НҰР-СҰЛТАН, 2 қараша – Sputnik. Дүниежүзілік денсаулық сақтау ұйымының (ДДҰ) бас директоры Тедрос Адханом Гебрейесус COVID-19 инфекциясын жұқтырған науқаспен байланыста болғандықтан өзін оқшаулады, деп хабарлайды Sputnik Қазақстан.
Гебрейесустың айтуынша, оның өзінде симптом белгілері жоқ. Бірақ ДДҰ ережелеріне сәйкес, ол карантин жариялап, үйден жұмыс істеуі тиіс.
"Біз денсаулығымызға қатысты нұсқаулықтарды сақтауымыз қажет. Осылайша, COVID-19 вирусының таралуын тоқтатып, денсаулық жүйесін қорғаймыз", – деді ол.
Сондай-ақ, ол бірнеше сағат бұрын дүние есігін ашқан Мия есімді немересін қолына алып түскен суретін твиттерге жүктеп, өзінің ата болғанын жария етті.
New life is a bright light in dark times. Delighted to welcome baby Mia into the world, my first grandchild (granddaughter). Proud grandfather. Reminded of what matters most. pic.twitter.com/q2ali4EFS6
— Tedros Adhanom Ghebreyesus (@DrTedros) October 31, 2020
Оқи отырыңыз: ДДҰ басшысы бүкіл әлемдегі мектептердің ашылуы туралы ойын айтты
