Эмомали Рахмон

Тәжікстанда президент сайлауының қорытындысы жарияланды

90
Сайлауға Эмомали Рахмоннан басқа төрт үміткер қатысты. Олардың барлығы да елдегі партиялардың көшбасшылары

АЛМАТЫ, 12 қазан – Sputnik. Тәжікстанның қазіргі президенті Эмомали Рахмон президент сайлауында тағы да жеңіске жетті, деп хабарлады Риа Новости.

"Елде мемлекет басшысын сайлау 11 қазанда өтті. Республикалық орталық сайлау комиссиясының мәліметі бойынша, Рахмонға сайлаушылардың 90,92%-ті дауыс берген", – делінген ақпаратта.

Sputnik Тәжікстанның хабарлауынша, президент сайлауына халықтың 85,39%-і қатысты.

Сайлауға Эмомали Рахмоннан басқа төрт үміткер қатысты. Олардың барлығы да елдегі партиялардың көшбасшылары.

Республика заңына сәйкес, президент жеті жылға сайланады.

Оқи отырыңыз: Енді тәжіктер президенттің кітаптарын радиодан тыңдайды

Айта кетейік, Эмомали Рахмон 1992 жылдан бері елді басқарып келе жатыр. Бұл Тәжікстан басшысы қатысқан бесінші сайлау.

90
Кілт сөздер:
Тәжікстан, Эмомали Рахмон, сайлау
Тақырып бойынша
Тәжікстандықтар Қазақстанда 30 күн тіркеусіз тұра алады
Тоқаев Тәжікстан және Армения президенттерімен не туралы сөйлесті?
"Сөзбен жеткізу қиын" Мұхамедиұлы президенттер алдында өнер көрсетті
Тәжікстан президенті Тоқаевқа көңіл айтты
Тоқаев Тәжікстан президентін туған күнімен құттықтады
Владимир Путин

Пандемия, экономика, Қарабақтағы жағдай: Путин "Валдай" клубының отырысында не айтты

16
Владимир Путин "Валдай" пікірталас клубы отырысына қатысып, бейнебайланыс арқылы сөз сөйледі.  Отырыстың биылғы тақырыбы - "Пандемиядан алған сабақ және жаңа күн тәртібі: жаһандық дағдарысты әлемдік мүмкіндікке қалай айналдыруға болады?"

Владимир Путиннің маңызды мәселелер бойынша айтқан сөздерін РИА Новости хабарлайды. 

Пандемия туралы

Путин COVID-19 пандемиясы туралы айта келе, коронавирустың әлі де жойылмағанын және әлем өмірдің барлық саласында "тектоникалық ауысулардың" табалдырығында тұрғанын атап өтті.

"Коронавирус эпидемиясы әлеуметтік, іскерлік және халықаралық өмірді, тіпті әр адамның күнделікті өмір сүру салтын түбегейлі өзгертті", – деді ол.

Путин Ресей азаматтарының, әсіресе дәрігерлер мен медициналық қызметкерлердің бір-біріне, көмектесуге дайын екенін мақтан тұтатынын баса айтты.

"Пандемия адам өмірінің өте нәзік екенін еске түсірді. Технологиялық жағынан дамыған ХХІ ғасырда тіпті ең дамыған деген елдердің өзінде адамның бір қарағанда қауіпті әрі қорқынышты болып көрінбейтін инфекцияның алдында осыншалықты қорғансыз әрі дәрменсіз болып отырғанын елестетудің өзі қиын", – деді президент.

Владимир Путин халықаралық қауымдастық коронавируспен күресте қолдан келгеннің барлығын жасамағанын, бұл ретте кейбір мүмкіндіктерді жіберіп алғанын мәлімдеді. 

Мемлекеттердің тәуелсіздігі туралы

Президент мемлекеттік құрылым туралы айта келе, біреуді, оның жүріп өткен жолын сол күйі көшіріп алуға тырысу дұрыс емес екенін атап өтті.

"Біз демократияның осындай сырттан келген үлгілерінің қалай жұмыс істейтінін көріп отырмыз. Ол – ішкі мазмұнынан айырылған сыртқы қабық қана", – деді Путин.

Оның пікірінше, саяси жүйенің қалай аталғаны маңызды емес, себебі әр елдің өзінің саяси мәдениеті, дәстүрлері, өзінің даму көзқарасы әртүрлі болады.

