Бітімгерлер, архивтегі фото

Тоқаев ҰҚШҰ сессиясында қандай мәселе көтерді?

1156
(Жаңартылды 10:06 03.12.2020)
Қазақстан президенті мемлекетаралық дау-жанжал көбейіп, аймақтық және жаһандық қауіпсіздік саласындағы жағдай шиеленісіп келе жатқанын атап өтті

НҰР-СҰЛТАН, 2 желтоқсан – Sputnik. Қазақстан президенті Қасым-Жомарт Тоқаев Ұжымдық қауіпсіздік шарт ұйымы қауіпсіздік кеңесінің сессиясында сөз сөйледі, деп хабарлайды Sputnik Қазақстан тілшісі.

Мемлекет басшысы алдымен Таулы Қарабақта әскери шиеленісті шешу мәселесіне тоқталып, Ресейдің делдалдық қызметіне жоғары баға берді.  

"Біздің бүгінгі кездесуіміз аймақтағы және жалпы әлемдегі қиын процестер кезінде өтіп отыр. Мемлекетаралық дау-жанжал көбейіп, аймақтық және жаһандық қауіпсіздік саласындағы жағдай да шиеленісіп келеді. Осы орайда Ресей президенті Владимир Владимирович Путиннің Таулы Қарабақтағы әскери іс-қимылды тоқтатуды көздейтін делдалдық қызметін ерекше атап өткен жөн", - деді Тоқаев.

Қазақстан президенті Ресейдің қатысуымен рәсімделген келісім ең дұрыс шешім болды деп есептейді.

"Осы құжат аймақтағы ұзақмерзімді бейбітшілікті орнатуға көмектеседі. Бұл шынымен де тарихи келісім", - деп толықтырды Тоқаев онлайн байланыс арқылы өткен сессияда.

Оқи отырыңыз: Қазақстан Таулы Қарабақ қақтығысы жөнінде ресми мәлімдеме жасады 

Президент сондай-ақ COVID-19 пандемиясының әлемдік саясат пен экономикада түбегейлі өзгерістерге себеп болғанын атап өтті. Оған қоса, өзара санкциялар мен шектеулер күшейіп жатыр. Экстремизм, терроризм, есірткі саудасы, киберқауіпсіздік және заңсыз көші-қон мәселелері де бар. Осыған байланысты Ұжымдық қауіпсіздік шарт ұйымының рөлі артты. Бірлесіп жұмыс істеуге мүмкіндік туып отыр.

Бұл ретте мемлекет басшысы Қазақстанда ресейлік вакцинаны шығаратын зауыттың құрылысына да тоқталды. Оны жақын арада іске қосу жоспарланып отыр. Сондай-ақ, президент алдағы сайлау туралы айтты.

"Құрметті әріптестер, Қазақстанда кезекті сайлау процесі басталып кетті. 2021 жылдың 10 қаңтарына төменгі палата депутаттары мен жергілікті өкілдік органдарының сайлауы белгіленді. Сайлау конституциялық мерзімге сай өтеді. Саяси күштерге дайындыққа қажетті уақыт берілді", - деп атап  өтті Тоқаев.

Мемлекет басшысы биыл демократиялық реформалардың іске асырылғанын да тілге тиек етті. Атап айтқанда, заңды тұрғыда парламенттік оппозиция институты бекітілді. Ал партиялық тізімдерге әйелдер мен жастар үшін 30 проценттік квота енгізілді.

"Біз әділ әрі ашық сайлау өткізуді көздейміз. Әріптестеріміздің қолдауына сенеміз. Сіздердің мемлекеттеріңізден, сондай-ақ, ТМД-ның парламенттік ассамблеяларынан және ҰҚШҰ-дан келетін бақылаушыларды күтеміз", - деді ол.  

Бұдан бөлек, президент Ресейдің ҰҚШҰ-дағы төрағалығы кезінде атқарылған жұмыстарға жоғары баға берді.

