Латвия

Ресей СІМ Латвиядағы Sputnik тілшілерін қудалауға қатысты пікір білдірді

25
Ресей СІМ журналистерді қылмыстық қудалауды демократиялық қоғам негіздерін елемеудің сорақы мысалы деп атады

НҰР-СҰЛТАН, 13 қаңтар – Sputnik. Ресей Федерациясының сыртқы істер министрлігі Sputnik және Baltnews басылымдарында жұмыс істейтін журналистерді қудалау фактісіне қатысты алаңдаушылық білдірді.

Орыс тілді латвиялық журналистерге, соның ішінде, Baltnews және Sputnik Латвиямен әріптестік орнатқан тілшілерге желтоқсан айының басында Еуроодақ санкциялары режимін бұзу туралы айып тағылды. Оларға айыппұл салу немесе абақтыға жабу түріндегі жазалар қолданылуы мүмкін. Латвияның мемлекеттік қауіпсіздік қызметі аталған ақпараттық порталдардың жеті қызметкерін ұстап, олардың пәтерлерінде тінту жүргізді. Сондай-ақ, қаңтар айында Латвия билігі республика аумағында "Россия-РТР" телеарнасының жұмысын шектеуді көздеп отыр.

"Бұл агрессивті әрекеттерді демократиялық қоғам, БАҚ пен пікір білдіру еркіндігінің негіздерін елемеу деп бағалаймыз", - деді СІМ-де.

Сыртқы істер министрлігі, сондай-ақ, Балтық маңы елдеріндегі журналистердің құқықтарының бұзылуы алаңдаушылық тудырып отырғанын атап өтті. Ведомстводағылар 2019 жылы Литвадағы парламент мүшелері Sputnik Литва сайтына қолжетімділікті алып тастауға шақырғанын, ал ақпарат агенттігінің бас редакторы Марат Касемді ұстап, елден бес жылға қудаланғанын еске түсірді. Қылмыстық қудалау қаупінен секемденген "Sputnik Эстония" қызметкерлері 2020 жылдың 1 қаңтарынан бастап жұмысын тоқтатты. Латвиядағы жағдай да онша жақсы емес: RT тобының жеті арнасының трансляциясы тоқтатылды, "Бірінші Балтық арнасы" жабылды.

2020 жылдың 24 желтоқсанында РФ Мемлекеттік Думасының депутаттары Еуропа мемлекеттерінің парламенттеріне Латвияның сөз бостандығын құрметтеу жөніндегі халықаралық міндеттемелерін өрескел бұзуын айыптауға байланысты үндеу жасады. Сондай-ақ, ресейліктер бұқаралық ақпарат құралдарының еркін жұміс істеуіне қолдау білдіруге, саяси күрес пен ақпараттық қарсы тұру құралы ретінде күш мен цензураны қолдануға қарсы шығуға шақырды.

Сол кезде Ресей СІМ Мәскеу латвиялық БАҚ-қа қарсы жауапты әрекеттерді қарастыруға мәжбүр екенін мәлімдеді.

"Халықаралық алаңдарда осы проблемалық мәселелерді көтеруді жалғастыра береміз. Нағыз демократия мен сөз бостандығының ұстанымдары қайта жанданатынына үміт үзбейміз", - деді РФ СІМ.

 

 

25
Владимир Путин, архивтегі сурет

Жаңа лауазымдағы алғашқы әңгіме: Путин Байденмен телефон арқылы сөйлесті

4
(Жаңартылды 09:06 27.01.2021)
Владимир Путин Ресей мен АҚШ арасындағы қатынастарды қалыпқа келтіру екі елдің мүддесіне сай келеді деп санайды

НҰР-СҰЛТАН, 27 қаңтар – Sputnik. Ресей президенті Владимир Путин жуырда ғана АҚШ президенті қызметіне кіріскен Джо Байденмен алғаш рет телефон арқылы сөйлесті.

Кремльдің баспасөз қызметінің хабарлауынша, Ресей басшысы әріптесін жаңа лауазымдық қызметінің басталуымен құттықтады.

Путин Ресей мен АҚШ арасындағы қатынастарды қалыпқа келтіру екі елдің мүддесіне сай келетінін, халықаралық қоғамдастық пен әлемдегі қауіпсіздітің әрі тұрақтылықтың сақталуында жауапкершілігі зор екенін атап өтті.

"Сондай-ақ, Ресей мен АҚШ көшбасшысы СНВ-3 келісімін ұзарту бойынша дипломатиялық ноталар алмасқанына "қанағаттанатындығын" білдірді", – делінген хабарламада.

Путин мен Байден қазіргі кездегі екіжақты және халықаралық мәселелерді талқылап, коронавирусқа қарсы күресте және басқа салаларда ынтымақтастық мүмкіндіктері туралы пікір алмасты.

"Халықаралық тақырыптар арасында АҚШ-тың "Ашық аспан" келісімінен біржақты шығуы, Иранның ядролық бағдарламасы бойынша бірлескен іс-қимыл жоспарын сақтау проблемасы, Украинаның ішкі реттелуі, сондай-ақ Ресейдің БҰҰ Қауіпсіздік Кеңесі тұрақты мүшелерінің саммитін өткізу туралы бастамасы сынды мәселелер қозғалды", – деп атап өткен Кремль.