"Осы жерде мынадай сауал туындайды: күшті мемлекет дегеніміз не? Оның күші неде? Әрине, ол мемлекеттің құқық қорғау органдарының қатаң бақылауында тұруы емес, жеке бастаманы ығыстырып шығаруда немесе азаматтық белсенділікке нұқсан келтіруде емес, тіпті қарулы күш пен қорғаныстың әлеуетінде де емес. Дегенмен, сіз бұлардың барлығының географиялық тұрғыдан, геосаяси мәселелердің тұтас жиынтығы тұрғысынан Ресей үшін қаншалықты маңызды екенін түсінетін шығарсыз. Алайда мен мемлекеттің күші ең әуелі азаматтардың оған деген сенімінде екенін айтқым келеді. Мемлекеттің күші міне, осында", – деді Владимир Путин.

Әлемдегі рөлдердің өзгеруі туралы

"Қытай өзінің экономикалық салмағы мен саяси ықпалы тұрғысынан алып державаның позициясына қарай белсенді түрде жылжи бастады. Германия да осы бағытта жүріп келеді", – деді Путин өз сөзінде.

Сонымен қатар ол Ұлыбритания мен Францияның әлемдік істердегі рөлі айтарлықтай өзгергенін, Бразилия мен Оңтүстік Африка сияқты державалар күшейе түскенін жеткізді.

Президент коронавирус пандемиясы жағдайында елдерді мемлекетаралық қатынастарда шыншыл болуға және қос стандартқа негізделген саясаттан бас тартуға шақырды.

"Коронавирус инфекциясынан зардап шеккен және әлі де зардап шегіп отырған көптеген ел сырттан келетін көмекке мұқтаж емес, олар гуманитарлық саладағы шектеулерді, дәрі-дәрмектермен, несиелік ресурстармен, құрал-жабдықтармен және технологиялармен алмасу саласындағы шектеулердің алынып тасталуына мұқтаж. Алайда ешқандай шектеулер жойылған жоқ. Оны қандай да бір негізге сүйене отырып түсіндіргісі келді, бірақ олардың гуманитарлық салаға ешқандай қатысы жоқ. Бірақ соған қарамастан, барлығы гуманизм туралы айтады", – деді РФ президенті.

Қаруды бақылау туралы

Путин қару-жарақты бақылау туралы айта келе, бұл саладағы шектеулерсіз әлемнің болашағы жоқ екенін атап өтті. Ол Вашингтонның мұндай келісімдерден кезең-кезеңмен шыға бастағанын еске салды.

Президент Мәскеу Қытайдың СНВ шартына қосылуына қарсы емес екенін, бірақ Вашингтон Бейжіңмен диалогты өзі жүргізу қажеттігін, яғни мұны Ресейге аудармау керектігін атап өтті.

Путин сондай-ақ барлық ядролық державаны осы келісімге қосылуға шақырды.

Қарабақтағы жағдай туралы

Талқылау барысында қатысушылар Таулы Қарабақтағы жағдайдың ушығуы мәселесіне тоқталды. Президент қақтығыстың шиеленісуі салдарынан екі жақтан екі мыңнан астам адам қаза болғанын, тиісінше, құрбан болғандардың жалпы саны бес мыңға жақындағанын баса айтты.

Ол Ресей ұзақ жылдар бойы жағдайды тұрақтандыру үшін осы дағдарысты реттеудің түрлі нұсқасын ұсынғанын атап өтті. Президенттің айтуынша, бұл жұмыстардың барлығы позицияларды жақындастыруға бағытталған.

"Енді сәл шыдасақ, тиісті шешім табылатындай болып көрініп еді. Өкінішке қарай, олай болмады. Қазір қақтығыс шиеленістің ең нашар нұсқасы бойынша жүріп жатыр", - деді Путин.

Ол сондай-ақ, Ресей үшін Армения да, Әзербайжан да Мәскеу толыққанды қарым-қатынас орнатқысы келетін тең құқылы серіктестер екенін атап өтті.

Ол тараптардың Таулы Қарабақ бойынша ымыраға келулерін қалайтынын атап өтті. Путиннің айтуынша, Әзербайжан президенті Ильхам Әлиевпен және Армения премьер-министрі Никол Пашинянмен күніне бірнеше рет телефон арқылы сөйлеседі.