"Ресейдің төрағалығы біздің жұмысымызды барлық бағытта күшейтті. Ұйымның әлеуеті мен беделі нығая түсті. Осы сәтті пайдаланып, Тәжікстан президенті Эмомали Шәріпұлын алдағы ҰҚШҰ төрағалығымен құттықтаймын және сәттілік тілеймін", - деп атап көрсетті Тоқаев.

Айта кетейік, жиын қорытындысы бойынша ҰҚШҰ-ның тиімділігін одан әрі арттыруға бағытталған бірқатар құжат қабылданады. Соның ішінде ұжымдық қауіпсіздік кеңесінің декларациясы және бірлескен мәлімдеме бар.

1156
Кілт сөздер:
Қасым-Жомарт Тоқаев
Гүл, майшам

Танымал топтың әншісі қайтыс болды

4027
(Жаңартылды 17:40 13.04.2021)
Беларусьтің еңбек сіңірген әртісі, танымал орындаушы Леонид Борткевич 71 жасында дүниеден өтті

НҰР-СҰЛТАН, 13 сәуір - Sputnik. Беларустық ВИА "Песняры" тобының солисі Леонид Борткевич қайтыс болды. Бұл туралы Sputnik Беларусь оның әйеліне сілтеме жасап хабарлайды. Танымал музыкант, Беларусьтің еңбек сіңірген әртісі 71 жаста еді. 

Леонид Борткевич туралы не білеміз

Борткевич 1970-1980, 1999-2003 жылдар аралығында ВИА "Песняры" тобының құрамында болды. Оның орындауындағы "Александрина", "Вероника", "Беловежская пуща", "Березовый сок", "Купалинка" сынды аңызға айналған әндер көпшіліктің есінде.

Леонид Борткевич 1949 жылы Минскіде дүниеге келген. Оның бала кезінен музыкаға деген бейімі болды. Пионерлер сарайының хорында солист болды, гитарада ойнады, музыка мектебін бітірді.

Сәулет техникумында оқып жүрген кезінде ол жергілікті оркестрдің солисі, одан кейін "Алтын алма" ансамблінің құрамында болды.

Ол "Белниигипросельстройда" сәулетші болып жұмыс істеді. 1970 жылы Борткевич Владимир Мулявинмен танысып, ол талантты жас жігітті "Песняры" тобына шақырады.

Мулявиннің бірнеше шығармаларын орындап, танымал топқа қабылданады. Осы кезден Борткевичтің шығармашылық жолы басталды. Леонид ансамбль құрамында Америкаға барады. КСРО "Алтын Дискі" сыйлығының алғашқы иелері "Песняры" тобы болды.

Борткевич топтан бірнеше рет кетті. 1980 жылы Ресей театр өнері институтына оқуға түседі. Оқуға түсуіне байланысты Борткевич топтан кетуге мәжбүр болды.

1983 жылы Беларусь телерадиосының солисі болды. Ол 1989 жылы әйелі көркем гимнастикадан олимпиада чемпионы Ольга Корбут және ұлы Ричардпен бірге Америкаға көшіп, сол жақта он жылдай өмір сүреді.

Леонид Борткевич елге қайта оралғаннан кейін "Песняры" ансамблінде өнер көрсетті. Содан кейін ол бірнеше әріптесімен бірге жеке ансамбль құрды.

Оқи отырыңыз: Жүрегі тоқтап қалған: Ресейдің халық әртісі қайтыс болды

Леонид Борткевич көптеген марапаттың иегері. 1973 жылы бүкілодақтық ән байқауының лауреаты болды, 1979 жылы Беларусьтің еңбек сіңірген әртісі атағын алды. Музыкант бірнеше рет халықаралық фестивальдер мен байқаулардың лауреаты атанды.

Танымал музыкант 25 мамырда 72 жасқа толар еді.

4027
Кілт сөздер:
Беларусь, танымал
Өзен

Із-түзсіз жоғалып кеткен қызды өлтірген жеңгесі болып шықты

6623
Таңертең мектепке кеткен қыз үйге қайтып оралмаған. Қызды өлтірді деген күдікке ағасының әйелі ілінді

НҰР-СҰЛТАН, 13 сәуір — Sputnik. Өзбекстанның су арналарының бірінен жоғалып кеткен оқушы қыздың денесі табылды, деп хабарлайды Sputnik Өзбекстан.

