.

Саясаткерді не үшін басқа изоляторға ауыстырғаны әзірге белгісіз, мемлекеттік жазаны орындау қызметі бұл жағдайға қатысты түсініктеме берген жоқ, деп хабарлайды Sputnik Қырғызстан.

"Біз медициналық қызмет алу үшін Алмазбек Шаршенұлын № 47 колонияға ауыстыруын сұраған едік. Бірақ, оны СИЗО–1-ге, жертөленің орын-жайына ауыстырды, ол жерде бұрын өлім жазасына кесілгендерді ұстайтын. Кәріз жүйесі жұмыс істемейді, камераның есіктері ашық, жылу жақында ғана қосылды. Осыған байланысты бүгін менің қорғалушым аштық жариялады", - деді Слесарев.

Қырғызстандағы оқиға

5 қазан күні Бішкекте Жогорку Кенеш сайлауының нәтижелеріне қарсы митинг өтті. Кешке таман наразылық білдіргендер мен милиция арасында қақтығыс басталып, мыңдаған адам зардап шекті, біреуі көз жұмды. Түнде митингке шыққандар парламент ғимаратын басып алды, кейін Алмазбек Атамбаев пен оның жақтастарын, Садыр Жапаров пен түрмеде отырған басқа да саясаткерлерді босатты.

10 қазанда Алмазбек Атамбаев пен босатылғандардың бір бөлігі қайта ұсталды.

Бұған дейін ол қылмыс әлемінің серкесі Азиз Батукаевты заңсыз босатқаны үшін сотталған еді. Сот Қой-Таш оқиғалары бойынша қозғалған қылмыстық істі де қарап жатыр.

117
Кілт сөздер:
Қырғызстан, Алмазбек Атамбаев
Тақырып бойынша
Атамбаев 11 қарашаға дейін үйқамаққа алынды
Қырғызстанның экс-президенті Атамбаев ауруханаға түсті
Жасөспірім

Қостанайда педофил қолынан мерт болған қыздың ағасы жоғалып кетті

0
(Жаңартылды 13:03 27.10.2020)
Қостанай облысы Бағаналы ауылының жиырма жастағы тұрғыны Олег Ганя 15 қазанда үйінен шығып, хабар-ошарсыз кеткен

АЛМАТЫ, 27 қазан – Sputnik. Қостанай облысында полицейлер мен еріктілер 15 қазанда үйінен шығып, содан бері хабар-ошарсыз кеткен 20 жастағы Олег Ганяны іздестіріп жатыр.

20 жастағы жігітті іздеу жұмыстары жүргізіліп жатқаны туралы еріктілер әлеуметтік желілерде жариялады.

"2000 жылы 23 шілдеде дүниеге келген Олег Ганя Викторович іздестіріліп жатыр. Ол 15 қазанда Бағаналы ауылындағы үйінен Павлов ауылына шығып кеткен. Қостанай қаласында болуы мүмкін", – деп нақтылады еріктілер әлеуметтік желіде.

Олег Ганяның бойы 175 сантиметр, дене бітімі орташа, ақшыл сары шашты, сұр-көк көзді. Үстіне көгілдір түсті камуфляжды костюм киген.

"Оныншы аймақ" пен "Дос" тобының өкілдері іздеу жұмыстарына кірісті. Біз Киев ауылындағы пәтер иелерінің кооперативі аймағынан іздеп жатырмыз. Сол жақтан адамдар хабарласып, көргендерін айтты. Бұл жұмысқа 60-қа жуық ерікті жұмылдырылды. Барлық шара полициямен бірлесіп атқарылуда", – деді Sputnik Қазақстан тілшісімен телефон арқылы сөйлескен қостанайлық еріктілер.

Ал қандай да бір ақпарат беремін деген адамдар 8-777-973-19-40, 8-707-197-18-48, 8-707-252-15-00 телефон нөмірі арқылы хабарласа алады.

Сондай-ақ, еріктілер Олег Ганя Виктория Ганяның үлкен ағасы екенін хабарлады.

Еске салайық, 2014 жылы жеті жастағы қыз педофилдің құрбаны болды.

Виктория Ганя 2014 жылдың 24 сәуірінде жоғалып кетті. Сол күні онымен бірге ойнаған балалардың айтуынша, оны бейтаныс адам белгісіз бағытқа алып кеткен.

Баланы іздеу бір айға жуық уақытқа созылды. Жеті жастағы Викторияның денесін еріктілер Рудный-Тобыл тас жолы бойындағы қараусыз қалған гараж ғимаратынан тапты.

ДНҚ сараптамасы арқылы қылмыскердің жеке басы анықталды.

Оқи отырыңыз: "Ақылымнан адастым": Рудныйда 7 жасар қызды зорлаған педофил қылмысы туралы айтты

Құқық қорғаушылар күдікті Лесниковты ідестіре бастағанда оның түрмеде отырғанын анықтаған. Сөйтсе, ол бұған дейін мерзімінен бұрын бостандыққа шыққанымен, тұрғылықты жері бойынша учаскелік инспектордың тіркеуіне бармай қойған. Сол үшін оған түрмеге қайта отырғызу жазасы қарастырылып, 2014 жылы 29 сәуірде қамады. Ал Виктория Ганя ол қамалардан бес күн бұрын жоғалған.

Тергеу нәтижелері бойынша Денис Лесниковтың Виктория Ганяны өлтіргені толық дәлелденіп, ол өмір бойына бас бостандығынан айырылды.

0
Кілт сөздер:
Қостанай облысы, оқиға, педофил
Тақырып бойынша
Павлодар облысында 4 айдан бері жоғалған әскери қызметкер іздестірілуде
Қостанай облысында алты тәулік бойы жоғалған аңшы іздестірілуде
Үнді азаматына тұрмысқа шыққан тараздық келіншек Америкада іздестірілуде
Ақмола облысында жұмбақ жағдайда жоғалып кеткен ер адам іздестірілуде
Алматыда ер адамды қағып өлтіріп, қашып кеткен жүргізуші іздестірілуде