Навальныйға қатысты жағдай туралы

Алексей Навальныйға қатысты жағдай туралы пікірталасқа қатысушылардың бірінің сауалына жауап бере келе, Путин Ресей бұл оқиға бойынша тергеу жүргізуге дайын екенін жеткізді. Ол үшін оның уланғанын растайтын құжат қажет екені, алайда мұндай ақпарат берілмегенін атап өтті.

"Оның үстіне, мен еуропалық лидерлердің бірімен болған әңгімеде біздің мамандарымыз Германияға француз, неміс, швед мамандарымен бірге барып, сол жерде бірге жұмыс істеп, кейбір материалдарды алуы қажет деген ұсыныс жасадым.  Егер шынымен қылмыстық оқиға болса, бұл материалдар қылмыстық іс қозғауға, тергеу жүргізуге негіз болар еді", – деді ол. 

Путин сонымен қатар, Навальныйдың қанынан "Новичоктың" ізі табылғаны туралы хабарламаларға күмәнмен қарайтынын жеткізді.

"Олар "Новичоктың" іздерін таптық деді. Содан кейін кенеттен: бұл "Новичок" емес, басқа нәрсе, деді. Сонымен, бұл  "Новичок" пе, әлде "Новичок" емес пе? Демек, қазір әу баста айтылған дүниелерге қатысты күмән туып отыр", - деп толықтырды сөзін президент.

"Ресейдің құлдырауын" қалайтындар туралы

Путин Ресейдің әлсірегенін қалап отырған кейбір елдерге қатысты түсініктеме берді.

"Әлемде, басқа елдерде болып жатқан оқиғаларға қарап және мемлекетімізді нығайта отырып, мен әлі де болса, Ресейдің біртіндеп әлсірегенін қалап отырғандарға айтарым: бұл жағдайда бізді бір нәрсе: "сіздердің жерлеу рәсімдеріңізде қалай суық тигізіп алмауға болады" деге мәселе ғана мазалайтынын айтқым келеді", – деді ол.

Президент сондай-ақ, Ресей өзінің интеллектуалдық, аумақтық, экономикалық және әскери әлеуетін тиісті деңгейде бағалайтынын атап өтті.

16
вакцина

Вакцина туралы жалған ақпараттың басы-қасында кім тұр?

24
Британдық БАҚ Ресейдің адамзатқа қарсы кезекті ақпараттық диверсиясын анықтады. Бірнеше күн бойы Тұманды Альбиондағы басты жаңалық осы болды

Қазір Ұлыбританияда қаншама проблема бар: елде пандемияға байланысты күрделі жағдай туындап отыр, бүкіл аймақ үкіметтің жаңа карантиндік шараларына қарсы бас көтеруде, Еуропалық Одақпен Brexit бойынша келіссөздер тығырыққа тірелді, бұл жақын болашақта экономикалық құлдырау қаупін туғызары анық. Міне, осындай келеңсіздіктер орын алып жатқан кезде британдық газеттердің бірінші бетінде: "Есерсоқ Russkies (орыстар) вакцина бізді шимпанзеге айналдыратынын жариялады" деген ауандағы басты жаңалығы жарық көреді, деп жазады РИА Новости. 

Газеттердің барлығы дерлік күлкілі коллаждар жариялады, онда Ұлыбритания премьер-министрі Борис Джонсонның суреті йетиге өзгертіліп, ол "Мен қар адамының вакцинасын жақсы көремін" деген сөзімен қоса беріледі. Белгісіз бір дереккөзге сілтеме жасай отырып, барлық бұқаралық ақпарат құралы мұндай суреттер "вакцина адамды маймылға айналдырады" деген желеумен Британияның коронавирусқа қарсы вакцинасының беделін түсіру мақсатында Ресей мемлекетінің немесе осы елдің ресми өкілдерінің тапсырысы бойынша таратылып отыр деп мәлімдеді.

Осы айыптаулардың барлығының негізгі дереккөзі бұл тақырып бойынша бірнеше сенсациялық материал шығарған The Times газеті болды. Оның айтуынша, бұл суреттерді редакцияға "халықтың денсаулығына зиян келтіруі мүмкін деп алаңдаған бір азамат" ұсынған.

Бірақ бұған Ресей мемлекетінің қандай қатысы бар? Бұл туралы The Times газеті: "Бұл үгіт-насихат жұмысына Кремльдің тікелей қатысы бар ма, жоқ па, ол жағы түсініксіз, бірақ оны ұйымдастыруға және таратуға кейбір ресейлік шенеуніктердің тартылғаны туралы дәлелдер бар", – деп жазады. 