5 сәуірде Наманган облысының тұрғыны Мамадалиев деген азамат аудандық прокуратураға қызының жоғалғаны туралы арызбен жүгінеді. Қызы таңертең мектепке кетіп қайтып оралмаған.

Тергеу амалдары барысында қыз тұрған үй тексерілді. Прокуратура қызметкерлері мектеп оқушысы өлтірілген болуы мүмкін деген болжам жасады. 6 сәуірде Өзбекстан заңнамасына сәйкес қылмыстық іс қозғалды.

Сол күні "Катта Наманган" каналы арқылы өтетін көпірдің жанынан қыздың мәйіті табылды.

Оқи отырыңыз: Құлақ көлінің жағасынан 4 адамның мәйіті табылды

Тергеу барысында 5 сәуір күні сағат 10:30-да қыздың ағасының әйелі оқушыны мектептен алып шыққаннан кейін каналға итеріп жібергені анықталды. 1999 жылы туған күдікті қамауға алынды.

6623
Кілт сөздер:
Өзбекстан, адам өлтіру, қылмыс
Тақырып бойынша
Аяжан Еділованың күдіктімен жолыққан кезі түсірілген видео жарияланды
Айзаданың өлімі: жігіт өлер алдында анасына аудиохабарлама жіберген
Айзаданың өлімі: қыздың анасы қайғылы оқиғаның мән-жайын айтып берді – видео
Таңертең үйіне келген әйел үш немересінің мәйітін тапты
Нұр-Сұлтан

Нұр-Сұлтанда әлеуметтік пәтер саны 2018 жылмен салыстырғанда 9 есе өседі

0
(Жаңартылды 20:00 13.04.2021)
Көлгінов үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырды

НҰР-СҰЛТАН, 13 сәуір – Sputnik. Нұр-Сұлтан әкімі Алтай Көлгінов әлеуметтік пәтерлер саны артқанын, сол сияқты Алматы ауданында бірқатар мектептің құрылысы жүргізіліп жатқанын мәлім етті, деп хабарлады елорда әкімдігінің ресми сайты.

"Елорда аудандарын "Нұр-Сұлтан - жайлы қала" мастер-жоспары аясында дамытып жатырмыз. Аудандар полиорталық қағидатына сай дамуда, яғни қажетті әлеуметтік нысандар жаяу қашықтықта орналасқан", — деп жазды қала әкімі Instagram парақшасында.

Көлгінов бүгін жеңілдікпен берілетін бірқатар қолжетімді тұрғын үй құрылысының барысымен танысты. Әлеуметтік тұрғын үй Алматы ауданында орналасқан. Тұрғын үй кешенінің бірінші қабаттарында оңалту орталықтары, балабақшалар, балаларға арналған үйірмелер және тағы басқа әлеуметтік нысандар ашылады.

Әкімнің айтуынша, Алматы ауданында бірқатар мектептің құрылысы жүргізіліп жатыр. Бұл бір мезгілде жаңа ТК тұрғындарының оқушы орындарына деген қажеттілігін жабуға мүмкіндік береді.

Оқи отырыңыз: "Бақытты отбасы" бағдарламасы бойынша өтінім қабылдау басталды 

"Үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырдым. Сапасыз жұмыс қабылданбайды", - деді ол.

Көлгінов мемлекет басшысының тапсырмасына сәйкес жеңілдікпен берілетін қолжетімді тұрғын үй көлемін ұлғайту бойынша жоспарлы жұмыс жүргізіліп жатқанын атап өттіз. Биыл көрсеткішті 10 мың әлеуметтік пәтерге дейін көтеру жоспарланған. Көрсеткіш 2018 жылмен салыстырғанда 9 есеге артады.

2019 жылы 2900 әлеуметтік пәтер салынып, пайдалануға берілсе, өткен жылы 7 мыңнан астам пәтер салынды.

0