Газ құбыры құрылысы

"Солтүстік ағын 2" жобасының аяқталуына аз қалды

65
Газ құбырының құрлықтағы бөлігінің құрылысы аяқталды. Қазір Германия суларына құбырлар төселуде. Содан кейін бұл жұмыстар Данияда жалғасады

Сарапшылар аталған жобаның қандай жағдай болғанда да аяқталатынын атап өтті. Алайда, оны пайдалануға беру кезінде проблемалар туындауы мүмкін.

Инвестициялық банктермен кездесуде "Газпром" басқарма төрағасының орынбасары, "Газпром Экспорт" компаниясының бас директоры Елена Бурмистрова құбырдың шетелдік құрлықтағы бөлігі толығымен дайын екенін айтты.

11 желтоқсанда Германияның аймақтық суларында бір жылдық үзілістен кейін жұмыс қайта жалғасты. 15 қаңтардан бастап Дания суларына құбырлар төеу басталады. Бурмистрованың айтуынша, теңіз учаскесі құрылысының аяқталу мерзімі бірқатар жағдайларға, атап айтқанда ауа-райына байланысты болады.

"Фортуна" құбыр төсеуші кемеге Ресей теңіз құтқару қызметінің "Мурман" және "Балтық зерттеушісі", басқа да қамсыздандыру кемелері көмектеседі. Теңізде құбыр төсеу сызығының екі жағында да ені 200 метрлік уақытша тыйым аймағы құрылады. Ол аумақта жүзуге, сүңгуге, зәкір лақтыруға немесе балық аулауға болмайды.

Аналитиктер қазір құрылыстың ең қиын кезеңі өтіп жатқанын айтуда. Қыста Балтық теңізінде жойқын дауылдар болады. Сонымен қатар, газ құбырына әлі де АҚШ санкциялары қауіп төндіруде.

Қазан айында жобаға "Еуропаның энергетикалық қауіпсіздігін қорғау туралы" PEESA пакеті таралды. Құбырларды төсеп жатқан кемелерді жаңартуға немесе жабдықтауға қызмет көрсететін, жабдықтар ұсынатын немесе қаржыландыратын компаниялар үшін шектеулер қарастырылды.

Конгресс мақұлдаған санкциялар 2021 жылға арналған қорғаныс бюджетінің түзетулеріне енгізіледі. Соның салдарынан сақтандырушылар құбыр желісінің құрылысы аяқталғаннан кейін шығынды өтеуге тәуекел жасамайды, ал сертификаттау фирмалары Германияға газ жіберу алдында дәнекерленген құбырлардың сенімділігін бағалай алмайды. Сарапшылардың айтуынша, жаңа санкциялардың қаупі әлі толық айқын емес.

"Бір жағынан, Конгресс бұл заң жобасын қабылдады, екінші жағынан, оған Дональд Трамп қол қойған жоқ және Джо Байден оған қол қоятыны екіталай. Себебі, Трамп Ақ үйден кету үшін қам жасауы керек болса, жаңа президентке резиденцияға жайғасып, экономиканы дамыту шараларын қабылдау керек", - дейді тәуелсіз өндірістік сарапшы Леонид Хазанов.

Германияда жағдайға қатысты мәлімдеме жасады. Егер, Ақ үй бұл жоспарларды жүзеге асырса, Бундестаг қарсы шаралар дайындайды. Атап айтқанда, немістердің Экономика министрлігінің ішкі құжатына сәйкес, Меркель үкіметі ЕуроОдақпен келісілген әрекеттерді қарастыруда.

Жобаның серіктестері Ресей кез-келген жағдайда санкцияларды айналып өтіп, құрылысты аяқтайтынын айтып жатыр.

"Құбыр төсеу жұмыстары қайта жалғасады және құбыр желісінің құрылысы толық аяқталады", - деді австриялық OMV AG мұнай компаниясының бас атқарушы директоры Рейнер Селе.

Оксфорд энергетикалық зерттеулер институтының мамандары "Солтүстік ағын – 2" жазға дейін аяқталуы мүмкін, ал келесі қыста газды тасымалдауға арналған сертификаттар алу ықтимал екенін айтуда. Әрі қарай санкциялар құрылысты іске қосу мерзімін ұзартып діберуі мүмкін. Бірақ, Ресей кез-келген кедергіні жеңудің жолын табады. Аналитиктер "жобаны еш кедергі тоқтата алмайтынын америкалықтар түсінуі керек" екенін атап өтті.