Алайда, негізгі мақалада бұл тұжырым түбегейлі түрде көрініс таппайды: "Оксфордтағы зерттеуге қарсы науқан Ресейдің ресми тұлғаларымен болуы мүмкін. Алайда бұл адамдардың қатысуы Кремльдің үгіт-насихат жұмысы туралы бұйрық бергенін, мақұлдағанын немесе білгендігін білдірмейді".

Жалпы, The Times газетінің оқырмандары үшін жарияланған, кейін барлық басқа газетте жарық көрген бұл материалдың тақырыбы (мұның бәрін Ресей жасап жатыр деген) сол күйі түсіндірілмеді. Мұның орнына басылым оқырмандарды газет сайтына кіріп, онда бәрі егжей-тегжейлі түсіндіріліп, дәлелденген 40 минуттық подкастты тыңдауға шақырады.

Басқа бұқаралық ақпарат құралдары (британдық та, америкалық та) да бұл тұжырымнан алыс кетпеген сияқты, олардың The Times жасаған тұжырымға сеніммен қарауы – осыған дәлел. Сондықтан Ресейге қарсы бағытталған жалған ақпараттар тізбесі бірқатар басылымда пайда болды.

Алайда, егер сіз The Times подкастын тыңдайтын болсаңыз, онда бүкіл эфир бойы "енді біз сізге Ресей мемлекетінің осындай кампанияға қатысқанын дәлелдейміз" деп оқырманға берілген уәдені тыңдай аласыз. Ұйымдастырушылар туралы бөлімге келгенде, Ресейдің тікелей инвестициялар қорының бас директоры Кирилл Дмитриевтің есімі аталады. Газет журналистері Дмитриевтің жеке басы, оның қоры туралы әңгімелей келе, британдық вакцинаға қарсы ол ұйымдастырған кампанияны Владимир Путиннің біле ме деген мәселені талқы таразысына салады.

Бірақ артынша таңғаларлық сөйлем жариялайды: "Кирилл Дмитриевтің есімі біздің қолымызда бар айғақтарда айтылмайды. Оның жалған ақпарат науқанына қатысқаны туралы ешқандай дерек жоқ". Міне, бар болғаны осы. Газеттің Ресейдің британдық вакцинаға қарсы бағытталған жалған ақпаратқа қатысы барын көрсететін уәде осымен аяқталады. Одан кейін тек Ресейдегі қылмыстар туралы өзінің үстірт кітаптарымен танымал болған сарапшы Марк Галеоттидің ғана бұл кампанияның артында кейбір "Кремль герцогтары мен барондары" тұруы мүмкін деген пікірі жарияланады. Ал бұл дәлел бола ала ма?

Бұл подкастта сондай-ақ кейбір ресейлік мемлекеттік арналардың екі еріктінің британдық вакцинаны салдыру кезінде қайтыс болғаны туралы жалған хабар дайындағаны, бірақ олардың өлімі мұқият жасырылғаны айтылады. Мұның астарында бұл вакцина адамдарға емес, маймылдарға арналған деген ой жатқаны анық. Кейін олар бірден: "Ресейдің жалған кампаниясы әлі басталған жоқ. Мүмкін ресейлік теледидарлар оның тым асыра сілтеушілік болатынын түсініп отырған шығар" деп мәлімдейді. Яғни, бұдан нені байқауға болады? Мұндай ақпаратты бұған дейін ешкім ешқайда жарияламаған, демек подкаст авторларының Ресейге қарсы жалған ақпаратты қайдан алғаны белгісіз.

Ал шынтуайтына келсек, осы аптада Бразилияда британдық AstraZenecа компаниясының вакцинасын салдырған еріктілердің бірі қайтыс болды. Бірақ оны әлемдік агенттіктер хабарлады. Сондықтан, бұл фактіні "орыстың жалған ақпаратына" жатқызу қиын.

Жалпы, бірде-бір материалда Ресей мемлекетінің, Ресейдің ресми немесе ресми емес тұлғаларының британдық вакцина қарсы кампанияға қатысқандығы туралы дәлел-дәйек жоқ. Алайда британдық вакцинаға қатысты антиресейлік жалған ақпараттардың шығуының және әлемге кеңінен таралуының басы-қасында The Times басылымы тұрғаны анық. 