Тараптар арасындағы жалпы әңгіме іскерлік бағытта және ашық өрбіген.

Оқи отырыңыз: Путин зәулім сарай туралы сұраққа жауап берді

Бұған дейін Путин АҚШ президенті Джо Байденді тәжірибелі саясаткер деп атаған болатын.

"Ол өте тәжірибелі адам және өмір бойы саясатта болған. "Патшаны оның нөкерлері жасайды" деген қағидаға сүйенсек, ендігі мәселе оның маңайында қандай команда қалай құрылуына байланысты", – деді Путин Байденмен қарым-қатынасына қатысты сауалға жауап беру барысында.

Айта кетейік, 2021 жылы 20 қаңтарда Джо Байден ант беріп, АҚШ президенті қызметіне кірісті.

4
Кілт сөздер:
АҚШ, Владимир Путин
Тақырып бойынша
АҚШ-ты ДДҰ-ға қайта қосты. Байден тағы қандай шешім қабылдады – видео
Өзім үшін әлі шешім қабылдамадым – Путин 2024 жылғы сайлауға қатысу туралы  
Джо Байден Америка экономикасын құрдымға кетіре ме?
Путин, Әлиев және Пашинян Қарабақ туралы бірлескен мәлімдемеге қол қойды
Тоқаев пен Путин телефон арқылы сөйлесті
БАҚ өкілдері, архивтегі фото

Ресейлік журналистер Латвиядағы орыс тілді БАҚ-ты қудалауға наразылық білдірді

23
Бутина кісен салынған қолымен "Қатаң режимдегі сөз бостандығының абақтысы" деген жазу жазылған плакат алып шықты. Вышинский де журналистерді қудалуды тоқтатуды талап етіп отыр

НҰР-СҰЛТАН, 26 қаңтар – Sputnik. Адам құқықтары жөніндегі кеңес мүшесі, "Россия сегодня" медиа тобының атқарушы директоры Кирилл Вышинский мен Америка түрмесінен босап шыққан Ресей азаматы, қоғамдық палата мүшесі Мария Бутина Латвия мен Балтық маңы елдеріндегі ресейлік БАҚ-қа қарсы қудалау әрекеттеріне наразылық белгісі ретінде Латвияның Мәскеудегі елшілігі жанында жалғыз адамдық пикетке шықты, деп хабарлады РИА Новости.

Бутина кісен салынған қолымен "Қатаң режимдегі сөз бостандығының абақтысы" деген жазу жазылған плакат алып шықты. Вышинский де журналистерді қудалуды тоқтатуды талап етіп отыр.

"Өкінішке қарай, қолыма тағы да кісен салуыма тура келді. Мен мұны жасағым келмеді. Бірақ, басқа амал жоқ. Бұл ресейлік БАҚ-пен серіктестік орнатқаны үшін қудалауға тап болған Латвиядағы өз отандастарымызға, әріптестерімізге ниеттестігіміздің белгісі", - дейді Бутина

Қоғам белсендісі Латвиядағы жағдайды сөз бостандығы мен адам құқықтарын таптау деп бағалады.  

"Латвияда журналистердің ғана емес, біздің отандастарымыздың да құқықтары тапталып жатыр. Журналистің басты ережесі – оның ішкі ой-нанымына сәйкес келетін редакцияны таңдау мүмкіндігін аяқ асты етіп жатыр. Латвияда биліктің еуропалық санкциялар ұғымын өз қалауларынша қолдануын біз ғана, ресейлік СІМ ғана емес, біздің елді аса ұнатпайтын "Репортеры без границ" ұйымы да анықтап отыр", - деді Вышинский.

Желтоқсанда орыс тілді латвиялық журналистерге, соның ішінде, Baltnews және Sputnik.Латвия порталдарымен серіктестік орнатқан тілшілерге Латвияның Қылмыстьық заңының 84-бабы – "Еуроодақ санкциялары режимін бұзу" бойынша айып тақты. Жаза түрі ақшалай айыппұлдан бастап түрмеге жабуға дейін болуы мүмкін. Журналистердің пәтерінде тінту жүргізіп, ешқайда шықпау туралы қолхат алды. Baltnews және Sputnik.Латвия порталдары "Россия сегодня" халықаралық ақпарат агенттігімен байланыс орнатқан.

Ресей СІМ Латвиядағы Sputnik тілшілерін қудалауға қатысты пікір білдірді

Ресейлік СІМ орыс тілді журналистерге қатысты Латвия билігінің әрекетін демократиялық қоғамның негіздері болып табылатын сөз бостандығы мен пікір білдіру еркіндігін елемеудің айқын мысалы деп атады. Ресей Федерациясының дипломатиялық ведомствосында санкциялар тек "Россия сегодня" ХАА бас директоры Дмитрий Киселевқа қатысты екенін және медиахолдингпен ынтымақтастық орнатқанның барлығына қатысты емес екенін айтты. "Россия сегодня" ХАА бас редакторы және RT маман Маргарита Симоньян орыс тілді журналистерге қарсы қылмыстық іске байланысты Ресей жауап беретініне сенім білдірді.

23