Ресейлік сарапшыларда да осындай болжам жасап отыр. "Қазіргі уақытта "Солтүстік ғын – 2" жобасына қарсы санкцияларды "Газпром" шыбын шаққан құрлы көріп отырған жоқ. Бұл Вашингтондағылардың бізге табиғи газ өндіруге тыйым салуымен бірдей. Егер Джо Байден заң жобасына қол қоятын болса, онда "Газпром" мен оның серіктестері бұл істі соңына дейін жеткізеді де, газ айдауға кіріседі. Менің ойымша, құбыр төеу сәуір-мамыр айларында аяқталады", - дейді Леонид Хазанов.

Мамандар атап өткендей, терең су аймақтарындағы құрылысқа қатыстының барлығына тыйым салынған. Сондықтан, "Газпром" тек алға ұмтылуда және райынан қайтпайды. "Фортуна" кемесінің Даниядағы таяз суларда жұмыс істеу-істемеуі немесе оның терең суларға бағыт алуы құрылыс қарқыны мен қажетті кемелер санын анықтайтын болады.

"Газпром" меншік иелерінің тізбегін өзгерту арқылы санкциялардың салдарын барынша азайтуға тырысып жатыр. Жұмысқа қатысатын барлық кемелер иелерін ауыстырды. Сол баяғы "Академик Чарский" бұрын "Газпромфлотқа" тиесілі болса, енді оның егесі – Самара энергетикалық қоры. Мәселе бұл меншікті мейлінше өзінен аулақ етуде", - деп түсіндірді Ресей үкіметі жанындағы Қаржы университетінің сарапшысы, Ұлттық энергетикалық қауіпсіздік қорының жетекші аналитигі Игорь Юшков.

Алайда, оның айтуынша, егер құрылыстың аяқталуына қатысты барлығы түсінікті болса, оны іске қосу кезеңінде қиындықтар туындауы мүмкін. Себебі, АҚШ-тың 2021 жылға арналған қорғаныс бюджетіне енгізілген жаңа санкциялар газ құбырына қызмет көрсету және оны пайдалануға қатысты. Олар қатал болуы әбден мүмкін. Мұнда көп нәрсе еуропалықтардың газды айдауға және пайдалануға рұқсат беру-бермеуіне байланысты болмақ.

65
Камиля Байдильдина

Ресейдің ұлттық саясатына ықпал еткен қазақ қызы сұқбат берді

572
Алматылық студент қыз қалай Ресейдегі маңызды мәдени жобалар ұйымдастырушысы болғаны туралы Sputnik Қазақстанға берген эксклюзивті сұқбаттан оқыңыз

НҰР-СҰЛТАН, 8 наурыз – Sputnik, Данара Құрманова. "Мән-мағына аумағы" жастар білім беру форумы, Ресей күні және "Царицыно" усадьбасындағы фестивальдер. Бұл іс-шаралар Ресейден тыс аумақта да жақсы танымал. Дәл осы іс-шараларды ұйымдастырушылардың бірі – Алматы тумасы Камилә Байділдина. 8 наурыз күні ол Sputnik Қазақстанға берген сұқбатында жетістіктерге қалай қол жеткізгені жайлы бөлісіп, Иосиф Кобзоннан не үйренгенін және ұлттық сана-сезім Мәскеудегі қызметке қалай әсер ететіні туралы айтып берді.

Мәдениет министрі болуды армандады

Камилә Байділдина – "Царицыно" музей-қорығы директорының даму жөніндегі орынбасары. Ол сұқбатты өз кабинетінде берді. Әңгімені үздіксіз соғылған телефон қоңыраулары бөле берді. Ол күні Мәскеуде қалыптан тыс нормада қар жауып, Камилә парк аумағында қар тазалау жұмыстары қалай жүріп жатқанын нақтылап отырды.

"Бала кезде атам секілді заңгер болуды армандадым. Алматыдан кетемін деген ойым болған емес", - дейді Камилә.

Жас кезде заң саласындағы армандар Қазақстанның мәдениет министрі болуды көздейтін ауқымды жоспарға ұласқан. Осы мақсатқа қол жеткізу үшін бойжеткен Жүргенов атындағы Қазақ ұлттық өнер академиясын театртанушы мамандығы бойынша тәмамдап, Алматыдағы неміс драма театрына жұмысқа орналасады.