Бұл басылым үш қарапайым ақпараттық ресурста - екі британдық және бір брюссельдік ресурста осыған ұқсас материлдар жарияланғанына оқырмандарын сендіргісі келеді. Рас, сіз EUReporter веб-сайтынан осы тақырыпқа ұқсас (тек басқаша) келетін бір ғана суретті таба аласыз. Алайда, мұндай коллаждардың негізгі таратушысы бәрібір де The Times болып отырғаны жасырын емес. Тіпті егер де біреу британдық вакцинаның беделін түсіргісі келсе де, бұл жалған ақпартты белгілі басылымға жіберу арқылы ең тиімді әрі арзан әдісті ойлап тапқан. Оны "ресейлік жалған ақпаратттың дәлелі" ретінде ұсынған. Бұлай болған күннің өзінде де The Times британдық вакцинаға қатысты жалған ақпарат таратудың басты құралына айналып отыр.

Қазір біз осы оқиғаға Ресейдің бір азаматының қатысқаны туралы ешқандай дәлел болмаса да, Лондон тарапынан ашулы ресми реакцияны байқап отырмыз. Себебі Ұлыбританияның сыртқы істер министрі Доминик Рааб бұған дейін Мәскеуді Оксфорд вакцинасының беделін түсірді деп айыптады. Егер жағдай осылай жалғаса берсе, санкцияның ауылы алыс емес. The Times газетінің өзі бұл оқиғаға Кремльдің араласуы екіталай деп мәлімдеген күннің өзінде де оның маңызы болмай қалады. Себебі, британдық министрлер тақырыпты ғана көріп, одан әрі не жазылғанын оқымауы да мүмкін.

Осы жерде "бұл Ресейге не үшін қажет?" деген заңды сауал туындайды. Бұл сұраққа газеттің редакциялық бағанында: "барлық вакциналарға деген әлемдік сенім жоғалды" деп жауап береді. Бірақ Ресей үшін вакцинацияға деген сенімді төмендету тиімді емес. 

Ресейдің Ұлыбританиядағы елшілігі "Ресей мемлекеті британдық вакцинаның беделін түсіру үшін кез-келген қарсы үгіт-насихатқа баруы мүмкін" деген ақпаратқа қатысты "бұл жалған ақпараттың көрінісі" деп түсініктеме берді. Алайда бірде-бір әлеуметтік желі британдық баспасөздің бұл "сенсациясын" бұғаттамай отыр, аталған ақпарат қосымша тексерілуі қажет дегенді де ауызға алғысы келмейді. Олардың пайымынша, егер әңгіме ресейліктер туралы болса, онда ақылға сыймайтын кез келген жалған ақпаратты тексермей-ақ жариялай беруге болады.

Осындайда тағы бір логикалық сауал туындайды мұның бәрі британдық бұқаралық ақпарат құралдарына не үшін қажет болып отыр? Шындығында, бұған жауап мақаланың басында берілген. Кем дегенде екі күн бойы қоғам Ұлыбританияда қалыптасқан күрделі жағдайды талқылаудан алшақтауы қажет, бұған сөзсіз, Ресей туралы жалған ақпараттар көмекке келуі тиіс. 

24
Мишустин мен Мамин

Мишустин Маминді құттықтады

0
Тараптар телефон арқылы екі елдің сауда-экономикалық байланысын дамыту мәселесін талқылағаны хабарланды

НҰР-СҰЛТАН, 23 қазан — Sputnik. Жұма күні Қазақстан премьер-министрі Асқар Мамин мен Ресейдің үкімет басшысы Михаил Мишустин телефон арқылы сөйлесті.

"Михаил Мишустин Асқар Маминді 55 жасқа толуымен құттықтады. Денсаулық пен береке мен жаңа жетістіктер тіледі", - деп хабарлады Ресей үкіметінің баспасөз қызметі.

Екі елдің премьерлері сауда-экономикалық байланыс мен Еуразиялық экономикалық одақ аясындағы бірлескен жұмысты талқылады. 

Сондай-ақ, үкімет желісі бойынша алдағы келісімшарттар сөз болды.

Асқар Мамин 1965 жылы Целиноградта дүниеге келді. Целиноград инженерлік-құрылыс институтын, инженер-құрылысшы, экономист мамандығы бойынша Г. В. Плеханов атындағы Ресей экономикалық академиясын тәмамдаған. 2019 жылдың 25 ақпанында Қазақстанның премьер-министрі қызметіне тағайындалды.

0