Камиля Байдильдина
© Photo : из личного архива
Камилә Байділдина – "Царицыно" музей-қорығы директорының даму жөніндегі орынбасары

"Бұл Неміс театрының дәурені жүріп тұрған шақ еді. Ол көзде жалын бар, толассыз идеялары асып-тасып жатқан, оқып-үйренуге деген ынтасы зор жастар жұмысқа келді, - деп еске алды Камилә. Германиядағы серіктестермен жұмыс бабымен сөйлесу үшін неміс тілін үйрену керек болды. Біліктілікті арттыру аясында маған Мюнхен қаласына үш айға барып келу туралы ұсыныс түсті. Дәл осы кезде Мәскеуге бару мүмкіндігі де пайда болды. Мен магистратурада оқуды жалғастыруға өтініш жолдаған болатынмын. Ұзақ ойланып, ақырында Мюнхенге жол тарттым. Себебі, Германия мен үшін ең алғашқы шекарадан тыс шет мемлекет болды. Ал Мәскеуге әлі-ақ барамын деп ойладым".

Мәскеуге жеткізер жол

Расымен де Камилә ойлағаннан да аз уақыт ішінде Ресей астанасына жол түсті.

"Мюнхенге барып келгеннен кейін жақын құрбымның ұсынысы бойынша Мәдениет, спорт және жастар саясаты министрлігіне қызметке тұрдым, - деп бөлісті ол. – Бір жылға жуық мәдени ойын-сауық бағдарламалар бөліміне жетекшілік еттім. Осы уақытта маған Ресейдің халық шаруашылығы және мемлекеттік қызмет академиясының Жоғарғы әлеуметтік-экономикалық ғылымдар мектебіндегіі магистратурадан хабарласты".

Камиләның өтініші қайта қарастырылып, Мәскеудегі оқу күтіп тұрғаны туралы хабарлаған. Бойжеткен бұл жолы мүмкіндікті қалт жібермеуге бел байлайды.

"Менің жетекшім "Сен елге қайтпайсың!" деді бірден. Ал мен қайта оралатыныма сенімді болғаным соншалық, екеуміз бір жәшік коньякқа бәстестік", - деп күлді ол.

Әрине, Камилә бұл бәстен жеңіліп қалды.

Камиля Байдильдина
© Photo : из личного архива
Болашақ жарымен әуежайда танысты

"Магистратурада оқып жүрген кезде-ақ мен Ресей ұлттық оркестрінде жұмыс істеп жүрдім. Кейін "Домодедово" әуежайында болашақ жарыммен таныстым, - деп әңгіміледі ол. – Роман да мен секілді Алматыдағы отбасына бара жатыр екен. Ол екеуміз бала кезде қаладағы бір ауданда тұрған екебіз. Сондай-ақ, ол менің туыс әпкемнің сыныптасы болып шықты!"

Дәл осы кездесу Камиләның Мәскеуде қалуына ықпал еткен.

"Өзіңіз байқағаныңыздай, барлығы еш кедергісіз орындала кетті, - деййді ол. – Мен өз елінде беделді болғанмен, Мәскеуге келген соң барлығын басынан бастаған талай адамды білемін. Ал қазір маған адамдар Мәскеуге алдына нақты мақсат қойып келетін секілді. Себебі, Ресейде білім алып жатқан жастар өте көп. Біз жетістіктер жайлы оқиғаларды өте жиі еститін боламыз деп ойлаймын".

Ресейдегі ұлттық саясатқа қосқан үлесі мен Абай әні

2013 жылы Кәмиләні Мәскеудегі мәдениет департаментіндегі басқармалардың біріне басшы қызметіне шақырады. Екі жылдан кейін Федералдық ұлттар ісі жөніндегі агенттіктен ұсыныс түседі

"Ол кезде агенттік жаңадан құрылып жатты. Біз барлығын басынан бастап, іс-шаралардың жаңа форматтарын ойластырдық, - дейді Камиля. – Олардың қатарында Артектегі "Көпұлтты Ресей" ауысымы, "Мән-мағыналар аумағы" жастар форумындағы бағдарлама және тағы басқа көптеген тамаша жобалар бар".

Камиля Байдильдина
© Photo : из личного архива
"Айттым сәлем, Қаламқас" әні орындалған кезде көзіме жас алдым"

Алайда, Камилә халық шаруашылығы жетістіктерінің көрмесінде Ресей күнін атап өтуді осылардың ішіндегі ең маңыздысы деп санайды.

"Біз Ресейдегі әрбір ұлт өз үлесін қосу арқылы Ресейді айрықша мемлекет етіп отырғанын көрсеткіміз келді, - деп түсіндірді ол. – Түрлі ұлтқа жататын танымал жұлдыздарды ұлттық киімде суретке түсуге шақырдық. Бұл фотосуреттер кейіннен  ВДНХ бас аллеясында тізіліп тұрды. Жобаға Анита Цой, Камиль Ларин секілді көптеген танымал әртістер қатысты. Ал қазақтардың атынан концертте  "Айттым сәлем, Қаламқас" әні айтылды. Максим Пастер осы әнді орындаған кезде көзіме жас алдым. Себебі, ВДНХ бүкіл аумағында қазақ әні шырқалып жатқан еді".

"Мәскеуді жақсы көремін, тегімді ұмытпаймын"

2017 жылы Камиля Байдильдиноваға қызметін ауыстырып, "Царицыно" музей-қорығының командасына қосылу туралы ұсыныс түскен.

"Мені бас директор Елизавета Фокина шақырып алды. Біз бұл адаммен көп жобаларды бірлесіп жүзеге асырдық, - дейді Камилә. – Мен музей-қорықтың дамуына жауап беремін. Оның ішінде сауда-саттық, іс-шаралар, кәдесый бұйымдарының өндірісі және жаңа тамақтану мәдениетін қалыптастыру бар. Бұған дейін мұнда дәмханалар болған емес. Сондықтан адамдар үнемі "Қайда тамақтансақ болады?" деген сұрақ қоятын".

Камиләның айтуынша, бірақ, "Царицыноны" сауда алаңына айналдырмау керек болды. "Бұл қолымыздан келді: біз саябақ пен музей қызметін үйлестіре қатар алып келе жатырмыз, - дейді ол. – Мысалы, имидждік іс-шаралар өткіземіз. Яғни, open-air форматындағы классикалық музыка концерттері, тарихи бақтар фестивалі мен гобелендер көрмесі. Бұл суретті кілемдердің кейбірі инсталляция түрінде саябақта қойылған. Гобелендер авторларының ішінде қазақстандықтар да бар".

Камиля Байдильдина
© Photo : из личного архива
"Балам да қазақи сана-сезіммен өсіп келеді"

Бұл жобалардың әрқайсысының артында үлкен еңбек жатыр. Бірақ, Камиләның оған еті үйренген.

"Менің анам – музыкант, ал әкем – спортшы. Сондықтан мен музыка мектебіне де бардым, спортпен де айналыстым, бос уақытым болған емес. Музейде болған бір қызық оқиғамен бөлісейін, - деді сұқбат беруші. – Бірнеше жыл бұрын біз Иосиф Кобзонды жұбайымен бірге "Царицыно" музейіне шақырдық. Оларды үлгілі ерлі-зайыпты ретінде марапаттап, артынша Иосиф Давыдович ән орындауы керек болды. Салтанатты шара өтіп жатыр. Ал ол қаққан қазықтай тік тұрды да қойды. Мен: "Неге отырмайсыз?" деп сұрадым. Ал ол болса: "Отыра алмаймын. Себебі, концертке арналған шалбарымды кидім. Сахнаға шығатындықтан, оны мыжып алмауым керек", деді.

Камилә үшін бұл принцип тұлғалық өлшемге айналды. "Әрдайым өзіңді биік ұстауың керек, - деп бөлісті ол. – Мен өз жұмысымды жақсы көремін. Осы жылдар ішінде қандай да бір кемсітушілік, қысым көрген емеспін. Керісінше, маған деген қызығушылық жоғары болды. Мен үшін бұл үлкен жауапкершілік. Осы елде өз ұлтымның атынан еңбек етіп жүргенім ойымнан еш шықпайды. Балам да қазақи сана-сезіммен өсіп келеді. Ол кішкентай кезінде әкесі екеумізді де қазақ деп ойлапты. Себебі, біздің дастарұанда бесбармақ пен манты жиі пайда болады, біз Наурызды тойлаймыз. Жалпы, шығыс халқына тән мінез ешқайда жоғалмайды екен".

572
Кілт сөздер:
сұхбат, саясат, Ресей, қазақ қызы
Тақырып бойынша
Джо Байденмен жұмыс істейді: қазақ қызы АҚШ-та жаңа қызметке кірісті
"Қазақша сөйлемеймін": Францияда мэрдің орынбасары болған қазақ қызы сұхбат берді
Қазақ бизнесмен мен украиналық тележүргізушінің тойы қалай өтті – видео
Әлемге танымал қазақ қызы басшылық қызметке тағайындалды
Жойғыш ұшақты басқаратын қазақ қызы жайлы не білеміз
Тікұшақ, архивтегі сурет

Миллиардер мінген тікұшақ апатқа ұшырады

4333
(Жаңартылды 12:31 08.03.2021)
Республикалық партияның өкілі Францияның солтүстігінде апатқа ұшырады. Оның әкесі де белгілі саясаткер болған

АЛМАТЫ, 8 наурыз – Sputnik. Француз депутаты, миллиардер Оливье Дассо мінген тікұшақ Нормандияда (Францияның солтүстігі) құлады, деп хабарлады Europe 1 радиостанциясы.

Апат Тук коммунасы ауданында болды, миллиардермен бірге ұшқыш та қаза тапты. Қайғылы жағдайға байланысты Франция президенті Эммануэль Макрон Twitter-де көңіл айтты.

"Оливье Дассо Францияны жақсы көрді. Ірі кәсіпкер, депутат, әскери-әуе күштерінің қолбасшысы болды. Ол өмір бойы біздің елге қызмет етті", - деп жазды Макрон.

Республикалық партияның өкілі 69 жасында қайтыс болды. Оның әкесі Серж Дассо да миллиардер, танымал бизнесмен және саясаткер болған.

4333
Кілт сөздер:
апат, тікұшақ, Франция
Тақырып бойынша
Қазақстанның ең бай адамдарының бірі қайтыс болды
Қазақстан туралы сұраққа жауап берген үнді жігіті миллионер атанды
Полицияға көмектескен қазақстандық бір күнде миллионер болып шыға келді
Қазақстанның ең бай адамдарының біріне сот үкімі шықты
Илон Маск әлемдегі ең бай адам атанды
Үйдің кіреберісі

Ақтауда үйдің кіреберісінде болған жағдай видеоға түсіп қалды

1187
Видеода оның шығатын жер іздеп, қабырғаға өрмелегені көрінеді. Ролик авторлары жыртқыш аңды далаға шығарып жіберді

НҰР-СҰЛТАН, 8 наурыз — Sputnik. Ақтаудағы тұрғын үйдің кіреберісіне түлкі кіріп кетті. Оқиға 34-ші шағын аудандағы "Сандықтас" тұрғын үй кешенінде болды, деп хабарлайды "Лада" басылымы.

Түлкінің бұл жерге қалай жеткені белгісіз.

Видеода оның шығатын жер іздеп, қабырғаға өрмелегені көрінеді. Ролик авторлары жыртқыш аңды далаға шығарып жіберді. 

"Тұрғындар түлкіні пәтерде ұстады деп ойламаймын. Бұл ең шеттегі үй, дала суық болғандықтан, түлкі даладан қашып келді деп ойлаймын", - деді "Эко Маңғыстау" үкіметтік емес ұйымының жетекшісі Кирилл Осин.

Бұған дейін әлеуметтік желіде Қарағандыда көліктің ішіндегі арыстанның суреті жарияланған болатын. Ол жергілікті хайуанаттар бағынан екені анықталды. Алайда жеңіл көлікпен тасымалдауға рұқсат болмаған. Полиция тексеріс жүргізеді.

1187
Кілт сөздер:
видео, Ақтау
Тақырып бойынша
Арыстан өзін сипамақ болған туристің қолын тістеп жұлып ала жаздады – қорқынышты видео
Арыстан әйнектің арғы жағында отырған балаға тап берді – қорқынышты видео
"Ататын мылтық жоқ": Атырау облысында қасқыр қаптап кетті
Шығыс Қазақстанда ауыл тұрғындарына қасқыр шапты
"Қасқыр ұстайтын бүркіт те бар": 14 жасар құсбегі ата кәсібі жайлы айтып берді